Teaser
ᐃᖅᑲᓇᐃᔭᖅᑐᓂ ᐱᔨᑦᑎᓂᕐᒥᑦ ᐃᓕᓐᓂᑦ ᐃᓄᓐᓄᑦ ᓵᖓᑎᑦᑎᕙᑦᑐᑦ, ᐱᐅᔫᒍᓐᓇᖅᑐᖅ, ᑭᓯᐊᓂ ᖁᕝᕙᕆᐊᖅᑎᑦᑎᔪᖅ ᐋᓐᓂᖅᑎᑕᐅᓂᕐᒧᑦ ᐅᕝᕙᓘᓐᓃᑦ ᐸᕕᓴᐃᓂᐅᔪᓂᑦ ᐃᖅᑲᓇᐃᔭᕐᕕᐅᔪᒥᑦ. ᐋᓐᓂᖅᑎᕆᓂᐅᔪᑦ ᖃᖓᑐᐃᓐᓇᒃᑯᑦ ᓴᖅᑭᕈᓐᓇᖅᑐᑦ ᖃᐅᔨᒃᑲᐅᑎᖃᖏᓪᓗᑎ. ᖃᓄᐃᓐᓂᐅᔪᓐᓇᖅᑐᑦ ᓂᐅᕕᖃᑦᑕᖅᑐᒧᑦ ᐅᕝᕙᓘᓐᓃᑦ ᐱᕋᔭᒧᑦ ᐊᒻᒪ ᐃᖅᑲᓇᐃᔭᖅᑎᒧᑦ, ᐃᖅᑲᓇᐃᔭᖃᑎᒌᑦᑐᓂᑦ, ᐅᕝᕙᓘᓐᓃᑦ ᐃᖅᑲᓇᐃᔭᖅᑎᑏᑦ ᐊᒻᒪ ᐃᖅᑲᓇᐃᔭᖅᑎᑦᑎᔪᑦ. ᖃᓄᐃᓐᓂᐅᓂᖅᓴᐅᕙᑦᑐᑦ ᐅᖃᐅᓯᒃᑯᑦ ᐸᕕᓴᐃᓂᐅᔪᑦ, ᑎᒥᒃᑯᑦ ᖃᓄᐃᓕᓂᖃᕈᓐᓇᖏᑦᑐᑦ, ᑭᓯᐊᓂ ᐃᓱᒫᓗᑦᑎᑦᑎᔪᓐᓇᖅᑐᑦ ᐊᒻᒪ ᓂᒫᓱᓪᓗᑎ. ᐊᖏᔪᒥᑦ ᐋᓐᓂᖅᑎᕆᓂᐅᔪᑦ ᐱᑕᖃᒐᔪᖏᑦᑐᑦ, ᑭᓯᐊᓂ ᐊᔅᓱᐊᓗᒃ ᐋᓐᓂᖅᓯᒪᒍᓐᓇᖅᑐᑦ.
