ᔭᓗᓇᐃ, ᓄᓇᑦᓯᐊᖅ (ᐊᐃᕐᕆᓕ 20, 2022) – ᐅᑯᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓴᕈᒪᔪᑦ ᐱᐅᓯᕚᓪᓕᖅᑎᑦᑎᓇᓱᖕᒪᑕ ᐊᑐᐃᓐᓇᖃᑎᒃᓴᓂᒃ ᐊᒻᒪ ᐸᐃᑉᐹᖅᑖᕈᑎᒃᓴᓂᒃ.
ᐅᕘᓇ ᐃᖅᑲᓇᐃᔭᖅᕕᒃᑯᑦ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᒪᓕᒐᕐᓂᒃ, ᑕᒪᕐᒥᒃ ᐃᖅᑲᓇᐃᔭᖅᑎᑦᑎᔪᑦ ᑲᒪᒋᔭᖃᖅᑐᑦ ᐃᓕᓐᓂᐊᖅᑎᑦᑎᔭᕆᐊᖃᕐᓂᕐᒥᒃ ᐊᒻᒪ ᐊᔪᕈᓐᓃᖅᓴᖅᑎᑦᑎᔭᕆᐊᖃᕐᓂᕐᒥᒃ ᐃᖅᑲᓇᐃᔭᖅᑎᓂᒃ ᐱᓕᕆᐊᖃᕈᓐᓇᖁᓪᓗᒋᑦ ᐅᓪᓗᕆᐊᓇᙱᑦᑐᒃᑯᑦ.
ᐃᖅᑲᓇᐃᔭᖅᑎᑦᑎᔨᐅᔪᑦ, ᓇᖕᒥᓂᖃᖅᑐᑦ ᐱᓕᕆᐊᓂᒃ, ᐊᒻᒪᓗ ᑭᒃᑯᑐᐃᓐᓇᕐᓂᒃ ᐃᖅᑲᓇᐃᔭᖅᕕᒃᒥᑦ ᐊᑦᑕᓇᖅᑐᒦᑦᑕᐃᓕᑎᑦᑎᓂᕐᒥᒃ ᐱᓕᕆᐊᖃᕈᒪᔪᑦ ᑐᙵᓱᒃᑎᑕᐅᔪᑦ ᐃᓚᐅᖁᔭᐅᓪᓗᑎᒃ ᐊᒻᒪ ᐃᓱᒪᒋᔭᖏᓐᓂᒃ ᐅᖃᕈᓐᓇᕐᓗᑎᒃ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐊᔪᕈᓐᓃᖅᓴᐅᑎᐅᔭᕆᐊᓕᖕᓂᒃ ᐱᓕᕆᕝᕕᖏᑦ ᐱᖃᕆᐊᖃᕐᓂᖏᓐᓂᒃ ᐊᒻᒪᓗ ᖃᓄᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐃᑲᔫᑎᒃᓴᓄᑦ ᐊᖏᕈᑎᖏᑦ ᐊᒻᒪ ᐱᓕᕆᖃᑎᒌᒍᑎᒃ ᐊᒃᑐᐊᔪᑦ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐊᔪᕈᓐᓃᖅᓴᕈᑎᓂᒃ ᐊᔪᙱᑦᑐᓐᓇᕐᓗᑎᒃ.
ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᒫᓐᓇ ᐃᑲᔫᑎᖃᖅᑎᑦᑎᕙᒃᑐᑦ ᐊᑦᑕᓇᖅᑐᒦᑦᑕᐃᓕᓂᕐᒧᑦ ᐊᔪᕈᓐᓃᖅᓴᖅᑎᑦᑎᓂᕐᒥᒃ ᐱᓕᕆᕝᕕᐅᔪᓂᒃ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᐊᒻᒪᓗ ᑐᙵᓱᒃᑎᑦᑎᓪᓗᑎᒃ ᑕᒪᑐᒧᖓ ᐅᖃᐅᓯᐅᔪᒪᔪᓂᒃ ᐱᓕᕆᖃᑎᒌᖕᓂᖅ ᐱᐅᓯᕚᓪᓕᕈᓐᓇᕋᔭᕐᓂᖓᒍᑦ.
ᐅᓇ ᐃᓚᐅᑎᑦᑎᓂᖅ ᒪᑐᐃᖓᓂᐊᖅᐳᖅ ᐅᕙᙵᑦ ᐊᐃᕐᕆᓕ 19−ᒥ ᒪᐃ 6, 2022−ᒧᑦ.
ᑕᑯᒋᐊᕐᓗᒍ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕋᓴᐅᔭᒃᑯᑦ ᓴᖅᑭᔮᒐᖓ www.wscc.nt.ca ᐅᕝᕙᓘᓐᓃᑦ www.wscc.nu.ca ᐅᖃᓕᒫᒃᑲᓐᓂᕈᓐᓇᕐᓂᐊᕋᕕᑦ ᐊᒻᒪᓗ ᐃᓱᒪᒋᔭᑎᑦ ᑎᑎᕋᕈᓐᓇᕐᓗᒋᑦ ᖃᐅᔨᓴᕈᑎᓂᒃ ᑕᑕᑎᕆᒍᕕᑦ ᐅᕝᕙᓘᓐᓃᑦ ᐃᓚᐅᒍᕕᑦ ᖃᕋᓴᐅᔭᒃᑯᑦ ᑲᑎᒪᔪᓂᒃ.
-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854