ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓇᓱᐊᒐᖃᕐᒪᑕ ᐱᔨᑦᑎᕋᐅᑎᓂᒃ ᐊᒃᑐᐃᒍᑎᖃᖅᑎᑦᑎᓗᐊᕐᑕᐃᓕᒪᓗᑎᒃ ᑎᒍᒥᐊᕐᑎᓄᑦ. ᐊᑏ ᕿᒥᕐᕈᒃᑭᑦ ᐊᑐᖅᑕᐅᖔᕈᓐᓴᖅᑐᑦ ᐊᑐᕐᓂᕐᒥᒃ ᑎᑎᖅᑲᕐᓂᐊᕐᕕᖕᒥᒃ ᐃᖅᑲᓇᐃᔭᕐᕕᖕᓄᑦ, ᐃᖅᑲᓇᐃᔭᖅᑎᓄᑦ, ᑎᑎᖅᑲᖅᑖᓕᒑᔪᓄᑦ, ᐃᓐᓇᖅᓯᐅᑎᑖᖅᐸᒃᑐᓄᑦ, ᐊᒻᒪ ᐱᖃᖅᑎᑦᑎᔨᐅᔪᓄᑦ.
ᑕᑕᑎᖅᑕᐅᔪᓐᓇᖅᑐᑦ ᐊᒻᒪ ᐃᓐᓇᖅᓯᐅᑏᑦ
ᐊᑭᓕᐅᑎᒃᓴᑦ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᑲᔪᓯᓂᐊᖅᑐᖅ ᐋᖅᑭᒃᓯᒪᓂᖏᑦᑎᒍᑦ. ᐊᔭᐅᖅᑐᕐᔪᐊᖅᑕᕋᓗᐊᕗᑦ ᑕᐃᒃᑯᐊ ᐊᑭᓕᖅᑕᐅᕙᒃᑐᑦ ᓯᒃᑭᓄᑦ ᐊᑎᓕᐅᖅᑕᐅᖃᑕᐅᖁᓪᓗᒋᑦ ᖃᕆᓴᐅᔭᑎᒍᑦ ᑮᓇᐅᔭᓂᒃ ᓇᒃᓯᐅᔾᔨᕕᐅᔪᓐᓇᕐᓂᕐᒧᑦ (EFT). ᐊᑏ ᐅᖃᖃᑎᒋᒍᒃ ᑕᑕᑎᕆᓂᕐᒧᑦ ᐱᖃᖅᑎᐅᔪᑦ ᐊᑎᓕᐅᖅᑕᐅᖃᑕᐅᔪᒪᒍᕕᑦ. ᐃᒪᐃᑦᑐᓐᓇᖅᑐᑦ ᖃᕆᓴᐅᔭᕐᔪᐊᕈᓐᓇᖅᑕᑦ ᑕᑕᑎᒐᒃᓴᖅ ᖃᕆᓴᐅᔭᒃᑯᑦ ᐃᑭᐊᖅᑭᕕᑦᑎᓐᓂ.
ᑮᓇᐅᔭᒃᑯᕕᖃᙱᒃᑯᕕᑦ, ᐊᑏ ᐅᖃᖃᑎᒋᒍᒃ ᑕᑕᑎᖅᑕᐅᕙᒃᑐᓄᑦ ᓇᖕᒥᓂᖃᖅᑎᐅᔪᖅ ᖃᐅᔨᖁᓪᓗᑎᑦ ᖃᖓ ᐊᒻᒪ ᖃᓄᖅ ᑮᓇᐅᔭᖅᑖᖅᑎᑕᐅᓛᕐᒪᖔᖅᐱᑦ.
ᐃᖅᑲᓇᐃᔭᖅᑎᖁᑎᓕᑦ
ᑲᓇᑕᒥ ᑎᑎᖃᒃᑯᕕᓕᕆᔨᒃᑯᑦ ᐱᔨᑦᑎᕋᕐᓂᖏᑦ ᐅᓚᕕᑕᐅᓯᒪᑎᓪᓗᒋᑦ, ᐊᑭᓕᖅᓱᐃᖏᓐᓇᕆᐊᖃᕐᓂᐊᖅᑐᑎᑦ ᕿᒥᕐᕈᔭᐅᔾᔪᑎᓄᑦ ᑭᖑᕙᙱᑦᑐᒃᑯᑦ. ᒪᓕᒐᖅᑎᒍᑦ ᓱᒋᐊᖅᑕᐅᔾᔪᑎᐅᒐᔪᒃᑐᑦ ᖄᖏᐅᑎᔪᑦ ᐊᑭᖏᑦ ᓱᓕ ᐊᑐᖅᑕᐅᖃᑦᑕᕐᓂᐊᖅᑐᑦ ᐊᒻᒪ ᐃᕐᖐᓐᓇᖅ ᐊᑭᓕᕆᐊᖃᓕᕐᓗᑎᒃ.
ᐊᑭᓖᔪᓐᓇᖅᑐᓯ ᐊᑲᐅᓈᕐᓯᒪᔪᓂ ᐅᑯᓂᖓ ᐊᑐᕐᓗᓯ:
- ᖃᕋᓴᐅᖅ: ᐃᖅᑲᓇᐃᔭᖅᑎᑦᑎᔨᐅᑉ ᖃᐅᔨᓴᕈᑎᓄᑦ ᐊᑭᓕᐅᑎᖏᑦ ᐅᕘᓇ ᑐᓂᔭᐅᔪᓐᓇᖅᑐᑦ WSCC Connect.
- ᖃᕋᓴᐅᔭᒃᑯᑦ ᑮᓇᐅᔭᓕᕆᓂᖅ: ᐊᑐᕐᓗᒋᑦ ᑮᓇᐅᔭᒃᑯᕕᒋᔭᕕᑦ ᖃᕋᓴᐅᔭᒃᑯᑦ ᐊᑐᒐᒃᓴᖏᑦ, ᑕᒪᒃᑯᐊ ᐊᑐᐃᓐᓇᐅᔪᑦ ᑮᓇᐅᔭᒃᑯᕕᒋᔭᐅᕙᒃᑐᓂ.
- ᐅᐸᒍᑎᓗᑎᑦ: ᐅᐸᒍᓐᓇᖅᑕᑎ ᔭᓗᓇᐃᒥᑦ ᐃᖃᓗᖕᓂᓪᓘᓐᓃᑦ ᑎᑎᕋᕐᕕᒃᐳᑦ ᐊᐅᒃᑕᔫᒥ ᐊᑐᕐᓗᓯ ᐊᑭᓖᔪᓐᓇᖅᖢᓯ ᒪᑯᓂᖓ ᕖᓴ, ᒫᔅᑐᑳᑦ, ᑮᓇᐅᔭᖃᕐᕕᒃᒧᑦ ᐅᕝᕙᓘᓐᓃᑦ ᑮᓇᐅᔭᒃᓴᓕᐅᕐᓗᑎ.
- ᐅᖄᓚᐅᑎᒃᑯᑦ: ᐅᖄᓚᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᒪᒋᔭᐅᖁᓪᓗᒋᑦ ᐊᑭᓕᐅᑎᑎᑦ. ᐅᖃᓘᑖ ᐊᑭᖃᙱᑦᑐᖅ: 844-238-5008 (ᐊᑐᖅᑕᐅᖔᕈᓐᓇᖅᑐᖅ 3).
ᐅᑎᓕᐅᖅᑕᐅᓂᖅ ᖃᕆᓴᐅᔭᒃᑯᑦ-ᓇᓕᖅᑲᖅᑖᕐᓃᑦ. ᑖᓐᓇ ᓱᒃᑲᓛᖑᔪᖅ ᐱᓗᓂ ᐃᖅᑲᓇᐃᔭᖅᑎᑦᑎᔨᕕᑦ ᑕᖅᑭᑕᒫᖅᓯ ᐅᓂᒃᑳᖓᓂᒃ. ᐊᐅᓚᑦᑐᓐᓇᖅᑕᑎᑦ ᐊᑭᓕᐅᑎᑎᑦ ᐊᓯᔾᔨᒐᕐᓂᕐᓗᑎᒃ ᑕᑯᖃᑦᑕᕐᓂᕐᒥᒃ ᐅᓂᒃᑳᓂᒃ 24-ᓄᑦ ᐃᑲᕐᕋᓄᑦ ᐅᓪᓗᕐᒥ, 7-ᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ. ᐊᑎᓕᐅᓚᐅᖅᑎᓐᓇᑎᑦ, ᖃᐅᔨᒋᐊᕐᕕᒋᓗᒋᑦ WSCC Connect ᐱᔭᔅᓴᐅᓂᖓ ᐊᐅᓚᑦᑎᔨᐅᓪᓗᓂ ᑖᓐᓇ ᐊᑐᖃᑦᑕᖅᑐᖅ ᐅᓪᓗᒥᒨᖓᑎᑕᐅᖏᓐᓇᓂᐊᕐᖓᑕ. ᑕᒻᒪᖅᓯᒪᙱᑦᑐᑦ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑏᑦ ᑐᕌᕈᑎᒋᑦ ᐱᕐᔪᐊᖑᔪᑦ ᑐᓂᔭᐅᓂᕐᒧᑦ ᖃᐅᔨᒃᑲᐃᔾᔪᑎᓂᒃ ᖃᐅᔨᖁᔭᐅᓪᓗᑎᑦ ᑕᖅᑭᑕᒫᑦ ᐅᓂᒃᑳᑦ ᐊᑐᐃᓐᓇᐅᓕᕌᖓᑕ ᑕᑯᔭᐅᓂᕐᒧᑦ. ᖃᐅᔨᒋᐊᕐᓗᒍ 3-ᐊᑐᖅᑕᐅᔪᓂᑦ ᐊᑐᒐᐃᑦ ᐊᒻᒪ ᐊᑎᓕᐅᕐᓗᑎᑦ ᐅᓪᓗᒥ!
ᐋᓂᐊᖃᓇᖏᑐᓅᖓᔪᓄᑦ ᐱᑖᕕᐅᖃᑕᕐᑐᓄᑦ
ᐊᑏ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᑎᒃᑭᑦ ᐊᑕᖏᖅᖢᒋᑦ ᐋᓐᓂᐊᕐᕕᓕᕆᓂᕐᒧᑦ ᐊᑭᓕᒐᒃᓴᓕᐊᖑᔪᑦ ᐅᕗᖓ WSCCAP@wscc.nt.ca. ᑐᓂᓯᔪᒪᒍᕕᑦ ᐅᓂᒃᑳᓂᒃ ᐊᑭᓕᒃᓴᕈᓐᓇᐅᑎᖕᓄᑦ, ᖃᐅᔨᒋᐊᕐᓗᒋᑦ ᐱᑕᖃᖅᐸᒌᖅᑐᑦ ᐊᑭᓕᒐᒃᓴᓕᐊᖑᓯᒪᔪᑦ, ᐅᕝᕙᓘᓐᓃᑦ ᐊᓯᖏᑦ ᑮᓇᐅᔭᕆᓂᕐᒧᑦ ᖃᐅᔨᒋᐊᕐᓃᑦ, ᐊᑏ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᑦᑯᑦ ᑎᑎᕋᐃᓐᓇᖃᑦᑕᕆᑦ ᐅᕗᖓ finance@wscc.nt.ca.
ᑭᖑᕙᖁᓇᒋ ᑮᓇᐅᔭᖅᑖᕆᒐᔭᖅᑕᑎᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᑖᕐᕕᐅᕙᒃᑐᓂᒃ ᖃᕋᓴᐅᔭᒃᑯ ᑮᓇᐅᔭᓂᒃ ᓇᒡᓯᐅᔾᔨᒍᑎᓂ ᐊᑐᖁᔨᓪᓗᑎᒃ ᒪᑯᓂᖓ ᐃᕐᖐᕐᓇᕈᑎ ᑮᓇᐅᔭᓂᑦ ᑐᔪᐃᔾᔪᑎ (EFT) ᐊᔪᙱᒃᑯᑎᒃ. ᐅᖃᖃᑎᒋᑎᒍᑦ ᐅᕘᓇ 867-920-3888 ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᓪᓘᓐᓃᑦ ᑎᑎᕋᕐᓗᑎᑦ ᐅᕗᖓ finance@wscc.nt.ca ᑐᒃᓯᕋᕈᒪᒍᕕᑦ ᖃᕆᓴᐅᔭᒃᑯᑦ ᑮᓇᐅᔭᖅᑖᖅᑎᑕᐅᓂᕐᒧᑦ ᑕᑕᑎᕆᔾᔪᒥᒃ, ᐅᕝᕙᓘᓐᓃᑦ ᖃᕆᓴᐅᔭᕐᓄᐊᕐᓗᒍ ᖃᕆᓴᐅᔭᒃᑯᑦ.
ᐊᓯᓕᒫᒥᑦ ᐱᖁᑎᑖᖅᑎᑦᑎᔨᐅᕙᒃᑐᑦ
ᐊᑭᓕᖅᑕᐅᔪᒪᒍᕕᑦ ᓱᑲᑦᑐᒃᑯᑦ ᐊᑭᓕᖅᑕᐅᔾᔪᑎᒃᓴᑦ ᓇᒡᓯᐅᑎᓗᒍ ᐅᕗᖓ 867-873-4596 ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᐅᕗᖓ finance@wscc.nt.ca. ᔭᓗᓇᐃᒦᒃᑯᕕᑦ ᐃᖃᓗᖕᓂᓪᓘᓃᑦ, ᑮᓇᐅᔭᒃᓴᓕᐅᕈᓐᓇᕐᑕᔅᓯ ᐊᒻᒪ ᐊᐃᒃᖠᓕᕈᓐᓇᖅᖢᓯ. ᔭᓗᓇᐃ ᐃᖃᓗᐃᓪᓘᓐᓃᑦ ᓯᓚᑖᓂ ᓄᓇᖃᕈᕕᑦ, ᐃᕐᖐᕐᓇᕈᑎ ᑮᓇᐅᔭᓂᑦ ᑐᔪᐃᔾᔪᑎ (EFT) ᐱᔪᒪᔪᓐᓇᖅᑐᓯ ᑮᓇᐅᔭᒃᑯᕕᒃᓯᒍᑦ. ᐅᕙᑦᑎᓐᓄᑦ ᐅᖄᓚᒍᓐᓇᖅᑐᓯ ᐅᕗᖓ 867-920-3888 ᐅᕝᕙᓘᓐᓃᑦ ᖃᕋᓴᐅᔭᒃᑯᑦ finance@wscc.nt.ca ᑖᓐᓇ ᐋᕿᒃᓱᖅᑕᐅᔪᓐᓇᕐᓂᐊᕐᒪᑦ.
ᐋᓐᓂᕐᑐᕕᓂᕐᓂᒃ ᐅᓂᒃᑲᐅᓯᖃᕐᓂᖅ
ᑎᑎᕋᖅᑕᐃᓕᒍᑦ ᐃᖅᑲᓇᐃᔭᖅᑏᑦ ᐅᓂᒃᑳᖓ ᐋᓐᓂᕐᓂᕐᒧᑦ, ᐅᕝᕙᓘᓐᓃᑦ ᓯᕗᓪᓕᖅᐹᖅ ᐋᓐᓂᐊᕐᕕᖕᒥ ᐅᓂᒃᑳᖅ ᑎᑎᖅᑲᒃᑯᕕᒃᑎᒍᑦ. ᑐᓂᓯᔪᓐᓇᙱᒃᑯᕕᑦ ᑕᑕᑎᖅᓯᒪᔭᕐᓂᒃ ᖃᕆᓴᐅᔭᒃᑯᑦ, ᓱᒃᑯᔪᒃᑰᖅᑎᑦᑐᓐᓇᖅᑕᑎᑦ ᐅᕝᕙᓘᓐᓃᑦ ᐅᖄᓚᐅᓯᕆᓗᒋᑦ.
- ᓄᓇᕗᒥᑦ, ᓱᑲᑦᑐᒃᑯᑦ ᑕᑕᑎᕆᐊᓖᑦ ᓇᒡᓯᐅᑎᓗᒋ ᐅᕗᖓ 867-979-8501 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-866-979-8501, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ reportsnu@wscc.nu.ca.
- • ᓄᓇᑦᓯᐊᕐᒥ, ᓱᑲᑦᑐᒃᑯᑦ ᑕᑕᑎᕆᐊᓖᑦ ᓇᒡᓯᐅᑎᓗᒋ ᐅᕗᖓ 867-873-4596 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-866-277-3677, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ reportsnwt@wscc.nt.ca.
ᑕᑕᑎᖅᓯᒪᔭᕐᓄᑦ ᑲᒪᔨ ᐅᖄᓚᓂᐊᖅᑐᖅ ᐃᓕᖕᓄᑦ ᐅᖃᖃᑎᒌᒍᑕᐅᖁᓪᓗᒋᑦ ᐃᓱᒪᓕᐅᕈᑕᐅᔪᑦ ᑕᑕᑎᖅᓯᒪᔭᕐᓄᑦ. ᑎᑎᖃᓂᒃ ᓇᒡᓯᐅᔾᔨᓇᔭᕐᒥᔪᑦ ᑕᒪᐅᖓᒥᐊᖅᑕᐃᓕᔪᓐᓇᖅᑐᒧᑦ ᓱᑲᑦᑐᒃᑯᑦ ᓇᐃᓴᐅᑎᒧᑦ ᖃᕋᓴᐅᔭᒃᑯᓪᓘᓐᓃᑦ ᐃᓕᖕᓂᙶᖅᑐᓂᒃ.
ᕿᒥᕐᕈᐊᕐᓂᖅ ᑲᑎᒪᔨᕋᓛᑦ ᐱᔪᒪᔭᖏᓐᓂᒃ
ᐱᔪᒪᒍᕕᑦ ᕿᒥᕐᕈᐊᕈᑎᕕᓂᕐᓂᒃ, ᓱᑲᑦᑐᒃᑯᑦ ᐱᔪᒪᔪᑎᑎᑦ ᓇᒡᓯᐅᑎᓗᒋ ᐅᕗᖓ 867-873-4596 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1-866-277-3677. ᖃᓄᑐᐃᓐᓇᖅ ᕿᒥᕐᕈᔭᐅᖁᔨᓂᕐᒧᑦ ᑐᒃᓯᕋᐅᑏᑦ, ᑎᑎᖅᑲᑦ, ᐊᒻᒪᓗᐅ/ᐅᕝᕙᓘᓐᓃᑦ ᑎᑎᖅᑲᖁᑏᑦ ᐊᒃᑐᐊᓂᓖᑦ ᕿᒥᕐᕈᔭᐅᓂᕐᒧᑦ ᐃᒪᐃᑦᑐᓐᓇᕐᒥᔪᑦ ᖃᕆᓴᐅᔭᒃᑯᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᔾᔭᐅᓗᑎᒃ ᕿᒥᕐᕈᐊᕐᓂᕐᒧᑦ ᑲᑎᒪᔨᐊᓛᓄᑦ ᐅᕗᖓ ReviewCommittee@wscc.nt.ca.
ᕿᒥᕐᕈᐊᕐᓂᕐᒧᑦ ᑲᑎᒪᔨᕋᓛᑦ ᐃᓱᒪᓕᐅᕆᒍᑎᒃ ᐃᕝᕕᑦ ᒥᒃᓵᓄᑦ, ᓇᒡᓯᐅᔾᔨᓇᔭᕐᑐᑦ ᐃᓱᒪᓕᐊᕆᔭᒥᓂᒃ ᑎᑎᖃᑎᒍᑦ ᓱᑲᑦᑐᒃᑯᑦ ᖃᕋᓴᐅᔭᒃᑯᓪᓘᓐᓃᑦ ᐃᕝᕕᑦ ᑐᓂᓯᒪᔭᖏᓐᓄᑦ.
ᐊᐱᖁᑎᒃᓴᖃᒃᑲᓐᓂᖅᐱᓰ? ᐅᕙᑦᑎᓐᓄᑦ ᐊᐱᕆᔪᓐᓇᖅᑐᓯ:
- ᓄᓇᕗᒥᑦ, ᐅᖄᓚᓗᓯ 867-979-8500 ᐊᑭᖃᙱᑦᑐᒧᓪᓘᓐᓃᑦ 1-877-404-4407
- ᓄᓇᑦᓯᐊᕐᒥᑦ, ᐅᖄᓚᓗᓯ 867-920-3888 ᐊᑭᖃᙱᑦᑐᒧᓪᓘᓐᓃᑦ 1-800-661-0792