ᐃᖃᓗᐃᑦ, ᓄᓇᕗᑦ (ᔫᓂ 16, 2026) – ᐊᐃᑉᐱᕐᒥ, ᔫᓂ 16, 2026, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ (QEC) ᐃᖅᑲᖅᑐᐃᕕᒻᒦᓚᐅᖅᑐᑦ ᓄᓴᕗᒻᒥ ᐃᖅᑲᑐᐃᕕᒃᑯᓐᓂᑦ ᐃᖃᓗᓐᓂ ᐊᒻᒪ ᐸᓯᔭᔅᓴᐅᓂᕋᖅᑐᑎ ᐊᑕᐅᓯᕐᒧᑦ ᒪᓕᒐᕐᒥᑦ ᓯᖁᒥᑦᑎᓂᕐᒧᑦ ᐊᑖᓂ ᓄᓇᕗᒻᒥ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᖁᔭᐃᑦ.
ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐸᓯᔭᒃᓴᐅᓂᕋᓚᐅᕐᑐᑦ ᐊᑕᐅᓯᕐᒧᑦ ᐸᓯᔭᐅᓪᓗᑎᒃ ᐃᒪᐃᓚᐅᕐᒪᑕ “ᐱᔭᕆᐊᖃᕐᑎᓪᓗᒍ ᐅᔾᔨᕐᓱᕐᓇᑎᒃ ᐊᒻᒪᓗ ᐊᑐᕐᑎᑦᑎᓇᑎᒃ ᐊᒻᒪᓗ ᐊᕿᒃᓯᒋᐊᕐᓇᑎᒃ ᐱᔭᕆᐊᓕᖕᓂᒃ ᐊᕿᒍᑎᒃᓴᓂᒃ ᐊᒻᒪᓗ ᒪᓕᒋᐊᓕᖕᓂᒃ, ᖃᓄᐃᖏᑦᑎᐊᖁᓪᓗᒋᑦ ᐊᒻᒪᓗ ᐊᑦᑕᕐᓇᕐᑐᒥᖁᓇᒋᑦ ᑕᒪᕐᒥᒃ ᐃᓄᑐᐃᓐᓇᐃᑦ ᓴᓇᕕᖓᓂ”, ᒪᓕᖏᓐᓂᕐᒧᑦ ᐊᑦᑕᕐᓇᕐᑕᐃᓕᒪᓂᕐᒧᑦ ᐱᖁᔭᐃᑦ.
ᐅᑯᐊ ᐃᖅᑲᖅᑐᒐᒃᓴᖑᖅᑎᑕᐅᓂᖏᑦ ᐱᓯᒪᓂᖃᖅᑐᑦ ᖃᓄᐃᓕᖓᓚᐅᖅᑐᓂᒃ ᔪᓚᐃ 5, 2024 ᓇᐅᔮᑦ ᐃᑯᒪᓕᕆᔨᒃᑯᓂ ᑐᖁᔪᖃᓚᐅᕐᒪᑦ ᓴᓇᔨᖓᓂᒃ.
ᑐᓂᔭᐅᑎᓪᓗᒍ ᐃᖅᑲᖅᑐᐃᕕᒃᑯᑦ ᖃᓄᐃᓕᑎᑕᐅᓂᖏᓐᓄᑦ, ᐃᖅᑲᖅᑐᐃᕕᒃᑯᑦ ᐊᑭᓖᑎᑦᑎᖁᔨᓚᐅᖅᑐᑦ $240,000 ᐊᑭᓕᖅᑕᐅᓂᐊᖅᑐᑦ ᐃᖅᑲᓇᐃᔭᖅᑏᑦ ᓴᐳᒻᒥᔭᐅᓂᖏᓐᓄᑦ ᑮᓇᐅᔭᐃᑦ ᐊᒻᒪ ᖃᓄᐃᓕᔭᐅᔪᒧᑦ ᐊᑭᓖᑎᑕᐅᔪᑦ ᐊᑭᓖᒃᑲᓂᕐᓗᑎ $36,000.
ᖃᐅᔨᓴᕐᓂᖃᓚᐅᖅᑎᓪᓗᒋᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᖅᓯᓚᐅᖅᑐᑦ 9-ᓂᑦ ᐃᖅᑲᖅᑐᕋᔅᓴᐅᔾᔪᑎᓂᑦ ᖁᓪᓕᒃᑯᑦ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐅᕙᓂ ᔫᓂ 26, 2025. ᐊᓯᖏᑦ ᐃᖅᑲᖅᑐᕋᔅᓴᐅᔾᔪᑏᑦ ᐲᖅᑕᐅᓚᐅᖅᑐᑦ ᒪᓕᓐᓂᖃᖅᑐᑎᑦ ᐸᓯᔭᔅᓴᐅᓂᕐᒧᑦ ᐊᖏᓂᕐᒧᑦ.
Maggie Collins (ᒫᒋ ᑳᓕᓐᔅ)
ᑐᓴᒐᒃᓴᓕᕆᓂᖅ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᓇᓱᐊᖅᑎᑦ ᐊᐅᓚᑦᓯᔨᖓ
ᐅᖄᓚᐅᑦ: (867) 920-3854