ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE)

29th Sep 2021

ᓈᒻᒪᑦᑐᖅ ᐱᓕᕆᔭᐅᔪᒧᑦ ᐊᒻᒪ ᓈᒻᒪᑦᑐᖅ ᐃᖅᑲᓇᐃᔭᖅᑎᒧᑦ

 

ᐊᑐᐃᓐᓇᐅᔪᑦ ᑭᓱᓕᕆᔾᔪᑏᑦ


ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐅᕝᕙᓘᓐᓃᑦ PPE ᖃᓄᐃᑦᑐᑐᐃᓐᓇᐅᔪᑦ ᐊᓐᓄᕌᓂᑦ ᐅᕝᕙᓘᓐᓃᑦ ᓱᓇᒃᑯᑖᓂᑦ ᐃᖅᑲᓇᐃᔭᖅᑏᑦ ᐊᑐᖅᑕᖏᑦ ᐃᒻᒥᓂᒃ ᓴᐳᒻᒥᓂᐊᕐᓗᑎ ᓇᓗᓇᐃᖅᓯᒪᔪᓄᑦ ᐊᑦᑕᓇᕈᑎᐅᔪᓐᓇᖅᑐᑦ ᐃᖅᑲᓇᐃᔭᕐᕕᒻᒥ. ᐊᒥᓲᔪᑦ ᐊᔾᔨᒌᖏᑦᑐᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᑐᓐᖓᓂᖃᖅᑐᑦ ᖃᓄᐃᑦᑐᓂᑦ ᐱᓕᕆᓂᖏᓐᓄᑦ ᐅᕝᕙᓘᓐᓃᑦ ᖃᓄᐃᑦᑑᓂᖓ ᐱᓕᕆᔭᐅᔪᖅ. ᐱᑕᖃᒐᔪᑦᑐᑦ ᖃᓄᐃᑦᑐᒡᒍᑕᐅᓂᖏᑦ ᐱᖃᓯᐅᔾᔨᔪᑦ:

  • ᐃᔨᒧᑦ ᓴᐳᒻᒥᔾᔪᑎᓂᒃ: ᐊᑦᑕᕐᓇᖅᑕᐃᓕᒪᔾᔪᑏᑦ ᐃᒡᒐᐃᑦ, ᐃᔨᓗᒃᑖᒧᑦ ᐃᒡᒐᐃᑦ, ᑎᖅᑭᐊᑦ
  • ᑲᒫᓗᐃᑦ: ᐊᑦᑕᓇᔾᔭᐃᖅᓯᒪᓂᕐᒧᑦ ᑲᒫᓗᐃᑦ, ᓴᐳᒻᒥᑎᔾᔪᑏᑦ ᖄᖓᓄ ᐃᓯᒐᖓᓄ ᐅᖁᒪᐃᑦᑐᓄᑦ, ᖁᐊᔭᑭᔾᔭᐃᒃᑯᑏᑦ ᖁᐊᓴᕐᓄᑦ ᖄᖑᔪᓄᑦ
  • ᓂᐊᖁᕐᒧᑦ ᓴᐳᒻᒥᔾᔪᑏᑦ: ᑎᓯᔪᑦ ᓇᓴᐃᑦ, ᓯᕿᓐᓂᑐᖅᓯᐅᑎᑦ ᐅᕝᕙᓘᓐᓃᑦ ᓇᓴᐃᑦ, ᓇᓴᑐᐃᓐᓇᐃᑦ 
  • ᑖᓂᖅᑐᔪ ᐊᓐᓄᕌᑦ: ᑭᓱᑐᐃᓐᓇᐃᑦ ᖃᐅᒻᒫᒋᖃᑦᑕᖅᑐᑦ
  • ᐃᔪᒃᑲᖅᑕᐃᓕᒪᑎᑦᑎᓂᕐᒧᑦ ᓴᐳᒻᒥᔾᔪᑏᑦ: ᐃᔪᒃᑲᔭᐃᒃᑯᑎᓄᑦ ᐊᑐᖅᑕᐅᕙᑦᑐᑦ, ᐊᑦᑐᓈᑦ, ᐃᒻᒥᓂ ᐃᒧᔭᒃᑐᑦ ᐃᐱᖅᓯᒪᔾᔪᑏᑦ 
  • ᑐᓵᓂᕐᒧᑦ ᓴᐳᒻᒥᔾᔪᑏᑦ: ᓯᐅᑕᐃᓕᓴᐃᑦ, ᓂᐱᓂᑦ ᑐᓴᖅᓴᐅᑎᑦᑎᖏᑦᑐᑦ ᓯᐅᑎᓐᓅᖓᔪᑦ, ᐅᕝᕙᓘᓐᓃᑦ ᐃᓕᖕᓄᑦ ᓴᓇᓯᒪᔪᓄᑦ ᓯᐅᑎᓐᓅᒐᐃᑦ ᓂᐱᒃᑭᐅᓗᐊᖅᑐᓄᑦ
  • ᐊᓂᖅᓵᖅᑐᖅᑕᑦᑕ ᓴᐳᔾᔨᓯᒪᓂᖅ: ᓇᖕᒥᓂᖅ ᐴᖅᓯᒪᔪᖅ ᐊᓂᖅᓵᖅᑑᑎᑦ, ᒪᑐᐊᖅ ᐊᒻᒪᓗ ᓇᓴᓕᖕᒥ ᐊᓂᖅᓵᖅᑑᑎᑦ

ᑭᒃᑯᑦ ᐱᑕᖃᖅᑎᑦᑎᕙᑦ ᐅᑯᓂᖓ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ?

ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ, ᐃᖅᑲᓇᐃᔭᖅᑎᑦᑎᔨᐅᔪᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᖃᖅᑎᑦᑎᔭᕆᐊᖃᖅᑐᑦ ᓈᒻᒪᒋᔭᐅᔪᓂᒃ ᓴᓇᔨᓄᑦ ᐊᒻᒪᓗ ᓇᓗᓇᐃᖅᓯᓗᑎᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐃᖅᑲᓇᐃᔭᕐᕕᖕᒥ ᐃᓂᒋᔭᖓᓃᓐᓂᖓᓂ ᐱᒋᐊᓚᐅᖅᑳᕋᑎᒃ ᐱᓕᕆᐊᒃᓴᒥ. 

ᐃᖅᑲᓇᐃᔭᖅᑏᑦ ᐱᔭᒃᓴᖃᕆᕗᑦ. ᑐᓂᔭᐅᒍᑎᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᐊᑐᕐᓂᕐᒧᑦ, ᓴᓇᔨᐅᔪᑦ ᐱᓕᕆᓂᖃᕆᐊᖃᖅᐳᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᑦ ᓴᓗᒪᑎᑦᑎᓗᑎᒃ ᐊᒻᒪᓗ ᓱᔪᐃᑎᑦᑕᐃᓕᒪᓗᒍ. ᐊᑐᕆᐊᓖᑦ ᓱᔪᐃᓯᒪᒃᐸᑕ, ᑲᒪᔨᒥᓄᑦ ᑐᓂᔭᕆᐊᖃᖅᐸᖓ ᐊᒻᒪ ᖃᐅᔨᑎᓪᓗᒋᑦ ᖃᓄᐃᒻᒪᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑐᒐᒃᓴᐅᙱᓐᓂᖓᓂ.

ᓂᕈᐊᕐᓂᖅ ᑖᒃᑯᓂᖓᓪᓗᐊᖅ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐃᕝᕕᑦ ᐱᓕᕆᔭᖓᓄᑦ

ᐊᕐᕌᒍᓯᒪᔪᒥᑦ ᐊᒥᓱᑦ ᐃᓄᐃᑦ ᐅᔾᔨᕈᓱᓐᓂᖅᓴᐅᓕᖅᑐᑦ ᐊᐅᓚᑦᑎᓂᕐᒧᑦ ᐸᕐᓇᐃᓂᕐᒥᑦ, ᐅᕙᑦᑎᓐᓂ ᓴᐳᒻᒥᑦᑎᓚᐅᕐᖓᑕ ᓄᕙᒡᔪᐊᕐᓇᖅ-19. ᑖᒃᑯᐊᓴᐃᓐᓇᐃᑦ ᐊᑐᖅᑕᐅᕙᑦᑐᑦ ᐱᕙᓪᓕᐊᓂᖓ ᐊᑑᑎᖃᖅᑐᑦ ᖃᓄᐃᑦᑐᑐᐃᓐᓇᕐᓄᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᓂᕐᒧᑦ ᐸᕐᓇᐃᓂᕐᒥᑦ. ᑕᐃᔭᐅᒐᔪᑦᑐᖅ “ᖁᑦᑎᓕᕇᓐᓂᖏᑦ ᐊᐅᓚᑕᐅᔪᑦ,” ᐊᑐᖅᑕᐅᕙᒃᑐᑦ ᑕᑯᔭᐅᔪᑦ ᐊᑖᓂ ᑕᑯᒃᓴᐅᑎᑦᑎᔪᑦ ᐱᕙᓪᓕᐊᓂᖓᓄ ᓇᓂᓯᓂᕐᒥᑦ ᑖᒃᑯᓂᖓᓪᓗᐊᖅ ᓱᓇᒃᑯᑖᒥᑦ ᐊᒻᒪ ᐃᖅᑲᓇᐃᔭᖅᑏᑦ ᐊᑦᑕᓇᐃᖅᓯᒪᓗᑎ ᐃᖅᑲᓇᐃᔭᕐᕕᖕᒥ. ᐅᕝᕙᑯᐊ 3 ᐊᑐᖅᑕᐅᒐᔪᑦᑐᑦ ᐃᖅᑲᓇᐃᔭᓂᕐᒧᑦ ᐊᑦᑕᓇᖏᑦᑐᒥᑦ:

  1. ᓇᓂᓗᒋᑦ ᐅᓗᕆᐊᓇᑐᖅ. 
  2. ᐋᖅᑭᒍᑎᒃᓴᓂ ᓇᓂᓯᓗᑎᑦ.
  3. ᐸᕐᓇᐅᑎᓕᐊᑎᑦ ᐊᑐᓕᖅᑕᐅᑎᓪᓗᒋᑦ.

ᒪᓕᒋᐊᓕᒃ 1: ᓇᓂᓗᒋᑦ ᐅᓗᕆᐊᓇᑐᖅ – ᐊᒥᓲᔪᑦ ᐊᑦᑕᓇᕈᑕᐅᔪᓐᓇᖅᑐᑦ ᐃᖅᑲᓇᐃᔭᕐᕕᓕᒫᓂᑦ, ᑭᓯᐊᓂ ᐱᓪᓚᕆᐅᕗᖅ ᑲᒪᔨᑎᑦ ᐊᒻᒪ ᓴᓇᔨᐅᔪᑦ ᓇᓗᓇᐃᖅᓯᓗᑎᒃ ᑕᐃᒃᑯᓂᖓ ᐊᒻᒪ ᐋᖅᑭᒋᐊᖃᕐᓗᒋᑦ ᓯᕗᓂᐊᒍᑦ ᐱᓂᕐᓗᒃᑐᖃᓚᐅᖅᑎᓐᓇᒍ. ᐃᒪᐃᑦᑑᓂᖃᕈᓐᓇᖅᑐᑦ:

  • ᓂᓪᓕᓇᖅᑐᖅ ᐅᓪᓗᖅ – ᐊᑦᑕᓇᕈᑎᐅᔪᖅ ᓂᓪᓚᓇᖅᑐᒦᓐᓂᕐᒧᑦ ᐃᕝᕕᑦ ᐃᖅᑲᓇᐃᔭᖅᑎᖏᓐᓄᑦ, ᖁᐊᕐᓂᖃᖅᑎᑎᓪᓗᑎ ᐅᕝᕙᓘᓐᓃᑦ ᖁᐊᒐᓛᑦᑐᓂᑦ, ᕿᐅᑎᑦᑎᔪᑦ, ᐅᕝᕙᓘᓐᓃᑦ ᐊᓯᖏᑦ ᐋᓐᓐᓂᕐᓂᐅᔪᑦ ᓱᒃᑲᐃᓪᓕᓂᕐᒧᑦ ᖃᓄᐃᓕᒋᐊᓂᕐᒧᑦ ᐅᕝᕙᓘᓐᓃᑦ ᓂᐊᖁᒃᑯᑦ ᐱᑦᑕᐅᑎᒋᖏᓂᕐᒧᑦ. 
  • ᐃᖅᑲᓇᐃᔭᕐᓂᖅ ᐃᓪᓘᑉ ᖄᖓᓂ – ᐊᑦᑕᓇᕈᑎᐅᔪᖅ ᐃᔪᒃᑲᓂᕐᒧᑦ ᐳᖅᑐᔪᓂᑦ, ᑲᒪᒋᔭᖃᕐᓂᖅ ᓱᓇᒃᑯᑖᓂ, ᓯᕿᓂᕐᒦᓐᓂᕐᒧᑦ ᐅᖅᑰᑎᓪᓗᒍ ᐅᓪᓗᖓ, ᐅᕝᕙᓘᓐᓃᑦ ᐊᑦᑕᓇᕈᑎᐅᔪᖅ ᑲᑕᐃᓂᕐᒧᑦ ᓴᓇᕐᕈᑎᓂᑦ ᐅᕝᕙᓘᓐᓃᑦ ᓱᓇᒃᑯᑖᓂᑦ ᐊᑐᖅᑕᐅᔪᑦ ᐱᓕᕆᔭᐅᔪᒧᑦ (ᑭᑭᐊᔅᓯᔾᔪᑎ ᐳᓪᓚᒨᖅᑐᖅ, ᖃᓗᕋᐅᑦ, ᐊᓯᖏᓪᓗ) ᐋᓐᓂᖅᓯᓗᑎ ᐊᓯᖏᓐᓂ ᐃᖅᑲᓇᐃᔭᖅᑎᓂ ᐅᕝᕙᓘᓐᓃᑦ ᐃᓄᖕᓂᑦ. 
  • ᓯᑯᐊᖅᓯᒪᓂᖓ – ᐊᑦᑕᓇᕈᑎᐅᔪᖅ ᖁᐊᔭᕿᓂᕐᒧᑦ ᐊᒻᒪ ᑲᑕᖕᓂᕐᒧᑦ, ᐊᒻᒪ ᐋᓐᓂᕈᑕᐅᒐᔪᓐᓂᖅᐹᖅ ᐅᑭᐅᑕᖅᑐᒥ.

ᐊᑦᑕᓇᕈᑕᐅᔪᓐᓇᖅᑐᑦ ᐱᑕᖃᖅᑐᑦ ᓯᓚᕐᔪᐊᒥᑦ ᐃᓅᕕᒋᔭᑦᑎᓐᓂ ᐊᒻᒪ ᐃᖅᑲᓇᐃᔭᖅᕕᒋᔭᑦᑎᓐᓂ, ᑭᓯᐊᓂ ᐱᒻᒪᕆᐅᔪᕐᓕ ᖃᐅᔨᖃᑦᑕᖅᑕᕗᑦ ᐊᒻᒪ ᐊᑦᓴᓇᐃᖅᓯᒪᓂᕐᒧᑦ ᐊᑐᖃᑦᑕᖅᑐᑕ ᐊᑦᑎᓪᓕᒋᐊᕐᓗᒍ ᐊᑦᑕᓇᕈᑎᐅᔪᖅ ᐋᓐᓂᓂᕐᒧᑦ. 
ᒪᓕᒋᐊᓕᒃ 2: ᓇᓂᓯᓂᖅ ᐋᖅᑭᒍᑎᓂᑦ – ᐃᓱᒪᒋᐊᓯᖃᑦᑕᖅᑐᒍᑦ ᓈᒻᒪᑦᑐᓂᑦ ᖃᓄᖅ ᐃᒻᒥᓂᒃ ᓴᐳᒻᒥᓂᕐᒧᑦ ᐊᑦᑕᓇᕈᑕᐅᔪᓐᓇᖅᑐᓂᑦ ᐱᑕᖃᖅᑐᓂᑦ. ᕿᒥᕐᕈᓗᒋᑦ ᖁᓕᕇᓐᓂᖏᑦ ᐊᐅᓚᑕᐅᔪᑦ ᐊᒻᒪ ᑕᑯᓗᒋᑦ ᑭᓱᑦ ᖃᓄᐃᓕᓂᖃᕈᓐᓇᕐᒪᖔᑕ. ᐲᖅᑕᐅᓂᖏᑦ ᐊᑦᑕᓇᖏᓂᖅᓴᐅᖏᓐᓇᐅᔭᕐᓂᐊᖅᑐᖅ ᐊᐅᓚᑦᑎᓂᕐᒥᑦ, ᒪᓕᓐᓂᖃᖅᑐᑎᑦ ᐊᓯᖏᓐᓄᑦ ᖁᕝᕙᓯᓐᓂᖏᓐᓄᑦ ᑎᑎᕋᖅᑕᐅᓯᒪᔪᖠᓂᑦ. ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᑭᖑᓪᓕᖅᐹᕆᔭᕗᑦᑦ ᐃᒻᒥᒧᑦ ᓴᐳᒻᒥᑦᑎᓂᕐᒥᑦ, ᑭᓯᐊᓂ ᐱᖅᒻᒪᕆᐅᖏᓐᓇᖅᑐᖅ ᐃᓚᒋᔭᖓ ᐋᖅᑭᔅᓱᒐᕐᓂᑦ. ᐅᕙᓂᐅᔪᒥᑦ ᐊᑐᖅᑕᐅᔪᒥᑦ, ᐃᒻᒥᓂ ᐊᐱᕆᔪᑎᑦ “ᖃᓄᐃᑦᑐᓂᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐃᖅᑲᓇᐃᔭᖅᑏᑦ ᐱᔭᕆᐊᖃᖅᑲᑦ ᐊᑦᑕᓇᐃᖅᓯᒪᐃᓐᓇᕐᓗᑎ?” ᐊᑐᕐᓗᒋᑦ ᐆᑦᑐᕋᐅᑏᑦ ᑎᑎᕋᖅᓯᒪᔪᑦ ᖁᓛᓂ; ᐅᕙᐅᑯᐊ ᖃᓄᐃᑦᑐᒡᒍᑕᐅᓂᖏᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐃᓱᒪᒋᔭᐅᒐᔭᖅᑐᑦ ᑖᒃᑯᓄᖓ ᖃᓄᐃᑦᑑᓂᖏᓐᓄᑦ ᐊᑦᑕᓇᕈᑎᐅᔪᓐᓇᖅᑕᑦ:

  • ᓂᓪᓕᓇᖅᑐᖅ ᐅᓪᓗᖅ – ᖃᓕᕇᖑᔪᓂ ᐊᑐᕐᓂᕐᒧᑦ, ᖁᓕᑦᑕᐅᔭᐃᑦ, ᓇᓴᐃᑦ, ᐊᒡᒑᑦ, ᑲᒫᓗᐃᑦ ᐊᒻᒪ ᐊᓯᖏᑦ ᓂᒡᓕᓇᕐᓂᖓ ᖃᓄᐃᓐᓂᕆᔭᖓᓄ ᐃᖅᑲᓇᐃᔭᖅᑎᐅᑉ ᐃᖅᑲᓇᐃᔭᕐᕕᒋᔭᖓᓂ. 
    • ᐳᐃᒍᖅᑕᐃᓕᓗᑎᑦ ᐊᓯᖏᓐᓂ ᐊᐅᓚᒋᐊᖃᖅᑕᓐᓂᑦ, ᓲᕐᓗ ᐃᖅᑲᓇᐃᔭᖅᑎᓂᑦ ᓄᖅᑲᖓᑲᐃᓐᓇᖃᑕᑎᓪᓗᒋᑦ ᓂᒡᓕᓇᖅᑐᒥᑦ, ᑲᔪᖏᕐᓴᕐᓗᒋᑦ ᐆᓇᖅᑐᓂᑦ ᐃᒥᖃᑦᑕᕐᓗᑎ, ᖃᐅᔨᓴᖅᑐᖃᖃᑦᑕᕐᓗᓂ ᖃᓄᐃᓐᓂᕆᔭᖏᓐᓄᑦ, ᐊᐃᑉᐸᖃᕐᓂᖓᓂ ᐱᓕᕆᔾᔪᓯᐅᔪᒥ ᐊᒻᒪ ᓇᓗᓇᐃᖅᓯᓯᒪᑦᑎᐊᖅᑐᖅ ᑭᒡᓕᖓᓂ ᓂᒡᓕᓇᓗᐊᓕᖅᑎᓪᓗᒍ ᐊᒻᒪ ᐃᖅᑲᓇᐃᔭᕐᓂᐅᔪᖅ ᓄᖅᑲᕆᐊᖃᖅᑐᓂ (ᐃᖅᑲᓇᐃᔭᕐᓂᖅ ᓂᒡᓕᓇᖅᑐᒥᑦ ᓯᓚᒥ ᐊᑦᑕᓇᙱᑦᑐᒥ ᐱᓕᕆᓂᕐᒧᑦ ᐊᑐᐊᒐᐃᑦ ᐃᑲᔪᕐᓂᐊᖅᑐᑦ ᑲᒪᔨᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᑖᔅᓱᒥᖓ ᐃᓱᒪᓕᐅᕐᓗᑎᒃ). ᐅᕗᙵᕐᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒋᐊᖃᖅᑐᓂ ᐱᓕᕆᔾᔪᓯᖃᖅᐳᑦ ᐆᓇᕐᓂᖏᑕ ᖃᓄᐃᓕᖓᓂᖏᓐᓂᑦ ᖃᐅᔨᒋᐊᒃᑲᓐᓂᕐᓂᕐᒧᑦ. 
  • ᐃᖅᑲᓇᐃᔭᕐᓂᖅ ᐃᓪᓘᑉ ᖄᖓᓂ – ᐱᔭᕆᐊᖃᓂᐊᖅᑐᑎᑦ ᐃᔪᒃᑲᔾᔭᐃᒃᑯᑎᓂᑦ ᓴᐳᒻᒥᔾᔪᑎᓂᑦ, ᓴᓂᕋᒃᑯᑦ ᑎᒍᒻᒥᕖᑦ, ᕿᓗᐊᖅᓯᒪᔾᔪᑎ, ᐊᒃᖢᓈᒥᒃ, ᐃᖅᑲᓇᐃᔭᖅᑐᖅᓯᐅᑎᑦ ᑲᒫᓗᐃᑦ, ᓈᒻᒪᑦᑐᓂᑦ ᐊᓐᓄᕌᖅᓯᒪᓂᖅ ᐃᖅᑲᓇᐃᔭᓂᕐᒧᑦ ᖃᓄᐃᓐᓂᕆᔭᖏᓐᓄᑦ, ᐊᒻᒪ ᑐᙵᓂᖃᖅᑐᖅ ᖃᓄᐃᑦᑑᓂᖓᓄᑦ ᐃᖅᑲᓇᐃᔮᖑᔪᖅ, ᐃᖅᑲᓇᐃᔭᖅᑏᑦ ᐱᔭᕆᐊᖃᑐᐃᓐᓇᕆᐊᓖᑦ ᐊᒡᒑᓂᑦ, ᐅᔨᓐᓄᑦ ᓴᐳᒻᒥᔾᔪᑎᓂᑦ, ᐅᕝᕙᓘᓐᓃᑦ ᑎᓯᔪᑦ ᓇᓴᐃᑦ.
    • ᐳᐃᒍᖅᑕᐃᓕᓗᑎᑦ ᐊᓯᖏᓐᓂ ᐊᐅᓚᒋᐊᖃᖅᑕᕐᓂᑦ, ᐃᓚᖃᕆᐊᖃᖅᑐᒥ ᑲᑕᔾᔭᐃᕐᓂᕐᒧᑦ ᓴᐳᔾᔨᓯᒪᓂᕐᒧᑦ ᐸᕐᓇᐅᑎ, ᐃᒥᖃᑦᑕᕐᓂᖅ ᐃᒥᕐᒥᑦ, ᓇᓗᓇᐃᖅᓯᒪᑦᑎᐊᖅᑐᑦ ᒪᓕᒐᐃᑦ ᖃᓄᑎᒋ ᐊᑯᓂᐅᔪᒥᑦ ᐃᖅᑲᓇᐃᔭᖅᑏᑦ ᓯᕿᓂᕐᒦᒍᓇᕐᒪᖔᑕ (ᓄᖅᑲᖓᑲᐃᓐᓇᕐᓂᐅᔪᑦ ᐱᒻᒪᕆᐅᔪᑦ), ᑐᓴᐅᒪᖃᑎᒌᑦᑎᐊᕐᓂᖅ ᓄᓇᒦᑦᑐᓂᑦ ᐃᖅᑲᓇᐃᔭᖅᑎᓂᑦ, ᐊᒻᒪ ᓱᓇᒃᑰᑦ ᓲᕐᓗ ᒪᔪᕋᐅᑏᑦ ᐱᐅᔫᓪᓗᑎ ᐊᐅᓚᓂᖃᑦᑎᐊᖅᑐᒥᑦ.
  • ᓯᑯᐊᖅᓯᒪᓂᖓ – ᐃᖅᑲᓇᐃᔭᖅᑏᑦ ᐊᑐᕆᐊᖃᓂᐊᖅᑐᑦ ᓈᒻᒪᑦᑐᓂᑦ ᑲᒫᓗᓐᓂᑦ ᐊᒻᒪ ᖁᐊᐃᔾᔭᐃᒃᑯᑎᓕᖕᓂ ᓯᓚᖓᓄ ᐃᖅᑲᓇᐃᔭᕐᕕᒋᔭᖏᓐᓂ. 
    • ᐳᐃᒍᖅᑕᐃᓕᓗᑎᑦ ᐊᓯᖏᓐᓂ ᐊᐅᓚᒋᐊᖃᖅᑕᕐᓂᑦ, ᐱᖁᓯᐅᔾᔨᔪᑦ ᓄᓇᖓ ᓂᓚᖃᖅᑎᑦᑕᐃᓕᓗᒍ ᖃᖓᑐᐃᓐᓇᒃᑯᑦ ᑕᐃᒪᐃᒍᓐᓇᑎᓪᓗᒍ, ᑕᕆᐅᓕᖅᓯᓂᖅ ᐅᕝᕙᓘᓐᓃᑦ ᓯᐅᕋᓕᖅᓯᓂᖅ ᖁᐊᔭᕿᑦᑕᐃᓕᑎᑦᑎᓂᕐᒧᑦ, ᐱᓕᕆᔾᔪᓯᐅᔪᖅ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᐅᓯᒃᓴᐃᑦ ᐊᒻᒪ ᐃᖅᑲᐃᑎᑦᑎᔾᔪᑎᓂᑦ ᐃᖅᑲᓇᐃᔭᖅᑎᓄᑦ ᓱᒃᑲᐃᓪᓕᒋᐊᕆᐊᖃᖅᑐᑎᑦ ᐊᒻᒪ ᖃᐅᔨᒪᓇᓱᑦᑎᐊᕐᓗᑎ ᓇᐅᒃᑰᕐᒪᖔᑕ.

ᑖᒃᑯᓂᖓᓪᓗᐊᖅ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐃᓅᓕᔅᓯᒍᓐᓇᖅᑐᑦ. ᐱᒻᒪᕆᐅᔪᖅ ᑐᐊᕕᖏᓪᓗᓂ ᐃᓱᒪᒋᓗᒋᑦ ᐊᑦᑕᓇᐃᖅᓯᒪᓂᕐᒧᑦ ᐊᑐᖅᑕᐅᔪᑦ, ᓱᓇᒃᑯᑖᑦ, ᐊᒻᒪ ᐊᓐᓄᕌᓂᑦ ᐃᖅᑲᓇᐃᔭᕐᓂᐊᖅᑐᑦ ᐃᖅᑲᓇᐃᔭᖅᑎᑎᑦ ᐊᑦᑕᓇᐃᖅᓯᒪᑎᑦᑏᓇᕐᓗᒋᑦ.

ᒪᓕᒋᐊᓕᒃ 3: ᐊᑐᓕᖅᑎᑕᐅᓂᖓ ᐸᕐᓇᐅᑏᑦ – ᑭᖑᓪᓕᖅᐹᒥ ᐊᑐᖅᑕᐅᔪᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᑎᑦᑎᒋᐊᓂᕐᒧᑦ. ᐅᕙᓂ ᓈᒻᒪᑦᑐᑦ ᐋᖅᑭᒍᑏᑦ ᐃᓅᓕᔅᓯᓂᕐᒧᑦ ᐱᓪᓚᕆᕈᖅᑎᑦᑎᔪᑦ. ᕿᓂᖅᑎᓪᓗᑎᑦ ᐃᒻᒥᒧᑦ ᓴᕈᒻᒥᔾᔪᑎᓂᑦ ᓱᓇᒃᑯᑖᓂᑦ ᑕᕝᕙᓂ ᐊᑐᖅᑕᐅᒥᑦ, ᐊᐱᕆᔪᑎᑦ “ᐅᓇ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓇᒻᒪᒋᔭᐅ ᑖᔅᓱᒧᖓ ᐃᖅᑲᓇᐃᔭᖅᑎᒧᑦ?” ᐱᑕᖃᖅᑐᖃᖏᑐᕐᓕ ᐊᑕᐅᓯᖅ ᑭᒃᑯᓕᒫᓄᑦ ᓈᒻᒪᒋᔭᖅ ᐅᑯᓄᖓ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ. ᐅᕙᐅᑯᐊ ᐱᔾᔪᑎᖃᖅᑎᑦᑎᔪᑦ ᐃᓱᒪᒋᓗᒋᑦ:

  • ᖃᓄᑎᒋ ᐊᖏᓂᖃᖅᑲ ᐃᖅᑲᓇᐃᔭᖅᑎ? ᐃᖅᑲᓇᐃᔭᖅᑏᑦ ᐱᔭᕆᐊᖃᕈᓐᓇᖅᑐᑦ ᐊᔾᔨᒌᖏᑦᑐᓂᑦ ᐊᖏᓂᖏᓐᓂᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ. ᓇᓂᓯᓗᑎ ᐋᖅᑭᒋᐊᕋᔅᓴᒥᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓈᒻᒪᓕᖅᑎᑕᐅᔪᓐᓇᖅᑐᖅ ᐊᔾᔨᒌᖏᑦᑑᑎᓄᑦ ᐃᖅᑲᓇᐃᔭᖅᑎᓄᑦ. 
  • ᐃᖅᑲᐅᒪᓂᐊᖅᑯᑎᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓴᓇᓯᒪᓂᖃᖅᑐᑐᖃᐅᓯᒪᔪᑦ ᐊᖑᑎᓄᑦ ᐊᖏᓂᕆᒐᔪᑦᑕᖏᓐᓄᑦ. ᐃᖅᑲᓇᐃᔭᖅᑎᐅᔪᖅ ᑕᕝᕗᖓᖏᒃᑯᓂ ᖃᓄᐃᑦᑐᒡᒍᑕᐅᓂᖓᓄ, ᐱᑕᖃᖅᑎᑦᑎᒋᐊᖃᖅᑐᑎᑦ ᐊᓯᐊᒍᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓈᒻᒪᒋᔭᖃᕐᓗᑎ ᐱᔭᕆᐸᖃᖅᑕᖏᓐᓂᑦ.
  • ᐊᓂᖅᓵᖅᑑᑎᓕᒫᑦ (ᓲᕐᓗ N95) ᐱᑕᖃᕆᐊᖃᖅᑎᑦᑎᔪᑦ ᓇᖕᒥᓂᖅ ᐃᓄᖕᒧᑦ ᓈᒻᒪᑦᑐᒥᑦ, ᖃᐅᔨᓴᖅᑕᐅᓂᖓᓂ ᐊᒻᒪ ᐋᖅᑭᒃᑕᐅᓯᒪᔪᑦ ᓈᒻᒪᓕᖅᑎᑕᐅᒃᑲᓂᕐᓂᖏᓐᓄᑦ ᑕᕐᕆᓯᓯᒪᑦᑎᐊᕋᓗᐊᕐᒪᖔᑕ. ᑖᒃᑯᓇᓂᐅᔪᓂᑦ, ᐱᒻᒪᕆᐅᒻᒥᔪᖅᑕᐅᖅ ᐃᖅᑲᓇᐃᔭᖅᑎᐅᔪᑦ ᐅᒦᔭᖅᓯᒪᑦᑎᐊᖏᓐᓇᕐᓗᓂ ᓴᐳᒻᒥᑎᓪᓗᒍ ᒪᑐᐊᖅᓯᒪᑦᑎᐊᕐᓂᖓ ᒪᑐᐊᕐᒧᑦ. 
  • ᓴᓇᔨᒋᔭᐃᑦ ᑕᐅᑐᑦᑎᐊᖅᓯᐅᑎᑦ ᐃᒡᒐᓂ ᐊᑐᓲᖑᕙ? ᐊᑦᑕᓇᔾᔭᐃᖅᓯᒪᓂᕐᒧᑦ ᐃᒡᒑᒃ ᐊᑎᔪᓐᓇᖅᐸᖏᑦ ᑕᐅᑐᑦᑎᐊᖅᓯᐅᑎᑦ ᐃᒡᒐᑦ ᖄᖓᒍᑦ ᓴᐳᔾᔨᓯᒪᓂᕐᒧᑦ? ᐱᔭᕆᐊᖃᑐᐃᓐᓇᕆᐊᖃᖅᐳᑦ ᓘᒃᑖᒃᑯᑎᒍᑦ ᐱᔪᓐᓇᐅᑎᑎᒍᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᒡᒑᖕᓂ. 

ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓈᒻᒪᒋᐊᓖᑦ ᐱᓕᕆᓗᓂ ᐊᒻᒪ ᓈᒻᒪᓪᓗᑎ ᐃᖅᑲᓇᐃᔭᖅᑎᒧᑦ. ᓈᒻᒪᑎᐊᖏᑦᑐᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᓴᖅᑭᑎᑦᑎᔪᓐᓇᖅᐳᖅ ᖄᒃᑲᓐᓂᐊᒍᑦ ᐊᑦᑕᓇᕈᑕᐅᔪᓂᑦ ᐃᖅᑲᓇᐃᔭᖅᑎᓄᑦ, ᑕᐃᒪᐃᓐᓂᖓᓄᑦ ᐱᒻᒪᕆᐅᔪᖅ ᑭᓱᓕᒫᑦ ᐋᖅᑭᐅᒪᑦᑎᐊᖅᑎᑕᐅᓗᑎᒃ, ᓈᒻᒪᑦᑐᓂ ᐊᑦᑕᓇᐃᖅᓯᒪᓂᕐᒧᑦ ᓇᐃᓴᐅᓯᖅᓯᒪᓂᖓᓂ, ᐊᒻᒪ ᓈᒻᒪᒃᑐᓂ ᐃᖅᑲᓇᐃᔭᖅᑎᒧᑦ ᐊᑐᖅᑐᒧᑦ.

ᐊᕐᓂᖃᑦᑎᐊᖅᑐᒥᑦ ᐊᑐᓕᖅᑎᑦᑎᓂᖅ ᐱᒻᒪᕿᐅᔪᒥᑦ ᐃᓚᒍᑕᖃᕐᒥᔪᖅ: ᖃᐅᔨᒪᑦᑎᐊᕐᓗᑎ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐱᔭᐅᔅᓴᐅᓂᖏᓐᓄᑦ. ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑐᐃᓐᓇᐅᓗᑎ ᖃᖓᑐᐃᓐᓇᒃᑯᑦ ᐃᖅᑲᓇᐃᔭᖅᑎᒧᑦ ᐱᔭᐅᔭᕆᐊᖃᖅᑎᓪᓗᒍ, ᐃᖅᑲᐅᒪᒋᓂᖅᓴᕆᔪᓐᓇᖅᑕᖏᑦ ᐱᓕᕆᓕᖅᑎᓪᓗᒋᑦ. ᐃᓱᒪᒋᓗᒍ ᐋᖅᑭᔅᓯᒪᓂᖓ ᐃᖅᑲᓇᐃᔭᕐᕕᒋᔭᐃᑦ. ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑐᐃᓐᓇᐅᕙ ᓇᒥ ᐊᒻᒪ ᖃᖓᒃᑯᑦ ᐃᖅᑲᓇᐃᔭᖅᑎᒧᑦ ᐱᔭᐅᔭᕆᐊᖃᖅᑎᓪᓗᒍ? ᐋᒡᒐᐅᒍᓂ, ᐃᒻᒪᖃ ᐃᓱᒪᒋᔭᖃᓕᕐᓗᓂ ᓄᑖᒥ ᑐᖅᑯᐃᓂᕐᒧᑦ ᐋᖅᑭᒍᑎᓂᑦ ᐃᕝᕕᑦ ᐃᖅᑲᓇᐃᔭᖅᕕᒋᔭᖓᓄᑦ.

ᐃᑲᔪᕈᑎᒃᓴᐃᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑭᓱᓕᕆᔾᔪᑎᖃᖅᑐᑦ ᐃᑲᒧᕐᓗᑎ ᑖᒃᑯᓂᖓᓪᓗᐊᖅ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑐᖅᑕᐅᒐᓗᐊᕐᒪᖔᑕ ᐃᖅᑲᓇᐃᔮᖑᔪᒧᑦ ᐃᕝᕕᑦ ᐱᓕᕆᕕᖓᓄᑦ. ᖃᐅᔨᒋᐊᒃᑭᑦ ᑭᓱᓕᕆᔾᔪᑏᑦ ᐅᓪᓗᒥ:

ᑕᑯᔪᒪᒍᕕᒋᑦ ᒪᓕᒐᐃᑦ ᑕᕝᕗᖓᑦᑕᐅᑎᒋ, ᖃᐅᔨᒋᐊᕐᕕᒋᒍᒃ ᐃᓚᒍᑕᖓ 7 ᐅᑯᓇᓂ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ ᒪᓕᑦᑕᐅᔭᕆᐊᓖᑦ (OHS ᒪᓕᑦᑕᐅᔭᕆᐊᓖᑦ) (ᓄᓇᕗᑦ ᐊᒻᒪ ᓄᓇᑦᓯᐊᖅ). ᐊᐱᑯᑎᔅᓴᖃᕈᕕᑦ ᐱᔾᔪᑎᖃᖅᑐᓂᑦ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ ᐊᑐᖅᑕᐅᔭᕆᐊᖃᕐᓂᖏᓐᓄᑦ ᐃᕝᕕᑦ ᐃᖅᑲᓇᐃᔭᕐᕕᒋᔭᖓᓂ ᓇᔪᖅᑕᖓᓂ(ᖏᓐᓂ), ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᓪᓗᒥ ᐅᕙᓂ ᓄᓇᕗᑦ ᐅᕝᕙᓘᓐᓃᑦ ᓄᓇᑦᓯᐊᖅ