“ᐋᓐᓂᕐᔪᑎᒋᔭᐅᔪᖅ” ᖃᓄᐃᓕᓂᐅᔪᑦ ᖃᓄᐃᓕᖃᑦᑕᖅᑐᑦ ᐃᖅᑲᓇᐃᔭᖅᑎ ᐊᑦᑐᕐᓂᖃᖅᑐᓂ ᐊᐅᓚᔪᒧᑦ, ᓴᓇᕐᕈᑎᒧᑦ ᐅᕝᕙᓘᓐᓃᑦ ᓱᓇᒃᑯᑖᒧᑦ. ᐆᑦᑑᑎᒋᓗᒍ, ᐃᖅᑲᓇᐃᔭᖅᑎ ᐋᓐᓂᕐᔪᑎᖃᕈᓐᓇᖅᑐᖅ ᓴᓇᕐᕈᑎᒧᑦ ᑲᑕᑦᑐᒧᑦ ᐃᓪᓘᑉ ᖄᖓᓂ, ᐅᔭᕋᑦᑎᐊᒧᑦ, ᐃᖏᕋᔪᒧᑦ ᓄᓇᓯᐅᒻᒧᑦ, ᐳᓪᓚ ᐳᓪᓚᐃᑳᓪᓚᑎᓪᓗᒍ, ᐅᕝᕙᓘᓐᓃᑦ ᐱᔅᓯᑦᑐᒥᑦ ᓱᓇᒃᑯᑖᒥᑦ ᐊᒻᒪ ᖃᖓᑕᓪᓗᓂ.
ᐋᓐᓂᕐᔪᑕᐅᒐᔪᑦᑐᑦ ᐋᓐᓂᕐᔪᑎᒋᔭᐅᔪᒧᑦ ᖃᓄᐃᓐᓂᐅᔪᓄᑦ ᐊᒡᒐᓕᒫᖏᓐᓂ ᐊᒻᒪ ᐊᒡᒐᖏᓐᓂ, ᐃᔨᖏᓐᓂ, ᐊᒻᒪ ᑎᒥᐅᑉ ᖁᓛᒍᑦ.
ᖁᑦᑎᓂᖅᓴᐃᑦ ᐊᑦᑕᓇᕈᑎᖃᕈᓐᓇᖅᑐᑦ ᐱᓕᕆᕕᐅᔪᑦ ᐊᒻᒪ ᐃᖅᑲᓇᐃᔮᖑᔪᑦ
ᐅᑭᐅᑕᖅᑐᒥ, ᐋᓐᓂᕐᔪᑎᒋᔭᐅᔪᖅ ᖃᓄᐃᓕᓂᐅᔪᑦ ᐅᑐᖅᑕᐅᒐᔪᑦᑐᑦ ᐅᑯᓄᖓ:
- ᓴᓇᓂᕐᒧᑦ ᐃᖅᑲᓇᐃᔭᖅᑏᑦ
- ᕿᔪᓕᕆᔨᑦ
- ᐅᔭᕋᓐᓂᐊᕕᒻᒥ ᐃᖅᑲᓇᐃᔭᖅᑏᑦ
ᑖᒃᑯᐊ ᐋᓐᓂᕐᓂᐅᔪᑦ ᐋᓐᓂᕐᔪᑕᐅᒐᔪᑦᑐᑦ ᓴᓇᓯᔨᓄᑦ ᐃᖅᑲᓇᐃᔭᖅᑎᓄᑦ, ᐋᓐᓂᐊᓯᐅᖅᑏᑦ, ᐃᓄᐃᑦ ᐃᓕᔾᔨᕕᒻᒨᖅᑲᐃᕙᑦᑐᑦ.
ᐋᓐᓂᖅᑕᐃᓕᑎᑦᑎᓂᖅ
ᑲᑐᑎᓗᑎ ᐃᖅᑲᓇᐃᔭᖅᑏᑦ ᐊᒻᒪ ᐊᖏᔪᖅᑳᖏᑦ ᓇᓗᓇᐃᖅᓯᒍᓐᓇᖅᑐᑦ ᐊᒻᒪ ᐊᐅᓚᓗᒍ ᐋᓐᓂᕐᔪᑎᒋᔭᐅᔪᖅ ᐊᑦᑕᓇᕈᑎᐅᔪᓂᑦ ᑕᕝᕙᑦᑕᐅᑎᒋ ᐊᑦᑕᓇᖅᓯᓚᐅᖅᑎᓐᓇᒋᑦ ᐅᕝᕙᓘᓐᓃᑦ ᐋᓐᓂᑎᑦᑎᓗᑎ. ᐱᔭᕇᖅᓯᓗᓂ ᐊᑦᑕᓇᕈᑎᓂᑦ ᖃᐅᔨᓴᓂᕐᒧᑦᐃᕝᕕᑦ ᐱᓕᕆᖃᖏᓪᓗ, ᓇᓗᓇᐃᖅᓯᑦᑎᐊᕈᓐᓇᓂᐊᖅᑐᓯ ᐋᓐᓂᕐᔪᑎᒋᔭᐅᔪᓄᑦ ᐊᑦᑕᓇᕈᑎᐅᔪᓂᑦ ᐃᖅᑲᓇᐃᔭᕐᕕᒻᒥ. ᐊᑦᑕᓇᕈᑎᐅᔪᑦ ᓇᓗᓇᐃᖅᑕᐅᓯᒪᓕᖅᑎᓪᓗᒋᑦ, ᐱᓕᕆᔩᑦ ᐅᖃᐅᓯᖃᕆᐊᓖᑦ ᖃᓄᖅ ᐱᐅᓛᒥᑦ ᐊᐅᓚᑦᑎᔪᑎᓕᐅᕐᓗᒋᑦ ᐲᖅᑕᐅᓗᑎ ᐅᕝᕙᓘᓐᓃᑦ ᐊᑦᑎᓪᓕᒋᐊᕐᓗᒋᑦ ᐊᑦᑕᓇᕈᑎᐅᔪᑦ. ᐊᑖᓃᑦᑐᑦ ᐆᑦᑐᕋᐅᑎᐅᔪᑦ ᖃᓄᖅ ᓇᓗᓇᐃᖅᑕᐅᔪᓐᓇᕐᓂᖏᓐᓄᑦ ᐊᒻᒪ ᐊᑐᓕᖅᑎᑕᐅᓂᖏᓐᓄᑦ ᐊᐅᓚᑦᑎᔾᔪᑏᑦ, ᒪᓕᓐᓂᖃᖅᑐᑎᑦ ᖁᓕᕇᑦᑐᓂᑦ ᐊᐅᓚᑦᑎᓂᕐᒧᑦ:
- ᐲᕈᓐᓇᖅᑭᒌᑦ ᐋᓐᓂᕐᔪᑎᒋᔭᐅᔪᓐᓇᖅᑐᑦ ᐊᑦᑕᓇᖅᑐᑦ ᐃᕝᕕᑦ ᐃᖅᑲᓇᐃᔭᕐᕕᖓᓂ?
ᐲᕐᓗᒋᑦ ᐋᓐᓂᕐᔪᑎᒋᔭᐅᔪᓐᓇᖅᑐᑦ ᐊᑦᑕᓇᖅᑐᑦ ᒪᓐᓂᖃᕐᓗᓂ ᓴᓗᒪᑎᑦᑎᐊᓂᕐᒥᑦ ᐊᑐᖅᑕᐅᖃᑦᑕᖅᑐᓂᑦ ᓲᕐᓗ ᐱᓱᕝᕕᐅᔪᑦ ᓴᓂᖅᑕᖃᖏᓪᓗᑎ, ᐊᒻᒪ ᐅᖁᒪᐃᑦᑐᑦ ᓴᓇᕐᕈᑏᑦ ᐊᒻᒪ ᓱᓇᒃᑯᑖᑦ ᑐᖅᑯᖅᑕᐅᓯᒪᖏᓪᓗᑎ ᐳᖅᑐᔪᓂᑦ. - ᐊᓯᐊᓂ ᐊᑐᖔᕈᓐᓇᖅᑭᑦ ᓱᓇᒃᑯᑖᒥᑦ ᐅᕝᕙᓘᓐᓃᑦ ᐃᖅᑲᓇᐃᔮᖑᒋᐊᓕᒻᒥ ᐊᑦᑎᓂᖅᓴᓂ ᐊᑦᑕᓇᕈᑎᖃᕈᓐᓇᖅᑐᓂᑦ?
ᐆᑦᑑᑎᒋᓗᒍ, ᐊᑐᕐᓗᑎ ᑭᕕᑦᑎᔾᔪᑎᓕᓐᓂᑦ ᒪᔪᕋᐅᑎᐅᖏᖔᖅᑐᓂᑦ ᐊᑦᑐᖅᑕᐅᔪᓐᓇᖅᑐᑦ ᐊᒻᒪ ᐅᕐᕈᑎᑕᐅᓗᑎ ᐋᓐᓂᑎᑦᑎᔪᓐᓇᖅᑐᑦ ᐊᒻᒪ ᐅᕐᕈᑎᑦᑎᓗᑎ, ᐅᕝᕙᓘᓐᓃᑦ ᐊᑐᕐᓗᑎ ᓱᓇᒃᑯᑖᒥᑦ ᐃᖅᑲᓇᐃᔭᖅᑎᓄᑦ ᐊᐅᓚᑕᐅᔪᓐᓇᖅᑐᒥ ᐅᖓᓯᑦᑐᒥᑦ. - ᓴᓇᓯᒪᔪᓕᐅᕈᓐᓇᖅᑭᑦ ᐋᖅᑭᒍᑎᒥᑦ?
ᐆᑦᑎᐅᔪᓐᓇᖅᑐᑦ ᐱᖃᓯᐅᔾᔨᒧᑦ ᐃᓱᒃᑲᔭᐃᒃᑯᑎᑦ ᓴᓇᕐᕈᑎᑦ ᐃᖅᑲᓇᐃᔭᖅᑎᓪᓗᒋᑦ ᐳᖅᑐᔪᓂᑦ, ᐋᖅᑭᔅᓯᓂᕐᒥᑦ ᐅᓕᖏᓐᓂ ᐱᓱᕝᕕᓐᓂᑦ, ᐅᕝᕙᓘᓐᓃᑦ ᐊᐳᑎᒥᑦ ᐊᕙᓗᓕᐅᕐᓗᓂ ᐃᖅᑲᓇᐃᔭᕐᕕᐅᔪᒥᑦ ᐃᓯᕐᕕᖏᓐᓂ ᐊᒻᒪ ᐊᓂᕕᖏᓐᓂ. - ᓴᖅᑭᑎᑦᑎᔪᓐᓇᖅᑮᑦ ᐊᐅᓚᑦᑎᓂᕐᒧᑦ ᐋᖅᑭᒍᑎᒥᑦ?
ᑖᓐᓇ ᐱᖃᓯᐅᔾᔨᔪᓐᓇᖅᑐᖅ ᓴᖅᑭᑎᑦᑎᓂᕐᒥᑦ ᐊᑐᖅᑕᐅᔭᕆᐊᓕᓐᓂᑦ ᐊᒻᒪ ᐊᑐᐊᒐᕐᓂᑦ ᐃᓕᔾᔨᕕᐅᔪᑦ ᑐᖅᑯᐃᕕᐅᓯᒪᓗᑎ ᐊᑦᑕᓇᖏᑦᑐᒥᑦ, ᑎᑎᖅᑲᖃᕐᓗᑎ ᖁᕝᕙᓯᑦᑐᓂᑦ ᐊᑦᑕᓇᕈᑕᐅᔪᓄᑦ ᓇᒦᓐᓂᖏᑦ, ᐅᕝᕙᓘᓐᓃᑦ ᓴᖅᑭᑎᑦᑎᓂᕐᒥᑦ ᐃᓕᓐᓂᐊᓂᕐᒧᑦ ᐱᓕᕆᐊᒥᑦ ᐱᖃᓯᐅᔾᔨᔪᓂᑦ ᑲᒪᒋᔭᖃᓂᕐᒥᑦ ᐊᒻᒪ ᒪᑭᒪᑎᑦᑎᓂᕐᒥᑦ ᐊᒡᒐᓄᑦ ᓴᓇᕐᕈᑎᓂᑦ, ᐱᖃᓯᐅᑎᓪᓗᑎ ᐃᖅᑲᓇᐃᔭᕐᕕᒋᔭᐅᔪᑦ ᐊᒻᒪ ᓴᓇᕐᕈᑏᑦ ᖃᐅᔨᓴᖅᑕᐅᓂᖏᓐᓄᑦ. - ᓴᐳᒻᒥᓗᒋᑦ ᐃᖅᑲᓇᐃᔭᖅᑏᑦ ᐅᑯᓄᖓ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ?
ᐆᑦᑑᑎᒋᓗᒍ, ᐊᑐᕐᓗᑎ ᑕᑯᔅᓴᐅᑎᐊᖅᑐᓂᑦ, ᕿᓪᓛᒋᑕᖅᑐᑦ ᖃᐅᒪᒧᑦ ᐅᐊᔅᓯᑯᐊᑦ ᐃᖅᑲᓇᐃᔭᕐᕕᐅᔪᓂᑦ ᐃᖏᔪᖃᖅᑐᓂᑦ ᓱᓇᒃᑯᑖᓂᑦ ᐅᕝᕙᓘᓐᓃᑦ ᓄᓇᓯᐅᑎᓂᑦ, ᑎᓯᔪᑦ ᓇᓴᐃᑦ ᓴᐳᒻᒥᓗᒋᑦ ᐳᖅᑐᔪᓂᑦ ᑲᑕᑦᑐᓂᑦ, ᐃᔩᓐᓄ ᓴᐳᒻᒥᔾᔪᑎᑦ, ᐃᖅᑲᓇᐃᔭᖅᑐᖅᓯᐅᑏᒃ ᑲᒫᓗᐃᑦ, ᐊᒻᒪ ᓴᐳᒻᒥᑦᑎᔪᑦ ᐊᒡᒑᑦ ᐊᑦᑕᓇᖅᑐᓂᑦ ᐃᖅᑲᓇᐃᔭᕐᕕᐅᔪᓂᑦ.
ᐃᑲᔪᕈᑎᒃᓴᐃᑦ
- ᐋᓐᓂᕐᔪᑎᒋᔭᐅᔪᖅ” ᖃᓄᐃᓕᓂᐅᔪᑦ ᐋᓐᓂᓂᕐᒧᑦ ᑐᑭᓯᒋᐊᕈᑏᑦ – ᐱᖁᑎᕐᔪᐊᖅ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑐᔾᔨᖃᑎᒌᖏᑦ ᐋᓐᑎᐅᕆᔪᒥ ᐊᔾᔨᒌᖏᑦᑐᓂᑦ ᑭᓱᓕᕆᔾᔪᑎᖃᖅᑐᑦ ᐊᒻᒪ ᑐᑭᓯᒋᐊᕈᑎᓂᑦᑕᐃᒪᐃᑦᑐᒧᑦ ᖃᓄᐃᑦᑑᓂᖓᓄᑦ ᐋᓐᓂᕐᓂᐅᔪᒧᑦ.
- ᐅᓗᕆᐊᓇᖅᑐᖅ ᐅᔾᔨᖅᓱᕆᐊᓕᒃ – ᑲᑕᒐᖅᑐᑦ ᓂᓚᐃᑦ ᐊᒻᒪ ᐊᐳᑎ – ᖃᓄᐃᓐᓂᐅᒐᔪᒃᑐᑦ ᐅᑭᐅᒃᑯᑦ ᐊᒻᒪᓗ ᐅᐱᕐᖓᒃᓴᓕᖅᑎᓪᓗᒍ ᐊᐅᒃᐸᓪᓕᐊᓕᖅᑎᓪᓗᒍ.
- ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒋᐊᖃᖅᑐᑦ ᐱᓕᕆᔾᔪᓯᐅᔪᑦ ᑐᑭᓯᒋᐊᕐᕕᖓ ᑐᑭᓯᒋᐊᕈᑎᓄᑦ ᐊᔾᔨᒌᖏᑦᑐᓂ ᖃᓄᐃᑦᑐᒡᒍᑕᐅᔪᓂᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE)