ᑐᖏᓕᖓ ᐊᖏᔪᖅᑳᖅ ᐊᑦᑕᓇᐃᖅᓯᒪᔪᓕᕆᔨ

ᒪᑐᐃᖓᔪᖅ ᓈᓴᐅᑖ
25/12 NU
ᐅᑯᐊ ᑕᒡᕙ ᐊᑐᕈᖕᓇᖅᑐᑦ ᐃᑲᔪᐃᓂᖃᕈᖕᓇᕐᓂᐊᕐᓗᑎᑦ
  •     ᕿᒥᕐᕈᓂᕐᒥᑦ ᐊᒻᒪ ᑐᓴᕋᔅᓴᖃᖅᑎᑎᓪᓗᓂ ᐱᓕᕆᔨᓂᑦ ᐱᔾᔪᑎᖃᖅᑐᓂᑦ ᖃᐅᔨᓴᕐᓂᐅᔪᓂᑦ ᐊᒻᒪ ᖃᐅᔨᓴᓂᕐᒧᑦ ᐱᐅᓛᒥᑦ ᐊᐅᓚᓗᒍ ᐊᒻᒪ ᐊᔭᐅᓪᓗᒍ ᐊᑦᑕᓇᐃᖅᓯᒪᓂᕐᒧᑦ ᒪᓕᒐᖅ ᐊᒻᒪ ᒪᓕᑦᑕᐅᔭᕆᐊᓖᑦ.
  •    ᐊᔪᖏᓐᓂᖃᖅᑐᓂ ᐃᖅᑲᓇᐃᔭᖃᑎᖃᑦᑎᐊᕈᓐᓇᕐᓗᓂ ᐊᒻᒪ ᐱᓕᕆᖃᑎᒌᖃᑎᖃᓂᕐᒥᑦ ᑎᒥᐅᑉ ᐃᓗᐊᓂ ᐅᒻᒪ ᓯᓚᑖᓂ ᑎᒍᒥᐊᖅᑎᐅᖃᑕᐅᔪᓂᑦ
  •  ᓴᖅᑭᑎᑦᑎᔪᓐᓇᕐᓗᓂ ᓴᓐᖏᔪᒥ ᐃᖅᑲᓇᐃᔭᖃᑎᖃᓂᕐᒥᑦ ᐊᓯᖏᓐᓂ ᒐᕙᒪᖃᕐᕕᐅᔪᓂᑦ ᒪᓕᑦᑕᐅᔭᕿᐊᓕᓐᓄᑦ ᑲᑎᒪᔨᕋᓛᓂᑦ
  • ᐱᓕᕆᖃᑎᒌᖃᑎᖃᕐᓗᓂ ᐃᖃᓗᐃᑦ ᐊᒻᒪ ᔨᐊᓗᓇᐃᕝ ᐊᓪᓚᕕᖏᓐᓂ ᕿᓂᖅᑐᓂ ᐊᔾᔨᒌᓂᑦ ᐊᑐᖅᑕᐅᕙᑦᑐᓂᑦ.
  • ᐊᐅᓚᓗᒍ ᑮᓇᐅᔭᓕᕆᓂᕐᒧᑦ ᐊᑐᖅᑐᔅᓴᐃᑦ ᐃᖃᓗᐃᑦ ᐊᓪᓚᑯᖓᓄᑦ.
  •  ᓇᓗᓇᐃᕐᓗᒋᑦ ᑐᕌᖅᑕᐅᔪᑦ ᐋᖅᑭᔅᓯᒪᓗᑎ ᐊᒻᒪ ᐱᓯᒪᔭᐅᓗᑎ ᑎᑭᑦᑎᓗᑎ ᑯᐊᐳᕇᓴᒧᑦ ᐸᕐᓇᐅᑎᖓᓄᑦ.

     
ᓇᒃᓴᕐᓂᐊᖅᑕᑎᑦ ᐃᖅᖃᓇᐃᔮᕆᔭᖕᓄᑦ
  • ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᓇᓗᓇᐃᒃᑯᑕᖅ ᐅᕝᕙᓘᓐᓃᑦ ᓇᓗᓇᐃᒃᑯᑕᒥ ᐃᓕᓴᕆᔭᐅᓯᒪᔪᒥᑦ ᐱᓕᕆᑯᒻᒥᑦ ᐊᒻᒪ;
  •  ᑲᓇᑕᒥ ᐊᑎᓕᐅᖅᓯᒪᔪᖅ ᐊᑦᑕᓇᐃᖅᓯᒪᓂᕐᒧᑦ ᐃᖅᑲᓇᐃᔭᓂᕐᒧᑦ ᐃᓕᕆᔭᐅᓯᒪᔪᓪᓗ;
  • ᖃᑦᑏᓐᓇᐅᓛᖏᑦ ᑕᓪᓕᒪᑦ (5) ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᓗᓂ ᐊᑦᑐᐊᓂᓕᓐᓄᑦ ᐱᓕᕆᓂᕐᒧᑦ 
  • ᖃᑦᑏᓐᓇᐅᓛᖏᑦ ᐱᖑᓱᑦ (3) ᐊᕐᕌᒍᓂᑦ ᐃᖅᑲᓇᐃᔭᖃᑦᑕᖅᓯᒪᕋᑖᕐᓗᓂ ᐊᖏᔪᖅᑳᖑᓪᓗᓂ
  • ᐊᑐᕈᓐᓇᖅᑐᒥ ᐊᖁᑦᑐᖅᓯᐅᑎᖃᕆᐊᓖᒃ 5-ᒥ 
  • ᖃᐅᔨᓴᐃᒍᓐᓇᕐᓗᓂ ᑐᑭᓯᒋᐊᕈᑎᓂᑦ ᐊᒻᒪ ᓇᓗᓇᐃᖅᓯᒍᓐᓇᕐᓗᓂ ᐊᖅᑯᑎᓪᓗᐊᖓᓂ ᓯᕗᒧᒋᒋᐊᓂᕐᒧᑦ.
  • ᑐᓴᐅᒪᔾᔪᑎᓕᕆᓂᕐᒧᑦ ᖃᐅᔨᒪᓂᖃᕐᓗᓂ ᑕᒪᒃᑭᓂ ᐅᖃᐅᓯᒃᑯᑦ ᐊᒻᒪ ᑎᑎᕋᖅᓯᒪᔪᒃᑯᑦ.
  • ᖃᐅᔨᓴᐃᒍᓐᓇᕐᓗᓂ ᖃᐅᔨᓴᕐᓗᓂ ᐊᒻᒪ ᓇᓗᓇᐃᔭᕐᓗᒋᑦ ᒪᓕᒐᐃᑦ ᐊᒻᒪ ᐊᑐᐊᒐᐃᑦ ᐊᑐᕐᓂᖃᖅᑐᓄᑦ ᐊᔾᔨᒌᖏᑦᑐᓄᑦ 
  • ᐱᓕᕆᕕᓄᑦ ᐊᒻᒪ ᐅᕝᕙᓘᓐᓃᑦ ᐃᖅᑲᓇᐃᔭᓂᕐᒧᑦ ᐊᑐᖅᑕᐅᕙᑦᑐᓂᑦ

     
ᐃᒪᐃᑦᑐᓂ ᑐᓂᓯᓯᒪᕗᒍᑦ
  • ᐱᕕᒃᓴᐅᔪᖅ ᐱᐅᔪᒥᑦ ᐊᒃᑐᐃᓂᖃᖅᑐᒥ ᓴᓇᔩᑦ ᐃᓅᓯᖏᑕ ᐱᐅᓂᖓᓂ ᓄᓇᑦᓯᐊᖅ ᐊᒻᒪᓗ ᓄᓇᕗᑦ ᐃᓗᓕᓕᒫᖓᓂ.
  • ᐅᑭᐅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᑦ $22,878 ᐃᖃᓗᓐᓂ.
  • ᐊᓯᐊᓄᑦ ᓄᓇᒧᑦ ᓄᒃᑎᕈᑎᒃᓴᓂ ᐃᑲᔪᖅᑕᐅᔪᓐᓇᖅᑐᖅ.
  • ᐱᐅᓪᓚᕆᒃᑐᑦ ᐃᑲᔫᓯᐊᒃᓴᑦ ᐋᖅᑭᒃᓱᖅᓯᒪᒧᑦ ᐊᒻᒪᓗ ᐊᑎᓕᐅᖅᑕᐅᖃᑕᐅᓗᓂ ᑭᒃᑯᓕᒫᓂᒃ ᐱᔨᑦᑎᕋᕐᓂᕐᒧᑦ ᐃᓄᑐᖃᐅᔾᔪᓯᐊᒃᓴᓄᑦ.
  • ᐃᓕᑉᐸᓪᓕᐋᓂᕐᒧᑦ ᐊᒻᒪᓗ ᐱᕙᓪᓕᐋᓂᕐᒧᑦ ᐃᓕᓐᓂᐊᕈᑎᓂᒃ ᐊᒻᒪᓗ ᑮᓇᐅᔭᖃᒃᑎᑦᑎᔪᑎᓂᒃ ᑐᕌᖓᑎᑕᐅᔪᓂᒃ ᐃᕝᕕᑦ ᐃᖃᓇᐃᔮᕆᔭᕐᓂ ᐱᕈᒃᐸᓪᓕᐊᓂᕐᓄᑦ.
  • ᐊᒥᓱᓂᒃ ᐃᖅᑲᓇᐃᔭᙱᑦᑐᓐᓇᐅᑎᖃᕐᓗᓂ ᐊᒻᒪᓗ ᐃᖅᑲᓇᐃᔭᕐᕕᖕᒥ ᐃᓕᖅᑯᓯᕐᒦᓪᓗᓂ ᐃᑲᔪᖅᑐᐃᔪᒥ ᖃᓄᐃᙱᑦᑎᐊᕐᓂᕐᒧᑦ ᐃᖅᑲᓇᐃᔭᕐᕕᖕᒥ-ᐃᓅᓯᕐᒥ ᓇᓕᒧᒌᒃᑎᑦᑎᓂᕐᒥᒃ.
  • ᐊᔾᔨᒌᙱᑦᑐᓂᒃ ᐱᖅᖁᓯᖃᖅᑐᓂᒃ ᐃᖅᖃᓇᐃᔭᖅᑎᖃᖅᑐᑦ ᑎᒍᒥᐊᖅᑐᓂᒃ ᐊᓯᐊᙳᕐᓂᕐᒧᑦ ᐊᒻᒪᓗ ᑐᙵᓱᒃᑎᑦᑎᓂᕐᒧᑦ ᐊᑐᖅᓯᒪᔭᐃᑦ ᐃᓅᓯᖕᓂᑦ.
  • ᒐᕙᒪᑐᖃᒃᑯ ᐊᒻᒪ ᓄᓇᕗᒥᑦ ᑖᒃᓰᔭᐃᓂᕐᒧ ᖃᓄᐃᓕᐅᕈᑎᓕᒃ ᒪᑯᑎᑐᓇᖅ ᓄᓇᑦᓯᐊᕐᒥ ᐅᕝᕙᓘᓐᓃᑦ ᓄᓇᕗᒥᑦ ᓇᖕᒥᓂᖅ ᑖᒃᓰᔭᕈᑎᓄᑦ ᐊᒻᒪ ᐅᑭᐅᕐᑕᖅᑐᕐᒦᓐᓂᕐᒧᑦ ᑖᒃᓯᓄᑦ ᐲᔭᖅᑕᐅᔭᕆᐊᓕᖕᓂᒃ.

     
Closing Date:

ᐃᖅᑲᓇᐃᔮᖅᑖᕋᓱᒃᑐᖅ ᑐᓂᓯᔪᓐᓇᕐᓗᓂ ᓈᒻᒪᒃᑐᒥᒃ ᐱᕋᔭᒃᓯᒪᖕᒪᖔᑦ ᖃᐅᔨᒋᐊᖅᑕᐅᔾᔪᑎᒥᒃ. ᑐᓂᓯᙱᓐᓂᖅ ᓈᒻᒪᒃᑐᒥᒃ ᖃᐅᔨᒋᐊᖅᑕᐅᔾᔪᑎᒥᒃ ᑐᑭᑖᖅᑎᑕᐅᓯᒪᓂᐊᖅᑐᑦ ᐃᖅᑲᓇᐃᔮᖅᑖᕈᓐᓇᙱᓐᓂᖓᓂᒃ ᐃᖅᑲᓇᐃᔮᒃᓴᒥᒃ.

ᑖᓐᓇ ᓈᒻᒪᒋᖅᑰᔨᒍᖕᓂ, ᐊᑏ ᑐᓂᓂᐊᖅᐸᑦ ᐃᖅᑲᓇᐃᔮᕆᖃᑦᑕᖅᓯᒪᔭᑎᑦ ᑎᑎᕋᖅᓯᒪᔪᑦ ᓇᒃᓯᐅᑎᓗᒋᑦ ᓇᓗᓇᐃᕐᓗᒍ ᐱᒡᒍᓴᐅᑎᓂᕐᒧᑦ ᓈᓴᐅᑖ : careers@wscc.nt.ca

Affirmative Action: ᐃᖅᑲᓇᐃᔮᖅᑖᕋᓱᒃᑐᑦ ᓇᓗᓇᐃᔭᐃᓯᒪᑦᑎᐊᕆᐊᓖᑦ ᐊᔪᙱᑎᑕᐅᔾᔪᑎᖏᓐᓂᒃ ᓯᕗᓪᓕᐅᔾᔭᐅᔪᒪᒍᑎᒃ ᐊᑐᕐᓗᒋᑦ ᐱᓕᕆᐊᖑᓪᓚᕆᖕᓂᖏᓐᓄᑦ ᐱᕙᒌᔭᐅᑏᑦ.


Diversity and Inclusion: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓚᓕᐅᔾᔨᓯᒪᔫᓪᓗᑎᒃ ᐃᖅᑲᓇᐃᔭᕐᕕᐅᔪᖅ. ᑎᒥᒃᑯᑦ ᐊᔪᕈᑎᖃᕈᑯᑦ ᐊᒻᒪᓗ ᐃᑲᔪᖅᑐᖅᑕᐅᔭᕆᐊᖃᕐᓗᑎᒃ ᐃᖅᑲᓇᐃᔭᓕᖅᑎᑕᐅᕙᓪᓕᐊᓇᓱᖕᓂᕐᓂ, ᐊᔭᐅᖅᑐᖅᑕᐅᐅᔪᑎᑦ ᓇᓗᓇᐃᔭᐃᓗᑎᒃ ᐱᔭᕆᐊᖃᑕᕐᓂᒃ ᐅᖃᖃᑎᒋᔭᐅᒍᕕᑦ ᐱᓕᕆᐊᒃᓴᓄᑦ ᐊᐱᖅᓱᕐᓂᕐᒧᓪᓘᓐᓃᑦ ᐊᑲᐅᓈᖁᔭᐅᓪᓗᑎᑦ ᐃᖅᑲᓇᐃᔭᓕᖅᑎᑦᑎᕙᓪᓕᐊᓂᕐᒥ.


Eligibility: ᐊᔪᙱᑎᑕᐅᓂᕐᒧᑦ ᑎᑎᕋᖅᓯᒪᔪᑦ ᐋᖅᑭᒃᓱᖅᑕᐅᑐᐃᓐᓇᕆᐊᓖᑦ ᐱᓇᔪᒃᑐᓂ ᐃᖅᑲᓇᐃᔮᑦ ᐃᓐᓄᖁᔭᐅᓪᓗᑎᒃ ᓯᕗᓂᒃᓴᒥ ᐃᖅᑲᓇᐃᔭᓚᐅᑲᒐᔭᖅᑐᓄᑦ ᐊᒻᒪᓗ ᐃᖅᑲᓇᐃᔮᖑᐃᓐᓇᕐᓂᐊᖅᑐᓄᑦ ᐃᓂᓄᑦ 

ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐱᓇᓱᐊᒐᖃᕐᑐᑦ ᐃᖅᑲᓇᐃᔭᕐᕕᒃᒥᓐ ᐋᓐᓂᐊᖅᑖᕆᔭᐅᔭᑦᑐᓂᒃ ᐊᒻᒪ ᐋᓐᓂᕈᑎᐅᔭᑦᑐᓂᒃ. ᐱᓕᕆᐊᒃᓴᕆᔭᕗᑦ ᐃᒪᐃᑦᑑᕗᑦ ᓴᖅᑭᔮᖅᑎᑦᑎᓂᕐᒥ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕈᑎᓂᒃ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᑎᑦᑎᓯᒻᒫᑦ ᐱᔾᔪᑎᖃᙱᑦᑐᒥ ᓇᓪᓕᐅᒃᑯᒫᓂᑦ ᐃᖅᑲᓇᐃᔭᖅᑎᑦᑎᔨᓄᑦ ᑲᒪᓂᕐᒧᑦ ᐊᒻᒪᓗ ᐸᖅᑭᓂᐅᔪᒥ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ. ᐊᑐᐊᒐᕆᔭᕗᑦ ᐃᑉᐱᒍᓱᑦᑎᐊᕐᓂᖅ, ᐱᖃᑕᐅᑎᑦᑎᓂᖅ, ᓱᓕᑦᑎᐊᕐᓂᖅ, ᒪᑐᐃᖓᑦᑎᐊᕐᓂᖅ, ᐱᖅᑯᓯᓄᑦ ᐊᑦᑕᓇᖏᑦᑐᒥ, ᐱᐅᔪᒻᒪᕆᒻᒥᑦ ᐊᒻᒪ ᐃᓕᓐᓂᐊᑎᑦᑎᓂᕐᒥᑦ ᐃᖅᑲᓇᐃᔭᕐᕕᐅᔪᒥᑦ.