ᔭᓗᓇᐃᕝ, ᓄᓇᑦᓯᐊᖅ (ᑎᓯᐱᕆ 15, 2021) – ᑎᓯᐱᕆ 2, 2021-ᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) 9-ᓂᒃ ᐸᓯᔭᒃᓴᙳᖅᑎᑦᑎᓚᐅᕐᓯᒪᖕᒪᑕ ᓄᓇᑦᓯᐊᕐᒥ ᐃᖅᑲᖅᑐᐃᕕᖏᑦᑎᒍᑦ ᐅᕘᓈᖓᔪᓂᒃ ᓄᓇᑦᓯᐊᕐᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅᒥᒃ.
ᖃᔅᓯᒐᓴᐃᑦ ᐸᓯᔭᒃᓴᐅᔾᔪᑎᑦ ᐊᔾᔨᒌᙱᑦᑐᓂᒃ ᓱᕋᐃᔾᔪᑎᓄᖓᓚᐅᕐᑐᑦ ᐆᒥᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅᒥᒃ ᐊᒻᒪᓗ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᖁᔭᓂᒃ, ᐅᓇ ᐃᓚᒋᔭᐅᓪᓗᓂ ᒪᓕᙱᓐᓂᕐᒥᒃ:
- ᐊᑐᓕᖅᑎᑦᑎᓂᖅ ᐊᒻᒪ ᑲᒪᒋᔭᖃᐃᓐᓇᕐᓂᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᐊᒃᓴᓂᒃ
- ᐃᖅᑲᓇᐃᔭᖅᑏᑦ ᐱᓕᕆᔪᓐᓇᑦᑎᐊᖅᑐᑦ ᑭᓯᐊᓂ ᐊᐅᓚᐅᑎᓕᖕᓂᒃ ᐊᐅᓚᑦᑎᕙᒡᓗᑎᒃ
- ᐃᖅᑲᓇᐃᔮᕆᔭᐅᔪᑦ ᑲᒪᒋᔭᐅᑦᑎᐊᖅᐸᒡᓗᑎᒃ
- ᐋᖅᑭᒃᓱᐃᓂᖅ ᑐᓴᐅᒪᖃᑦᑕᐅᑎᔾᔪᑎᓕᕆᓂᕐᒥᒃ ᐃᖅᑲᓇᐃᔭᖅᑎᓄᑦ ᐅᖓᓯᒃᑐᒥᑦ ᓴᓇᕙᒃᑐᓄᑦ
- ᐃᖅᑲᓇᐃᔭᖅᑎᐅᔪᖅ ᐊᔪᕈᓐᓃᖅᓴᖅᓯᒪᑦᑎᐊᕐᓗᓂ ᒪᑯᓂᖓ ᐋᓐᓂᐊᖃᖅᑕᐃᓕᓂᕐᒧᑦ ᐊᒻᒪ ᐊᑦᑕᓇᖅᑐᒦᑎᑦᑕᐃᓕᓂᕐᒧᑦ ᐃᖅᑲᓇᐃᔭᖅᑎᓂᒃ ᐊᑐᖃᑦᑕᕆᐊᓕᖕᓂᒃ ᐃᖅᑲᓇᐃᔭᖅᕕᒃᒥ.
ᐅᑯᐊ ᐸᓯᔭᒃᓴᙳᖅᑎᑕᐅᓚᐅᕐᑐᑦ Nogha Enterprises Ltd. (ᓄᒡᓕᐊ ᐊᓐᑐᐳᕋᐃᔅ ᓕᒥᑎᑦ) ᐊᒻᒪᓗ ᐊᖓᔪᖅᑳᕆᔭᐅᔪᖅ.
ᐸᓯᔭᒃᓴᐅᔾᔪᑏᑦ ᒪᑯᓇᙶᓚᐅᕐᑐᑦ ᖃᓄᐃᓕᐅᕈᑎᕕᓂᕐᓂᒃ ᐃᖅᑲᓇᐃᔭᖅᑎ ᐋᓐᓂᕐᓂᕐᒧᑦ ᐃᓅᔪᓐᓃᓚᐅᕐᓯᒪᑎᓪᓗᒍ ᑎᓯᐱᕆ 8, 2020-ᒥ. ᐃᖅᑲᓇᐃᔭᖅᑎᐅᔪᖅ ᑐᐊᐸᒃᑕᐅᑎᒥ ᐊᑐᖅᖢᓂ ᐃᓗᑦᑐᖅᑎᕆᓂᐊᕐᒪᑕ ᑐᐊᐸᒃᑕᕐᕕᒃᒥᑦ ᕗᐊᑦ ᓯᒻᓴᓐᒥᒃ 44 ᑭᓛᒥᑕᓂ ᐅᖓᓯᖕᓂᓕᒃᒥᒃ. ᑖᔅᓱᒪ ᐃᓗᑦᑐᖅᑕᐅᓯᒪᔫᑉ ᓴᓂᕋᖓ ᓱᕋᒃᑎᑳᓪᓚᒃᒪᑦ ᑖᓐᓇᓗ ᑐᐊᐸᒃᑕᐅᑎ ᑎᓱᓪᓗᓂ ᐃᓗᑦᑐᖅᑎᖅᑕᐅᓯᒪᔪᒧᑦ ᐊᒻᒪ ᐃᖅᑲᓇᐃᔭᖅᑎ ᐃᒫᕋᒥ ᐃᐱᓪᓗᓂ.
ᓯᕗᓪᓕᖅᐹᒥ ᐃᖅᑲᖅᑐᐃᕕᒃᒥ ᐱᓕᕆᐊᖑᓕᕆᐊᕐᓂᐊᖅᑐᖅ ᑖᔅᓱᒧᖓ ᒫᑦᓯ 16, 2022-ᒥ ᕗᐊᑦ ᓯᒻᓴᓐᒥ.
Maggie Collins (ᒫᒋ ᑳᓕᓐᔅ)
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854