ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᑕᐃᒫᒃ ᕿᐱᓪᖢᓂ ᑎᒦᑦ ᐊᒡᔭᖅᓯᓪᓗᑎᑦ ᐅᖁᒪᐃᑦᑐᓂᒃ. ᐆᒃᑑᑎᒋᓪᓗᒍ ᐅᑯᐊ ᖃᓄᐃᓕᔾᔪᑕᐅᔪᑦ ᐃᓚᖃᖅᑐᑦ ᓴᓇᔨᐅᑉ ᑎᒥᖓ ᑐᑭᓕᐅᓐᖏᓪᖢᓂ ᐊᒻᒪᓗ ᓴᖑᓪᓗᓂ ᐅᓰᔭᐃᓪᓗᓂ ᐅᖁᒪᐃᑦᑐᓂᒃ ᐱᖁᑎᓂᒃ ᓄᓇᓯᐅᑎᒥᑦ, ᐅᕝᕙᓘᓐᓃᑦ ᖁᐊᔭᕿᓪᓗᓂ ᐊᒡᔭᖅᓯᓗᓂ ᓴᓇᕐᕈᑎᓂᒃ, ᐊᒻᒪᓗ ᐅᕐᕈᑲᓴᕐᑯᓂ ᑎᒥᓂ ᑑᑦᑎᐊᓐᖏᑳᓪᓚᒃᓗᒍ.
ᐋᓐᓂᐊᕈᑕᐅᒐᔪᒃᑐᖅ ᓄᑭᖏᑦ ᕿᐱᑦᑐᑦ ᐱᓪᓗᐃᓗᓂ ᐊᒻᒪᓗ ᑭᕕᒃᓯᓇᓱᒃᓗᓂ ᐃᓚᖃᖅᐳᑦ ᐱᓪᓗᐃᒍᓂ ᓄᑭᖓ, ᓄᓱᒃᓯᔪᖅ, ᐊᒻᒪᓗ ᓄᑭᖓ ᐱᓪᓗᐃᔪᖅ ᑎᒥᒥᒍᑦ, ᑐᓄᒥᒍᑦ, ᐊᒻᒪᓗ ᑕᓕᕐᒥᒍᑦ.
ᖁᑦᑎᓂᖅᓴᐃᑦ ᐊᑦᑕᓇᕈᑎᖃᕈᓐᓇᖅᑐᑦ ᐱᓕᕆᕕᐅᔪᑦ ᐊᒻᒪ ᐃᖅᑲᓇᐃᔮᖑᔪᑦ
ᐅᑭᐅᖅᑕᖅᑐᒥ, ᐅᑯᐊ ᐃᖅᑲᓇᐃᔮᑦ ᐊᑦᑕᕐᓇᖅᑐᒦᑎᑦᑎᓂᖅᐹᑦ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᐊᑦᑕᕐᓇᖅᑐᒦᑎᑎᔪᓐᓇᖅᑐᑦ:
- ᐅᔭᕋᓐᓂᐊᕕᒻᒥ ᐃᖅᑲᓇᐃᔭᖅᑏᑦ
- ᓴᓗᒻᒪᖅᓴᐃᔨᑦ, ᐃᒡᓗᕐᔪᐊᓂ ᐸᖅᑭᔨᐅᔪᑦ ᐊᒻᒪᓗ ᐃᒡᓗᕐᔪᐊᓂᑦ ᑲᒪᔨᐅᔪᑦ
- ᐅᖁᒪᐃᑦᑐᓂᒃ ᓄᓇᓯᐅᑎᓂᒃ ᐊᖁᑎᑦ
ᐅᑯᐊ ᐃᖅᑲᓇᐃᔮᑦ ᐃᓚᖃᖅᑐᖅ ᑎᒥᒧᑦ ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᐱᔾᔪᑎᒋᓪᓗᒍ ᐃᖅᑲᓇᐃᔮᖓᑕ ᐱᔭᒃᓴᒥᖕᓂᑦ ᐊᒻᒪᓗ ᓴᓇᕕᒋᔭᖏᑦᑕ ᓯᓚᑎᖏᓐᓂᑦ.
ᐋᓐᓂᖅᑕᐃᓕᑎᑦᑎᓂᖅ
ᐃᖅᑲᓇᐃᔭᖅᑎᑦᑎᔪᖅ ᐱᔭᕆᐅᖅᓴᑎᑦᑎᓯᒪᒋᐊᓕᒃ ᓴᓇᔨᒥᓂᒃ ᖃᐅᔨᒪᓂᐊᕐᒪᑕ ᖃᓄᖅ ᐅᖁᒪᐃᑎᒋᔪᒥᒃ ᖃᓄᐃᓕᖏᑦᑎᐊᕐᓗᑎᒃ ᑭᕕᒃᓯᖃᑦᑕᕈᓐᓇᕐᒪᖔᑕ, ᖃᓄᖅ ᐊᑐᖅᑕᐅᓲᖑᖕᒪᖔᑕ ᓴᓇᕐᕈᑎᑦ ᐃᑲᔫᑎᑦ ᑭᕕᒋᐊᖃᖅᑐᓄᑦ, ᐊᒻᒪᓗ ᓈᒻᒪᒃᑐᑦ ᑎᒥᒧᑦ ᑭᕕᒃᓯᓗᓂ ᐊᑐᕆᐊᖃᖅᑐᑦ ᐊᒻᒪᓗ ᑎᒥᐅᑉ ᖃᓄᐃᓕᖓᔭᕆᐊᖃᖅᑕᖏᓐᓂᒃ. ᐆᒃᑑᑎᒋᓗᒍ, ᓴᓇᔨᐅᑉ ᐳᑐᒍᖏᑦ, ᕿᑎᖓ, ᑐᐃᖏᑦ, ᐊᒻᒪᓗ ᕿᖓᖓ ᓵᖓᔪᐃᓐᓇᐅᔭᕆᐊᖃᖅᑐᑦ ᑖᔅᓱᒪ ᑭᕕᒐᓱᒃᑕᖓᓄᑦ ᐊᒻᒪᓗ ᐊᒡᔭᖅᑕᖓᑕ ᓇᓕᐊᑐᐃᓐᓇᖅ ᐅᖁᒪᐃᑦᑐᖅ ᐅᓯᔭᐅᓂᐊᖅᑐᖅ.
ᓴᓇᔨᑦ ᐊᒻᒪᓗ ᐅᔾᔨᖅᑐᖅᑎᑦ ᑭᕕᒃᓯᑕᐃᓕᒪᕙᒃᓗᑎᒃ ᐊᒻᒪᓗ ᑎᒥᑎᒃ ᕿᐱᑎᑦᑕᐃᓕᓗᒋᑦ ᐱᓪᓗᐃᔪᓐᓇᕐᒪᑕ ᑕᐃᒪᓗ ᓴᓇᔩᑦ ᑲᑐᔾᔨᓗᑎᒃ ᓇᓗᓇᐃᖅᓯᓗᑎᒃ ᐱᔭᒃᓴᓂᒃ ᐃᖅᑲᓇᐃᔭᕐᕕᐅᑉ ᐃᓗᐊᓂ ᐅᖃᐅᓯᕆᓗᒋᓪᓗ ᓇᓗᓇᐃᑦᑎᐊᕐᓗᑎᒃ ᐅᖁᒪᐃᑦᑐᓂᒃ ᑭᕕᒃᓯᖃᑦᑕᕐᓂᐊᖅᑐᑦ, ᓅᑦᑎᔭᕆᐊᖃᖅᑐᑦ ᐱᖁᑎᓂᒃ, ᐊᒻᒪᓗ ᐊᓯᖏᓐᓂᒃ ᐊᑦᑕᕐᓇᖅᑐᒦᓕᖅᑎᑦᑎᔪᓐᓇᖅᑐᓂᒃ ᓲᕐᓗ ᖁᐊᔭᕿᕕᐅᔪᓐᓇᖅᑐᑦ ᐅᕝᕙᓘᓐᓃᑦ ᓇᑎᐅᑉ ᒪᓂᕋᐅᓐᖏᓐᓂᖏᑦ. ᓇᓗᓇᐃᕇᖅᐸᑕ ᑖᒃᑯᐊ ᐊᑦᑕᕐᓇᖅᑐᑦ, ᓴᓇᔨᑦ ᐊᒻᒪᓗ ᐅᔾᔨᖅᑐᖅᑎᑦ ᖃᐅᔨᑦᑎᐊᕈᓐᓇᖅᑐᑦ ᖃᓄᖅ ᐱᐅᓛᒥᒃ ᐊᑐᕈᓐᓇᖅᑐᑦ, ᒪᓂᒃᓗᒋᑦ ᐳᖅᑐᓂᖅᐹᑦ ᐱᑦᑎᐊᓕᒋᐊᓕᑦ:
- ᐲᖅᓯᔪᓐᓇᖅᐱᑦ ᐱᓪᓗᐃᓂᕐᒥᒃ ᐊᒻᒪᓗ ᑭᕕᒃᓯᓂᕐᒥᒃ ᐅᓗᕆᐊᓇᖅᑐᑦ ᑕᒫᖓᑦ ᓴᓇᕕᖕᒥᑦ?
ᐃᓱᒪᒋᑦᑎᐊᕐᓗᒋᑦ ᐊᑐᕈᓐᓇᖅᑕᑎᑦ ᐊᑐᕐᓂᐊᓐᖏᓪᓗᒋᑦ ᐅᓗᕆᐊᓇᖅᑐᖅ ᑕᒪᕐᒥᒃ, ᓲᕐᓗ ᐅᖁᒪᐃᑦᑐᑦ ᐱᖁᑎᑦ ᐋᑕᐅᓗᑎᒃ ᑐᓂᔭᐅᓗᑎᒃ ᐃᓂᒃᓴᖓᓄᑦ ᓴᓇᔨᐅᑉ ᐃᓂᒋᖁᔭᖏᓐᓄᑦ, ᓴᓇᔨᑦ ᐊᒡᔭᖅᑐᕐᓂᐊᓐᖏᒻᒪᑕ ᐃᒻᒥᖕᓂᒃ. - ᐊᓯᐊᓂ ᐊᑐᖔᕈᓐᓇᖅᑭᑦ ᓱᓇᒃᑯᑖᒥᑦ ᐅᕝᕙᓘᓐᓃᑦ ᐃᖅᑲᓇᐃᔮᖑᒋᐊᓕᒻᒥ ᐊᑦᑎᓂᖅᓴᓂ ᐊᑦᑕᓇᕈᑎᖃᕈᓐᓇᖅᑐᓂᑦ?
ᐆᒃᑑᑎᒋᓪᓗᒍ, ᐊᑐᖅᓯᓗᑕ ᑭᕕᒃᓯᓯᒥᒃ ᐅᓯᓕᖅᓱᐃᓗᑎᒃ ᓱᕈᓂᒃ ᓴᓇᔨᓂᑦ ᐳᐊᕆᔭᖅᑕᐅᓐᖏᓪᓗᑎᒃ ᓇᖕᒥᓂᖅ ᐊᒥᓱᓄᑦ ᐅᓯᓕᖅᓱᐃᕕᖕᓄᑦ. - ᓴᓇᓯᒪᔪᓕᐅᕈᓐᓇᖅᑭᑦ ᐋᖅᑭᒍᑎᒥᑦ?
ᐃᖅᑲᓇᐃᔭᕐᕕᐅᑉ ᐃᓂᖓᑕ ᐋᕿᒃᓱᖅᓯᒪᓂᖓ ᐊᒻᒪᓗ ᐃᖅᑲᓇᐃᔭᖅᑕᐅᔪᑦ ᐊᓯᖕᖑᕈᓐᓇᖅᑐᑦ ᐅᓗᕆᐊᓇᖅᑐᖃᕐᓂᐊᓐᖏᒻᒪᑦ. ᐆᒃᑑᑎᒋᓗᒍ, ᐊᒃᕖᖅᓯᓗᓯ ᑎᑎᕋᕐᕕᐅᑉ ᐃᓗᐊ ᑕᐃᒪᓗ ᓴᓇᔨᑦ ᐊᒡᔭᖅᑐᕐᕕᒋᓂᐊᖅᑕᖓ ᐅᖁᒪᐃᑦᑐᓂᒃ ᐸᐃᐹᓂᒃ ᐴᖅᓯᒪᔪᓂᒃ ᑕᐃᑯᖓᑲᐅᑎᒌᕐᓂᐊᕐᒪᑕ ᐃᓂᒋᓂᐊᖅᑕᖏᓐᓄᑦ, ᐊᒻᒪᓗ ᑭᕕᒋᐊᖃᔮᓐᖏᒻᒪᑕ ᐊᒻᒪᓗ ᐱᓪᓗᐃᔪᖃᔮᓐᖏᑦᑐᖅ ᐅᑯᐊ ᐴᖃᕐᓂᐊᕐᓗᒋᑦ. - ᓴᖅᑭᑎᑦᑎᔪᓐᓇᖅᑮᑦ ᐊᐅᓚᑦᑎᓂᕐᒧᑦ ᐋᖅᑭᒍᑎᒥᑦ?
ᕿᒥᕐᕈᐊᑦᑎᐊᕐᓗᒋᑦ ᐊᑦᑕᕐᓇᖅᑐᖃᓐᖏᑦᑐᒥᒃ ᓴᓇᔪᓐᓇᕐᓂᖅ ᐱᐅᓯᑦ ᑭᕕᒃᓯᖃᑦᑕᖅᑐᓄᑦ ᐊᒻᒪᓗ ᓅᑦᑎᖃᑦᑕᖅᑐᓄᑦ ᐱᖁᑎᓂᒃ ᓴᓇᔨᓄᖅ, ᐊᒻᒪᓗ ᖃᐅᔨᒪᑦᑎᐊᕐᓗᒋᑦ ᐅᑯᐊ ᐱᐅᓯᑦ ᐃᓚᖃᖅᐳᑦ ᐱᔭᕆᐅᖅᓴᑎᓪᓗᒋᑦ ᓴᓇᔨᑦ ᐊᑐᖅᓯᔪᓐᓇᕐᓂᐊᕐᒪᑕ ᓇᓕᐊᖕᓂᑐᐃᓐᓇᖅ ᑭᕕᒃᓯᔾᔪᑎᓂᒃ ᐅᕝᕙᓘᓐᓃᑦ ᓴᓇᕐᕈᑎᓂᒃ. - ᓴᐳᒻᒥᓗᒋᑦ ᐃᖅᑲᓇᐃᔭᖅᑏᑦ ᐅᑯᓄᖓ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE)?
ᐆᒃᑑᑎᒋᓪᓗᒍ, ᐊᑐᖅᑕᐃᓕᓗᑎᑦ ᖁᐊᑦᑖᖅᑐᓂᒃ ᑲᒥᖕᓂᒃ ᑕᐃᒪᓗ ᐅᕐᕈᖃᑦᑕᓐᖏᓂᖅᓴᐅᓂᐊᕋᕕᑦ, ᐅᑯᐊᓗ ᐋᓐᓂᖅᓯᔪᓐᓇᖅᑐᑦ ᐱᓪᓗᐃᓗᓂ. ᓴᓇᔨᑦ ᐅᑯᐊ ᐊᑯᓚᐃᑦᑐᒥᒃ ᑭᕕᒃᓯᖃᑦᑕᓲᑦ ᐱᖁᑎᓂᒃ ᐃᑲᔫᑎᔪᓐᓇᖅᑐᑦᑕᐅᖅ ᐊᑐᕈᑎᒃ ᓯᓕᒃᑐᓂᒃ ᑎᕆᒃᓯᐅᑎᓂᒃ.
ᐃᑲᔪᕈᑎᒃᓴᐃᑦ
- ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ: ᑭᕕᒃᓯᓂᖅ ᐊᒻᒪᓗ ᐱᓪᓗᐃᓂᖅ ᐊᑦᑕᕐᓇᕈᓐᓇᖅᑐᑦ
- ᑖᒃᑯᓇᖓᑦ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ:
- ᐃᒻᒥᓂᒃ ᐱᖁᑎᓂᒃ ᑲᒪᒋᔭᖃᕐᓂᖅ – ᑕᑯᓗᒍ ᐅᓇ ᒪᒃᐱᒐᖅ ᑎᑎᕋᖅᓯᒪᕗᑦ ᐊᒥᓱᑦ ᑕᒪᑐᒥᖓ ᐅᖃᐅᓯᖃᖅᑐᑦ ᐱᖁᑎᓂᒃ ᑭᕕᒃᓯᖃᑦᑕᕐᓂᕐᒧᑦ, ᓲᕐᓗ ᖃᓄᖅ ᑭᕕᒃᓯᔪᓐᓇᕐᐱᑦ ᖃᑦᑕᐅᔭᕐᓂᒃ, ᑭᕕᒃᓯᓂᖅ ᐊᒻᒪᓗ ᓅᑦᑎᓂᖅ ᐅᖁᒪᐃᑦᑐᓂᒃ ᐱᖁᑎᓂᒃ ᓲᕐᓗ ᖁᐊᒃᑯᕕᒃ, ᐊᒻᒪᓗ ᑎᑎᕋᕐᕕᒃ ᐋᕿᒃᓯᒪᓂᐊᕐᓂᖓ ᐃᓱᒪᓕᕈᑎᒃᓴᖏᑦ ᓯᕐᓗᐊᕐᒦᓐᓂᐊᖅᑐᓄᑦ ᐱᖁᑎᓄᑦ.
- ᐱᓕᕆᐊᖃᕐᓂᒃᑯᑦ ᐊᒡᒐᒧᑦ ᑲᒪᒋᔭᖃᕐᓂᖅ – ᐊᑭᓐᓇᕐᒥᐅᑕᖅ
- ᐳᐊᕐᕆᔭᖃᑦᑕᕐᓂᖅ ᐊᐳᑎᒥ – ᑐᓴᐅᒪᔭᐅᔭᕆᐊᓖᑦ ᐊᐳᑎᒥ ᐳᐊᕐᕆᔭᕐᓗᓂ, ᐊᒻᒪᓗ ᐊᐳᑎᓯᐅᑎᒥ ᐊᑐᖃᑦᑕᕐᓂᖅ ᐊᐳᑎᒧᑦ (ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ.
- ᐱᔨᑦᑎᕋᕐᓂᕐᒧᑦ ᑭᕕᒃᓯᓂᕐᒧᑦ ᖃᐅᔨᒪᔭᕆᐊᓖᑦ – ᐋᓐᓂᐊᕕᖕᒥ ᓴᓇᔨᓄᑦ, ᐅᓇ ᑎᑎᕋᖅᓯᒪᔪᖅ ᖃᐅᔨᒪᑎᑦᑎᔾᔪᑎ ᖃᓄᖅ ᐅᓗᕆᐊᓇᓐᖏᑦᑐᒥᒃ ᑭᕕᒃᓯᓂᖅ ᐋᓐᓂᐊᔪᓂᒃ.
- ᓴᐅᓂᓐᓅᖓᔪᑦ ᓈᒻᒪᒍᓐᓃᕈᑕᐅᔪᑦ – ᑐᓴᒐᒃᓴᑦ