ᑐᓴᒐᒃᓴᖅ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᓴᖅᑮᔪᑦ ᓄᑖᒥ ᐱᓕᕆᔾᔪᓯᒧᑦ ᒪᓕᒋᐊᓕᒻᒥᒃ

30th Nov 2016

ᔭᓗᓇᐃᕝ, ᓄᓇᑦᓯᐊᖅ, (ᓄᕕᐱᕆ 30, 2016) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᑐᓴᖅᑎᑦᑎᔪᑦ ᓄᑖᖑᔪᖅ ᓴᖅᑭᑕᐅᔪᖅ ᐱᓕᕆᔾᔪᓯᒧᑦ ᒪᓕᒋᐊᓕᒃ, ᑲᒪᒋᔭᖃᕐᓂᕐᒥᑦ ᑯᓯᖅᓯᐊᕐᒥ.

ᑖᓐᓇ ᒪᓕᒋᐊᓕᒃ ᑐᑭᓯᒋᐊᖅᑎᑦᑎᔪᖅ ᒪᑯᓂᖓ:

  • ᓇᓗᓇᐃᖅᓯᓂᕐᒥᑦ ᓴᖅᑭᔮᕐᕕᐅᓂᕐᒧᑦ ᐋᓐᓂᐊᓕᕈᑕᐅᔪᓐᓇᖅᑐᓪᓗ ᑯᓯᖅᓯᐊᕐᒧᑦ;
  • ᑐᑭᓯᐅᒪᓂᖃᕐᓂᖅ ᐃᖅᑲᓇᐃᔭᕐᕕᐅᑉ ᐱᔭᒃᓴᕆᔭᖏᓐᓂᒃ ᑲᒪᒋᔭᖃᕐᓂᐊᖅᑐᓂ ᑯᓯᖅᓯᐊᕐᒥ;
  • ᓇᓗᓇᐃᖅᓯᓂᕐᒥᑦ ᖃᐅᔨᓴᕐᓂᕐᒥᓪᓗ ᑯᓯᖅᓯᐊᕐᓂ ᐅᓗᕆᐊᓇᕈᑕᐅᔪᓐᓇᖅᑐᓂ;
  • ᐃᖅᑲᓇᐃᔭᕐᕕᐅᔪᒥᑦ ᕿᒥᕐᕈᖃᑦᑕᓂᕐᒥᑦ;
  • ᓴᖅᑮᓂᕐᒥᑦ ᑯᓯᖅᓯᐊᕐᒧᑦ ᓴᖅᑭᔮᕐᕕᐅᓂᕐᒧᑦ ᑲᒪᒋᔭᖃᕐᓂᕐᒥᑦ ᐱᕙᒌᔭᐅᑎᓂᒃ; ᐊᒻᒪ
  • ᑐᑭᓯᐅᒪᓂᖃᕐᓂᖅ ᖃᓄᖅ ᑲᒪᒋᔭᖃᕈᓐᓇᕐᒪᖔᑦ ᑯᓯᖅᓯᐊᕐᒥᑦ ᓴᖅᑭᔮᕐᕕᐅᓂᕐᒥᑦ ᐅᓗᕆᐊᓇᖅᑐᖃᕐᓂᐊᖏᒻᒪᑦ ᐅᓗᕆᐊᓇᖅᑐᖃᓗᐊᕐᓂᐊᙱᒻᒪᓘᓐᓃᑦ.

ᒪᓕᒋᐊᓕᒃ ᐃᑲᔫᑎᖃᖅᐳᖅ ᑎᒍᒥᐊᖅᑎᐅᔪᑦ ᑐᑭᓯᐅᒪᓂᖃᑦᑎᐊᕐᓂᐊᕐᒪᑕ ᐃᖅᑲᓇᐃᔭᕐᕕᐅᔪᑦ ᐊᑦᑕᕐᓇᕈᑕᐅᓂᐊᖏᒻᒪᑕ, ᖃᓄᕐᓗ ᐱᐅᓂᖅᐹᓂᑦ ᐱᓕᕆᔾᔪᓯᓂᑦ ᐊᑐᓕᖅᑎᑦᑎᔪᓐᓇᕐᒪᖔᑦ ᒪᓕᒋᐊᓕᓐᓂᒃ ᑎᑭᐅᒪᑦᑎᐊᕐᓗᑎ ᑯᓯᖅᓯᐊᕐᒥ ᑲᒪᒋᔭᖃᕐᓂᕐᒥᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐱᓕᕆᔾᔪᓯᓄᑦ ᒪᓕᒋᐊᓖᑦ ᐃᑲᔫᑎᖃᖃᑦᑕᖅᑐᑦ ᐅᑭᐅᖅᑕᖅᑐᕐᒥᐅᓄᑦ ᑎᑭᐅᒪᑦᑎᐊᖁᓪᓗᒋᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒋᐊᓕᓐᓂᒃ ᒪᓕᒐᖅᑎᒍᑦ ᐱᖁᔭᐅᔪᓂᑦ. ᑖᓐᓇ ᐊᕙᑎᖓᓂ ᐱᓕᕆᔾᔪᓯᓄᑦ ᒪᓕᑦᑕᐅᔭᕆᐊᓕᒃ ᓴᖅᑭᑕᐅᔪᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ. ᑕᒪᕐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐱᓕᕆᔾᔪᓯᓄᑦ ᒪᓕᒋᐊᓖᑦ ᐊᑐᐃᓐᓇᐅᔪᑦ ᐅᕙᓂ wscc.nt.ca ᐅᕝᕙᓘᓐᓃᑦ wscc.nu.ca.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᖁᔭᓕᕗᑦ ᑕᐃᒃᑯᓂᖓᓕᒫᑦ ᕿᒥᕐᕈᐊᖃᑕᐅᓚᐅᖅᑐᓂᒃ ᐱᓕᕆᔾᔪᓯᓄᑦ ᒪᓕᒋᐊᓕᒻᒥᒃ ᓴᖅᑭᑕᐅᓚᐅᙱᑎᓪᓗᒍ. ᐃᓕᓐᓂ ᑐᓴᖅᑕᕗᑦ ᐃᑲᔫᑎᖃᑦᑎᐊᓚᐅᖅᑐᖅ ᑖᔅᓱᒥᖓ ᐊᑑᑎᖃᓪᓚᕆᑦᑐᒥ ᓴᖅᑮᓂᕐᒥᑦ ᐅᑭᐅᖅᑕᖅᑐᕐᒥᐅᓄᑦ.

ᑭᒻ ᐅᐊᑯ
ᐊᐅᓚᑦᓯᔨ, ᑐᓴᐅᒪᔪᓕᕆᓂᕐᒧᑦ
ᐅᖄᓚᐅᑎᖓ: (867) 920-3846
ᐊᑭᖃᙱᑦᑐᖅ: (800) 661-0792 ᓇᕿᓪᓗᒋᑦ 3846

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᒐᕙᒪᒃᑯᓐᓃᓪᓚᕆᙱᑐᐃᓐᓇᖅᐳᑦ ᒐᕙᒪᐅᒐᓗᐊᖅᖢᑎᒃ ᐱᓕᕆᐊᒃᓴᖃᖅᖢᑎᒃ ᐃᑲᔪᖅᓯᖃᑦᑕᕐᓂᕐᒥᒃ ᑖᒃᑯᓂᖓ ᐃᖅᑲᓇᐃᔭᖅᑎᓄᑦ ᓇᓪᓕᐊᒃᑯᒫᓕᕆᓂᕐᒧᑦ ᐱᖁᔭᕐᓂᒃ, ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᔭᕐᓂᒃ, ᕐᑳᖅᑕᔫᕐᓂᒃ ᐊᑐᕐᓂᕐᒧᑦ ᐱᖁᔭᕐᓂᒃ, ᐅᔭᕋᖕᓂᐊᕐᕕᖕᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑐᒦᑦᑕᐃᓕᓂᕐᒧᓪᓗ ᐱᖁᔭᐃᑦ, ᐊᓯᖏᓪᓗ ᑕᒪᑐᒧᖓ ᐊᒃᑐᐊᔪᑦ ᒪᓕᒋᐊᓕᖁᑎᖏᑦ.

ᑲᑐᔾᔨᓪᓗᑕ, ᐱᓕᕆᖃᑎᒋᔭᕗᓪᓗ, ᑖᒃᑯᐊ (WSCC)-ᑯᑦ ᐃᑲᔪᖅᓯᖃᑦᑕᖅᐳᑦ 40,000-ᑲᓴᖕᓂᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ 4,000-ᓂᒃ ᐃᖅᑲᓇᐃᔭᖅᑎᑦᑎᔨᓂᒃ ᑕᒫᓂ ᓄᓇᑦᑎᐊᕐᒥ ᓄᓇᕗᒻᒥᓗ. ᐋᖅᑭᒍᔾᔨᓯᒪᕗᒍᑦ 3,000 ᐅᖓᑖᓂ ᓇᓪᓕᐅᒃᑯᒫᓂᒃ ᐱᔪᓐᓇᕐᓯᓚᐅᖅᑐᓂᒃ ᐊᒻᒪᓗ 1,000 ᐅᖓᑖᓂ ᖃᐅᔨᓴᖅᐸᒃᖢᑕ ᐊᕐᕌᒍᑕᒫᑦ ᐅᓗᕆᐊᓇᖅᑐᒦᖁᓇᒋᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕕᒋᔭᐅᔪᓂ, ᑖᒃᑯᐊ (WSCC)-ᑯᑦ ᐊᔾᔨᒋᔭᐅᖏᑦᑐᑦ ᑲᓇᑕᓕᒫᒥ ᑖᒃᑯᐊᑐᐊᑦᑎᐊᖑᖕᒪᑕ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᐅᓪᓗᑎᒃ ᑲᓇᑕᒥ ᐃᖅᑲᓇᐃᔭᖅᑎᓕᒫᓂᒃ ᖃᓪᓗᓈᓂ ᐊᕕᒃᑐᖅᓯᒪᓂᕐᓂ ᐊᑐᓯᐅᖏᑦᑐᓂ ᐅᑭᐅᖅᑕᖅᑐᒥᓗ ᐊᕕᒃᑐᖅᓯᒪᓂᐅᔪᓂ.