ᐅᓇ ᐅᖃᐅᓯᒃᓴᑦ ᐃᖅᑲᓇᐃᔭᖅᑎᓄᑦ ᑕᒪᐅᖓᒥᐊᖅᑎᑦᑎᑦᑕᐃᓕᓂᕐᒧᑦ ᑐᑭᓯᒋᐊᖅᑎᑦᑎᓯᒪᔪᖅ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑲᑎᕐᓱᐃᖃᑦᑕᕐᓂᖏᓐᓂᒃ ᑮᓇᐅᔭᖅᑖᕋᓱᒃᑑᑉ ᒥᒃᓵᓄᑦ.
ᐱᓇᓱᐊᒐᖃᖅᐳᒍᑦ ᓴᐳᔾᔨᓯᒪᓂᕐᒥᒃ ᐃᓕᖕᓅᖓᔪᓂᒃ ᐊᒻᒪᓗ ᑕᒪᐅᖓᒥᐊᕆᐊᖃᙱᓐᓂᖏᓐᓂᒃ ᐃᓕᖕᓅᖓᔪᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑲᑐᕐᓱᐃᕙᒃᑐᑦ ᐃᓕᖕᓅᖓᔪᓂᒃ ᐱᓕᕆᐊᖃᓂᐊᕐᓂᕐᒧᑦ ᐊᒻᒪ ᐊᑐᖅᑎᑦᑎᓂᕐᒥᒃ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖅ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᐊᒻᒪᓗ ᐱᔪᓐᓇᕐᓂᒃᑯᑦ ᐅᑯᓂᖓ ᐱᔪᓐᓇᕐᓂᕐᒥᒃ ᑐᓴᖅᑕᐅᔪᓐᓇᖅᑐᓂᒃ ᓴᐳᔾᔨᓯᒪᓂᕐᒧᓪᓗ ᑐᓴᐅᒪᔭᐅᔭᕆᐊᖃᙱᑦᑐᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ.
ᐃᖃᓗᐃᑦ, ᓄᓇᕗᑦ (ᒪᐃ 8, 2020) – ᒪᐃ 1, 2020-ᒥᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏ ᑕᓪᓕᒪᓂᒃ ᐸᓯᔭᒃᓴᙳᖅᑎᑦᑎᓚᐅᕐᒪᑕ ᓄᓇᕗᒥᑦ ᒪᓕᒐᓕᕆᔨᒃᑯᑦ ᐃᖃᖅᑐᐃᕕᖕᒧᑦ ᒪᓕᒃᖢᑎᒃ ᓄᓇᕗᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ.
ᕼᐋᒻᒪᓚᒃᑯᑦ ᕿᑭᖅᑕᖅᔪᐊᕐᒥᓐ ᐸᓯᔭᒃᓴᙳᖅᑎᑕᐅᔪᑦ ᖃᔅᓯᒐᓴᕈᓘᔭᕐᓄᑦ ᓱᕋᐃᔾᔪᑎᓂᒃ ᐅᕙᓃᑦᑐᓂᒃ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᕐᓂᒃ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪ ᐊᑕᓇᔾᔭᐃᖅᓯᒪᓂᕐᒧᑦ ᐱᖁᔭᓂᒃ (ᓄᓇᕗᑦ), ᐃᓚᖃᖅᖢᑎᒃ:
ᔭᓗᓇᐃ, ᓄᓇᑦᓯᐊᖅ (ᐊᐃᕐᕆᓕ 27, 2020) – ᖃᐅᒃᐸᓐ ᐊᐃᕐᕆᓕ 28-ᒥ, ᐅᑭᐅᕐᑕᖅᑐᕐᒥ ᑲᑐᔾᔨᖃᑎᒌᑦ ᐃᖅᑲᓇᐃᔭᕐᓂᕐᒧᑦ (NTFL) ᐊᒻᒪᓗ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐆᒧᖓ ᑲᓇᑕᒥ ᐅᓪᓗᖓ ᕿᔅᓵᖕᓂᕐᒧᑦ ᓄᖃᖓᑲᐃᓐᓇᕐᓂᐊᕐᒪᑕ 1 ᒥᓂᑦᒥ 12:00-ᒥ ᐅᓪᓗᒃᑯᑦ.
ᑖᓐᓇ ᓇᓗᓇᐃᕐᑕᐅᓯᒪᕙᒃᖢᓂ ᑲᓇᑕᓕᒫᒥᑦ, ᐅᓪᓗᖅ ᑐᕌᖓᑎᑕᐅᔪᖅ ᐃᖅᑲᐅᒪᓂᕐᒥ ᐃᓅᓯᖃᕈᓐᓃᕐᓯᒪᔪᓂᒃ, ᐋᓐᓂᕐᔪᐊᕐᓂᑯᐃᓪᓘᓐᓃᑦ ᐅᕝᕙᓘᓐᓃᑦ ᐋᓐᓂᐊᓕᕐᓂᑯᐃᑦ ᐃᖅᑲᓇᐃᔭᕐᕕᖏᓐᓂ.
“ᐊᐃᕐᕆᓕ 28-ᒥ, ᑲᓇᑕᒥ ᐅᓪᓗᖓᓂ ᕿᔅᓵᖕᓂᕐᒧᑦ, ᓄᑖᙳᕆᐊᖅᑎᑦᑎᕗᒍᑦ ᐱᓇᓱᐊᒐᑦᑎᓐᓂᒃ ᐃᖅᑲᓇᐃᔭᖅᑎᓂᒃ ᓴᐳᔾᔨᓯᒪᓂᕐᒥ ᐊᒻᒪᓗ ᐱᓕᕆᖃᑎᒌᒡᓗᑕ ᐱᕐᕈᓗᐊᕿᑎᑦᑎᑦᑕᐃᓕᓂᕐᒥᓐ,” ᐅᖃᖅᑐᖅ ᔪᐊᔾ ᕼᐃᒃᔅ, ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ ᓄᓇᕗᒥᑦ.
ᔭᓗᓇᐃ, ᓄᓇᑦᓯᐊᖅ (ᐊᐃᕐᕆᓕ 8, 2020) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ ᑐᓴᒐᒃᓴᓕᐅᕐᖃᐅᔪᑦ ᐃᑲᔫᑎᒃᓴᐅᓂᐊᖅᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ ᓇᖕᒥᓂᖅ ᐊᑭᓕᐅᑎᒃᓴᖃᕈᓐᓃᕐᓯᒪᔪᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᑭᓕᐅᑎᐅᔭᕆᐊᓕᖕᓂᒃ ᐱᔾᔪᑎᖃᖅᖢᑎᒃ ᓄᕙᒡᔪᐊᕐᓇᖅ-19.
ᐱᒋᐊᕐᓗᓂ ᐊᐃᕐᕆᓕ 1, 2020, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᖅᑲᖅᑎᑦᑎᓚᐅᕐᒪᑕ ᑭᖑᕙᕐᓯᒪᔪᓂᒃ ᐊᑭᓕᐅᑎᐅᔭᕆᐊᓖᑦ ᕿᑐᕐᖏᐅᕈᑎᖏᓐᓄᑦ ᐊᑭᓕᐅᑎᒃᓴᓂᒃ ᐊᒻᒪᓗ ᐅᖓᕙᕆᐊᖅᑕᐅᓪᓗᓂ ᐊᑭᓕᐅᑎᒃᓴᓂᒃ ᐊᑭᓖᓯᒪᔭᕆᐊᖃᕐᕕᒃ ᐅᕗᖓ ᐋᒡᒌᓯ 1, 2020.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᒪᑐᔪᐃ ᐅᐸᒃᐸᒃᑐᓄᑦ ᐱᒋᐊᖅᖢᓂ ᒫᑦᓯ 19, 2020 ᑖᒃᑯᐊᓗ ᒪᑐᓯᐊᓂᐊᖅᖢᑎᒃ ᐊᒻᒪᓗ ᖃᐅᔨᑎᑕᐅᓛᖅᖢᓯ ᐊᒻᒪ ᐃᖅᑲᓇᐃᔭᖅᑎᒋᔭᕗᑦ ᐊᒥᓱᑦ ᐊᖏᕐᕋᖏᓐᓂᒃ ᐃᖅᑲᓇᐃᔭᖅᑐᑦ ᐊᐃᑦᑐᕐᓗᖕᓇᖅᑐᒦᑦᑕᐃᓕᓂᕐᒧᑦ ᐆᒧᖓ ᓄᕙᒡᔪᐊᕐᓇᖅ-19-ᒧᑦ.
ᑲᔪᓯᓂᐊᕐᑐᒍᑦ ᐱᔨᑦᑎᕋᐅᑎᓕᕆᓂᓪᓚᕆᖕᓂᒃ ᐃᖅᑲᓇᐃᔭᖅᑎᓄᑦ ᐊᒻᒪ ᐃᖅᑲᓇᐃᔭᖅᑎᑦᑎᔪᓄᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥ. ᑭᓯᐊᓂᓕ ᓂᕆᐅᓇᕐᖢᓂ ᑭᖑᕙᑲᑕᒐᔭᖅᑐᓂᒃ ᒫᓐᓇᐅᔪᖅ. ᒪᒥᐊᓇᖅ ᓈᒻᒪᙱᓕᐅᕈᑎᖃᕈᔅᓯ ᐊᒻᒪ ᖁᔭᓐᓇᒦᑦ ᐅᑕᕿᑐᐃᓐᓇᕈᓐᓇᕋᔅᓯ.
ᐃᖅᑲᓇᐃᔭᖅᑎᕗᑦ ᐊᒻᒪ ᖃᐃᖃᑦᑕᖅᑐᑦ ᖃᓄᐃᑎᑦᑕᐃᓕᒪᓂᖏᓐᓂᒃ ᓯᕗᓪᓕᐅᑎᓯᒪᒐᑦᑎᒍᑦ. ᑕᐃᒪᓕ ᐱᔨᑦᑎᕋᖃᑦᑕᖅᑕᕗᑦ ᖃᐅᔨᓇᓱᒍᓐᓇᖅᑐᑦ ᐅᖄᓚᐅᑎᒃᑯᑦ, ᖃᕋᓴᐅᔭᒃᑯᑦ ᑎᑎᕋᕐᓗᑎᒃ ᐅᕝᕙᓘᓐᓃᑦ ᐊᑐᕐᓗᓯ ᖃᕋᓴᐅᔭᒃᑯᑦ ᐱᔨᑦᑎᕋᐅᑎᑦᑎᓐᓂᑦ ᐅᕙᓂ WSCC Connect.
ᐊᐃᕐᕆᓕ 1 ᐃᓱᖃᕐᕕᒃ ᐊᓯᙳᖅᑕᐅᔪᖅ ᒪᐃ 1, 2020-ᒧᑦ.
ᖃᐅᔨᒪᒐᑦᑕ ᐃᖅᑲᓇᐃᔭᖅᑎᑦᑎᔨᐅᔪᑦ ᐊᓯᖏᓐᓂᒃ ᐱᔭᒃᓴᖃᕈᓘᔭᕐᓂᖏᓐᓂᒃ ᖁᐊᕐᓵᕐᓇᕐᓂᖓ ᓄᕙᒡᔪᐊᕐᓇᖅ-19 (COVID-19) ᐱᔾᔪᑎᒋᓪᓗᒍ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ ᐃᓱᒪᓕᐅᕆᖅᑲᐅᖕᒪᑕ ᐅᖓᕙᕆᐊᖅᑎᑦᑎᔪᒪᓪᓗᑎᒃ ᐃᖅᑲᓇᐃᔭᖅᑎᑦ ᖃᐅᔨᓴᕈᑎᓄᑦ ᐊᑭᓕᐅᑎᑦ ᐊᑭᓕᖅᑕᐅᓯᒪᔭᕆᐊᖃᓚᐅᕐᑐᓂᒃ ᐊᐃᕐᕆᓕ 1-ᒥᑦ. ᓄᑖᖅ ᐊᑭᓕᕐᕕᒃᓴᐅᑎᑕᐅᓕᖅᑐᖅ ᑖᒃᑯᓄᖓ ᐅᓇ ᒪᐃ 1, 2020.
ᒫᓐᓇᐅᔪᕐᓕ, ᑕᒪᕐᒥᒃ ᐊᑭᓕᐅᑎᒃᓴᑦ ᐊᑭᓕᖅᑕᐅᔭᕆᐊᖃᕐᓂᐊᖅᑐᑦ ᒫᓐᓇ ᐊᑭᓕᕐᓱᐃᓂᕐᒧᑦ ᐸᕐᓇᐅᑎᑎᒍᑦ ᐅᑯᓇᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ.
ᐊᐱᖅᑯᑎᒃᓴᖃᕈᔅᓯ ᐃᓱᒫᓘᑎᖃᕈᔅᓯᓘᓐᓃᑦ ᐅᕙᑦᑎᓐᓄᑦ ᖃᐅᔨᒋᐊᕐᓗᓯ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᓯᙳᖅᑎᑦᑎᖕᒪᑕ ᐃᓚᖏᓐᓂᒃ ᐱᔨᑦᑎᕋᐅᑎᒋᕙᒃᑕᑦᑎᓐᓂᒃ ᐃᑲᔪᕋᓱᒃᖢᑕ ᐃᖅᑲᓇᐃᔭᖅᑎᑦᑎᔨᓂᒃ ᐊᒻᒪ ᐃᖅᑲᓇᐃᔭᖅᑎᓂᒃ ᖁᐊᕐᓵᕐᓇᖅᑐᒦᖁᓇᒋᑦ ᐊᒻᒪᓗ ᐊᐃᑦᑐᕐᓗᒃᓯᑦᑕᐃᓕᒪᓂᕐᒥᒃ ᐆᒥᖓ ᓄᕙᒡᔪᐊᕐᓇᖅ-19 (COVID-19). ᖃᓄᐃᓕᐅᕈᑎᐅᔪᑦ ᐃᓱᒪᒋᓪᓗᒋᑦ ᐋᓐᓂᐊᖃᖅᑕᐃᓕᓂᖏᓐᓂᒃ ᐊᒻᒪ ᐅᓗᕆᐊᓇᖅᑐᒦᑎᑦᑕᐃᓕᓂᕐᒥᒃ ᑕᒪᐃᓐᓂᖅ ᐃᖅᑲᓇᐃᔭᖅᑎᑦᑎᔨᓂᒃ, ᓴᓇᔨᓂᒃ, ᓄᓇᖃᖅᑐᓂᒃ ᐊᒻᒪ ᐃᖅᑲᓇᐃᔭᖅᑎᒋᔭᑦᑎᓐᓂᒃ ᐃᓱᒪᒋᔭᖃᖅᑳᕋᓱᖕᓂᕐᒧᑦ.
ᐃᖅᑲᓇᐃᔭᖅᑎᑦᑎᔨᓄᑦ:
ᑮᓇᐅᔭᖅᑖᕋᓱᒃᑐᓄᑦ:
ᖃᐅᔨᒪᔪᒍᑦ ᐃᖅᑲᓇᐃᔭᖅᑎᑦᑎᔨᐅᔪᑦ ᐊᒻᒪ ᐃᖅᑲᓇᐃᔭᖅᑎᐅᔪᑦ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᐃᓱᒫᓘᑎᖃᕐᓂᖏᓐᓂᒃ ᐊᒃᑐᖅᑕᐅᓇᔭᕆᐊᒃᓴᖏᓐᓂᒃ ᖃᓂᒪᓂᕐᒥᒃ ᐳᕝᕕᕆᕐᔪᐊᕐᓇᒧᑦ (COVID-19).
ᐃᖅᑲᓇᐃᔭᖅᑎᑦᑎᔨᐅᔪᑦ ᑲᒪᒋᔭᖃᖅᑐᑦ ᐊᑐᐊᒐᓕᐅᕐᓂᕐᒥᒃ ᐊᒻᒪ ᐊᑐᒐᒃᓴᓕᐅᕐᓂᕐᒥ ᓴᐳᔾᔨᓯᒪᓂᕐᒧᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ ᑐᓴᐅᒪᑎᑉᐸᒡᓗᓂᒋᑦ. ᐃᖅᑲᓇᐃᔭᖅᑎᑦᑎᔨᐅᔪᑦ ᐋᖅᑭᒃᓱᐃᓪᓗᐊᖅᑐᑦ ᐅᕝᕙᓘᓐᓃᑦ ᕿᒥᕐᕈᐊᕐᓗᓂ ᐱᓕᕆᐊᖓᓄᑦ ᑲᔪᓯᒍᑎᒃᓴᓂᒃ ᐅᕝᕙᓘᓐᓃᑦ ᑐᐊᕕᕐᓇᖅᑐᓕᕆᓂᕐᒧᑦ ᐸᕐᓇᐅᑎᓂᒃ, ᐊᒻᒪᓗ ᐸᕐᓇᒃᓯᒪᓗᑎᒃ ᖃᓄᐃᓕᐅᕈᑎᒃᓴᐅᓇᔭᖅᑐᓂᒃ ᐅᓇ ᖃᓂᒪᓂᖅ ᐳᕝᕕᕆᕐᔪᐊᕐᓇᖅᑐᖅ (COVID-19) ᐊᒃᑐᐃᑐᐃᓐᓇᕆᐊᖃᕐᓂᖓᓄᑦ ᐃᖅᑲᓇᐃᔭᕐᕕᖓᓂᒃ.
ᐋᕿᒃᑕᐅᕙᒃᑐᖅ ᐊᕐᕌᒍᑕᒫᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ (WSCC) ᐱᓕᕆᕝᕕᒃᒥᑦ ᐸᕐᓇᐅᑎ ᓇᓗᓇᐃᔭᐃᓯᒪᕗᖅ ᐱᓕᕆᕝᕕᐅᔫᑉ ᓯᕗᓪᓕᐅᑎᑕᖏᓐᓂᒃ ᐊᒻᒪ ᐸᕐᓇᐅᑎᓂᒃ ᑎᒍᒥᐊᖅᑎᔨᑦᑎᓐᓄᑦ. ᐱᓕᕆᕝᕕᒃᒧᑦ ᐸᕐᓇᐅᑎ ᓴᕿᑎᑦᑎᓯᒪᔪᖅ ᐊᕐᕌᒍᑕᒫᑦ ᐊᐅᓚᑦᓂᕐᒧᑦ ᐊᒻᒪ ᑮᓇᐅᔭᖅᑐᔪᓄᑦ ᐊᑐᒐᒃᓴᓕᐊᖑᔪᓂᒃ.
