ᔭᓗᓇᐃ, ᓄᓇᑦᓯᐊᖅ (ᔫᓂ 2, 2023) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᓱᒃᑐᑦ ᖃᐅᔨᑎᑦᑎᓂᖓᓐᓂᒃ ᐊᑦᑕᓇᔾᔭᐃᖅᓯᓂᕐᒧᑦ ᖃᐅᔨᒋᐊᖃᑦᑕᖅᑐᓂᑦ, ᐃᓚᒋᔭᐅᔪᑦ ᐃᑲᔪᐃᖏᓐᓇᕐᓂᕆᔭᑉᑎᖕᓂᑦ ᐃᖅᖃᓇᐃᔭᖅᑎᑦᑎᔨᓂᒃ ᐊᑦᑕᓇᖅᑐᖃᙱᑦᑎᑦᑎᓂᕐᒥᒃ ᐃᖅᖃᓇᐃᔭᕐᕕᖕᓂᑦ.
ᐊᓯᐊᓄᐊᖅᑎᖅᑕᐅᓂᖏᑦᑎᒍᑦ ᑕᐃᒪᐅᔪᑦ ᐃᖅᖃᓇᐅᔮᓄᑦ ᐃᓂᐅᔪᑦ, ᐱᖓᓱᐃᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᖅᖃᓇᐃᔭᖅᑎᖏᑦ (ᒪᕐᕉᒃ ᓄᓇᑦᓯᐊᕐᒥᑦ, ᐊᑕᐅᓯᖅ ᓄᓇᕗᒻᒥᑦ) ᐃᑲᔪᕐᓂᐊᖅᑐᑦ ᐃᖅᖃᓇᐃᔭᖅᑎᑦᑎᔨᓂᒃ ᑐᑭᓯᐊᓂᖅᓴᐅᓂᐊᕐᓗᒋᑦ ᐊᒻᒪᓗ ᑎᑭᐅᑎᓗᒋᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖅ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᐱᔭᒃᓴᐅᑎᒋᔭᖏᑦ. ᐃᑲᔪᖅᑐᐃᔪᓐᓇᖅᑐᑦ ᒪᐅᓇ:
- ᐱᕙᓪᓕᐊᔭᐅᓂᖏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖅ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑐᕌᖓᔪᑦ;
- ᐱᓕᕆᐊᕐᒥᑦ ᖃᐅᔨᒪᓂᖃᖅᑐᑦ ᖃᐅᔨᓂᐊᕐᓗᑎᒃ ᐱᐅᓛᒃᑯᑦ ᐊᑐᖅᑕᐅᖃᑦᑕᖅᑐᓂᒃ ᒥᒃᖠᒋᐊᖅᓯᓂᐊᕐᓗᓂ ᐱᓕᕆᕝᕕᖕᒥᑦ ᖃᓄᐃᓕᓂᐅᖃᑦᑕᖅᑐᓂᒃ; ᐊᒻᒪᓗ
- ᐃᓕᓐᓂᐊᖅᑎᑦᑎᓂᕐᒧᑦ ᐊᑐᖅᑕᐅᖃᑦᑕᖅᑐᑦ ᐱᐅᓯᒋᐊᖅᓯᓂᕐᒥᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᓄᐃᖓᓂᐅᔪᑦ ᐱᓕᕆᕝᕕᖕᒥᑦ.
ᐊᑦᑕᓇᔾᔭᐃᖅᓯᓂᕐᒧᑦ ᖃᐅᔨᒋᐊᖃᑦᑕᖅᑐᑦ ᐃᑲᔪᕐᓂᐊᖅᑐᑦ ᖃᐅᔨᔭᐅᕌᓂᒃᓯᒪᔪᑦ ᐃᖅᖃᓇᐃᔭᖅᑎᑦᑎᔨᓂᒃ, ᐱᔭᕆᐊᖃᖅᑎᑕᐅᖏᖦᖢᑎᒃ ᐱᔭᕆᐊᖃᕐᓂᖏᓐᓂᒃ ᐃᑲᔪᖅᑐᒥᒃ. ᐃᖅᖃᓇᐃᔭᖅᑎᑦᑎᔩᑦ ᐱᐅᓯᒋᐊᖅᓯᔪᒪᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᖅᖃᓇᐃᔭᕐᕕᖏᓐᓂᑦ ᐅᑕᖅᕿᔭᕆᐊᖃᙱᑦᑐᑦ ᐅᖃᓗᒡᕕᐅᓂᐊᕐᓗᑎᒃ; ᐃᑲᔪᖅᑕᐅᔪᖕᓇᖅᑐᑦ ᐊᑦᑕᓇᔾᔭᐃᖅᓯᓂᕐᒧᑦ ᖃᐅᔨᒋᐊᖃᑦᑕᖅᑐᓄᑦ ᖃᐅᔨᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ.
“ᖁᕕᐊᒋᔭᒃᑲᑦ ᐱᓕᕆᐊᕆᔭᖏᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᐅᓯᒋᐊᖅᓯᓂᕐᒧᑦ ᐃᖅᖃᓇᐃᔭᕐᕕᖕᒥᑦ ᐊᑦᑕᓇᔾᔭᐃᖅᓯᓂᕐᒥᒃ ᓄᓇᑦᓯᐊᕐᒥᑦ ᐊᒻᒪᓗ ᓄᓇᕗᒻᒥᑦ. ᓴᖅᕿᑕᐅᓂᖓ ᓄᑖᖅ ᐱᔨᑦᑎᕋᐅᑎ ᐃᑲᔪᕐᓂᐊᖅᑐᖅ ᑕᒪᐃᓐᓂᑦ ᐃᖅᖃᓇᐃᔭᖅᑎᑦᑎᔨᓂᒃ ᐊᒻᒪᓗ ᐃᖅᖃᓇᐃᔭᖅᑎᓂᒃ. ᐊᑦᑕᓇᔾᔭᐃᖅᓯᓂᕐᒧᑦ ᖃᐅᔨᒋᐊᖃᑦᑕᖅᑐᑦ ᐃᓚᒋᔭᐅᔪᑦ ᐱᒋᐊᒃᑲᓐᓂᕐᓂᕐᒧᑦ ᑎᑭᐅᑎᔭᐅᓂᖓ ᑕᐅᑐᒐᕆᔭᕗᑦ ᐱᑕᖃᕈᖕᓃᖅᑎᓪᓗᒋᑦ ᐃᖅᖃᓇᐃᔭᕐᕕᖕᒥᑦ ᐋᓐᓂᐊᕐᓇᐃᑦ ᐊᒻᒪᓗ ᐋᓐᓂᖃᑦᑕᕐᓃᑦ,” ᐅᖃᖅᑐᖅ ᕼᐊᕐᒦᑦ ᔭᒡᐸᓪ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓇᖐᓯᒪᔪᖅ ᐊᖏᔪᖅᖄᑉ ᐃᓂᖓᓂᑦ.
ᓴᐃᕗᓚ ᒪᒃᓚᐅᑦ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐅᖄᓚᐅᑦ: (867) 920-3854