ᔨᐊᓗᓇᐃᕝ, ᓄᓇᑦᓯᐊᖅ (ᔫᓂ 30, 2023) – ᐅᓇᐅᑎᓪᓗᒍ ᔫᓂ 28, 2023, ᓄᒡᓕᐊ ᐊᓐᑐᐳᕋᐃᔅ ᓕᒥᑎᑦ ᐃᖅᑲᖅᑐᐃᕕᒻᒦᓚᐅᖅᑐᖅ ᓄᓇᑦᓯᐊᒥᑦ ᐃᖅᑲᖅᑐᐃᕕᒻᒥ ᔨᐊᓗᓇᐃᕝᒥᑦ ᐊᒻᒪ ᐸᓯᔭᔅᓴᐅᓂᕋᖅᑐᑎᑦᓴ ᒪᕐᕉᓐᓂᒃ ᓯᖁᒥᑦᑎᓂᕐᒧᑦ ᐊᑖᓂ ᓄᓇᑦᓯᐊᖅ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ.
ᓄᒡᓕᐊ ᐊᓐᑐᐳᕋᐃᔅ ᓕᒥᑎᑦ ᐸᓯᔭᔅᓴᐅᓂᕋᓚᐅᖅᑐᑦ ᐅᑯᓄᖓ
- ᓇᓗᓇᐃᖅᓯᓂᖏᓂᕐᒧᑦ ᐃᖅᑲᓇᐃᔮᖑᔪᖅ ᐃᖅᑲᓇᐃᔮᖑᑦᑎᐊᕐᓗᓂ ᐊᒻᒪ ᐱᔪᓐᓇᕐᓂᖃᑦᑎᐊᖅᑐᒧᑦ ᐊᐅᓚᑦᑎᔨᖃᓂᕐᒧᑦ; ᐊᒻᒪ
- ᐱᔪᓐᓇᑎᑦᑎᓪᓗᑎ ᐃᖅᑲᓇᐃᔭᖅᑎᒥᑦ ᐃᖅᑲᓇᐃᔭᖅᑐᓂ ᐅᖓᓯᑦᑐᒦᑦᑐᓂ ᓈᒻᒪᑦᑐᓂᑦ ᖃᓄᐃᓕᓯᒋᐊᖏᓂᕐᒧᑦ ᐲᖅᑕᐅᓗᓂ ᐅᕝᕙᓘᓐᓃᑦ ᐊᑦᑎᓪᓕᒋᐊᖅᑕᐅᓗᓂ ᐊᑦᑕᓇᖅᑐᑦ ᓴᖅᑭᐸᓪᓕᐊᔪᑦ ᖃᓄᐃᓐᓂᕆᔭᖏᓐᓂ ᐊᒻᒪ ᖃᓄᐃᓕᖓᓂᕆᔭᖏᓐᓂ ᐃᖅᑲᓇᐃᔮᖑᔪᒥᑦ ᐊᒻᒪ ᓴᖅᑭᑎᑦᑎᖏᓐᓂᕐᒧᑦ ᐊᑐᕐᓂᖃᑦᑎᐊᖅᑐᒥᑦ ᑐᓴᐅᒪᔾᔪᑎᓕᕆᓂᕐᒧᑦ ᐊᑐᖅᑕᐅᔪᒥᑦ.
ᐊᑭᓕᒐᒃᓴᕐᑕᓚᐅᕐᑐᑦ ᐃᒪᓐᓇᑎᒋ $100,000 ᐊᑭᓕᕐᑕᐅᓗᑎᒃ ᐅᑯᐊ ᐃᖅᑲᓇᐃᔭᕐᑎᑦ ᓴᐳᔾᔭᐅᓯᒪᓂᖏᓐᓄᑦ ᑭᓇᐅᔭᖃᕐᕕᑦ. ᓄᒡᓕᐊ ᐊᓐᑐᐳᕋᐃᔅ ᓕᒥᑎᑦ ᓯᖁᒥᑦᑎᑕᐅᑦᑕᐃᓕᒪᑎᑕᐅᓚᐅᕐᒥᔪᑦ 24 ᑕᖅᑭᓂᑦ, ᐱᖃᓯᐅᔾᔨᔪᑦ ᐱᑕᖃᕆᐊᖃᖅᑎᑕᐅᔪᖅ ᓴᖅᑭᑎᑦᑎᓗᑎ ᐊᒻᒪ ᐊᑐᓕᖅᑎᑦᑎᓗᑎ ᐊᑦᑕᓇᐃᖅᓯᒪᓂᕐᒧᑦ ᐱᓕᕆᐊᒥᑦ ᐊᐅᓚᑦᑎᔨᓄᑦ ᐊᐅᓚᐅᑎᓕᓐᓄᑦ ᓱᓇᒃᑯᑖᓄᑦ.
ᐸᓯᔭᒃᓴᐅᔾᔪᑏᑦ ᒪᑯᓇᙶᓚᐅᕐᑐᑦ ᖃᓄᐃᓕᐅᕈᑎᕕᓂᕐᓂᒃ ᐃᖅᑲᓇᐃᔭᖅᑎ ᐋᓐᓂᕐᓂᕐᒧᑦ ᐃᓅᔪᓐᓃᓚᐅᕐᓯᒪᑎᓪᓗᒍ ᑎᓯᐱᕆ 8, 2020-ᒥ. ᐃᖅᑲᓇᐃᔭᖅᑎᐅᔪᖅ ᑐᐊᐸᒃᑕᐅᑎᒥ ᐊᑐᖅᖢᓂ ᐃᓗᑦᑐᖅᑎᕆᓂᐊᕐᒪᑕ ᑐᐊᐸᒃᑕᕐᕕᒃᒥᑦ ᕗᐊᑦ ᓯᒻᓴᓐᒥᒃ 44 ᑭᓛᒥᑕᓂ ᐅᖓᓯᖕᓂᓕᒃᒥᒃ. ᑖᔅᓱᒪ ᐃᓗᑦᑐᖅᑕᐅᓯᒪᔫᑉ ᓴᓂᕋᖓ ᓱᕋᒃᑎᑳᓪᓚᒃᒪᑦ ᑖᓐᓇᓗ ᑐᐊᐸᒃᑕᐅᑎ ᑎᓱᓪᓗᓂ ᐃᓗᑦᑐᖅᑎᖅᑕᐅᓯᒪᔪᒧᑦ ᐊᒻᒪ ᐃᖅᑲᓇᐃᔭᖅᑎ ᐃᒫᕋᒥ ᐃᐱᓪᓗᓂ.
ᐅᓇᐅᑎᓪᓗᒍ ᑎᓯᐱᕆ 2, 2021, ᖃᐅᔨᓴᕐᓂᖃᓚᐅᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᖅᓯᒋᐊᓐᖓᓚᐅᖅᑐᑦ ᖁᓕᐅᓐᖏᒑᖅᑐᓂᑦ ᐃᖅᑲᖅᑐᕋᔅᓴᐅᔾᔪᑎᓂᖅᑦ ᓄᒡᓕᐊ ᐊᓐᑐᐳᕋᐃᔅ ᓕᒥᑎᑦᑯᓐᓄᑦ, ᓯᑯᒥᑦᑎᓂᕐᓐᓄᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ. ᒪᓕᑦᑐᒍ ᐸᓯᔭᔅᓴᐅᓂᕋᓂᕐᒧᑦ ᐊᖏᕈᑎᐅᔪᖅ, ᐊᓯᓕᒫᖏᑦ ᐃᖅᑲᖅᑐᕋᔅᓴᐅᔾᔪᑏᑦ ᐲᖅᑕᐅᓚᐅᖅᑐᑦ.
ᓴᐃᕗᓚ ᒪᒃᓚᐅᑦ
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854