ᐃᖅᑲᓇᐃᔭᖅᑏᑦ ᐊᕐᕌᒍᓖᑦ ᑐᖔᓂ 25 ᐅᓪᓗᕆᐊᓇᖅᑐᒦᑦᑐᑦ ᐱᕐᕈᓗᐊᕿᒐᔭᕐᓂᕐᒥᑦ ᐊᒻᒪ ᐋᓐᓂᕋᔭᕐᓂᕐᒥᑦ ᐱᔾᔪᑎᒋᓪᓗᒋᑦ ᐊᕐᕌᒍᓂᑦ ᐊᒥᓲᓗᐊᖏᑦᑐᓂᑦ ᐃᖅᑲᓇᐃᔭᖅᑐᑎᒃ ᐱᓕᕆᓯᒪᓂᖏᓐᓂᑦ ᐊᒻᒪ ᐱᓕᒻᒪᓴᕐᓯᒪᓂᖏᓐᓂᑦ. ᓇᓗᓇᐃᕐᓯᒪᒋᐊᖅᐸᒋᑦᓯ ᐃᓘᓐᓇᑦᑎᐊᑎᒃ ᐃᖅᑲᓇᐃᔭᖅᑎᖁᑎᓯ ᐱᑎᑕᐅᕙᓐᓂᖏᓐᓂᑦ ᐱᐅᓂᖅᐹᓂᑦ ᐱᔾᔪᓯᒍᑦ ᐱᓕᒻᒪᓴᐅᑎᓂᑦ, ᐃᓕᓐᓂᐊᑎᑦᑎᔾᔪᑎᑦᓴᓂᑦ, ᐊᒻᒪ ᓴᖏᔪᒥᑦ ᑐᑭᓯᒪᑦᑎᐊᕋᓗᐊᕐᒪᖔᑕ ᐃᓕᑦᓯ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᓕᕆᐊᑦᓴᓯᓐᓂᑦ. ᐃᑲᔫᑎᑦᓴᑦ ᐱᓕᕆᔾᔪᑎᒍᑦ ᑎᑎᕋᕐᓯᒪᔪᑦ ᓴᓇᔭᐅᓯᒪᔪᑦ ᐃᑲᔪᕐᓱᐃᔾᔪᑎᐅᖁᓪᓗᒋᑦ ᑎᑎᖅᑲᐃᑦ ᓴᖅᑮᔾᔪᑎᑦᓴᐅᓗᑎᒃ ᓴᖕᖏᓂᖃᑦᑎᐊᖅᑐᒥᑦ ᐊᑦᑕᓇᑦᑕᐃᓕᒪᓂᕐᒥᑦ ᐃᓕᖅᑯᓯᑦᓴᓂᑦ.
ᔭᓗᓇᐃᕝ, ᓄᓇᑦᓯᐊᖅ (NT) (ᒪᐃ 7, 2019) – ᑕᕐᕆᔮᒃᓴᖅ ᔮᓐ ᕗᕌᒃᓚᓐ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑐᑦ ᒪᒃᑯᒃᑐᓂᒃ ᐃᑲᔪᖅᓱᐃᓪᓗᑎᒃ ᐱᔪᓐᓇᕐᓂᖏᓐᓂ ᐅᔾᔨᖅᓱᖁᔨᔪᓂᒃ ᐃᖅᑲᓇᐃᔭᕐᕕᖕᒥᑦ ᓵᓚᒃᓴᓚᒃᓴᖅᑐᑦ ᓯᕗᓪᓕᖅᐸᐅᓪᓗᑎᒃ ᑲᓇᑕᒥ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᕝᕕᖕᒥ (CCOHS) #FocusOnSafety ᑲᓇᑐᓕᒫᒥᑦ ᒪᒃᑯᒃᑐᓄᑦ ᑕᕐᕆᔮᒃᓴᓕᐅᕐᓂᕐᒥ ᓵᓚᒃᓴᕋᓲᑎᒥᒃ.