ᐃᖃᓗᐃᑦ, ᓄᓇᕗᑦ (ᔪᓚᐃ 15, 2022) – ᔪᓚᐃ 7, 2022-ᒥ ᐅᑯᐊ ᐃᖅᑲᓇᐃᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ 8-ᓂ ᐸᓯᔭᒃᓴᐅᔾᔪᑎᓂᒃ ᑎᑎᕋᐅᓯᖃᓚᐅᕐᑐᑦ ᐅᕘᓈᖓᔪᓂᒃ ᓄᓇᕗᑦᒧᑦ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅᒥ ᐆᒧᖓ ᐊᒃᑐᐊᔪᓂᒃ ᐃᖃᓗᐃᑦ ᓄᓇᓕᐸᐅᔭᑦ ᓱᕋᒃᓯᒪᔪᓕᕆᕝᕕᐊᓂᒃ ᔪᓚᐃ 16. 2021-ᒥ.
ᐃᖅᑲᓇᐃᔭᖅᑎ ᓱᕋᒃᓯᒪᔪᓕᕆᑎᓪᓗᒍ ᐊᒻᒪ ᐋᖅᑭᒃᓱᐃᓪᓗᓂ ᐊᔭᐅᖃᑦᑖᕐᒥ ᐊᒃᓴᓗᐊᒥ ᐳᓪᓚᒃᓴᖅᑕᐅᔪᒥ ᖄᖅᑐᖃᖅᖢᓂ ᐊᒻᒪᓗ ᑮᓇᖓᒍᑦ ᐱᒃᓯᒡᕕᐅᓪᓗᓂ ᐊᒻᒪ ᑕᓕᖏᑦᑎᒍᑦ ᐋᓐᓂᕈᑎᒋᓪᓗᓂᒋᑦ.
ᐃᖃᓗᐃᑦ ᓄᓇᓕᐸᐅᔭᖓ ᐸᓯᔭᒃᓴᙳᖅᑎᑕᐅᓚᐅᖅᑐᖅ ᐅᓄᕈᓘᔭᕐᑐᓂᒃ ᓱᕋᐃᓯᒪᓂᖏᓐᓂᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᖅᓂᒃ ᐊᒻᒪ ᐃᖅᑲᓇᐃᔭᖅᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᖁᔭᓂᒃ (ᓄᓇᕗᑦ), ᐃᓚᖃᖅᖢᓂ ᐊᔪᕈᓐᓃᖅᓴᖅᑎᑦᑎᓯᒪᙱᓐᓂᕐᒥᒃ ᐊᒻᒪ ᑲᒪᒋᔭᖃᙱᓗᐊᕐᓂᕐᒥᒃ ᐃᖅᑲᓇᐃᔭᖅᑎᒥᒃ ᐊᒻᒪᓗ ᐅᔾᔨᖅᓱᕆᐊᓕᖕᓂ ᐊᑐᙱᓂᕐᒧᑦ ᐃᖅᑲᓇᐃᔭᖅᑎᓂᒃ ᐱᕐᕈᓗᐊᕿᑎᑦᑎᑦᑕᐃᓕᓂᕐᒧᑦ.
ᓯᕗᓪᓕᖅᐹᒥ ᐃᖅᑲᖅᑐᐃᕕᖕᒥ ᑕᒪᑐᒧᖓ ᐱᓕᕆᐊᖑᓂᐊᕐᑐᖅ ᐋᒡᒌᓯ 15, 2022-ᒥ 9:30 ᐅᓪᓛᒃᑯᑦ ᓄᓇᕗᒥᑦ ᐃᖅᑲᖅᑐᐃᕕᖕᒥᑦ.
ᒫᒋ ᑳᓕᓐᔅ
ᐊᐅᓚᑦᑎᔨ, ᑐᓴᐅᒪᖃᑎᒋᒍᑎᓂᑦ
ᐅᖄᓚᐅᑦ: (867) 920-3854
ᖃᐅᔨᒪᒋᑦ:
1. ᑕᒪᓐᓇ ᐃᖅᑲᖅᑐᐃᕕᒻᒦᓕᖅᑐᖅ, ᑐᑭᓯᒋᐊᕈᑎᖃᖅᑎᑦᑎᕕᔅᓴᐅᑎᐊᖏᑦᑐᖅ ᑕᐃᒪᐃᓐᓂᖓᓄᑦ.
2. ᐊᑦᑕᓇᔾᔭᐃᖅᓯᒪᓂᕐᒧᑦ ᒪᓕᒐᖅ, ᐃᓚᖓ 11, ᓇᓗᓇᐃᔭᐃᔪᖅ ᐱᑕᖃᕆᐊᖃᖅᑎᑕᐅᔪᓂᑦ ᑲᓐᖑᓇᖅᑎᑕᐅᓂᖓᓄᑦ ᐊᑦᑐᐊᓂᖃᖅᑐᑦ ᖃᓄᖅ ᐃᓄᒻᒧᑦ ᑐᑭᓯᑎᒋᐊᕈᑎᖏᓐᓂᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᖅᑎᒍᓐᓇᖅᑕᖏᓐᓂᑦ. ᐱᔭᔅᓴᐅᓂᖏᓐᓄᑦ ᑐᑭᓯᒋᐊᕈᑏᑦ ᐊᒻᒪ ᓴᐳᒻᒥᑦᑎᓂᕐᒧᑦ ᑲᓐᖑᓇᖅᑐᓂ ᐱᖁᔭᕐᒥᑦ ᐅᖃᖅᓯᒪᒻᒥᔪᑦ ᖃᓄᐃᑦᑐᓂ ᐃᓄᒻᒧᑦ ᑐᑭᓯᒋᐊᕈᑎᖏᓐᓂᑦ ᒐᕙᒪᒃᑯᑦ ᑎᒥᖓᓄᑦᑦ ᓴᖅᑭᑎᑦᑎᒍᓐᓇᖅᑎᑕᐅᔪᑦ. ᑖᒃᑯᓕᖓ ᒪᓕᒐᕐᓂᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᖅᑭᑎᑦᑎᔪᓐᓇᖏᑦᑐᑦ ᐃᓄᒻᒥ ᑐᑭᓯᒋᐊᕈᑎᖏᓐᓂᑦ ᐅᕝᕙᓘᓐᓃᑦ ᑐᑭᓯᒋᐊᕈᑎᓂᑦ ᓇᓗᓇᐃᖅᓯᒍᓐᓇᖅᑐᓂᑦ ᑭᓇᐅᓂᖓᓂᑦ ᐃᓅᔪᖅ.