ᔭᓗᓇᐃ, ᓄᓇᑦᓯᐊᖅ (ᐄᐳᕈᓪ 1, 2021) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ ᑐᓴᖅᑎᑦᑎᖕᒪᑕ ᐅᓪᓗᒥ ᑎᒃᑯᐊᖅᑕᐅᓂᖓᓂᒃ ᔭᓂ ᐳᕉᔅ ᐃᒃᓯᕙᐅᑕᐅᓂᐊᓕᕐᓗᓂ ᐊᐅᓚᑦᑎᓂᕐᒧᑦ ᑲᑎᒪᔨᓄᑦ.
7-ᓂ ᐃᓄᖃᖅᑐᖅ ᑲᑎᒪᔩᑦ ᑲᒪᒋᔭᖃᖃᑦᑕᖅᑐᑦ ᐱᓕᕆᐊᒥᒃ ᐱᓕᕆᔾᔪᓯᐅᕙᒃᑐᓂᒃ ᐊᒻᒪ ᐊᐅᓚᑦᑎᓂᕐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᑕᒪᒃᑯᐊ ᓇᐅᑦᑎᐅᒃᑯᒫᓕᕆᓂᖅ ᑲᔪᓯᑏᓐᓇᕋᓱᒃᖢᒍ ᐅᑯᐊ ᐃᖅᑲᓇᐃᔭᖅᑏᑦ ᓴᐳᔾᔨᓯᒪᓂᕐᒧᑦ ᑮᓇᐅᕙᖁᑎᖏᓐᓂᒃ. ᐃᒃᓯᕙᐅᑕᖅ ᑎᒃᑯᐊᖅᑕᐅᖃᑦᑕᖅᑐᖅ ᒥᓂᔅᑕᒧᑦ ᑲᒪᒋᔭᖃᖅᑐᒥᒃ ᓄᓇᑦᓯᐊᕐᒥᒃ, ᐅᖃᖃᑎᖃᕐᓯᒪᓪᓗᑎᒃ ᒥᓂᔅᑕᒥ ᑲᒪᒋᔭᖃᖅᑐᒥᑦ ᓄᓇᕗᒥᑦ, ᑭᒃᑯᓕᒫᓂᑦ ᐱᔪᒪᓂᕐᒥᒃ ᑐᓴᐅᒪᑎᑦᑎᓚᐅᖅᑎᓪᓗᒋᑦ.
“ᖁᕕᐊᓱᒃᑐᖓ ᑐᓴᖅᑎᑦᑎᔪᓐᓇᕋᒪ ᑎᒃᑯᐊᖅᑕᐅᓂᖓᓂᒃ ᔭᓂ ᐳᕉᔅ ᐃᒃᓯᕙᐅᑕᒧᑦ ᐅᑯᓇᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᐅᓚᑦᑎᓂᕐᒧᑦ ᑲᑎᒪᔨᖏᓐᓄᑦ. ᔭᓂ ᐊᕐᕌᒍᓂᒃ ᐊᕙᑎᓂᒃ (20) ᑲᑎᒪᓂᒃᑯᑦ ᐊᐅᓚᑦᑎᓂᕐᒥᒃ ᐱᓕᕆᐊᖃᖅᓯᒪᔪᖅ ᑕᒪᑐᒥᖓᓗ ᓇᒃᓴᖅᖢᓂ ᐆᒧᖓ ᐱᒻᒪᕆᖕᒧᑦ ᐱᓕᕆᐊᒧᑦ. ᐱᓕᕆᓕᒪᓂᖓ ᓯᕗᓕᐅᖅᑎᐅᓯᒪᓂᖅ ᑐᙵᓱᒃᑎᑦᑎᔨᐅᓂᕐᒥᒃ, ᓇᖕᒥᓂᕆᔭᐅᔪᓂᒃ ᐊᐅᓚᑦᑎᓂᕐᒥᒃ ᐊᒻᒪᓗ ᐱᓕᕆᖃᑎᒌᖕᓂᒃ ᐱᕙᓪᓕᐊᑎᑦᑎᓯᒪᓪᓗᓂ ᐱᓕᕆᕝᕕᐅᔪᓂᒃ ᐊᒻᒪᓗ ᒐᕙᒪᒃᑯᓐᓂ ᐃᑲᔪᕈᑎᒻᒪᕆᐅᓂᐊᕐᒪᑕ ᐱᓇᓱᐊᖅᑕᑦᑎᓐᓂᒃ ᐱᓇᓱᐊᕐᓂᕐᒥᒃ ᐃᖅᑲᓇᐃᔭᖅᕕᖕᓂ ᐋᓐᓂᖅᑎᑦᑎᑦᑕᐃᓕᓂᕐᒥᒃ ᐊᒻᒪ ᐋᓐᓂᐊᖃᖅᑕᐃᓕᑎᑦᑎᓂᕐᒥᒃ,” ᐅᖃᖅᑐᖅ ᓂᕐᓱᕐᓇᖅᑐᖅ ᓴᐃᓐ ᑖᒻᓴᓐ ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᓄᓇᑦᓯᐊᕐᒥᑦ.
ᐳᕉᔅ ᐱᓕᕆᐊᕆᓂᐊᖅᑕᖓᓂᒃ ᐱᒋᐊᕐᓂᐊᖅᑐᖅ ᐄᐳᕈᓪ 1, 2021 ᐊᒻᒪ ᐃᓇᖏᖅᓯᓪᓗᓂ ᐃᒃᓯᕙᐅᑕᐅᓚᐅᕐᑐᒥᓐ ᑕᐃᕕᒃ ᑕᑯᕐ.
“ᖁᔭᒋᔪᒪᕙᕋ ᒥᔅᑕ ᑕᑯᕐ ᐊᒻᒪᓗ ᐱᓕᕆᐊᖏᓐᓂᒃ ᐱᔨᑦᑎᕋᐅᑎᑎᒍᑦ ᑲᑎᒪᔨᓄᑦ, ᐊᒻᒪᓗ ᐃᖅᑲᓇᐃᔭᖅᑐᓄᑦ ᐃᖅᑲᓇᐃᔭᖅᑎᑦᑎᔨᓂᒡᓗ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥᒃ”, ᐅᖃᖅᑐᖅ ᓂᕐᓱᕐᓇᖅᑐᖅ ᔪᐊᔾ ᕼᐃᒃᔅ, ᒥᓂᔅᑕ ᑲᒪᒋᔭᖃᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᒃ (WSCC) ᓄᓇᕗᒥᑦ.
-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854
ᐃᕐᖐᓐᓈᖅᑕᐅᑖ: ᒫᒋ ᑳᓕᓐᔅ