ᔭᓗᓇᐃᕝ, ᓄᓇᑦᓯᐊᖅ (ᔪᓚᐃ 31, 2018) − ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑭᐅᔾᔪᑎᖃᖅᑯᑦ ᐊᑐᓕᖁᔭᓕᐊᖑᓯᒪᔪᓂᑦ ᐊᓪᓚᕝᕕᐊᑕ ᑐᖁᖓᔪᓕᕆᔨᒃᑯᑦ ᓄᓇᑦᓯᐊᕐᒥ ᖃᐅᔨᓴᕐᓂᖃᓚᐅᖅᑎᓪᓗᒍ ᑐᖁᖓᔪᓕᕆᔨ, ᐃᓅᒍᓐᓃᓚᐅᖅᑎᓪᓗᒍ ᑕᐃᕙᑦ ᔮᓐ ᕕᓂᑰᒻ, ᐃᖅᑲᓇᐃᔭᖅᑎᐅᔪᖅ ᐋᓐᓂᖅᑐᒪᕆᐅᓚᐅᖅᑐᓂ ᐃᖅᑲᓇᐃᔭᕐᕕᖃᕐᕕᖓᓂ ᖃᓂᒋᔮᓂ ᐃᓅᕕᒃ, ᓄᓇᑦᓯᐊᖅ ᑕᐃᑲᓂ ᔫᓂ 28, 2016.
ᑕᒪᕐᒥᓕᒫᖅ ᐊᑐᓕᖁᔭᓕᐊᖑᓯᒪᔪᑦ ᕿᒥᕐᕈᔭᐅᓯᒪᓕᖅᑯᑦ ᐊᒻᒪᓗ ᓇᓗᓇᐃᔭᖅᓯᒪᔪᑦ ᑭᐅᔾᔪᑎᑦ ᐅᕝᕙᐅᕗᑦ:
ᐱᓕᕆᖃᑎᒌᓐᓂᕐᒧᑦ ᐊᑦᑕᓇᖅᑕᐃᓕᒪᓂᕐᒧᑦ ᐱᓕᕆᖃᑎᒌᖑᔪᓂᑦ, ᐱᕙᓪᓕᐊᑎᑦᑎᓗᓂ ᑭᒃᑯᑐᐃᓐᓇᕐᓄᑦ ᐃᓕᓐᓂᐊᑎᑦᑎᓂᕐᒧᑦ ᓴᖅᑭᔮᖅᑎᑎᒃᑲᓂᕐᓂᕐᒥᑦ ᐱᐅᓯᕚᓪᓕᖅᑎᒃᑲᓐᓂᕋᓱᓪᓗᒍ ᐆᒻᒪᖅᑯᑎᓖᑦ ᑎᒍᒥᐊᒐᐃᑦ ᓱᓇᒃᑯᑖᑦ ᓇᓗᓇᐃᒃᑯᑕᖏᑦ ᐱᓕᒻᒪᒃᓴᖅᑕᐅᓂᖏᑦ, ᒪᓕᑦᑐᒍ ᑕᐃᒫᓪᓗᐊᑐᒃᑯᑦ ᐊᐅᓚᓂᖃᖅᑐᒃᑯᑦ ᐊᑦᑕᓇᖅᑕᐃᓕᒪᓂᕐᒧᑦ ᐱᖅᑯᓰᑦ ᐃᖅᑲᓇᐃᔭᕐᕕᐅᔪᓂᑦ ᐊᒻᒪᓗ ᓇᓗᓇᐃᔭᖅᓯᒪᔪᓂᑦ ᖃᓄᖅ ᐃᖅᑲᓇᐃᔭᖅᑏᑦ ᓴᖅᑭᑎᑦᑎᒍᓐᓇᕐᒪᖔᑕ ᐱᓕᕆᐊᔅᓴᓂᑦ ᖃᐅᔨᓴᖅᑕᐅᒍᑎᔅᓴᑲᓐᓂᕐᓂᑦ ᐊᒻᒪᓗ ᑕᐃᒫᓪᓗᐊᖑᔪᓂᑦ ᐸᐃᑉᐹᓂ ᐃᓕᐅᖅᑲᕐᓗᒋᑦ ᖃᓄᖅ ᐃᖅᑲᓇᐃᔭᖅᑎᐅᔪᖅ ᐊᔪᙱᓐᓂᖃᒪᕐᖔᖅ ᐊᒻᒪᓗ ᐱᔪᓐᓇᕐᓂᖃᕐᒪᖔᖅ.
ᑖᒃᑯᐊ ᐃᖅᑲᓇᐃᔭᖅᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐊᒃᑯᒫᓂᒃ ᖃᐅᔨᓴᖅᑏᑦ ᐆᒻᒪᖅᑯᑎᓖᑦ ᑎᒍᒥᐊᒐᐃᑦ ᓱᓇᒃᑯᑖᑦ (PME) ᓇᓗᓇᐃᒃᑯᑕᖏᑦ ᐱᓕᒻᒪᒃᓴᖅᑕᐅᓂᖏᑦ ᑕᑯᓐᓇᒐᕆᔭᐅᓪᓗᐊᑕᓚᐅᖅᑯᖅ ᐃᖅᑲᓇᐃᔭᕐᕕᐅᑉ ᐃᓂᒋᔭᖓᓂᑦ ᖃᐅᔨᓴᖅᑕᐅᓂᖃᖅᑎᓪᓗᒍ ᑕᐃᑲᓂ 2017 ᐊᒻᒪᓗ 2018 ᓴᓇᓐᓇᐅᑎᓪᓗᒍ. ᑖᓐᓇ ᐆᒻᒪᖅᑯᑎᓖᑦ ᑎᒍᒥᐊᒐᐃᑦ ᓱᓇᒃᑯᑖᑦ ᓇᓗᓴᐃᒃᑯᑕᖏᑦ ᐊᑐᐃᓐᓇᐅᕗᖅ ᖃᕋᓴᐅᔭᒃᑯᑦ ᐱᔭᐅᒍᓐᓇᖅᑐᓂ ᐃᑭᐊᖅᑭᕕᖓᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ, ᐱᔭᐅᒍᓐᓇᖅᑯᖅ ᑎᒍᒥᐊᖓᔪᓂᑦ ᖃᕋᓴᐅᔭᕋᓛᓂ ᐅᑯᑎᒎᓇ OHS ᖃᕋᓴᐅᔭᒃᑯᑦ ᐱᔭᐅᔪᓐᓇᖅᑐᑦ, ᐊᒻᒪᓗ ᓴᖅᑭᖅᑕᐅᓯᒪᓕᖅᑐᓂ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᑕᖅᑭᑕᒫᑦ ᑐᓴᕋᔅᓴᓕᐊᕆᕙᑦᑕᖏᓐᓂᑦ SafetyNet (ᐊᑦᑕᓇᖅᑕᐃᓕᒪᓂᕐᒧᑦ).
ᐱᓕᕆᖃᑎᒌᓐᓂᕐᒧᑦ ᐊᑦᑕᓇᖅᑕᐃᓕᒪᓂᕐᒧᑦ ᐱᓕᕆᖃᑎᒌᖑᔪᓂᑦ, ᐃᑲᔪᖅᑐᐃᕗᖅ ᐃᖅᑲᓇᐃᔭᖅᑎᑦᑎᔨᐅᔪᓂᑦ ᐱᓕᕆᖃᑎᒌᓐᓂᕐᒧᑦ ᐃᒻᒥᒃᑰᖅᑐᑎᑦ ᐊᓯᐊᓄᑦ ᖃᐅᔨᓴᖅᑕᐅᓂᖃᕐᓗᑎ ᐊᑦᑕᓇᖅᑕᐃᓕᒪᕐᓂᒧᑦ ᐱᓕᕆᐊᔅᓴᕆᔭᖏᓐᓂᑦ.
ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂ ᖃᐅᔨᓴᖅᑏᑦ ᑎᓕᐅᖅᑐᐃᕗᑦ ᐃᖅᑲᓇᐃᔭᖅᑎᑦᑎᔨᐅᔪᓕᒫᓂ ᕿᒥᕐᕈᐊᕐᓂᖃᖃᑦᑕᕐᓗᑎᑦ ᐃᓂᖃᕐᕕᐅᔪᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓕ ᐊᑦᑕᓇᖅᑕᐃᓕᒪᓂᕐᒧᑦ (OHS) ᐱᓕᕆᐊᔅᓴᐃᑦ ᐊᒻᒪᓗ ᐃᓚᐅᖃᑕᐅᖃᑦᑕᕐᓗᑎᑦ ᓇᖕᒥᓂᖅᓱᖅᑐᓂᑦ ᖃᐅᔨᓴᖅᑕᐅᓂᐅᔪᓂᑦ ᐊᑦᑕᓇᖅᑐᒦᓕᙱᒃᑲᓗᐊᕐᒪᖔᑕ ᐱᕙᓪᓕᐊᓂᕆᔭᖏᓐᓂᑦ. ᐃᖅᑲᓇᐃᔭᖅᑎᑦᑎᔨᐅᔪᓄᑦ ᐃᓕᓴᕆᔭᐅᓯᒪᔪᒥᑦ ᖃᐅᔨᓴᖅᑎᖃᙱᑦᑐᓂᑦ, ᑖᓐᓇ ᐊᑦᑕᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᐅᔪᖅ ᕿᒥᕈᒍᓐᓇᖅᑯᖅ ᕿᒥᕈᔭᐅᓯᒪᔪᓂᑦ ᑕᐃᔅᓱᒪ ᐃᖅᑲᓇᐃᔭᖅᑎᑦᑎᔫᑉ ᐃᓂᖃᕐᕕᐅᔪᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᖅᑕᐃᓕᒪᓂᕐᒧᑦ ᐱᓕᕆᐊᔅᓴᕆᔭᖏᓐᓂᑦ ᐊᒻᒪᓗ ᐊᑐᓕᖁᔭᓕᐅᕈᓐᓇᖅᑐᓂ ᐱᐅᓯᕚᓪᓕᕈᑎᔅᓴᑲᓐᓂᕐᓂᑦ. ᐱᖃᓯᐅᑎᓪᓗᒍ, ᐱᑕᖃᕆᐊᖃᓪᓚᕆᑉᐳᖅ ᐃᖅᑲᓇᐃᔭᖅᑎᑦᑎᔨᐅᔪᓄᑦ ᐊᑦᑕᓇᖅᑕᐃᓕᒪᓂᕐᒧᑦ ᓴᖅᑭᖅᑕᐅᔪᓂᑦ ᐱᓕᕆᐊᔅᓴᓂᑦ, ᐊᑦᑕᓇᙱᑦᑐᐃᑦ ᐊᑐᖅᑕᐅᒍᓐᓇᖅᑐᑦ, ᐆᑦᑐᕋᖅᑕᐅᓯᒪᔪᓂᑦ ᐊᐅᓚᓂᖃᑦᑎᐊᖅᑐᓂᑦ ᑕᐃᒃᑯᓄᖓ ᐊᖏᓂᖅᓴᓄᑦ ᐃᖅᑲᓇᐃᔭᖅᑎᑦᑎᔨᐅᔪᓄᑦ. ᑖᓐᓇ ᐱᓕᕆᐊᔅᓴᖅ ᓴᖅᑭᑎᑦᑎᕗᖅ ᐃᖅᑲᓇᐃᔭᖅᑎᑦᑎᔨᐅᔪᓂᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᖅᑕᐃᓕᒪᓂᕐᒧᑦ, ᐅᑎᕈᓐᓇᖅᓯᓂᖏᓐᓄᑦ ᐃᖅᑲᓇᐃᔭᕐᕕᒻᒧᑦ/ᐱᓇᓱᐊᖅᑕᐅᔪᓂᑦ ᐊᐅᓚᑦᑎᓂᕐᒧᑦ ᐱᓕᒻᒪᒃᓴᐅᑎᓂᑦ, ᐊᒻᒪᓗ ᒥᑭᓂᖅᓴᐅᔪᒃᑯᑦ ᖃᓄᐃᓐᓂᐅᔪᓂᑦ ᐊᑭᖏᓐᓂᒃ. ᑕᐃᒃᑯᐊ ᐃᖅᑲᓇᐃᔭᖅᑎᑦᑎᔪᑦ ᒪᓕᑦᑕᐅᔭᕆᐊᓕᓐᓂᑦ ᐊᑐᓗᐊᖃᑦᑕᖏᑦᑐᑦ ᐊᑭᓖᑎᑕᐅᓂᐊᖅᑯᑦ.
ᓴᖅᑭᑎᑦᑎᓂᐊᕐᓗᓂ ᖃᐅᔨᓴᕐᓂᕐᒥᑦ ᕿᒥᕐᕈᐊᕐᓂᐅᔪᓂᑦ ᖃᓄᐃᓕᖓᓕᕐᓂᖏᓐᓂᑦ ᐊᑐᖅᑕᐅᓂᖏᓐᓄᑦ ᑕᒪᒃᑮᒃ ᐊᑦᑕᓇᖅᑕᐃᓕᒪᓂᕐᒧᑦ ᓱᓇᒃᑯᑖᑦ ᐊᒻᒪᓗ ᑐᓴᐅᒪᖃᑦᑕᐅᑎᓕᕆᔾᔪᑏᑦ ᓴᓇᔭᐅᓯᒪᔪᑦ ᐱᓗᐊᖅᑕᐅᓕᒪᑎᑦᑎᓂᕐᒧᑦ ᐋᓐᓂᓂᕐᒥᑦ ᐅᕝᕙᓘᓐᓃᑦ ᐃᓅᒍᓐᓃᓂᕐᒥᑦ ᐊᒻᒪᓗ ᐊᖏᓪᓕᕚᓪᓕᑎᑦᑎᒐᓱᓪᓗᑎᑦ ᐋᓐᓂᓗᐊᖅᑕᐃᓕᒪᑎᑦᑎᓂᕐᒥᑦ ᐊᐅᓚᑦᑎᔨᐅᔪᒥᑦ ᐃᖏᕐᕋᔪᑎᐸᐅᔪᓂᑦ ᐊᐳᖅᑐᖃᕐᓂᖃᓪᓘᓐᓃᑦ ᐅᕝᕙᓘᓐᓃᑦ ᐱᕐᕈᓗᐊᕿᔪᖃᕐᓂᖅᑲᑦ. ᑕᑯᓐᓇᙳᐊᕐᓗᒍ ᑕᒪᓐᓇ ᐱᖃᓯᐅᔾᔨᒐᔭᖅᑯ (ᑭᓯᐊᓂ ᐱᖃᓯᐅᔾᔭᐅᙱᑦᑐᑦ) ᖃᐅᔨᓴᕐᓂᐅᔪᒥᑦ ᓴᓇᔭᐅᓯᒪᔪᒥᒃ ᖃᐅᔨᓴᕈᑎᓂᑦ ᐱᖃᓯᐅᑎᓪᓗᒋ ᑐᓴᖅᓴᐅᓂᖏᑦ ᐊᒻᒪᓗ ᑕᑯᔅᓴᐅᑎᐊᕐᓂᖏᑦ, ᐊᒻᒪᓗ ᒪᕐᕈᐃᓕᖓᔫᓐᓂᒃ ᐅᖄᓚᐅᑎᕋᓛᓂᒃ.
ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂ ᖃᐅᔨᓴᖅᑏᑦ ᓴᖅᑭᑎᑦᑎᓚᐅᖅᑯᑦ ᖃᐅᔨᓴᕈᑎᓂᑦ ᒪᓕᒐᓕᐊᖑᓯᒪᔪᓂᑦ ᐊᒻᒪᓗ ᐊᑦᑕᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᐅᔪᓂᑦ ᐊᑐᖅᑕᐅᒍᓐᓇᖅᑐᓂᑦ ᑲᓇᑕᓕᒫᒥ ᐊᒻᒪᓗ ᖃᐅᔨᓂᖃᕐᓗᑎᑦ ᒫᓐᓇᐅᔪᒥᑦ ᑭᓪᓕᖃᙱᒻᒪᑦ ᑲᓇᑕᒥ ᑖᒃᑯᐊ ᖃᐅᔨᓴᕈᑎᓕᐊᖑᓯᒪᔪᓂᑦ ᐱᑕᖃᕆᐊᖃᕐᓂᖏᓐᓂᑦ ᐅᕝᕙᓘᓐᓃᑦ ᐃᓱᒪᒋᔭᐅᓯᒪᔪᓂᑦ ᐊᑦᑕᓇᙱᑦᑑᒋᐊᖓ ᐃᖅᑲᓇᐃᔭᕐᕕᐅᔪᓂᑦ.
ᑖᒃᑯᐊ ᐃᖅᑲᓇᐃᔭᖅᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂ ᖃᐅᔨᓴᖅᑏᑦ ᖃᐅᔨᓚᐅᖅᑯᑦ ᑕᒪᓐᓇ ᖃᐅᔨᓴᕐᓂᑲᓐᓂᐅᒐᔭᖅᑐᖅ ᓴᖅᑭᑎᑦᑎᒐᔭᙱᒻᒪᑦ ᑐᑭᓯᒋᐊᕈᑎᓂᒃ ᑖᒃᑯᐊ ᐱᖃᓯᐅᔾᔭᐅᓯᒪᔪᑦ ᐊᑦᑕᓇᖅᑕᐃᓕᒪᕐᓂᒧᑦ ᓱᓇᒃᑯᑖᑦ ᒥᑭᓪᓕᕚᓪᓕᑎᑦᑎᒐᔭᕐᒪᖔᑕ ᖃᓄᐃᓐᓂᐅᖃᑦᑕᖅᑐᓂᑦ ᐅᕝᕙᓘᓐᓃᑦ ᒥᑭᓪᓕᕚᓪᓕᑎᑦᑎᓂᕐᒥᑦ ᖃᓄᐃᓐᓂᐅᖃᑦᑕᖅᑐᓂᑦ.
ᒫᓐᓇᐅᔪᒥᒃ ᒪᓕᒐᓕᐊᖑᓯᒪᔪᖅ ᐊᑐᖅᑕᐅᔭᕆᐊᓕᒃ ᑕᐃᑲᓂ ᓄᓇᑦᓯᐊᖅ ᒪᓕᑉᐳᑦ ᒪᓕᑦᑕᐅᔭᕆᐊᓖᑦ ᖃᓄᐃᓐᓂᐅᔪᓂᑦ ᑲᓇᑕᓕᒫᒧ, ᐱᖃᓯᐅᔾᔨᓯᒪᕗᑦ ᐱᕐᕈᓗᐊᕿᓂᕐᒧᑦ ᓴᐳᒻᒥᒍᑎᔅᓴᑲᓐᓂᕐᓂᑦ ᐋᖅᑭᒃᑕᐅᓯᒪᔪᓂᑦ ᐊᒻᒪᓗ ᐊᑐᖃᑦᑕᓂᕐᒧᑦ ᕿᓗᐊᕐᓂᑦ ᐅᕝᕙᓘᓐᓃᑦ ᐊᓯᖏᓐᓂᑦ ᐊᑦᑐᖓᐃᑎᕈᑎᓂᒃ. ᑖᒃᑯᐊ ᐃᖅᑲᓇᐃᔭᖅᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂ ᖃᐅᔨᓴᖅᑏᑦ ᐱᔪᓐᓇᐅᑎᖃᓪᓚᑦᑖᙱᓚᑦ ᐊᑐᓕᖅᑎᑦᑎᓂᕐᒧᑦ ᐊᑦᑕᓇᖅᑕᐃᓕᒪᓂᕐᒧᑦ ᓱᓇᒃᑯᑖᓂᑦ ᐊᓯᖏᑕ ᓱᓇᒃᑯᑖᑦ ᓇᓗᓇᐃᖅᑕᐅᓯᒪᔪᓂᑦ ᒪᓕᒐᖏᓐᓂᒃ ᐊᒻᒪᓗ ᐱᖁᔨᓕᖁᔨᓯᒪᙱᓚᑦ ᐋᖅᑭᒋᐊᖅᑕᐅᓂᐊᕐᓗᑎᑦ ᒪᓕᒐᓕᐊᖑᓯᒪᔪᑦ ᐃᓚᓕᐅᔾᔨᓂᐊᖅᑲᑕ ᓱᓇᒃᑯᑖᓂᑦ ᐊᑐᖅᑕᐅᔭᕆᐊᓕᓐᓂᒃ ᒫᓐᓇᐅᔪᒥ.
ᑖᒃᑯᐊ ᐃᖅᑲᓇᐃᔭᖅᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂ ᖃᐅᔨᓴᖅᑏᑦ ᑲᔪᓰᓐᓇᓂᐊᖅᑯᑦ ᑕᑯᓐᓇᒐᖃᕐᓗᑎᒃ ᐱᐅᓯᕚᓪᓕᑎᑦᑎᑲᓐᓂᕋᓱᓐᓂᕐᒥᑦ ᐊᑦᑕᓇᖅᑕᐃᓕᒪᓂᕐᒧᑦ ᐃᓕᓐᓂᐊᕈᑎᓂᒃ ᐊᒻᒪᓗ ᐃᓕᓐᓂᐊᕋᔅᓴᓂᑦ ᐃᖅᑲᓇᐃᔭᖅᑎᑦᑎᔨᐅᔪᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ, ᓴᖅᑭᔮᖅᑎᑎᒃᑲᓂᕐᓂᕐᒥᑦ ᖃᐅᔨᒪᕚᓪᓕᕋᓱᓐᓂᕐᒥᒃ ᖃᓄᐃᓐᓂᐅᒍᓐᓇᖅᑐᓂᑦ ᐊᒻᒪᓗ ᐊᑦᑕᓇᖅᑕᐃᓕᒪᓂᐅᔪᓂᑦ, ᐊᒻᒪᓗ ᓴᙱᑎᑦᑎᑲᓐᓂᕐᓗᑎ ᓴᖅᑭᖅᑕᐅᓯᒪᔪᓂᑦ ᒫᓐᓇᐅᔪᖅ ᐊᑦᑕᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᓐᓂ ᖃᓄᐃᓕᖓᓂᕆᔭᕆᐊᖃᖅᑕᖏᓐᓂᑦ ᐱᔾᔭᐃᖅᓯᒪᑎᑦᑎᑲᓐᓂᕋᓱᓐᓂᕐᒧᑦ ᐋᓐᓂᕈᑕᐅᕙᑦᑐᓂᑦ ᐅᕝᕙᓘᓐᓃᑦ ᐃᓅᒍᓐᓂᕈᑕᐅᒍᓐᓇᖅᑐᓂᒃ.
-30-
ᔮᑭᓖᓐ ᒨ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐅᖄᓚᐅᑦ: (867) 920-3829
ᐊᑭᖃᙱᑦᑐᖅ: 1 (800) 661-0792 ᐅᖃᓘᑎᖓᓄᑦ 3829