ᔭᓗᓇᐃ, ᓄᓇᑦᓯᐊᖅ/ᐃᖃᓗᐃᑦ, ᓄᓇᕗᑦ (ᓄᕕᐱᕆ 19, 2025) – ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓴᕐᑎᑦᑎᔪᑦ ᑕᒪᓐᓇ ᑕᐃᒪᓐᓇᐅᒐᔪᒃᑐᖅ ᐃᖅᑲᓇᐃᔭᖅᑎᑦᑎᔪᑦ ᖃᐅᔨᓴᖅᑕᐅᓪᓗᑎᒃ ᐊᑭᖏᑦ ᑕᐃᑲᓃᖏᓐᓇᕐᓂᐊᖅᑐᖅ $2.40 ᐊᑐᓂ $100 ᖃᐅᔨᓴᖅᑕᐅᑎᓪᓗᒋᑦ ᑮᓇᐅᔭᖅᑖᖏᓐᓄᑦ 2026-ᒥᑦ.
ᑖᓐᓇ ᐊᑭ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᑭᓖᑎᑦᑎᒋᐊᖃᕋᔭᖅᑐᑦ ᐃᖅᑲᓇᐃᔭᖅᑎᖁᑎᓖᑦ ᐊᔾᔨᒌᒃᑐᒥᑦ ᐊᑭᓖᖃᑦᑕᕐᓂᖅᐸᑕ ᐊᒻᒪᓗ ᐊᑐᖅᑕᐅᓗᓂ ᐱᒋᐊᕈᑕᐅᓪᓗᓂ ᐋᖅᑭᓯᓇᓱᐊᖅᑎᓪᓗᒋᑦ ᓴᓇᔨᕐᔪᐊᓄᑦ ᑲᑎᙵᔪᓂᑦ ᐊᑭᖏᓐᓂᒃ. ᑖᔅᓱᒧᖓ ᐊᑭᖓᓄᑦ ᐊᓯᔾᔨᖅᓯᒪᔪᖃᙱᑦᑐᖅ ᑕᐃᒪᐃᙵᓂ 2020.
“ᑕᕝᕙᓃᑎᑦᑎᓂᕐᒥᑦ ᐊᑯᓐᓂᖅᓱᖅᑐᒥᑦ ᑐᙵᕕᐅᔪᒥᑦ ᐊᑭᖓᓂ ᐱᐅᔪᒻᒪᕆᐅᕗᖅ ᐱᓕᕆᕙᓪᓕᐊᑎᓪᓗᑕ ᖃᐅᔨᒪᑦᑎᐊᕆᐊᕐᓂᕐᒥᑦ ᑮᓇᐅᔭᖅᑎᒍᑦ ᒪᑭᒪᑦᑎᐊᖅᑐᒥᑦ ᐱᓕᕆᔾᔪᓯᕐᒥᑦ ᑕᒪᒃᑮᓐᓄᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᖁᑎᓕᓐᓄᑦ”, ᐅᖃᖅᑐᖅ ᕆᒃ ᕼᐊᓐᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖓᔪᖅᑳᖓ ᐊᒻᒪᓗ ᐊᐅᓚᑦᑎᔨᒻᒪᕆᖓ. “ᐊᖏᓂᖅᐹᖑᔪᖅ ᖃᓄᐃᓐᓂᐅᔪᖅ ᓇᓗᓇᐃᖅᓯᓂᕐᒥᑦ ᑭᓱᒥᑦ ᐊᑐᓂ ᐃᖅᑲᓇᐃᔭᖅᑎᖁᑎᓖᑦ ᐱᔭᒃᓴᖃᕐᒪᖔᑦ ᐊᑭᓖᓂᕐᒧᑦ ᐃᖅᑲᓇᐃᔭᖅᑏᑦ ᓴᐳᔾᔨᓯᒪᓂᕐᒧᑦ ᑮᓇᐅᔭᖁᑎᖏᓐᓄᑦ ᐊᑭᖓ ᐃᖅᑲᓇᐃᔭᕐᕕᖕᒥᑦ ᐋᓐᓂᕐᓂᐅᔪᓂᑦ ᓴᓇᔨᕐᔪᐊᓄᑦ ᑲᑎᙵᔪᓄᑦ. ᐃᖅᑲᓇᐃᔭᖅᑎᖁᑎᓖᑦ ᐱᓕᕆᑦᑎᐊᖅᑎᓪᓗᒋᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ, ᐋᓐᓂᖅᑕᐃᓕᒪᓂᕐᒧᑦ, ᐊᒻᒪᓗ ᐃᑲᔪᖅᓱᓂᕐᒥᑦ ᐱᔪᓐᓃᖅᐸᓪᓕᐊᓂᕐᒥᑦ ᐃᖅᑲᓇᐃᔭᕐᕕᒻᒥᑦ ᑭᒃᑯᓕᒫᑦ ᐱᕙᓪᓕᕈᑎᖃᓲᑦ”.
ᐊᕕᒃᑐᖅᓯᒪᒃᑲᓐᓂᖅᑐᑦ ᐱᓕᕆᔨᐅᔪᑦ ᐃᖅᑲᓇᐃᔭᖅᖢᑎ ᐊᔾᔨᐸᓗᐊᓂ ᐊᓯᖏᑦᑕ ᐃᖅᑲᓇᐃᔮᖏᓐᓂ ᐱᓕᕆᐊᖃᕐᑐ ᐊᒻᒪ ᖁᐊᕐᓵᕐᓇᖅᑐᒦᔭᒃᑭᓪᓗᑎᒃ. ᐊᑐᓂ ᐃᖅᑲᓇᐃᔭᖅᑎᐅᔪᑦ ᐊᑭᓕᕐᓱᐃᕙᒃᑐᑦ ᐊᕐᕌᒍᒧᑦ ᖃᐅᔨᓴᕈᑎᓂᒃ ᒪᓕᒃᖢᑎᒃ ᐃᓄᒋᐊᓄᑦ ᐊᑭᓕᐅᑎᐅᕙᒃᑐᓂᒃ ᐱᓕᕆᕝᕕᖏᓐᓄᑦ ᐊᒻᒪ ᖃᔅᓯᐅᓂᖏᓐᓄᑦ ᐊᑭᓕᖅᓱᖅᑕᐅᕙᒃᑐᑦ. ᖃᐅᔨᓴᕐᓂᕐᒧᑦ ᐊᑭᖏᑦ ᑐᕌᖓᔪᑦ ᐊᑐᓂ ᓴᓇᔨᕐᔪᐊᓄᑦ ᐊᑐᕐᒃᑕᐅᔪᑦ ᑮᓇᐅᔭᖅᑖᕋᓱᐊᖅᑐᓄᑦ ᐊᑭᒋᔭᐅᔪᓂᑦ.
9 ᐊᕕᒃᑐᖅᓯᒪᒃᑲᓐᓂᖅᑐᑦ ᐃᖅᑲᓇᐃᔭᖅᑎᖁᑎᓕᖕᓂᑦ ᓄᓇᑦᓯᐊᕐᒥᑦ ᐊᒻᒪᓗ ᓄᓇᕗᒻᒥ ᑕᑯᓂᐊᖅᑐᑦ ᐊᑭᖏᑦ ᐊᑦᑎᒃᓯᒋᐊᖅᑐᑦ ᐊᒻᒪᓗ 7 ᑕᑯᓂᐊᖅᑐᓯ ᐊᑭᑦᑐᕆᐊᖃᖅᑐᓂᒃ 2026-ᒥ.
ᐆᑦᑑᑏᑦ ᓴᓇᔪᓕᕆᕝᕕᓐᓂᑦ ᐊᑭᖏᓐᓂᒃ ᖁᕝᕙᕆᐊᖅᑐᓂᑦ ᐊᕐᕌᒎᓂᐊᖅᑐᒧᑦ ᐃᓚᖃᖅᑐᖅ ᓄᓇᒃᑯᑦ ᐃᖏᕐᕋᔾᔪᑎᓕᕆᔩᑦ ᐊᒻᒪᓗ ᓴᓇᖃᑦᑕᖅᑐᓄᑦ ᐱᔨᑦᑎᕋᐅᑎᓄᑦ.
ᐆᑦᑑᑏᑦ ᓴᓇᔪᓕᕆᕝᕕᓐᓂᑦ ᐊᒻᒧᕆᐊᖅᑐᓂᑦ ᐊᑭᖏᓐᓂᒃ ᐃᓚᖃᖅᑐᑦ ᓂᐅᕕᐊᔅᓴᓕᓐᓂᑦ, ᐱᔨᑦᑎᕋᖅᑐᓂᑦ ᐊᒻᒪᓗ ᐱᖁᑎᖃᖅᑎᑦᑎᔨᓂᑦ ᐊᒻᒪᓗ ᐅᔭᕋᖕᓂᐊᕐᓂᕐᒧᑦ ᕿᓂᖅᑐᓄᓪᓗ ᐱᔨᑦᑎᕋᐅᑎᓂᑦ.
ᐱᒋᐊᕐᓗᒍ ᑕᕝᕙᓂ ᐊᕐᕌᒍᒥᑦ, ᐃᖅᑲᓇᐃᔭᖅᑎᖁᑎᓖᑦ ᐊᑐᐃᓐᓇᖃᕐᕕᐅᒍᓐᓇᖅᓯᔪᑦ ᐃᓛᒃᑰᖓᔪᓂᑦ ᖃᐅᔨᓴᖅᑕᐅᓃᑦ ᐊᑭᖏᓐᓄᑦ ᑎᑎᖅᑲᖓᓂ ᐃᓯᕈᑎᖓᒍᑦ ᐅᕙᓂ WSCC Connect.
ᑕᑯᔪᓐᓇᖅᑕᐃᑦ ᒫᓐᓇᐅᔪᖅ ᐅᐊᑦᑎᐊᕈᓪᓗ ᐊᑭᖏᓐᓂᒃ ᐃᒪᐃᓕᖓᓗᑎ Class & Subclass (ᐊᕕᒃᓯᒪᓂᖓ ᐊᒻᒪᓗ ᐊᕕᒃᓯᒪᒃᑲᓐᓂᕐᓂᖓ) ᐊᒻᒪᓗ Specific Industry (ᓇᓗᓇᐃᕐᓗᒍ ᓴᓇᔨᕐᔪᐊᓄᑦ) ᓴᓇᔨᕐᔪᐊᓕᒫᓄᑦ ᐃᓄᓕᒫᓄᑦ ᐊᑐᐃᓐᓇᐅᔪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᑎᒍᑦ ᐱᔨᑦᑎᕋᐅᑎᒃᑯᑦ.
ᐅᑯᐊ ᐊᑭᖏᑦ ᐊᑑᑎᖃᓕᕐᓂᐊᖅᑐᑦ ᔮᓐᓄᐊᕆ 1, 2026.
- 30 -
Maggie Collins (ᒫᒋ ᑳᓕᓐᔅ)
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐅᖄᓚᐅᑦ: (867) 920-3854