ᔭᓗᓇᐃ, ᓄᓇᑦᓯᐊᖅ (ᔪᓚᐃ 30, 2024) − ᐅᓪᓗᑐᐃᓐᓇᐅᑎᓪᓗᒍ, ᔪᓚᐃ 26, 2024−ᒥ, SMS Equipment Ltd. ᓄᓇᑦᓯᐊᕐᒥ ᐃᖅᑲᖅᑐᐃᕕᖕᒧᐊᓚᐅᖅᐳᑦ ᔭᓗᓚᐃᒥ ᐊᒻᒪᓗ ᐸᓯᔭᒃᓴᐅᓂᕋᐃᓪᓗᑎᒃ ᐊᑕᐅᓯᕐᒥᒃ ᐃᖅᑲᖅᑐᒐᒃᓴᒥᓂᒃ ᓄᓇᑦᓯᐊᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᖓᑎᒍᑦ.
SMS Equipment Ltd. ᐸᓯᔭᒃᓴᐅᓂᕋᖅᓯᒪᕗᑦ ᐃᖅᑲᖅᑐᒐᒃᓴᖓᓂ #1:
- ᐊᐅᓚᓂᖃᑦᑎᐊᖏᓐᓂᖏᓐᓄᑦ ᖃᓄᐃᖏᓐᓂᖅ ᐊᑦᑕᕐᓇᖏᓐᓂᕐᓗ ᐱᓕᕆᕝᕕᖓᓂ ᐊᑦᑕᕐᓇᙱᑐᐃᓐᓇᕆᐊᖃᖅᑐᒥ.
ᑖᒃᑯᐊ ᑲᒻᐸᓂᐅᔪᑦ ᐊᑭᓕᒃᓴᖃᓕᖅᐳᑦ $200,000−ᒥ ᓴᓇᔨᓂ ᓴᐳᔾᔨᓲᓄᑦ ᑮᓇᐅᔭᖃᖅᑎᑕᐅᔪᓂᒃ.
ᐊᑭᓕᒃᓴᖃᕈᑎᒋᓕᖅᐹ ᐃᖅᑲᓇᐃᔭᖅᑎ ᐱᕐᕈᓗᐊᕿᓚᐅᕐᓂᖓᓄᑦ ᑐᖁᔾᔪᑎᒋᓪᓗᓂᐅᒃ ᓯᑎᐱᕆ 1, 2022−ᖑᑎᓪᓗᒍ, ᒐᑦᓲ ᑭᐅ ᐅᔭᕋᖕᓂᐊᕐᕕᖕᒥ, 280 ᑭᓛᒪᑕᒥᒃ ᐅᐊᖕᓇᖓᑕ ᑲᓇᖕᓇᖓᓂ ᔭᓗᓇᐃᒥ ᐅᖓᓯᒃᑎᒋᔪᒥᒃ. ᐃᖅᑲᓇᐃᔭᖅᑎ ᑕᑯᓇᒃᑎᓪᓗᒍ ᖃᐅᔨᓴᖅᑎᓪᓗᒍᓗ ᒪᔪᕋᐅᑎᒃᑰᖅᖢᓂ ᐅᓯᑲᖅᑕᖅᑏᑦ ᓄᓇᒃᑰᕈᑎᖓᑕ ᒪᔪᕋᐅᑎᖓᒍᑦ ᐱᖁᑎᓄᑦ ᖄᖓᓄᐊᖅᑐᖃᖅᑎᓪᓗᒍ. ᐱᑕᖃᓚᐅᙱᓚᖅ ᐅᔾᔨᕈᓱᒍᑎᓂᒃ ᐊᑦᑕᕐᓇᖅᑕᐃᓕᒪᖁᔨᔪᓂᒃ ᑎᑎᖅᑲᓂᒃ ᓇᓃᑦᑕᕆᐊᖃᖏᓐᓂᕋᐃᔪᓂᒃ, SMS−ᑯᓪᓗ ᑕᑯᓇᒃᓯᒪᓚᐅᙱᓚᑦ ᓴᓇᕕᖓᓂ ᐊᑦᑕᕐᓇᖅᑕᐃᓕᒪᔾᔪᑎᓂᒃ ᐅᓯᑲᖅᑕᖅᑏᑦ ᓄᓇᒃᑰᕈᑎᖓᓂ. ᐆᒻᒪᖅᑎᑕᐅᓇᓱᒃᑲᓗᐊᖅᑎᓪᓗᒍ, ᐃᖅᑲᓇᐃᔭᖅᑎ ᑐᖁᓚᐅᖅᐳᖅ ᐱᕐᕈᓗᐊᕿᓚᐅᖅᑎᓪᓗᒍ.
ᐋᒡᒌᓯ 25, 2023−ᒥ, ᖃᐅᔨᓴᖅᑕᐅᓚᐅᖅᑎᓪᓗᒍ, 7−ᓂᒃ ᐸᓯᒃᓯᓪᓗᑎᒃ SMS Equipment Ltd−ᑯᓐᓂᒃ ᐅᓐᓂᕐᓗᓚᐅᖅᐳᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ, ᓯᖁᒥᑦᑎᓂᖏᓐᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᑎᒍᑦ ᐊᒻᒪᓗ ᐅᔭᕋᖕᓂᐊᕐᕕᖕᒥ ᖃᓄᐃᖏᑦᑕᕆᐊᖃᕐᓂᕐᒧᑦ ᐊᑦᑕᕐᓇᖅᑕᐃᓕᒪᔭᕆᐊᖃᕐᓂᕐᒧᑦ ᐱᖁᔭᕐᒥᒃ. ᑕᐃᒪᓐᓇᐅᒐᓗᐊᖅᑎᓪᓗᒍ, ᐊᖏᖃᑎᒌᖕᓂᒃᑯᑦ ᐸᓯᔭᒃᓴᐅᓂᕋᐃᑎᓪᓗᒋᑦ, ᐃᖅᑲᖅᑐᒐᒃᓴᐅᒃᑲᓐᓂᕈᓐᓃᓕᓚᐅᖅᐳᑦ.
ᓵᓇᓐ ᒧᐊ
ᑐᓴᐅᒪᔾᔪᑎᓕᕆᓂᕐᒧᑦ ᑲᒪᔨ
ᐅᖄᓚᐅᑦ: (867) 920-3864