ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐸᕐᓇᐅᑎ ᐱᓕᕆᐊᑎᒌᖕᓂᒃᑯᑦ ᓴᖅᑭᑎᑕᐅᓲᖅ ᐃᓚᐅᖃᑕᐅᑉᓗᑎᒃ ᒥᐊᓂᖅᓯᔨᖓ, ᓴᓇᔨ, ᔫᓂᐊᓐᑯᑦ (ᐱᖃᑕᐅᔭᕆᐊᖃᖅᐸᑕ), ᐋᓐᓂᐊᖅᑐᓕᕆᔨᒃᑯᑦ, ᐊᒻᒪᓗ ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ. ᐸᕐᓇᐅᑎ ᐊᔾᔨᐅᙱᑦᑑᖃᑦᑕᖅᑐᖅ ᓴᓇᔩᑦ ᐊᑐᓂ ᐃᓱᒪᒋᑉᓗᒋᑦ ᐊᒻᒪᓗ ᐃᓱᒪᒋᔭᖃᓲᖅ ᖃᓄᖅ ᐋᓐᓂᖅᓯᒪᓂᖏᓐᓄᑦ, ᖃᓄᐃᒍᓐᓃᖅᐸᓪᓕᐊᓂᐊᕐᓂᖏᓐᓄᑦ, ᐊᒻᒪᓗ ᐊᑐᐃᓐᓇᐅᔪᖃᕐᒪᖔᑦ ᐱᓕᕆᐊᕆᔪᓐᓇᖅᑕᖏᓐᓂᒃ.
ᐋᓐᓂᖅᓯᒪᔪᖅ ᓴᓇᔨ ᐱᓕᕆᐊᖃᕈᒪᙱᑉᐸᑦ ᐱᓕᕆᐊᕆᔪᓐᓇᖅᑕᒥᓂᒃ, ᐱᔾᔪᑎᒃᓴᒥᓂᒃ ᑐᓴᖅᑎᑦᑎᔭᕆᐊᓖᑦ ᓱᖕᒪᑦ ᐱᓕᕆᐊᕆᔪᒪᙱᒻᒪᖔᒍ, ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᓐᓄᑦ ᕿᒥᕐᕈᔭᐅᓕᕋᔭᖅᑐᖅ ᐊᒻᒪᓗ ᐃᓱᒪᒃᓴᖅᓯᐅᕈᑕᐅᓗᓂ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐊᖏᖃᑎᖃᙱᑉᐸᑕ ᐋᓐᓂᖅᓯᒪᔪᒥᒃ ᓴᓇᔨᒥᒃ ᐊᒻᒪᓗ ᐅᒃᐱᕈᓱᒃᐸᑕ ᐱᓕᕆᐊᒃᓴᕆᔭᖓ ᓈᒻᒪᖕᓂᖓᓄᑦ, ᐋᓐᓂᖅᓯᒪᔪᖅ ᓴᓇᔨ ᐅᑎᕆᐊᖃᕋᔭᖅᑐᖅ ᓴᓇᕝᕕᖕᒥᓄᑦ. ᓴᓇᔨ ᐱᓕᕆᔪᒪᙲᓐᓇᖅᐸᑦ, ᓄᖅᑲᖓᑎᑕᐅᑐᐃᓐᓇᕆᐊᓕᒃ ᐲᖅᑕᐅᓗᑎᒡᓘᓐᓃᑦ ᐃᑲᔫᑎᒃᓴᖏᑦ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᓈᒻᒪᒃᓴᖅᐸᑕ ᐱᔾᔪᑎᖏᓐᓂᒃ, ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐃᑲᔪᕆᐊᕋᔭᖅᑐᑦ ᓴᓇᕝᕕᖓᓂ ᓇᓗᓇᐃᔭᐃᓂᕐᒧᑦ ᐱᓕᕆᐊᕆᒃᑲᓐᓂᕈᓐᓇᖅᑕᖏᓐᓂᒃ.
ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᑐᓂᔭᐅᖃᑦᑕᕐᒪᑕ ᐋᓐᓂᐊᕐᕕᖕᒥ ᐅᓂᑉᑳᓕᐊᓂᒃ ᐃᓗᓕᖃᖅᑐᑦ ᐱᓕᕆᐊᖑᔪᓐᓇᖅᑐᓂᒃ ᐊᒻᒪᓗ ᖃᓄᖅ ᐋᓐᓂᐊᖃᕐᓂᖓᓄᑦ ᑐᑭᓯᒋᐊᕈᑎᒃᓴᓂᒃ ᐋᓐᓂᐊᖅᑐᓕᕆᔨᓂᒃ. ᓴᓇᑎᑦᑎᔨᒃᑯᑦ ᑐᑭᓯᒋᐊᕈᑎᒃᓴᓂᒃ ᑐᓂᔭᐅᓲᑦ ᐋᓐᓂᖅᓯᒪᔫᑉ ᒥᒃᓵᓄᑦ ᖃᓄᖅ ᐱᓕᕆᔪᓐᓇᕐᓂᖓᓄᑦ ᓇᓗᓇᐃᔭᐃᔪᓐᓇᖁᑉᓗᒋᑦ ᐱᓕᕆᐊᕆᔪᓐᓇᖅᑕᖏᓐᓂᒃ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᕿᒥᕐᕈᓂᖃᓲᑦ ᑕᒪᒃᑯᓂᙵ ᑐᑭᓯᒋᐊᕈᑎᒃᓴᓂᒃ ᓇᓗᓇᐃᔭᐃᓂᕐᒧᑦ ᖃᖓ ᓴᓇᔨ ᐊᑦᑕᓇᖅᑐᒃᑰᙱᓪᓗᓂ ᓴᓇᕝᕕᖕᒥᓄᑦ ᐅᑎᕈᓐᓇᕋᔭᕐᒪᖔᑦ.
ᐄ! ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐃᑲᔫᑎ ᐃᑲᔫᑕᐅᔪᖅ ᐋᓐᓂᖅᓯᒪᔪᒧᑦ ᓴᓇᔨᒧᑦ ᓴᓇᕝᕕᖕᒥᓄᑦ ᐅᑎᕈᓐᓇᖁᑉᓗᒍ ᐱᔪᓐᓇᖅᓯᑐᐊᕈᓂ ᐋᓐᓂᐊᖃᕐᓇᙱᑦᑐᓕᕆᓂᒃᑯᑦ ᐊᑦᑕᓇᖅᑐᖃᙱᑦᑐᒃᑯᑦ.
ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᑲᓇᐃᔮᒧᑦ ᐅᑎᕐᓂᕐᒧᑦ ᖃᐅᔨᒪᔨᑕᖓ ᐅᖃᓪᓚᖃᑎᒋᓂᐊᕋᕕᐅᒃ.
ᐅᐸᑲᐅᑎᒋᓗᒍ ᓴᓇᔨ ᐊᒻᒪᓗ ᑐᑭᓯᑎᒋᐊᕐᓗᒍ ᐃᓱᒫᓘᑕᐅᔪᓂᒃ ᐋᓐᓂᐊᓕᕋᔭᕐᓂᖓᓄᑦ ᐊᑦᑕᓇᖅᑐᒦᓐᓇᔭᕐᓂᖓᓄᓪᓗ. ᐃᖅᑲᓇᐃᔭᖅᑎ ᑕᐃᒃᑯᓂᖓ ᑲᒪᒋᔭᖃᕈᓐᓇᕐᓂᕋᖅᐸᑦ ᓂᕆᐅᓇᓚᐅᕐᓇᓂ ᒪᒥᓵᓕᓚᐅᕐᓂᖓᓄᑦ, ᖃᐅᔨᒋᐊᕐᕕᒋᓗᒍ ᐱᔭᐅᔪᓄᑦ ᑭᒡᒐᖅᑐᐃᔨ ᐱᓗᑎᑦ ᐅᓪᓗᒥᒨᖓᔪᓂᒃ ᐋᓐᓂᐊᕐᕕᖕᒥᑦ ᖃᐅᔨᒃᑲᐃᔾᔪᑎᓂᒃ ᖃᓄᐃᙱᓐᓂᖏᓐᓄᑦ ᑕᒪᒃᑯᓂᖓ ᐱᓕᕆᔭᕆᐊᒃᓴᖅ. ᖃᐅᔨᒪᙱᒃᑯᕕᐅᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔭᐅᔪᓄᑦ ᑭᒡᒐᖅᑐᐃᔨᖓ, ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᕆᔨᕗᑦ ᐃᑲᔪᖅᑕᐅᒃᑲᓐᓂᕐᓂᐊᕋᕕᑦ:
ᓄᓇᑦᓯᐊᖅ: 1-800-661-0792
ᓄᓇᕗᑦ: 1-877-404-4407
ᑎᑎᕋᖅᐸᓪᓕᐊᓂᖅ ᐊᑐᐃᓐᓇᕈᖅᑎᑦᑎᕙᖕᒪᑦ ᓇᐃᓪᓕᒋᐊᖅᓯᒪᔪᒃᑯᑦ ᖃᓄᐃᓕᐅᕈᑕᐅᓯᒪᔪᓂᒃ ᐅᖃᖃᑎᒌᒍᑕᐅᓯᒪᔪᓂᒃ, ᐋᓐᓂᕐᓂᖓᓄᑦ, ᐊᒻᒪᓗ ᓴᓇᕝᕕᖕᒧᑦ ᐅᑎᕐᓂᐊᕐᓗᓂ ᖃᓄᐃᓕᐅᕈᑎᓂᒃ. ᑕᒪᓐᓇ ᐃᑲᔫᑕᐅᕙᒃᑐᖅ ᖃᓄᐃᓕᒋᐊᕈᑕᐅᒃᑲᓐᓂᕈᓐᓇᕋᔭᕐᒪᖔᑦ ᐊᒻᒪᓗ ᐊᑐᐃᓐᓇᕈᖅᑎᑦᑎᓯᒪᕙᒃᖢᓂ ᖃᓄᐃᓕᐅᕈᑕᐅᓯᒪᔪᓂᒃ ᐱᓕᕆᕝᕕᖕᒥᒃ ᑲᒪᔨᐅᓚᐅᖅᑐᓂᒃ ᓄᖅᑲᖅᑐᖃᕐᓂᖅᐸᑦ. ᑎᑎᕋᖅᐸᓪᓕᐊᓂᖅ ᐃᑲᔫᑕᐅᔪᓐᓇᖅᑐᖅ ᓇᓗᓇᐃᖅᓯᒍᑕᐅᓗᑎᒃ ᕿᒥᕐᕈᓂᒃᑯᑦ, ᐅᓐᓂᕐᓗᒍᑎᒃᑯᑦ, ᐅᕝᕙᓘᓐᓃᑦ ᐃᓄᐃᑦ ᐱᔪᓐᓇᐅᑎᖏᑦᑎᒍᑦ ᖃᓄᒃᑲᓐᓂᖅ ᐃᑲᔪᕆᐊᖅᑎᑦᑎᔨᓄᑦ ᐱᔭᕆᐊᖃᕈᑎᒃ.
ᑕᑯᒋᐊᕐᓗᒍ ᓴᓇᔨᐅᔫᑉ ᐱᓕᕆᐊᕆᔪᓐᓇᖅᑕᖏᓐᓄᑦ ᑕᑕᑎᕈᑎ. ᓴᓇᔨ ᒪᓕᒋᐊᖃᖅᑕᖏᓐᓂᒃ ᐋᖅᑭᒃᓱᕈᔾᔭᐅᓯᒪᙱᑉᐸᑦ ᐃᑲᕐᕋᖏᑦ ᖃᑉᓰᓐᓇᕈᖅᑕᐅᔭᕆᐊᖃᕋᔭᙱᑦᑐᑦ. ᑭᓯᐊᓂᓕ, ᐋᓐᓂᐊᖅᑐᓕᕆᓂᒃᑯᑦ ᖃᓄᐃᓐᓂᖏᑦ ᐊᓯᔾᔨᖅᐸᒃᑐᑦ. ᖃᐅᔨᒋᐊᕐᕕᒋᓗᒍ ᐱᔭᐅᔪᓄᑦ ᑭᒡᒐᖅᑐᐃᔨ ᓄᑖᓂᒃ ᐋᓐᓂᐊᕐᕕᖕᒥᑦ ᖃᐅᔨᒃᑲᐃᔾᔪᑎᑕᖃᙱᒃᑲᓗᐊᕐᒪᖔᑦ ᐃᖅᑲᓇᐃᔭᖅᑎᐅᑉ ᖃᓄᐃᓕᐅᕈᓐᓇᕐᓂᖓᓄᑦ ᐊᒃᑐᖅᓯᓇᔭᖅᑐᓂᒃ. ᖃᐅᔨᒪᙱᒃᑯᕕᐅᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔭᐅᔪᓄᑦ ᑭᒡᒐᖅᑐᐃᔨᖓ, ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᑦᑎᔨᓂᒃ ᐃᑲᔪᖅᓱᖅᑐᓕᕆᔨᕗᑦ ᐃᑲᔪᖅᑕᐅᒃᑲᓐᓂᕐᓂᐊᕋᕕᑦ:
ᓄᓇᑦᓯᐊᖅ: 1-800-661-0792
ᓄᓇᕗᑦ: 1-877-404-4407
ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐃᒪᓐᓇ ᑐᑭᓕᐅᕆᓯᒪᓲᑦ:
ᓈᒻᒪᒃᓯᖁᓪᓗᒋᑦ ᐃᖃᓇᐃᔭᖑᔭᕆᐊᓕᑦ ᐱᖃᓯᐅᑎᓯᒪᓗᓂ, ᐃᓚᒋᔭᐅᔭᕆᐊᖃᕐᒥᒐᕕᑦ ᑎᑭᐅᑎᓗᑎᑦ ᐊᒃᓱᕈᓇᕐᓂᐋᓗᐊᓄᑦ. ᑕᒪᓐᓇ ᐃᓚᐅᖃᑕᐅᑎᑦᑎᔪᖅ ᐋᖅᑭᒋᐊᖅᓯᓂᕐᒧᑦ ᐱᓕᕆᐊᒃᓴᖏᓐᓂᒃ ᐊᒻᒪᓗ ᓴᓇᕐᕈᑎᖏᓐᓂᒃ ᑕᑯᒋᐊᕆᐊᖃᕐᓂᖅ ᐊᓯᖏᓐᓂᒃ ᐱᓕᕆᐊᒃᓴᕆᔪᓐᓇᖅᑕᖏᓐᓂᒃ ᒪᓕᒡᓗᑎᒃ ᓴᓇᔨᐅᑉ ᐊᔪᙱᓐᓂᕆᔭᖏᓐᓄᑦ, ᐃᓕᓐᓂᐊᖅᓯᒪᓂᖓᓄᑦ, ᐊᒻᒪᓗ ᐱᓕᕆᐊᕆᔪᓐᓇᖅᑕᖏᓐᓄᑦ. ᑐᓴᐅᒪᔾᔪᑎᓕᕆᔨᒃᑯᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓕᕆᐊᖑᔪᓂᑦ ᐊᐅᓚᑦᑎᔨ ᐱᒻᒪᕆᐋᓗᖕᒪᑦ ᐃᑲᔪᕈᓐᓇᑐᐃᓐᓇᕆᐊᖃᕐᓂᖓᓄᑦ ᐃᓕᑦᓯᓐᓂᑦ ᐊᒻᒪᓗ ᐃᖃᓇᐃᔭᖅᑎᒥᑦ.