ᔨᐊᓗᓇᐃᕝ, ᓄᓇᑦᓯᐊᖅ (ᔪᓚᐃ 11, 2024) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᓴᖅᑭᑎᑦᑎᓂᐊᖅᑐᑦ ᒪᕐᕉᓐᓂᒃ ᐊᔾᔨᒌᖏᓐᓂᖃᖅᑐᓂ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR) ᑮᓇᐅᔭᑐᕐᓂᖏᑦ ᓄᓇᑦᓯᐊᒧᑦ ᐊᒻᒪ ᓄᓇᕗᑦ, ᐱᒋᐊᕐᓂᖃᖅᑐᖅ ᔮᓐᓄᐊᕆ 1, 2025.
ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ (YMIR) ᑮᓇᐅᔭᑎᒍᑦ ᐊᒥᓲᓂᖓ ᐊᑐᖅᑕᐅᔪᖅ ᐋᖅᑭᔅᓯᔾᔪᑕᐅᓪᓗᓂ ᐊᑭᓕᖅᑕᐅᓂᕐᒧᑦ ᐃᑲᔫᓯᐊᓂᑦ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᐊᒻᒪ ᐋᖅᑭᓯᓪᓗᑎ ᑭᓪᓕᖏᓐᓂ ᐊᒥᓲᓂᖏᓐᓄᑦ ᑮᓇᐅᔭᖅᑖᓄᑦ ᑖᒃᑯᐊ ᐃᖅᑲᓇᐃᔭᖅᑎᑦᑎᔪᑦ ᑐᓴᖅᑎᑦᑎᒍᑎᒋᔭᖏᑦ ᐊᑕᐅᓯᕐᒧᑦ ᐃᖅᑲᓇᐃᔭᖅᑎᒧᑦ.
ᐆᑦᑑᑎᒋᓗᒍ, 2024−ᒥᑦ ᐃᓄᒻᒥ ᐋᓐᓂᖅᑐᖃᕐᓂᕈᓂ ᐃᖅᑲᓇᐃᔭᖅᑐᓂ ᓄᓇᑦᓯᐊᒥ ᐅᕝᕙᓘᓐᓃᑦ ᓄᓇᕗᒻᒥ ᑮᓇᐅᔭᓕᐅᕐᓂᖃᖅᑐᑦ ᐅᖓᑖᓂ $110,600, ᐊᒥᓲᓂᖓ ᐊᑐᖅᑕᐅᔪᖅ ᐋᖅᑭᔅᓯᒍᑕᐅᓪᓗᓂ ᐊᑭᓕᖅᑕᐅᓂᖏᓐᓄᑦ ᐅᓇᐅᔪᖅ $110,600. ᐃᖅᑲᓇᐃᔭᖅᑎ ᑮᓇᐅᔭᓕᐅᕐᓂᖃᖅᑐᑦ ᑐᖔᓂ $110,600, ᐊᑭᓕᖅᑕᐅᓂᖏᑦ ᐋᖅᑭᑦᑕᐅᓯᒪᔪᑦ ᐊᑐᖅᑐᑎ ᑮᓇᐅᔭᓕᐅᕐᓂᓪᓚᕆᒋᔭᖏᓐᓂ.
“ᑲᔪᖏᖅᓯᒪᔪᒍᑦ ᓈᒻᒪᑎᐊᓂᕐᒧᑦ ᐃᖅᑲᓇᐃᔭᖅᑎᑦᑎᔪᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ”, ᐅᖃᖅᑐᖅ ᕆᑦᔅ ᕼᐊᓐᑦ, ᐊᖓᔪᖅᑳᖅ ᐊᒻᒪᓗ ᑎᑎᕋᕐᕕᖕᒥ ᐊᖓᔪᖅᑳᖅ.
“ᓅᓐᓂᐅᔪᖅ ᒪᕐᕉᓐᓄ ᐊᔾᔨᒌᖏᑑᓐᓄ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᑮᓇᐅᔭᓕᐅᕐᓂᖃᖅᑐᑦ, ᐊᑕᐅᓯᖅ ᓄᓇᑦᓯᐊᒧᑦ ᐊᒻᒪ ᐊᑕᐅᓯᖅ ᓄᓇᕗᒻᒧᑦ ᑐᓐᖓᓂᖃᖅᑐᑦ ᐊᓯᔾᔨᖅᑐᓂᑦ ᐱᓇᓱᐊᕈᓯᑕᒫᑦ ᑮᓇᐅᔭᓕᐊᖑᒐᔪᑦᑐᓂᑦ ᐊᑐᓂ ᓄᓇᑦᓯᐊᖅ ᐊᒻᒪ ᓄᓇᕗᑦ.
ᑐᕌᒐᕆᔭᕗᑦ ᐱᓯᒪᑦᑎᓗᑕ ᓈᒻᒪᑦᑐᓂᑦ ᖁᕝᕙᓯᓐᓂᖏᓐᓂ ᐃᖅᑲᓇᐃᔭᖅᑎᑦᑎᔪᓄᑦ ᐊᒻᒪ ᐊᖑᒻᒪᑎᓗᓂ ᑲᓇᑕᒥ ᐊᑐᖅᑕᐅᒐᔪᑦᑐᑦ ᓇᓗᓇᐃᕐᓗᒍ ᒥᑭᓛᕆᔪᓐᓇᖅᑕᖓ 70% ᓄᓇᑦᓯᐊᒥ ᐊᒻᒪ ᓄᓇᕗᒻᒥ
ᐃᖅᑲᓇᐃᔭᖃᑦᑕᖅᑐᑦ ᑮᓇᐅᔭᐊᓕᒫᖏᑦ ᐱᖃᓯᐅᔾᔭᐅᓯᒪᓂᐊᖅᑐᑦ ᐋᓐᓂᖅᑐᖃᕐᓂᕈᓂ.”
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᖃᓯᐅᔾᔨᓂᖏᑦ ᐱᑕᖃᖅᑎᑦᑎᔪᑦ ᐊᐅᓚᑕᐅᔪᓂᑦ ᓇᓪᓕᐅᒃᑯᒫᓂᑦ ᐃᖅᑲᓇᐃᔭᖅᑎᑦᑎᔪᓄᑦ, ᐊᒻᒪ ᐃᑲᔫᓯᐊᓄᑦ ᐊᒻᒪ ᐱᔨᑦᑎᖅᑕᓄᑦ ᐋᓐᓂᖅᓯᒪᔪᓄᑦ ᐃᖅᑲᓇᐃᔭᖅᑎᓄᑦ. ᐃᖅᑲᓇᐃᔭᖅᑎᑦᑎᔪᓕᒫᑦ ᑲᑐᑎᕙᑦᑐᑦ ᐊᑭᖏᓐᓂ ᐊᑭᓕᖅᑕᐅᓂᕐᒧᑦ ᐊᑐᖅᑕᐅᔪᒥᑦ ᖃᐅᔨᓴᐃᓂᖃᖅᑐᑎᑦ ᐊᑭᓕᐅᑎᓂᑦᐃᖅᑲᓇᐃᔭᖅᑏᑦ ᓴᐳᔾᔨᓯᒪᓂᕐᒧᑦ ᑮᓇᐅᔭᖁᑎᖏᓐᓂᑦ. ᐊᖏᓂᖏᑦ ᐊᑐᓂ ᐃᖅᑲᓇᐃᔭᖅᑎᑦᑎᔪᑦ ᐊᑭᓖᕙᑦᑕᖏᑦ ᐊᕐᕌᒍᑕᒫᑦ ᑐᓐᖓᓂᖃᖅᑐᑦ ᖃᐅᔨᓴᕋᔅᓴᐅᔪᓂᑦ ᑮᓇᐅᔭᖅᑖᓄᑦ (ᑲᑎᓕᒫᖅᑐᒋᑦ ᑮᓇᐅᔭᓕᐊᑦ ᑐᓴᖅᑎᑦᑎᒍᑎᐅᔪᑦ ᐊᑐᓂ ᐃᖅᑲᓇᐃᔭᖅᑎᓄᑦ ᑎᑭᓯᒪᔪᓄᑦ ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᑭᓪᓕᖓ) ᐊᒻᒪ ᑲᑎᓐᖓᔪᓄᑦ ᖁᕝᕙᓯᓐᓂᖓ ᐱᓕᕆᕕᐅᓂᖏᑎᒍᑦ.
2025 ᐊᕐᕌᒍᑕᒫᑦ ᖁᑦᑎᓛᖓᓂ ᓇᓪᓕᐅᒃᑯᒫᓕᐅᖅᑕᐅᓂᕐᒧᑦ ᑮᓇᐅᔭᑐᕐᓂᖓ ᐊᑐᓂ ᐅᑭᐅᑕᖅᑐᒥ ᐊᕕᑦᑐᖅᓯᒪᔪᓂᑦ ᓴᖅᑭᖅᑎᑕᐅᓛᖅᑐᑦ ᓄᕕᐱᕆ 2024, ᐱᖃᓯᐅᑎᓗᑎ ᐃᖅᑲᓇᐃᔭᖅᑎᑦᑎᔪᑦ ᖃᐅᔨᓴᓂᕐᒧᑦ ᖁᕝᕙᓯᓐᓂᖏᑦ ᐊᕐᕌᒎᓂᐊᖅᑐᒧᑦ ᐊᒡᒋᖅᑐᒧᑦ.
-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐅᖄᓚᐅᑦ: 867-920-3854
ᐃᕐᖐᓐᓈᖅᑕᐅᑖ: Maggie.Collins@wscc.nt.ca