ᑲᑕᒃᑕᐃᓕᔭᕆᐊᖃᕐᓂᕐᒧᑦ ᓴᐳᓐᓂᐊᕈᑎ − ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᖅ ᒪᓕᒐᒃᓴᐅᕗᑦ ᓴᓇᔨ ᐊᑦᑕᓇᔾᔭᐃᖅᓯᒪᖁᓪᓗᒋ ᐃᖅᑲᓇᐃᔭᕐᕕᖕᒥᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᒃ ᐊᑐᕐᓗᓂ (PPE) ᑲᑕᒃᑕᐃᓕᔭᕆᐊᖃᕐᓂᕐᒧᑦ ᓴᐳᓐᓂᐊᕈᑎᓂ. ᑖᒃᑯᐊ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᑦ ᐊᑐᖁᔨᔪᑦ ᑲᑕᒃᑕᐃᓕᔭᕆᐊᖃᕐᓂᕐᒧᑦ ᓴᐳᓐᓂᐊᕈᑎᓂᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᒃ ᐃᖅᑲᓇᐃᔭᕐᓂᐊᕈᓂ ᖁᑦᑎᖕᓂᓕᖕᒥᑦ ᐱᖓᓱᓂᒃ ᐆᒃᑑᑎᓂᒃ (10 ᐃᓯᒐᕐᓂᒃ) ᖁᑦᑎᓂᖅᓴᒥᒡᓘᓐᓃᑦ. ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᖅ ᑐᑭᓯᓇᖅᓯᑎᑦᑎᕗᖅ ᒪᓕᒋᐊᖃᖅᑐᓂᒃ, ᑲᓇᑕᒥ ᒪᓕᒃᑕᐅᔭᕆᐊᓖᑦ ᐊᑐᕐᒃᑕᐅᕙᒃᑐᓂᒃ ᐊᒻᒪᓗ ᑐᑭᓯᒋᐊᕈᑎᒃᓴᓂᑦ ᑲᑕᒃᑕᐃᓕᔭᕆᐊᖃᕐᓂᕐᒧᑦ ᓴᐳᓐᓂᐊᖅᓯᒪᓂᕐᒧᑦ.

ᐊᔪᕆᖅᓱᐃᓲᑦ ᐃᖅᑲᓇᐃᔭᕐᕕᖕᓂᑦ, ᐊᖓᔪᖅᑳᓂᑦ ᐊᐅᓚᑦᑎᔨᓂᒡᓗ ᑲᒪᒋᔭᒃᓴᖏᓐᓂᑦ ᐊᑐᖅᑎᓪᓗᒋᑦ ᐅᐊᔭᓅᖅᑐᓂᑦ ᓴᓇᖅᑯᑎᓂᑦ ᓴᓇᕝᕕᖕᓂᑦ 

ᐱᓕᕆᔪᓐᓇᑦᑎᐊᖅᐲ ᐃᖅᑲᓇᐃᔭᕐᓂᕐᒧᑦ?

ᐅᓇ ᐅᖃᐅᓯᖅ ᓱᓐᓂᐅᒪᓂᖅ ᐅᖃᐅᓯᖃᖅᐳᖅ ᐊᔾᔨᒌᙱᕈᓘᔭᖅᑐᓂ ᖃᓄᐃᓐᓂᐅᔪᓄᑦ ᐊᒻᒪᓗ/ᐅᕝᕙᓘᓐᓃᑦ ᐋᖓᔮᕐᓇᖅᑐᓂ ᐊᒃᑐᐃᓂᖃᕈᓐᓇᖅᑐᓂ ᓴᓇᔨᐅᔫᑉ ᐱᔪᓐᓇᕐᓂᕆᒐᔪᒃᑕᖓᓂ ᐱᓕᕆᓂᕐᒧᑦ ᐊᑦᑕᓇᙱᑦᑎᐊᖅᑐᒥ.

ᓱᓐᓂᐅᒪᓂᖅ (ᖃᐅᔨᒪᔭᐅᖕᒥᔪᖅ ᐱᓕᕆᐊᒃᓴᒥᓂ ᐱᓕᕆᔪᓐᓇᕋᔭᙱᓐᓂᖓᓂ/ᐃᖅᑲᓇᐃᔭᕐᓂᕐᒧᑦ) ᓇᒥᑐᐃᓐᓇᖅ ᐃᖅᑲᓇᐃᔭᕐᕕᒋᔭᐅᔪᒥ ᐊᖏᕐᔪᐊᖅᑐᒥ ᖃᓄᐃᓕᐅᕐᓂᖃᕈᓐᓇᕐᓂᖓᓂ ᓱᓐᓂᖅᓯᒪᔪᑐᐊᖑᙱᑦᑐᒥ ᐱᓕᕆᔨᐅᔪᒥ, ᑭᓯᐊᓂ ᐃᖅᑲᓇᐃᔭᖃᑎᒥᓄᑦ, ᐊᖓᔪᖅᑳᖓᓄᑦ, ᐊᒻᒪ ᐃᖅᑲᓇᐃᔭᖅᑎᖁᑎᓕᖕᒧᑦ.

ᓱᓐᓂᕈᑕᐅᔪᓄᑦ ᐅᕙᙶᕈᓐᓇᖅᐳᑦ ᑕᖃᖓᓗᐊᕐᓂᕐᒧᑦ, ᐊᒃᓱᕉᓴᖕᓂᐅᔪᒧᑦ, ᖃᓂᒪᓂᕐᒧᑦ, ᐅᕝᕙᓘᓐᓃᑦ ᐊᑐᕐᓂᕐᒧᑦ ᐃᒥᐊᓗᖕᒧᑦ, ᐱᕋᔭᖕᓂᐅᔪᓄᑦ ᓲᓐᓂᕈᑕᐅᔪᓂᑦ, ᐃᓅᓕᓴᐅᑎᓂᑦ ᓘᒃᑖᒥᙶᖅᑐᓂ, ᐊᒻᒪ ᓂᐅᕕᖅᑕᐅᔪᓄᑦ ᐄᔭᒐᖅᑖᕐᕕᖕᒥ.

ᐃᓄᐃᑦ ᐃᓱᒪᒋᔭᖃᒐᔪᙱᓚᑦ ᓘᒃᑖᒥᙵᖅᑐᒥ ᐅᕝᕙᓘᓐᓃᑦ ᓂᐅᕕᖅᑕᐅᔪᓂ ᐄᔭᒐᖅᑖᕐᕕᖕᒥ ᐃᓅᓕᓴᐅᑎᓂᑦ ᐊᒃᑐᐃᔪᓐᓇᕐᓂᖓᓂ ᐱᔪᓐᓇᕐᓂᖓᓂ ᐱᓕᕆᑦᑎᐊᕐᓂᖓᓂ ᐱᓕᕆᐊᒃᓴᒥᓂᑦ ᐊᑦᑕᓇᙱᓪᓗᓂ. ᐃᓅᓕᓴᐅᑏᑦ ᐊᒻᒪ ᐊᒃᑐᐃᓂᐅᔪᑦ ᖃᓂᒪᓂᕐᒧᑦ ᐊᖏᔪᒥ ᐊᒃᑐᐃᓂᖃᕈᓐᓇᖅᐳᑦ ᐃᓄᒃ ᐱᓕᕆᔪᓐᓇᑦᑎᐊᕐᓂᖓᓂ ᐋᒃᑲᓘᓐᓃᑦ ᑕᐃᑲᓂ ᐅᓪᓘᔪᒥ. ᐃᖅᑲᓇᐃᔭᖅᑎᐅᔪᑦ ᖃᐅᔨᒪᔭᕆᐊᖃᖅᐳᑦ ᐃᒻᒥᓂᒃ−ᓇᓗᓇᐃᖅᓯᔪᓐᓇᕐᓂᕐᒧᑦ ᓱᓐᓂᐅᒪᓂᕐᒥ ᐊᒻᒪ ᖃᓄᖅ ᐅᓂᒃᑳᓕᐅᕆᓂᕐᒥ ᐃᓱᒫᓘᑎᒋᔭᖏᓐᓂᑦ ᒪᓕᒡᓗᒍ ᐃᖅᑲᓇᐃᔭᖅᑎᖁᑎᓕᐅᑉ ᓱᓐᓂᐅᒪᓂᕐᒧᑦ ᐊᑐᐊᒐᖓᓐᓂ.

ᐃᓱᒪᒧᑦ ᐊᒻᒪᓗ/ᐅᕝᕙᓘᓐᓃᑦ ᑎᒥᒧᑦ ᑕᑯᓗᐊᕐᓂᖅ ᐱᑎᑦᑎᔪᓐᓇᖅᐳᖅ ᑕᖃᒪᔪᕐᒥ ᐊᒻᒪ ᑐᕌᖅᑎᑦᑎᓗᓂ ᑐᙵᕕᖃᑦᑎᐊᙱᑦᑐᒥ ᐃᓱᒪᓕᐅᕆᓂᕐᒥ ᐊᒻᒪ ᐱᐅᙱᑦᑐᒥ ᑎᒥᒧᑦ ᐃᓗᐊᖅᓯᔾᔪᑎᓂᑦ.

ᐃᖅᑲᓇᐃᔭᖅᑎᖁᑎᓖᑦ ᑲᒪᒋᔭᖃᐃᓐᓇᐅᔭᖅᐳᑦ ᓇᓗᓇᐃᖅᓯᔭᓂᕐᒥ ᐃᖅᑲᓇᐃᔭᖅᑎᖏᑦ ᐱᓕᕆᑦᑎᐊᕈᓐᓇᕐᓂᖏᓐᓂ ᐊᑦᑕᓇᙱᑦᑎᐊᕐᓂᐅᔪᒥ. ᑕᒪᓐᓇ ᐊᓯᔾᔨᙱᓚᖅ ᐱᕋᔭᖕᓂᐅᔪᓐᓃᖅᑐᒥ ᓱᓐᓂᐅᒪᑐᐃᓐᓇᕈᑕᐅᔪᓄᑦ ᐋᖓᔮᕐᓇᖅᑐᖅ ᐱᕈᖅᑐᕕᓂᕐᓄᑦ.

ᓱᓐᓂᐅᒪᓂᖅ (ᖃᐅᔨᒪᔭᐅᖕᒥᔪᖅ ᐱᓕᕆᐊᒃᓴᒥᓂ ᐱᓕᕆᔪᓐᓇᕋᔭᙱᓐᓂᖓᓂ/ᐃᖅᑲᓇᐃᔭᕐᓂᕐᒧᑦ) ᐱᑎᑕᐅᔪᒧᑦ ᐃᒥᐊᓗᒃᓯᒪᓂᖓᓂ ᐊᖏᕐᔪᐊᖅᑐᒥ ᖃᓄᐃᓕᐅᕐᓂᖃᕈᓐᓇᕐᓂᖓᓂ ᓱᓐᓂᖅᓯᒪᔪᑐᐊᖑᙱᑦᑐᒥ ᐱᓕᕆᔨᐅᔪᒥ, ᑭᓯᐊᓂ ᐃᖅᑲᓇᐃᔭᖃᑎᒥᓄᑦ, ᐊᖓᔪᖅᑳᖓᓄᑦ, ᐊᒻᒪ ᐃᖅᑲᓇᐃᔭᖅᑎᖁᑎᓕᖕᒧᑦ.