ᔭᓗᓇᐃᕝ, ᓄᓇᑦᓯᐊᖅ (ᕕᕝᕗᐊᕆ 2, 2024) – ᔭᓄᐊᕆ 19, 2024ᒥ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᑎᓴᒪᓂᒃ ᐸᓯᔭᒃᓴᐅᔾᔪᑎᑖᖅᑎᑦᑎᓚᐅᕐᑐᑦ ᑎᐊᕕᒃ ᑕᐃᒪᓐ ᐅᔭᕋᒃᓯᐅᖅᑎᓄᑦ ᓄᓇᑦᓯᐊᕐᒥ ᐃᖅᑲᖅᑐᐃᕕᑎᒍᑦ ᐅᕘᓇ ᐅᔭᕋᒃᓯᐅᕐᕕᒃᒥ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅᑎᒍᑦ.
ᑎᐊᕕᒃ ᑕᐃᒪᓐ ᐅᔭᕋᒃᓯᐅᖅᕕᒃ ᐸᓯᔭᒃᓴᙳᖅᑎᑕᐅᔪᑦ ᐅᓄᕐᑐᓄᑦ ᓱᕋᐃᓯᒪᓂᖏᓐᓂᒃ ᐅᔭᕋᒃᓯᐅᕐᕕᒃᒥ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅᒥ, ᐃᓚᖃᖅᖢᑎᒃ ᐊᑐᓕᖅᑎᑦᑎᓯᒪᙱᓐᓂᖏᓐᓂᒃ ᐊᒻᒪ ᑲᒪᒋᔭᖃᙱᓐᓂᕐᒥᒃ ᐊᑦᑕᓇᖅᑐᒦᑦᑎᑦᑎᑦᑕᐃᓕᓂᕐᒥᒃ ᐃᖅᑲᓇᐃᔭᖅᕕᒃᒥ ᐃᖅᑲᓇᐃᔭᖅᑎᑦ ᖃᓄᐃᑎᑦᑕᐃᓕᓇᓱᒡᓗᒋᑦ ᐊᒻᒪᓗ ᐊᓯᖏᓐᓂᒃ ᐸᓯᔭᒃᓴᐅᔾᔪᑎᓂᒃ.
ᐸᓯᔭᒃᓴᐅᔾᔪᑎᖃᖅᑎᑦᑎᓕᓚᐅᕐᑐᑦ ᖃᐅᔨᓴᓚᐅᖅᖢᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐱᕐᕈᓗᐊᕿᑎᑦᑎᑦᑕᐃᓕᔨᖏᑦ ᖃᓄᐃᓕᔾᔪᑎᕕᓂᕐᓂᒃ ᔭᓄᐊᕆ 26, 2023ᒥ ᐅᕙᓂ ᑎᐊᕕᒃ ᑕᐃᒪᓐ ᐅᔭᕋᒃᓯᐅᖅᕕᒃᒥ ᓛᒃ ᑐ ᒍᕌᔅ ᖃᓂᒋᔭᖓᓂ ᐃᖅᑲᓇᐃᔭᖅᑎᒥ ᐋᓐᓂᖅᑐᖃᕐᔪᐊᓚᐅᖅᑎᓪᓗᒍ.
ᓯᕗᓪᓕᖅᐹᒥ ᐃᖅᑲᖅᑐᐃᕕᒥ ᐱᓕᕆᐊᖑᓂᐊᖅᖢᓂ ᒫᑦᓯ 19, 2024-ᒥ ᐅᕙᓂ ᔭᓗᓇᐃ, ᓄᓇᑦᓯᐊᖅ.
ᑕᒪᓐᓇ ᐃᖅᑲᖅᑐᐃᕕᒃᑯᑦ ᐱᓕᕆᐊᖑᓂᐊᓕᕐᓂᖓᓄᑦ ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᒪᑐᒥᖓ ᐅᖃᐅᓯᖃᒃᑲᓐᓂᕈᓐᓇᙱᑦᑐᑦ.
ᓴᐃᕗᓚ ᒪᒃᓚᐅᑦ
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854
ᖃᐅᔨᒪᒋᑦ:
1. ᑕᒪᓐᓇ ᐃᖅᑲᖅᑐᐃᕕᒻᒦᓕᖅᑐᖅ, ᑐᑭᓯᒋᐊᕈᑎᖃᖅᑎᑦᑎᕕᔅᓴᐅᑎᐊᖏᑦᑐᖅ ᑕᐃᒪᐃᓐᓂᖓᓄᑦ.
2. ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐱᖁᔭᖅ, ᐃᓚᖓ 11, ᓇᓗᓇᐃᔭᐃᔪᖅ ᐱᑕᖃᕆᐊᖃᖅᑎᑕᐅᔪᓂᑦ ᑲᓐᖑᓇᖅᑎᑕᐅᓂᖓᓄᑦ ᐊᑦᑐᐊᓂᖃᖅᑐᑦ ᖃᓄᖅ ᐃᓄᒻᒧᑦ ᑐᑭᓯᑎᒋᐊᕈᑎᖏᓐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᖅᑎᒍᓐᓇᖅᑕᖏᓐᓂᑦ. ᐱᔭᔅᓴᐅᓂᖏᓐᓄᑦ ᑐᑭᓯᒋᐊᕈᑏᑦ ᐊᒻᒪ ᓴᐳᒻᒥᑦᑎᓂᕐᒧᑦ ᑲᓐᖑᓇᖅᑐᓂ ᐱᖁᔭᕐᒥᑦ ᐅᖃᖅᓯᒪᒻᒥᔪᑦ ᖃᓄᐃᑦᑐᓂ ᐃᓄᒻᒧᑦ ᑐᑭᓯᒋᐊᕈᑎᖏᓐᓂᑦ ᒐᕙᒪᒃᑯᑦ ᑎᒥᖓᓄᑦ ᓴᖅᑭᑎᑦᑎᒍᓐᓇᖅᑎᑕᐅᔪᑦ. ᑖᒃᑯᓕᖓ ᐱᖁᔭᕐᓂᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑎᑦᑎᔪᓐᓇᖏᑦᑐᑦ ᐃᓄᒻᒥ ᑐᑭᓯᒋᐊᕈᑎᖏᓐᓂᑦ ᐅᕝᕙᓘᓐᓃᑦ ᑐᑭᓯᒋᐊᕈᑎᓂᑦ ᓇᓗᓇᐃᖅᓯᒍᓐᓇᖅᑐᓂᑦ ᑭᓇᐅᓂᖓᓂᑦ ᐃᓅᔪᖅ.