ᔭᓗᓇᐃ, ᓄᓇᑦᓯᐊᖅ (ᐅᑐᐱᕆ 29, 2024) – ᐅᑐᐱᕆ 29, 2024-ᒥ ᐅᑯᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC), ᐱᓕᕆᖃᑎᖃᖅᖢᑎᒃ ᓄᓇᕗᒥᑦ ᐊᑐᖅᐸᓪᓕᐊᔪᓂᒃ ᖃᐅᔨᓴᖅᑎᒥ, ᐊᓯᐊᒎᕈᑎᐅᔪᓐᓇᖅᑐᒥ ᐊᖏᖃᑎᒌᒍᑎᓚᐅᕐᒪᑕ (AMA) ᐅᑯᐊᓗ B2Gold ᐹᒃ ᕆᕗ ᑯᐊᐳᕇᓴᓐᑯᓐᓂᒃ (ᐊᑎᖃᕐᓂᑯ ᓴᐱᓇ ᒎᓗ ᐊᒻᒪ ᓯᐊᕗ ᑯᐊᐳᕇᓴᓐ (ᓴᐱᓇ)), ᒦᑐᕆᒃᔅ ᐄᕕᐄᓴᓐ ᓴᓘᓴᓐᔅ ᐃᖕᒃ., ᒦᑐᕆᒃᔅ ᕿᑎᕐᒥᐅᑦ ᓗᒥᑎᑦ (ᒦᑐᕆᒃᔅ ᕿᑎᕐᒥᐅᑦ) ᐊᒻᒪ ᒑᓚᓐᑦ ᕆᔅᑐᕇᓴᓐ ᐃᓐᑰᐳᕇᑕᑦ (ᑲᑎᖢᑎᒃ, ᐃᓚᒌᒃᑐᑦ ᑲᒻᐸᓃᑦ).
ᐊᓯᐊᒎᕈᑎᐅᔪᓐᓇᖅᑐᒥ ᐊᖏᖃᑎᒎᒍᑎ (AMA) ᐊᒃᑐᐊᔪᖅ ᐸᓯᔭᒃᓴᐅᔾᔪᑎᐅᓚᐅᕐᑐᓂ ᐅᕘᓇ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅ ᐊᒻᒪ ᐅᔭᕋᒃᓯᐅᖅᕕᒃᒥ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅ ᐊᒃᑐᐊᓂᖃᖅᖢᑎᒃ ᔮᓐᓄᐊᕆ 17, 2022-ᒥ ᖃᓄᐃᓕᔾᔪᑎᕕᓂᕐᒥ ᐃᓅᔪᓐᓃᕈᑎᕕᓂᕐᒥ ᐃᖅᑲᓇᐃᔭᖅᑎᒥ, ᒥᔅᑕ ᕕᓐᓴᓐ ᑯᕉ. ᐸᓯᔭᒃᓴᐅᔾᔪᑎᑦ ᐃᓚᖃᖅᑐᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥ ᑕᒪᐃᓐᓄᑦ ᐃᓄᖕᓂ ᑲᒻᐸᓂᐅᔪᒥᑦ.
ᒥᔅᑐ ᑯᕉ, ᒦᑐᕆᒃᔅ ᕿᑎᕐᒥᐅᑦᓄᑦ ᐃᖅᑲᓇᐃᔭᖅᑎᐅᓚᐅᕐᑐᖅ, ᓴᓇᓚᐅᕐᓯᒪᖕᒪᑦ ᓴᐱᓇ ᐹᒃ ᕆᕗ ᒎᓗᒧᑦ ᐱᓕᕆᐊᒥ ᑭᖓᐅᑉ ᖃᓂᒋᔭᖓᓂ ᓄᓇᕗᒥᑦ ᐱᕐᕈᓗᐊᕿᑎᓪᓗᒍ. ᐊᐳᑏᔭᐃᓚᐅᕐᓯᒪᖕᒪᑦ ᓯᑯᒥ ᐊᖅᑯᑎᒥ ᐅᓇ D6-T ᓴᓕᒎᑎ ᐊᑐᖅᑕᖓ ᓯᑯᒃᑰᓚᐅᕐᓯᒪᖕᒪᑦ ᐊᖅᑯᑎᐅᑉ ᓱᑲᓐᓂᖓᑕ ᐃᓚᖓᒍᑦ.
ᐅᕘᓇ ᐊᖏᖃᑎᒌᒍᑎᑎᒍᑦ, ᑕᒪᑯᒥᖓ ᐱᓕᕆᖃᑕᐅᔪᑦ ᑲᒻᐸᓃᑦ ᑐᓂᓯᔭᕆᐊᖃᖅᑐᑦ $300,000-ᓂ ᐆᒧᖓ ᐊᔪᕈᓐᓃᖅᓴᖅᑎᑦᑎᔾᔪᑎᒃᓴᓂ ᐅᓗᕆᐊᓇᙱᑦᑐᒥ ᓴᓇᖃᑦᑕᕐᓂᕐᒧᑦ, ᐊᐅᓚᑦᑎᕙᖕᓂᕐᒧᑦ ᐊᒻᒪᓗ ᑲᒪᒋᔭᖃᕐᓂᕐᒧᑦ ᓯᑯᒥ ᐊᖅᑯᑎᓂᒃ ᖃᓄᐃᑦᑕᐃᓕᖁᓪᓗᒋᑦ ᓄᓇᑦᓯᐊᕐᒥ ᐃᖅᑲᓇᐃᔭᖅᐸᒃᑐᑦ. ᐅᓇ ᐊᔪᕈᓐᓃᕐᓴᕐᓂᖅ ᐱᓇᓱᐊᒐᓕᒃ ᓇᓗᓇᐃᕐᓯᕙᒡᓗᑎᒃ ᐊᒻᒪ ᐊᐅᓚᑦᑎᔪᓐᓇᕐᓗᑎᒃ ᐊᑦᑕᓇᖅᑐᓂᒃ ᐊᒃᑐᐊᕙᒃᑐᓂ ᐃᖅᑲᓇᐃᔮᓄᑦ ᐊᒻᒪᓗ ᐋᖅᑭᒃᑕᐅᓯᒪᓂᐊᖅᖢᓂ ᐃᖅᑲᓇᐃᔭᖅᑎᓄᑦ, ᑲᒪᔨᐅᕙᒃᑐᓄᑦ, ᐱᓕᕆᐊᓄᑦ ᐊᐅᓚᑦᑎᔨᓄᑦ, ᓴᓇᔨᓄᑦ ᓴᓇᔨᒋᔭᐅᔪᓄᓪᓗ.
ᐅᓇ ᐊᔪᕈᓐᓃᖅᓴᖅᑎᑦᑎᓂᖅ ᐋᖅᑭᒃᓱᖅᑕᐅᓂᐊᖅᑐᖅ ᐃᓱᒪᓕᒋᓗ ᒥᔅᑕ ᑯᕉ ᐊᒻᒪᓗ ᑕᐃᒪᓐᓇ ᐱᕐᕈᓗᐊᕿᔾᔪᑎᓂ ᐊᑐᖅᑎᑦᑎᑦᑕᐃᓕᓂᕐᒥ ᓯᕗᓂᑦᑎᓐᓂ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᐊᒻᒪᓗ ᓴᐳᓐᓂᐊᖅᑎᓄᑦ ᑲᑎᒪᔩᑦ ᐃᓚᐅᔪᓄᑦ ᐱᓕᕆᕝᕕᖕᓂ ᓴᖅᑭᑎᑦᑎᓚᐅᕐᒪᑕ ᐋᑑᓇᑎᕝ ᒪᓱᔅ ᐊᖏᖃᑎᒌᒍᑎᒥ (AMA) ᓄᓇᕗᒥᑦ ᐃᖅᑲᖅᑐᐃᕕᖕᓄᑦ ᐃᖃᓗᖕᓂ ᐅᑐᐱᕆ 29, 2024-ᒥ.
-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854