ᔨᐊᓗᓇᐃᕝ, ᓄᓇᑦᓯᐊᖅ (ᔫᓂ 28, 2023) – ᐅᓇᐅᑎᓪᓗᒍ ᔫᓂ 23, 2023, ᓄᓇᑦᓯᐊᒥ ᐆᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐ ᐃᖅᑲᖅᑐᐃᕕᒻᒦᓚᐅᖅᑐᑦ ᓄᓇᑦᓯᐊᒥ ᐃᖅᑲᖅᑐᐃᕕᒻᒥ ᔨᐊᓗᓇᐃᕝᒥᑦ ᐊᒻᒪ ᐸᓯᔭᔅᓴᐅᓂᕋᒻᑐᑎᑦ ᓯᖁᒥᑦᑎᓂᕐᒧᑦ ᐊᑖᓂ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ.
ᓄᓇᑦᓯᐊᒥ ᐆᒪᖅᑯᑎᓕᕆᔨᒃᑯᑦ ᑯᐊᐳᕇᓴᓐ ᐸᓯᔭᔅᓴᐅᓂᕋᓚᐅᖅᑐᑦ ᐊᑕᐅᓯᕐᒧᑦ ᐃᒪᐃᑦᑐᒥᓂᐅᓪᓗᑎ “ᒪᑭᒪᑎᑦᑎᓯᒪᖏᑦᑐᑦ ᐱᓕᕆᕕᖓᓂ […] ᖄᓐᓂᐊᖅᑎᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᖏᓐᓄᑦ ᐃᓄᐃᑦ ᐱᓕᕆᕕᒻᒦᑦᑐᑦ […] ᐊᑦᑕᓇᖅᑐᒦᑎᑦᑎᓂᖃᓚᐅᖏᑦᑐᑦ”, ᒪᓕᓐᓂᖃᖏᑦᑐᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ. ᐊᑭᓕᒐᒃᓴᕐᑕᓚᐅᕐᑐᑦ ᐃᒪᓐᓇᑎᒋ $200,000 ᐊᑭᓕᕐᑕᐅᓗᑎᒃ ᐅᑯᐊ ᐃᖅᑲᓇᐃᔭᕐᑎᑦ ᓴᐳᔾᔭᐅᓯᒪᓂᖏᓐᓄᑦ ᑭᓇᐅᔭᖃᕐᕕᑦ.
ᐸᓯᔭᒃᓴᐅᑎᑦᑎᓂᖅ ᐱᒋᐊᖅᓯᒪᔪᑦ ᖃᓄᐃᓕᐅᕈᑎᐅᕕᓂᕐᓂᒃ ᒫᑦᓯ 5, 2021-ᒥ ᐅᕙᓂ ᔮᒃᕕᔅ ᐊᐅᓚᐅᓯᕆᕝᕕᒃᒥᑦ. ᓂᓚᒃ ᐊᖏᒡᓕᕙᓪᓕᐊᓂᖓᓂᒃ ᐃᓯᕆᐊᕐᕕᐅᑉ ᖁᓛᓂᒃ ᑕᕝᕙᓂ ᐊᐅᓚᐅᓯᕆᕝᕕᒃᒥ ᑲᑕᒃᖢᓂ ᐃᖅᑲᓇᐃᔭᖅᑎᒧᑦ. ᐃᖅᑲᓇᐃᔭᖅᑎ ᐃᓅᔪᓐᓃᓚᐅᕐᓯᒪᔪᖅ ᐋᓐᓂᕈᑎᒋᔭᖏᓐᓄᑦ.
ᐅᓇᐅᑎᓪᓗᒍ ᕕᕝᕗᐊᕆ 8, 2022, ᖃᐅᔨᓴᕐᓂᖃᓚᐅᖅᑎᓪᓗᒋᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑎᑎᕋᖅᓯᒋᐊᓐᖓᓚᐅᖅᑐᑦ 11−ᓂ ᐃᖅᑲᖅᑐᕋᔅᓴᐅᔾᔪᑎᓂᑦ ᓄᓇᑦᓯᐊᒥ ᐆᒪᖅᑯᑎᓕᕆᔨᒃᑯᑦ ᑯᐊᐳᕇᓴᒃᑯᓐᓄᑦ, ᓯᖁᒥᑦᑎᓂᖏᓐᓄᑦ ᐊᑦᑕᓇᐃᖅᓯᒪᓂᕐᒧᑦ ᐱᖁᔭᖅ ᐊᒻᒪ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ. ᒪᓕᑦᑐᒍ ᐸᓯᔭᔅᓴᐅᓂᕋᓂᕐᒧᑦ ᐊᖏᕈᑦ, ᐊᓯᓕᒫᖏᑦ ᖁᓕᑦ ᐃᖅᑲᖅᑐᕋᔅᓴᐅᔾᔪᑏᑦ ᐲᖅᑕᐅᓚᐅᖅᑐᑦ.
ᓴᐃᕗᓚ ᒪᒃᓚᐅᑦ
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854