ᐅᓂᒃᑳᕆᓗᑎᑦ ᐃᖅᑲᓇᐃᔭᖅᑎ:
- ᐃᓅᓕᓴᖅᑕᐅᔭᕆᐊᖃᓚᐅᕈᓂ;
- ᓴᓇᕝᕕᖕᒧᑦ ᐅᑎᕈᓐᓇᙱᒃᑯᓂ ᐅᓪᓗᖓᓂ ᐋᓐᓂᐅᕐᓂᐅᓚᐅᖅᑐᒥ;
- ᐅᑎᕈᓐᓇᙱᒃᑯᓂ ᐃᖅᑲᓇᐃᔮᖓᓄᑦ ᐅᓪᓗᖓᑕ ᐅᖓᑖᓄᑦ ᐋᓐᓂᕐᓂᐅᓚᐅᖅᑐᒥ;
- ᖃᐅᔨᒪᔪᓐᓃᓚᐅᕈᓂ;
- ᓴᖅᑭᔮᕐᕕᐅᓚᐅᕈᓂ ᐅᓗᕆᐊᓇᖅᑐᒧᑦ ᓱᓇᑐᐃᓐᓇᕐᒧᑦ; ᐅᕝᕙᓘᓐᓃᑦ
- ᐋᓐᓂᕐᔪᐊᖅᑐᖅ
(ᓇᓕᐊᑐᐃᓐᓇᐃᑦ ᖃᓄᐃᓐᓂᐅᔪᖃᕐᓂᖅᐸᑦ.)
ᐅᓂᒃᑳᕆᓂᕐᒥ ᖃᓄᐃᓐᓂᐅᔪᒥ, ᐋᓐᓂᕐᓂᐅᔪᒥᑦ, ᑐᖁᔪᖃᖅᐸᑦ, ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ ᐱᔭᕇᖅᓯᔭᕆᐊᖃᖅᐳᑎᑦ ᐊᒻᒪ ᑐᓂᓯᓗᑎᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒥ.
ᐃᖅᑲᓇᐃᔭᖅᑎᖁᑎᓖᑦ ᑐᓂᓯᔭᕆᐊᖃᖅᐳᑦ ᑕᒪᒃᑭᐅᒪᔪᒥ ᐱᔭᕇᖅᓯᒪᔪᒥ ᖃᓄᐃᓐᓂᐅᔪᒧᑦ ᐅᓂᒃᑳᓕᐊᒥᑦ ᐃᓗᐊᓂ ᐱᖓᓱᓂᑦ ᐅᓪᓗᓂᑦ ᐃᖅᑲᓇᐃᔭᕐᓇᐅᑎᓪᓗᒍ, ᐅᕝᕙᓘᓐᓃᑦ ᓵᙵᔭᐅᔾᔪᑎᖃᕐᓂᐊᖅᐳᖅ ᑎᑎᕋᖅᓯᒪᓂᐅᔪᒥ ᐃᖅᑲᓇᐃᔭᖅᑎᒧᑦ ᐋᓐᓂᖅᑐᖅᓯᐅᑎᓕᕆᔨᒃᑯᑦ ᒪᓕᒐᖓᓂ(ᖏᓐᓂ). ᖃᐅᔨᒪᓂᐊᖅᐳᑎᑦ ᐅᓂᒃᑳᕆᓂᕐᒧᑦ ᐱᕐᕈᓗᐊᕿᓂᐅᔪᒥ ᐱᑎᑦᑎᔪᒥᒃ ᑎᒥᒧᑦ ᐋᓐᓂᕐᓂᕐᔪᐊᖑᔪᒥ ᐅᕝᕙᓘᓐᓃᑦ ᐅᓗᕆᐊᓇᖅᑐᒥ ᖃᓄᐃᓐᓂᐅᔪᒥ, ᐅᖃᓗᒋᐊᖃᖅᐳᑎᑦ ᐃᑲᕐᕋᓄᑦ−24-ᓄᑦ ᖃᓄᐃᓐᓂᐅᔪᒥ ᐅᓂᒃᑳᕆᕝᕕᐅᔪᒧᑦ ᐅᕗᖓ 1-800-661-0792 ᐊᔪᕐᓇᕈᓐᓃᑐᐊᖅᐸᑦ ᐱᔭᕇᖅᓯᓂᕐᒥᓪᓗ ᐊᒻᒪᓗ ᑐᓂᓯᓂᕐᒥᑦ ᐃᖅᑲᓇᐃᔭᖅᑎᖁᑎᓕᖕᓄᑦ ᐅᓂᒃᑳᓕᐊᖓᓂ ᖃᓄᐃᓐᓂᐅᔪᒧᑦ ᐃᓗᐊᓂ ᐱᖓᓱᓂᑦ ᐅᓪᓗᓂᑦ ᐃᖅᑲᓇᐃᔭᕐᓇᐅᑎᓪᓗᒍ.