ᔨᐊᓗᓇᐃᑉ, ᓄᓇᑦᓯᐊᖅ (ᒫᑦᓯ 23, 2023) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ ᑐᓴᖅᑎᑦᑎᖃᐅᖕᒪᑦ ᐱᒋᐊᕐᓗᓂ ᒪᐃ 8, 2023−ᒥ, ᑎᐊᐱ ᒧᓪᓗᐃ ᓄᖅᑲᓕᕐᓂᕐᒥᓂᑦ ᐊᖓᔪᖄᖑᓂᕐᒥ ᐊᒻᒪᓗ ᐊᖓᔪᖅᑳᒃ ᐊᖓᔪᖃᐅᑎᑦ ᐃᖅᑲᓇᐃᔭᕐᕕᖓᓂ (CEO). ᐊᕐᓇᖅ ᐃᓚᐅᓂᐋᓕᕐᒪᑦ ᓄᑖᖑᔪᒥ ᐋᖅᑭᒃᑕᐅᕋᑖᓚᐅᖅᑐᒥᒃ ᓅᐸᓐᓛᓐ ᐊᒻᒪᓗ ᓛᐸᑐᐊ ᐊᕕᒃᑐᖅᓯᒪᓂᖓᓂ ᐋᓐᓂᐊᖃᓇᖏᑦᑐᓕᕆᓂᕐᒧᑦ ᐱᔪᓐᓇᕐᓂᓕᖕᒧᑦ ᑐᖓᓕᕆᔭᐅᓗᓂ−ᐊᖓᔪᖄᒧᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂ.
ᑎᒃᑯᐋᖅᑕᐅᓚᐅᖅᓯᒪᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔩᑦ ᑲᑎᒪᔨᖏᓐᓄᑦ, ᑎᐊᐱ ᐃᖅᑲᓇᐃᔭᕐᓂᐋᓕᕐᓗᓂ ᐃᖅᑲᓇᐃᔮᖃᕐᓗᓂ ᐊᖓᔪᖄᖑᓂᕐᒥ ᐊᒻᒪᓗ ᐊᖓᔪᖅᑳᒃ ᐊᖓᔪᖃᐅᑎᑦ ᐃᖅᑲᓇᐃᔭᕐᕕᖓᓐᓂ (CEO) ᐋᒡᒌᓯ 12, 2019−ᒥ.
ᐅᖃᓪᓚᐅᑎᒋᓗᒍ ᑭᒡᒐᖅᑐᕐᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᐅᓚᑦᑎᔨᑦ ᑲᑎᒪᔨᖏᑦ, ᐃᒃᓯᕙᐅᑕᖅ ᔨᓐᓂ ᕗᕈᔅ ᐅᖃᓚᐅᕐᒪᑦ, “ᑎᐊᐱ ᐱᔭᐅᑎᑦᑎᓚᐅᕐᒪᑦ ᓴᙱᔫᒥᒃ ᐊᒻᒪᓗ ᐊᓯᕈᒃᑕᖏᑦᑐᒥᒃ ᓯᕗᓕᖅᑎᐅᓚᐅᕐᒪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᐊᑐᖅᑎᓪᓗᒋᑦ ᐊᓂᒍᓚᐅᖅᑐᑦ ᑎᓴᒪᑦ ᐊᕐᕌᒍᐃᑦ. ᐊᕐᓇᖅ ᐃᑲᔪᓚᐅᕐᒪᑦ ᐃᖅᑲᓇᐃᔭᕐᕕᖁᑎᒥᒃ ᐊᒃᓱᐋᓗᒃ ᐱᕙᓪᓕᐋᑦᑎᐋᖅᑎᑦᑎᓪᓗᓂ ᐊᑐᖅᑎᓪᓗᒋᑦ ᖃᐅᔨᒪᓇᕈᓐᓃᖅᓯᒪᑎᓪᓗᒋᑦ ᐱᕕᖃᕐᓂᐅᔪᑦ ᐊᒻᒪᓗ ᐱᔭᐅᑎᑦᑎᓚᐅᖅᖢᓂ ᓴᙱᔪᒥᒃ ᑐᙵᕕᖃᒃᑎᓪᓗᓂᑎᒍᑦ ᑲᔪᓯᔪᓐᓇᖅᑎᓪᓗᓂᑎᒍᑦ ᓯᕗᒧᐋᒃᐸᓪᓕᐋᓂᕐᒥ ᑐᕌᕐᓗᑕ ᑐᑭᓯᓇᑦᑎᐋᖅᑐᓄᑦ ᓇᓗᓇᐃᓯᒪᓗᑎᒃ ᑐᕌᕈᒪᔭᑦᑎᓐᓄᑦ.”
ᑎᐊᐱ ᐅᖃᓚᐅᕐᒪᑦ “ᕿᒃᓵᒃᑲᓗᐋᖅᑐᖓ ᐊᐅᓚᓕᕐᓂᓐᓂᑦ ᐱᒋᐋᓕᖅᑎᓪᓗᒍ ᑕᒪᓐᓇ ᓄᑖᖅ ᐱᓕᕆᒋᐋᕈᑎᒃᓴᓂᑦ ᐱᓕᕆᐋᖑᔭᕆᐋᖃᓕᖅᑎᓪᓗᒍ, ᐅᐱᒋᔭᖃᒃᖢᖓᓗ ᐃᖅᑲᓇᐃᔭᓂᐅᓚᐅᖅᑐᒥᒃ ᐱᕙᓪᓕᐋᑎᑦᑎᓂᕐᒧᑦ ᐸᕐᓇᖕᓂᕐᒥᒃ ᑐᑭᓯᓇᑦᑎᐋᕐᓗᑎᒃ ᐊᒻᒪᓗ ᖃᐅᔨᒪᓇᑦᑎᐋᕐᓗᑎᒃ ᑐᕌᒃᑕᐅᓇᓱᐋᖅᑐᑦ ᐊᑐᐋᖅᓯᑦᑎᐋᖁᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓯᕗᒧᐋᒃᐸᓪᓕᐋᓂᕐᒥ. ᖃᐅᔨᒪᔪᖓᒪ ᕿᒪᓕᕋᒃᑯ ᐃᖅᑲᓇᐃᔭᕐᕕᒃ ᐱᓯᒪᔭᐅᑦᑎᐊᕐᓂᐋᖅᑐᐋᓗᓂᖓᓂᑦ ᓴᙱᔪᓄᑦ ᐊᔪᖏᓚᑦ ᓯᕗᓕᖅᑎᐅᓂᕐᒥ ᐱᓕᕆᖃᑎᒋᒃᑐᓄᑦ. ᐃᓚᒋᔭᐅᖕᒪᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᔪᙱᓛᑦ ᐱᖁᑎᖏᑦ ᐃᓅᖕᒪᑕ; ᑕᑯᒃᓴᐅᑎᑦᑎᓪᓗᑎᒡᓗ ᓴᙱᔪᒥᒃ ᐃᒃᐱᒍᓱᑦᑎᐋᕐᓂᖃᕐᓂᕐᒥᖕᓂᑦ ᐊᒻᒪᓗ ᐃᖅᑲᓇᐃᔮᖃᕈᒪᑦᑎᐋᖅᖢᑎᒃ ᐊᑦᑕᕐᓇᖅᑕᐃᓕᒪᓂᕐᒥᑦ.”
ᐃᖅᑲᓇᐃᔭᖅᑎᑖᕐᓂᖅ ᐃᓐᓄᒃᑕᐅᖁᓪᓗᒍ ᐃᖅᑲᓇᐃᔭᖅ ᐃᖅᑲᓇᐃᔭᖅᑎᐅᖏᓐᓇᕐᓂᐋᖅᑐᒧᑦ ᐱᓕᕆᐋᖑᐃᓐᓇᕐᒪᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᔪᓯᓂᐋᕐᒪᑕ ᐱᔭᕇᖅᓯᕙᒡᓗᑎᒃ ᑐᓴᖅᑕᐅᑎᕋᑖᓚᐅᖅᑕᖏᓐᓂᑦ ᐱᓕᕆᒋᐋᕈᑎᒃᓴᓂᒃ ᓯᕗᓪᓕᐅᑎᔭᕆᐋᓕᖕᓂᑦ ᑕᐃᒪᓐᓇ ᑎᑎᕋᒃᑕᐅᓯᒪᖕᒪᑕ ᐅᑯᓇᓂ 2023−2027 ᐱᓕᕆᒋᐋᕈᑎᒃᓴᐃᑦ ᐸᕐᓇᖑᑎᖓᓂ.
-30-
ᓴᐃᕗᓚ ᒪᒃᓚᐅᑦ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854