ᐃᖃᓗᐃᑦ, ᓄᓇᕗᑦ (ᐊᐃᕐᕆᓕ 23, 2021) – ᑕᕐᕆᔭᓕᐊᖑᔪᖅ ᖃᐅᔨᒪᓂᖃᓂᕐᒧᑦ ᑲᓇᑕᒥ ᓄᓇᕗᒻᒥ ᐃᓚᐅᖃᑕᐅᔪᖅ, ᑲᓯᑎ ᑎᕕᕆᐅ, ᑲᔪᖏᖅᓴᐃᔪᖅ ᒪᒃᑯᑦᑐᓂᑦ ᐃᓱᒪᒋᔭᖃᕐᓗᑎ ᑉᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᓂᕐᒧᑦ ᓵᓚᒃᓴᖅᓯᒪᔪᖅ ᓯᕗᓪᓕᐸᐅᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᕐᕌᒍᑕᒫᑦ ᑕᕐᕆᔭᓕᐅᓂᕐᒧᑦ ᐊᑭᑦᑐᕋᐅᑎᑎᑦᑎᓂᖅ.
ᑎᕕᕆᐅ ᑕᕐᕆᔭᖓ, “ᐊᐅᔭᒃᑯᑦ ᐃᓕᓐᓂᐊᖅᑏᑦ ᐊᑦᑕᓇᐃᖅᓯᒪᓂᖅ”, ᐊᐅᓚᓐᖑᐊᖅᑐᑦ ᓇᐃᑦᑐᖅ ᑕᑯᔅᓴᐅᑎᑦᑎᔪᖅ ᖃᓄᖅ ᐃᓕᓐᓂᐊᖅᑏᑦ ᐃᖅᑲᓇᐃᔭᕐᕕᒻᒥ ᖃᓄᐃᓕᔪᖃᖅᑕᐃᓕᓗᓂ ᐊᒻᒪ ᐋᓐᓂᖅᑐᖃᖅᑕᐃᓕᓗᓂ ᐃᖅᑲᓇᐃᔭᖅᑎᓪᓗᒋᑦ ᑕᒪᑐᒪᓂ ᐊᐅᔭᒥ. ᑕᕐᕆᔭᓕᐊᖏᑦ ᓵᓚᒃᓴᖅᑐᑦ $1,000 ᐊᔾᔨᖓᓂ ᐱᔾᔪᓯᐊᖅᑐᓂ $1,000 ᖃᐅᔨᒪᓂᖃᓂᕐᒧᑦ ᑲᓇᑕᒥ ᓄᓇᕗᑦ.
“ᖁᔭᓐᓇᒦᒃ ᑭᒃᑯᓕᒫᑦ ᐃᓚᐅᖃᑕᐅᓚᐅᖅᑐᑦ ᑕᒪᑐᒪᒥ ᐊᕐᕌᖑᒥ ᐊᑭᑦᑐᕋᐅᑎᔪᓂᑦ. ᓵᓚᒃᓴᕋᓱᐊᖅᑐᖅ ᐊᑭᑦᑐᕋᐅᑎᔾᔪᑎᖓ ᒪᒃᑯᑦᑐᒧᑦ ᓄᓇᕗᒻᒥ ᐊᒻᒪ ᓄᓇᑦᓯᐊᒥ ᐱᐅᔪᓐᒪᕆᐅᔪᖅ ᒪᒃᑯᑦᑐᓄᑦ ᐃᓚᒋᔭᐅᖃᑕᐅᓗᑎ ᐊᒻᒪ ᐃᑲᔪᕐᓗᑎ ᐱᒻᒪᕆᐅᔪᒥᑦ ᑐᓴᕋᔅᓴᒥᑦ ᐊᑦᑕᓇᐃᖅᓯᒪᐃᓐᓇᓂᕐᒧᑦ ᐃᖅᑲᓇᐃᔭᕐᕕᒻᒥ,” ᐅᖃᖅᑐᖅ ᑎᐊᐱ ᒪᓗᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᔪᖅᑳᖅ ᐊᒻᒪ ᐃᖅᑲᓇᐃᔭᖅᑎᓄᑦ ᐊᖏᔪᖅᑳᖅ.
“ᐊᐅᔭᒃᑯᑦ ᐃᓕᓐᓂᐊᖅᑏᑦ ᐊᑦᑕᓇᐃᖅᓯᒪᓂᖅ” ᐃᓚᒋᔭᐅᓂᐊᖅᑐᖅ ᑭᒡᒐᖅᑐᐃᓗᓂ ᓄᓇᕗᑦ ᐊᒻᒪ ᓄᓇᑦᓯᐊᖅ ᑲᓇᑕᒥ ᐊᑭᑦᑐᕋᐅᑎᔪᓄᑦ ᐊᐅᓚᑕᐅᔪᖅ ᑲᓇᑕᒥ ᐱᓕᕆᕕᒃ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ (CCOHS). ᓵᓚᒃᓴᖅᑐᑦ ᓇᓗᓇᐃᖅᑕᐅᓛᖅᑐᑦ ᒪᐃ 5, 2021. 2019−ᒥ, ᓄᓇᑦᓯᐊᒥ ᐊᑭᑦᑐᕋᐅᑎᔪᓂᑦ ᓵᓚᒃᓴᖅᑐᑦ ᓱᕐ ᔮᓐ ᕗᕌᓐᒃᓚᓐ ᐃᓕᓐᓂᐊᕐᕕᐊᓗᒃ ᔨᐊᓗᓇᐃᕝᒥ ᓵᓚᒃᓴᓚᐅᖅᑐᑦ ᓯᕗᓪᓕᖅᐹᖑᓪᓗᑎ ᑲᓇᑕᒥ ᒪᒃᑯᑦᑐᓂ ᑕᕐᕆᔭᓕᐅᓂᕐᒧᑦ ᐊᑭᑦᑐᕋᐅᑎᔪᓂᑦ, ᐱᔾᔪᓯᐊᖅᑐᑎᑦ $2000 ᐊᒻᒪ ᐊᔾᔨᐸᓗᐊᓂ ᐊᖏᓂᖓ ᐱᔾᔪᓯᐊᖑᓪᓗᑎ ᐃᓕᓐᓂᐊᕐᕕᖓᓄᑦ.
-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854