ᔭᓗᓇᐃ, ᓄᓇᑦᓯᐊᖅ (ᓄᕕᐱᕆ 27, 2023) – ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓴᕐᑎᑦᑎᔪᑦ ᑕᒪᓐᓇ ᑕᐃᒪᓐᓇᐅᒐᔪᒃᑐᖅ ᐃᖅᑲᓇᐃᔭᖅᑎᑦᑎᔪᑦ ᖃᐅᔨᓴᖅᑕᐅᓪᓗᑎᒃ ᐊᑭᖏᑦ ᐊᒥᐊᒃᑯᐊ $2.40 ᐊᑐᓂ $100 ᖃᐅᔨᓴᖅᑕᐅᑎᓪᓗᒋᑦ ᑮᓇᐅᔭᖅᑖᖏᓐᓄᑦ, ᐊᓯᕈᖅᓯᒪᓐᖏᑦᑐᖅ ᑕᐃᒪᖓᓂᑦ 2020.
ᑖᓐᓇ ᑐᙵᕕᐅᔪᖅ ᐊᑭ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐊᑐᖅᑕᐅᕙᒃᑐᖅ ᐱᒋᐊᕈᑕᐅᓪᓗᓂ ᐋᖅᑭᓯᓇᓱᐊᖅᑎᓪᓗᒋᑦ ᐊᑐᓂ ᐊᓪᓕᐅᓂᖅᓴᓄᑦ ᐃᓛᒃᑰᖅᑐᓄᑦ ᐊᑭᓄᑦ.
ᐊᕕᒃᑐᖅᓯᒪᒃᑲᓐᓂᖅᑐᑦ ᐱᓕᕆᔨᐅᔪᑦ ᐃᖅᑲᓇᐃᔭᖅᖢᑎ ᐊᔾᔨᐸᓗᐊᓂ ᐊᓯᖏᑦᑕ ᐃᖅᑲᓇᐃᔮᖏᓐᓂ ᐱᓕᕆᐊᖃᕐᑐ ᐊᒻᒪ ᖁᐊᕐᓵᕐᓇᖅᑐᒦᔭᒃᑭᓪᓗᑎᒃ. ᐊᑐᓂ ᐃᖅᑲᓇᐃᔭᖅᑎᐅᔪᑦ ᐊᑭᓕᕐᓱᐃᕙᒃᑐᑦ ᐊᕐᕌᒍᒧᑦ ᖃᐅᔨᓴᕈᑎᓂᒃ ᒪᓕᒃᖢᑎᒃ ᐃᓄᒋᐊᓄᑦ ᐊᑭᓕᐅᑎᐅᕙᒃᑐᓂᒃ ᐱᓕᕆᕝᕕᖏᓐᓄᑦ ᐊᒻᒪ ᖃᔅᓯᐅᓂᖏᓐᓄᑦ ᐊᑭᓕᖅᓱᖅᑕᐅᕙᒃᑐᑦ.
ᖁᓕᑦ (10) ᐊᕕᒃᑐᖅᓯᒪᒃᑲᓐᓂᖅᑐᑦ ᐃᖅᑲᓇᐃᔭᖅᑎᑦ ᓄᓇᑦᓯᐊᕐᒥ ᐊᒻᒪ ᓄᓇᕗᒥᑦ ᓴᖅᑭᑎᑦᑎᔪᓐᓇᓚᐅᕐᑐᑦ ᐱᐅᓯᕚᓪᓕᖅᑎᑦᑎᓯᒪᓂᖏᓐᓂᒃ ᑮᓇᐅᔭᖅᑖᕋᓱᒍᑎᓄᑦ ᐊᑭᓕᐅᑎᐅᕙᒃᑐᓂᒃ, ᐊᒻᒪᓗ ᑕᓪᓕᒪᑦ (5) ᐅᓄᒃᓯᕚᓪᓕᕈᔾᔨᓯᒪᓚᐅᖅᖢᑎᒃ ᐊᑭᓕᖅᑕᐅᔾᔪᑎᒃᓴᖏᓐᓄᑦ ᐊᑭᓕᐅᑎᓂᒃ. ᑕᐃᒪᓐᓇᐅᓂᖓᓄᑦ, ᐅᑯᐊ 10 ᐊᕕᒃᑐᖅᓯᒪᒃᑲᓐᓂᖅᑐᑦ ᑕᑯᓂᐊᖅᑐᑦ ᐊᑭᖏᑦ ᐊᑦᑎᒃᓯᒋᐊᖅᑐᑦ ᐊᒻᒪᓗ 5 ᑕᑯᓂᐊᖅᑐᓯ ᐊᑭᑦᑐᕆᐊᖃᖅᑐᓂᒃ 2024-ᒥ. ᐊᑕᐅᓯᖅ ᐊᑯᒃᑐᖅᓯᒪᒃᑲᓐᓂᖅᑐᑦ ᓱᖁᓯᖅᓯᒪᓚᐅᙱᑦᑐᑦ.
ᐱᓕᕆᕝᕕᐅᔪᑦ ᐊᑭᑦᑐᕆᐊᓂᐊᖅᑐᑦ ᐊᕐᕌᒍᒥ ᐃᓚᖃᖅᑐᑦ ᐅᑯᓂᖓ ᐅᔭᕋᓐᓂᐊᕐᓂᕐᒧᑦ ᐱᔨᑦᑎᕋᐅᑏᑦ; ᐱᖁᑎᓄᑦ ᐊᐅᓚᑦᑎᓂᕐᒧᑦ, ᓇᐹᖅᑐᓕᕆᓂᕐᒧᑦ ᐊᒻᒪ ᐃᒫᓂ ᓇᑉᐸᖅᑎᕆᓂᕐᒧᑦ; ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᖃᓄᐃᑦᑕᐃᓕᒪᓂᕐᒧᑦ ᐊᒻᒪ ᑐᐊᕕᕐᓇᖅᑐᓕᕆᓂᕐᒧᑦ ᐱᔨᑦᑎᕋᕐᓂᕐᒧᑦ.
ᐊᕕᒃᑐᖅᓯᒪᒃᑲᓐᓂᖅᑐᑦ ᐅᑯᓇᙶᕈᓐᓇᖅᑐᑦ ᐅᓄᕈᓐᓃᖅᐹᓪᓕᕐᓗᑎᒃ ᐊᑭᓕᐅᑎᒃᓴᑦ ᓯᓚᒥ ᖃᓄᐃᓕᐅᕐᓂᕐᒧᑦ ᐊᒻᒪ ᐳᓚᕋᖅᑐᓕᕆᓂᕐᒧᑦ; ᐊᐅᓚᐅᑎᓂ ᐃᓕᐅᕋᐃᓂᕐᒥᑦ ᐊᒻᒪ ᐱᔨᑦᑎᕋᕐᓂᕐᒥᒃ; ᐊᒻᒪᓗ ᓄᓇᑦᓯᐊᒧᑦ ᓄᓇᕗᒧᓪᓗ ᒐᕙᒪᒃᕕᓐᓂ ᐊᒻᒪ ᑭᒃᑯᓕᒫᓄᑦ ᐃᒡᓗᓂ ᐊᐅᓚᔾᔪᑎᓄᑦ.
“ᐃᖅᑲᓇᐃᔭᖅᑎᐅᔪᑦ ᑲᒪᒋᔭᖃᒪᑕ ᐅᓗᕆᐊᓇᙱᑦᑐᒥᒃ ᐃᖅᑲᓇᐃᔭᕐᕕᖃᖅᑎᑦᑎᓂᕐᒥᒃ,” ᐅᖃᕐᑐᖅ ᐅᕆᒃ ᕼᐊᓐᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᖓᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕆᒃ. “ᐱᓇᓱᐃᓐᓇᕐᓂᖅ ᑲᒪᒋᔭᖃᕐᓂᕐᒧᑦ ᐊᑭᓕᐅᑎᒃᓴᓂ ᐊᑦᑎᖕᓂᖅᓴᐅᑎᑦᑎᑐᐃᓐᓇᙱᓚᖅ ᑭᓯᐊᓂᓕ ᐃᑲᔪᕐᒥᔪᖅ ᐃᖅᑲᓇᐃᔭᖅᑎᓂᒃ ᐊᖏᕐᕋᕈᓐᓇᖅᐸᒃᖢᑎᒃ ᖃᓄᐃᙱᖢᑎᒃ ᖃᐅᑕᓵᓐ.”
ᐅᑯᐊ ᐊᑭᖏᑦ ᐊᑑᑎᖃᓕᕐᓂᐊᖅᑐᑦ ᔮᓐᓄᐊᕆ 1, 2024.
- 30 -
ᓴᐃᕗᓚ ᒪᒃᓚᐅᑦ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐅᖄᓚᐅᑦ: (867) 920-3854