ᐃᖃᓗᐃᑦ, ᓄᓇᕗ (ᐊᐃᕐᕆᓕ 29, 2022) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖁᕕᐊᓱᒃᑐᑦ ᐅᓇ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐱᓇᓱᐊᕈᓯ 2022 ᐱᓕᕆᔾᔪᑎᐅᓂᐊᕐᑐᖅ ᐃᖅᑲᓇᐃᔭᖅᕕᒃᒥᑦ ᐊᑦᑕᓇᔾᔭᐃᖅᓯᒪᓂᕐᒥᒃ ᓄᑖᓄᑦ ᐊᒻᒪ ᐃᓅᓱᒃᑐᓄᑦ ᐃᖅᑲᓇᐃᔭᖅᑎᐅᓕᕐᑐᓄᑦ.
ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ ᖁᕕᐊᓲᑎᐅᕙᒃᑐᖅ ᒪᐃ 1-ᒥ 7-ᒧ ᓄᐊᑦ ᐊᒥᐊᓕᑲᒥ ᐅᔾᔨᕈᓱᓕᖅᑎᑦᑎᒃᑲᓐᓂᕈᑎ ᐋᓐᓂᖅᑕᐃᓕᒪᖃᑦᑕᕐᓂᕐᒥᒃ ᐊᒻᒪ ᐋᓐᓂᐊᖅᑖᖅᑕᐃᓕᓂᕐᓂᒃ ᐃᖅᑲᓇᐃᔭᖅᕕᒃᒥ ᐊᒻᒪ ᓄᓇᓕᖕᓂ.
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᕆᔨᖏᑦ ᐃᓕᓐᓂᐊᕐᕕᖕᓄᐊᑲᑕᖕᓂᐊᖅᑐᑦ ᐊᒻᒪ ᐃᖅᑲᓇᐃᔭᖅᑎᑦᑎᔨᓂᒃ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐅᐸᑲᑕᒡᓗᑎᒃ ᐱᓇᓱᐊᕈᓯᕐᒥ ᑐᓴᐅᒪᑎᑦᑎᓇᓱᒡᓗᑎᒃ ᓄᑖᓂᒃ ᐊᒻᒪ ᐃᓅᓱᒃᑐᓂᒃ ᐃᖅᑲᓇᐃᔭᓕᓵᖅᑐᓂᒃ ᐸᕐᓇᒃᓯᒪᑎᑦᑎᓇᓱᒡᓗᑎᒃ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᙵᓱᒃᑎᑦᑎᔨᐅᓂᐊᕐᒥᔪᑦ ᐱᓕᕆᕝᕕᖕᓅᖓᔪᓄᑦ ᓴᖅᑭᔮᑲᐅᑎᒋᓐᓇᖅᑐᑯᑦ Zoom ᓴᖅᑭᔮᓛᕐᒥᔪᑦ ᐃᖅᑲᓇᐃᔭᖅᑎᓄᑦ ᐃᓅᓱᒃᑐᓂᒃ ᐃᖅᑲᓇᐃᔭᖅᑎᑖᖃᑦᑕᖅᑐᓄᑦ. “ᐃᖅᑲᓇᐃᔭᖅᑎᐅᔪᑦ 25 ᑐᖔᓂ ᐊᕐᕌᒍᓖᑦ ᐅᓗᕆᐊᓇᖅᑐᒦᓐᓂᕐᓴᐅᔭᒻᒪᑕ ᐃᖅᑲᓇᐃᔭᖅᕕᒃᒥᑦ ᐋᓐᓂᕋᔭᕆᐊᒃᓴᖏᓐᓂᒃ. ᐱᒻᒪᕆᐊᓘᖕᒪ ᖃᐅᔨᒪᒍᑎᑦ ᐃᖅᑲᓇᐃᔭᓕᓵᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᒦᑦᑕᐃᓕᓂᕐᒥᒃ ᐊᒻᒪ ᐃᓅᓯᖏ ᐅᓗᕆᐊᓇᙱᑦᑐᒦᓪᓗᑎᒃ,” ᐅᖃᕐᑐᖅ ᑕᐱ ᒪᓗᐊᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨ.
“ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ ᐱᐅᓪᓚᕆᖕᒪᑦ ᖃᐅᔨᕚᓪᓕᖅᑎᑦᑎᓇᓱᒃᖢᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᓅᓱᒃᑐᓂᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐃᑲᔫᑎᐅᔪᓐᓇᖅᑐᓂᒃ ᐊᒻᒪᓗ ᐃᓅᓱᒃᑐᓄᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᒃᓴᕆᔭᐅᓪᓗᓂ. ᐃᑲᔪᕈᑎᒃᓴᑦ ᐅᑯᑎᑐᓇᖅ ᐃᓅᓱᒃᑐᓄᑦ ᐊᒻᒪ ᐃᖅᑲᓇᐃᔭᓕᓵᖅᑐᓄᑦ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᖃᐅᔨᕚᓪᓕᕈᑎᓄᑦ ᑐᑭᒧᐊᕈᑎ ᐊᒻᒪᓗ ᐆᒥᖓ ᐃᖅᑲᓇᐃᔭᑐᐃᓐᓇᕆᐊᖃᓕᕐᓗᓂ ᖃᐅᔨᓴᕈᑎᑦ ᐃᖅᑲᓇᐃᔭᓕᓵᖅᑐᓄᑦ ᑐᓴᒐᒃᓴᖃᐅᕐᒪᑕ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᑕᐃᒪᓐᓄᑦ ᐃᓅᓱᒃᑐᓄᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔪᓄᑦ. ᐱᑕᖃᕐᒥᖕᒪᑦ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᕈᑎᒃᓴᓂᒃ ᐊᖓᔪᖅᑳᓂᒃ, ᐃᓕᓴᐃᔨᓂᒃ, ᐃᓕᓐᓂᐊᖅᑎᑦᑎᔨᓂᒃ ᐊᒻᒪᓗ ᑭᓇᑐᐃᓐᓇᖅ ᐃᓅᓱᒃᑐᓂᒃ ᐱᓕᕆᖃᑎᖃᕐᑐᖅ ᐸᕐᓇᖅᑎᑦᑎᓂᒃᑯᑦ ᐃᖅᑲᓇᐃᔮᕆᓂᐊᖅᑕᖓᓄᑦ.”
ᖃᐅᔨᒃᑲᓐᓂᕈᒪᒍᔅᓯ ᐆᒥᖓ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ 2022-ᒥ ᖃᓄᐃᓕᐅᕈᑎᐅᓂᐊᕐᑐᓂᒃ ᐊᒻᒪᓗ ᖃᓄᖅ ᐃᓚᐅᔪᓐᓇᕐᒪᖔᑦ ᐅᕗᖓ ᑕᑯᒋᐊᕐᓗᑎᑦ: https://www.wscc.nt.ca/iu/health-safety-iu/events-iu/naosh-week-iu.
-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854