ᐊᐅᓚᐅᓕᖅᐳᖅ, ᑕᒪᓐᓇᓗ ᑐᑭᖃᖅᖢᓂ ᐱᓕᕆᐊᒃᓴᖃᕐᓇᐅᓂᖓᓂᒃ ᐃᒡᓗᓕᐅᖅᑎᓄᑦ ᓴᓇᔨᓄᑦ. ᐃᖅᑲᓇᐃᔭᓚᐅᖅᓯᒪᒍᕕᑦ ᐃᒡᓗᓕᐅᕐᕕᐅᔪᒥ, ᖃᐅᔨᒪᔪᑎᑦ ᐊᒥᓲᓂᖏᓐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᖁᐊᖅᓵᕐᓇᖅᑐᓂᒃ: ᐃᓄᐃᑦ ᐊᒻᒪᓗ ᐊᐅᓚᐅᑎᓖᑦ ᓅᖃᑦᑕᖅᑐᑦ, ᓂᐲᖃᖅᑐᑦ, ᑲᑉᐳᔾᔭᒨᖅᑐᑦ ᓴᓇᕐᕈᑏᑦ, ᐊᒻᒪᓗ ᓴᖅᑭᔮᑦᑎᐊᕐᓇᖅᖢᓂ ᑭᓱᑐᐃᓐᓇᕐᓄᑦ. ᖃᓄᐃᓕᐅᕈᓘᔭᖅᖢᑎᒃ ᐊᕙᑎᖕᓂ, ᐅᓚᕕᑕᐅᓴᕋᐃᓐᓇᕐᒪᑦ. ᐅᓚᕕᓯᒪᑎᓪᓗᑎᑦ, ᐋᓐᓂᕈᓐᓇᖅᑐᑎᑦ.
ᖃᓄᐃᒻᒪᑦ ᑕᒪᓐᓇ ᐊᑲᐅᙱᓕᐅᕈᑕᐅᕙ?
- 2022-ᒥ, ᐅᖓᑖᓂ 1 ᑖᒃᑯᓇᓂ 4-ᓂ ᐱᓇᔫᑎᓕᐅᖅᓯᒪᔪᑦ ᑐᓂᓯᓯᒪᓪᓗᑎᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ (WSCC) ᐃᒡᓗᓕᐅᖅᑐᓂᖔᖅᖢᑎᒃ, ᓴᓇᔨᓂᖔᖅᖢᑎᒃ, ᐅᕝᕙᓘᓐᓃᑦ ᖃᓂᒋᔭᓂ ᓴᓇᕝᕕᐅᔫᑉ.
- ᖓᑖᓃᑦᑐᑦ ᓇᑉᐸᖏᑦ ᐊᒡᒐᖏᑦᑎᒍᑦ ᐋᓐᓂᖅᓯᒪᔪᑦ ᓄᓇᑦᓯᐊᒥ ᐊᒻᒪᓗ ᓄᓇᕗᒻᒥ ᐊᑐᖅᑕᐅᖃᑎᑦᑕᖅᓯᒪᒧᑦ ᐃᒡᓗᓕᐅᖅᑐᓂ ᓴᓇᕝᕕᐅᔪᓂ.
- ᐃᓄᒐᙳᐊᑦ, ᑕᓖᑦ, ᐊᒻᒪᓗ ᑎᒥᐅᑉ ᐸᒃᑯᑦᑎᕆᓂᖅᓴᖏᓐᓂ ᐋᓐᓂᖃᑦᑕᕐᓃᑦ ᐅᖓᑖᓃᑦᑐᑦ 20% ᑕᑕᑎᖅᑕᐅᔪᑦ ᑐᓂᔭᐅᓯᒪᔪᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᕐᕌᓂ.
ᐊᒡᒐᒃᑯᑦ ᐋᓐᓂᕐᓃᑦ
ᐃᒡᓗᓕᐅᖅᑐᓂ ᓴᓇᕝᕕᐅᔪᓂ, ᐊᒡᒐᐃᑦ ᐋᓐᓂᖃᑦᑕᖅᑐᑦ ᖃᓄᐃᑦᑐᑐᐃᓐᓇᕐᓂᒃ ᐋᓐᓂᕈᑎᓄᑦ. ᐱᕐᔪᐊᓛᖑᓪᓗᓂ, ᖃᓄᐃᓪᓕᓂᖅ ᐊᓯᐅᔨᕕᖕᓂᖅ ᐊᐅᓚᓂᖓᓂᒃ, ᐅᕝᕙᓘᓐᓃᑦ ᓇᑲᑕᐅᓗᓂ ᐊᒡᒐ.
ᐋᓐᓂᕈᑕᐅᒐᔪᒃᑐᑦ ᐊᒡᒐᓄᑦ ᐱᖃᓯᐅᑎᓪᓗᒋᑦ ᐅᑯᐊ:
- ᐆᓐᓃᑦ ᐊᒻᒪᓗ ᐅᕕᓂᒃ ᐆᑎᓪᓗᒍ: ᐆᓇᖅᑐᒧᑦ ᖃᓛᖅᑐᒥᑦ, ᐃᑭᑦᑐᒥ, ᐅᐊᔭᓅᖅᑐᓂᖔᖅᑐᑦ ᐅᕝᕙᓘᓐᓃᑦ ᐅᕕᓂᖕᒧᑦ ᐆᓐᓇᖅᑐᒥᑦ.
- ᑭᓕᕐᓃᑦ, ᐳᑐᔭᐅᓃᑦ, ᐅᕝᕙᓘᓐᓃᑦ ᓰᒥᒃᑕᐅᓂᕐᒥ ᐋᓐᓂᕐᓃᑦ: ᓇᑭᖔᕈᓘᔭᕈᓐᓇᖅᑐᑦ ᐊᑐᕐᓂᕐᒥᒃ ᑲᑉᐳᔾᔭᒨᖅᑐᓂᒃ ᓴᓇᕐᕈᑎᓂᑦ, ᓲᕐᓗ ᑭᔾᔭᐅᑏᒃ, ᐅᕝᕙᓘᓐᓃᑦ ᓰᒥᒡᓗᑎᑦ ᒪᑐᒥᑦ.
- ᓯᖁᒥᓐᓃᑦ ᐅᕝᕙᓘᓐᓃᑦ ᓇᐱᓃᑦ: ᑕᐃᒪᐃᑦᑐᓐᓇᖅᑐᑦ ᑲᑕᒡᓗᓂ, ᒥᓗᖅᑕᐅᓗᓂ ᑭᓱᑐᐃᓐᓇᕐᒧᑦ ᐅᕝᕙᓘᓐᓃᑦ ᓇᒃᓴᐱᒃᑕᐅᓗᓂ ᐊᐅᓚᐅᑎᓕᖕᒧᑦ.
- ᐱᓪᓗᐃᓂᖅ: ᓴᓇᕐᕈᑎᓂᒃ ᐊᑐᕈᕕᑦ ᐊᖏᓗᐊᖅᑐᓂᒃ, ᒥᑭᓗᐊᖅᑐᓂᒃ, ᐅᕝᕙᓘᓐᓃᑦ ᐊᑲᐅᙱᑦᑐᒥᒃ ᐃᓂᖃᕐᓗᑎᑦ ᐊᒡᒐᖕᓄᑦ ᑕᓕᕐᓄᓪᓗ, ᓂᕿᖕᓄᑦ ᐋᓐᓂᕈᓐᓇᖅᑐᑎᑦ.
ᐋᓐᓂᖅᑕᐅᓕᒪᑎᑦᑎᓂᖅ ᐊᒡᒐᖕᓂᒃ
ᐱᕐᔪᐊᒥᒃ ᐊᒡᒐᒃᑯᑦ ᐋᓐᓂᕐᓂᖅ ᐊᒃᑐᐃᕐᔪᐊᕈᓐᓇᖅᑐᑦ ᖃᐅᑕᒫᑦ ᐃᓅᓯᕐᓂᒃ. ᐃᓱᒪᒋᓗᒋᑦ ᖃᓄᖅ ᐊᑐᖃᑦᑕᕐᒪᖔᖅᐱᒋᑦ ᐊᒡᒐᑎᑦ ᖃᐅᑕᒡᒪᑦ: ᑎᒍᒥᐊᖅᖢᒍ ᐅᓪᓛᒃᑯᑦ ᐃᕐᖑᓰᑦ ᑳᐱᖃᖅᑐᑦ ᐃᑲᔪᕐᓗᒍ ᕿᑐᕐᖓᑦ ᐃᑳᕋᓱᒃᑎᓪᓗᒍ ᐊᖅᑯᒻᒥᑦ.
ᓴᐳᑎᓯᒪᐃᓐᓇᐅᔭᒃᑭᑦ ᐊᒡᒐᑎᑦ ᐱᓕᕆᑎᓪᓗᑎᑦ ᐊᑐᕐᓗᑎᑦ ᓈᒻᒪᒃᑐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᖁᑎᓂᒃ. ᑕᒪᓐᓇ ᐱᖃᓯᐅᔾᔨᔪᖅ ᐊᒡᒐᖕᓂᒃ ᓴᓇᓯᒪᔪᓂᒃ ᓴᐳᔾᔨᓯᒪᔪᓐᓇᕐᓗᓂ ᐋᓐᓂᕈᑕᐅᒐᔪᒃᑐᓂ ᐃᒡᓗᓕᐅᕐᓂᕐᒧᑦ ᓴᓇᕝᕕᐅᔪᓂ. ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒡᒐᑦ ᐱᑕᖃᓲᑦ ᐊᔾᔨᒌᙱᕈᓘᔭᖅᑐᓂᒃ ᓴᓇᔭᐅᓯᒪᓪᓗᑎᒃ, ᐱᖃᓯᐅᑎᓪᓗᒋᑦ ᕿᓯᐅᔭᑦ, ᕿᐊᕋᐅᑎᓖᑦ, ᐊᒻᒪᓗ ᑲᕝᓚᐅ. ᓴᓇᔭᐅᓯᒪᓪᓚᑖᕈᓐᓴᖅᑐᑦ ᓴᐳᔾᔭᐅᓯᒪᖁᓪᓗᑎᑦ ᑭᓕᕐᓂᕐᒧᑦ, ᑲᐱᔭᐅᓂᕐᒧᑦ, ᐅᕕᓂᖕᒧᑦ ᐆᓐᓇᖅᑐᓂᒃ ᑲᒪᓂᕐᒧᑦ, ᐊᒻᒪᓗ ᐊᒥᓱᒃᑲᓐᓃᑦ. ᐊᒡᒑᑦ ᓈᒻᒪᑦᑎᐊᕆᐊᓖᑦ, ᐊᒻᒪᓗ ᐊᓕᒃᓯᒪᙱᓪᓗᑎᒃ ᐊᖕᒪᔪᖃᙱᓪᓗᑎᒡᓘᓐᓃᑦ.
ᐃᖅᑲᓇᐃᔭᖅᑎᑦᑎᔨᐅᓪᓗᑎᑦ, ᐅᔾᔨᖅᓱᕆᐊᖃᖅᑐᑎᑦ ᐅᓗᕆᐊᓇᓗᐊᖁᓇᒋᑦ ᐋᓐᓂᕐᔪᕐᓃᑦ ᐃᖅᑲᓇᐃᔭᕐᕕᖕᒥ ᐊᑐᖅᑕᐅᖏᓐᓇᐅᓕᑐᐃᓐᓇᕆᐊᓖᑦ ᐃᖅᑲᓇᐃᔭᖁᑎᖕᓄᑦ ᐃᓅᓯᓕᒫᖏᓐᓂ, ᓲᕐᓗ:
- ᕿᒥᕐᕈᓗᒍ ᐃᖅᑲᓇᐃᔭᕐᕕᓯ ᐊᒻᒪᓗ ᓇᓗᓇᐃᔭᑦᑎᐊᕐᓗᒋᑦ ᑕᒪᐃᓐᓂᓗᒃᑖᖅ ᐅᓗᕆᐊᓇᕈᓐᓇᖅᑐᑦ ᐊᒃᑐᐊᒧᑦ ᐊᒡᒐᖕᓄᑦ ᐋᓐᓂᕈᑕᐅᑐᐃᓐᓇᕆᐊᓖᑦ.
- ᓇᓗᓇᐃᔭᕐᓗᒋᑦ ᐅᓗᕆᐊᓇᓗᐊᕈᓐᓃᖅᑎᑦᑎᔾᔪᑏᑦ ᐊᒡᒐᓄᑦ ᐋᓐᓂᕐᓂᕐᓂᑦᒧ. ᐃᓚᖏᑦ ᐃᔾᔪᐊᖅᑕᐅᔪᓐᓇᖅᑐᑦ ᐱᖃᓯᐅᑎᓪᓗᒋᑦ ᓇᑲᑎᕆᓂᕐᒧᑦ ᐱᖁᑏᑦ ᓈᒻᒪᒃᓴᑐᓂᒃ ᓴᐅᒻᒥᔾᔪᑎᖃᕐᓗᑎᒃ, ᐃᓕᓐᓂᐊᖅᑎᓪᓗᒋᑦ ᐃᖅᑲᓇᐃᔭᖅᑏᑦ ᐊᑐᕐᓂᕐᒥᒃ ᓴᓇᕐᕈᑎᓂᒃ ᐊᑦᑕᕐᓇᙱᑦᑐᒃᑯᑦ, ᐊᒻᒪᓗ ᐃᖅᑲᓇᐃᔭᖅᑏᑦ ᓈᒻᒪᒃᑐᒥᒃ ᓇᖕᒥᓂᖅ ᐋᓐᓂᖅᑕᐃᓕᔾᔪᑎᓂᒃ ᐊᑐᕐᓗᑎᒃ ᐱᓕᕆᐊᖏᓐᓄᑦ.
- ᓴᓗᒪᔪᒥᒃ ᐃᖅᑲᓇᐃᔭᕐᕕᖃᕐᓗᑎᒃ. ᐃᖅᑲᐅᒪᒋᑦ ᐲᔭᐃᒐᔪᖃᑦᑕᕐᓂᖅ ᐊᑐᖅᑕᐅᔾᔮᙱᑦᑐᓂᒃ ᐃᐱᒃᑐᓂᒃ ᑭᓱᒎᑖᓂᒃ ᓲᕐᓗ ᓴᓇᕐᕈᑎᓂᒃ, ᐊᒥᐊᒃᑯᕐᓗᑯᓂᒃ ᓴᕕᕋᔭᖕᓂᒃ, ᐊᒻᒪᓗ ᑲᑕᒃᓯᒪᔪᓂᒃ ᑭᑭᐊᓂᒃ.
- ᐃᓕᓐᓂᐊᖅᑎᓪᓗᒋᑦ ᐃᖅᑲᓇᐃᔭᖅᑏᑦ ᐃᓕᓴᖅᓯᔪᓐᓇᖁᓪᓗᒋᑦ ᐊᒡᒐᖕᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᓗᕆᐊᓇᕈᑏᑦ, ᐊᒻᒪᓗ ᑐᑭᓯᐊᓗᒋᑦ ᖃᓄᖅ ᐊᑐᖅᑕᐃᓕᒪᔭᕆᐊᖃᕐᒪᖔᑕ.
ᐱᒻᒪᕆᐅᓛᖅ, ᐊᑐᖅᑕᐅᖏᓐᓇᐅᔭᖅᑐᒥᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᒃᓴᖃᕐᓗᑎᑦ ᐊᔭᐅᖅᑐᐃᔪᖅ ᑐᓴᐅᒪᖃᑎᒌᖏᓐᓇᐅᔭᕐᓂᕐᒥᒃ, ᐊᑦᑕᕐᓇᖅᑕᐃᓕᒪᓂᕐᒧᑦ ᕿᒥᕐᕈᒐᔪᒡᓗᑎᑦ, ᐊᒻᒪᓗ ᐱᓕᒻᒪᒃᓴᔭᐅᖏᓐᓇᖃᑦᑕᕐᓗᑎᒃ ᐃᖅᑲᓇᐃᔭᖅᑏᑦ ᑐᑭᓯᐅᒪᖁᓪᓗᒋᑦ ᐊᒻᒪᓗ ᓴᐅᔾᔭᐅᓯᒪᖁᓪᓗᒋᑦ ᐋᓐᓂᕐᓂᓗᒃᑖᓂᒃ.
ᐃᑲᔪᕈᑎᒃᓴᐃᑦ
ᐃᓕᑦᑎᒃᑲᓐᓂᕈᒪᒍᖕᕕᑦ ᐊᒡᒐᖕᓄᑦ ᐋᓐᓂᕐᓂᕐᒧᑦ ᐊᒻᒪᓗ ᖃᓄᖅ ᑕᐃᒪᐃᑎᑦᑎᑦᑕᐃᓕᒪᓂᕐᒧᑦ, ᑕᑯᒋᐊᕐᓗᒍ:
- ᐊᒡᒐᖕᓂᒃ ᐊᒻᒪᓗ ᑕᓕᕐᓂᒃ ᓴᐳᔾᔨᓯᒪᓂᖅ – ᒪᓕᒋᐊᖃᖅᑐᖅ ᐱᓕᕆᔾᔪᓯᐅᔪᖅ ᑕᒪᒃᑯᓄᖓ ᓇᖕᒥᓂᖅ ᐋᓐᓂᖅᑕᐃᓕᔾᔪᑏᑦ (PPE) ᐊᒡᒐᖕᓄᑦ ᐊᒻᒪᓗ ᑕᓕᕐᓄᑦ ᐋᓐᓂᖅᑕᐃᓕᒪᓂᕐᒧᑦ.
- ᓴᕖᑦ ᐊᒻᒪᓗ ᐃᐱᒃᑐᑦ ᓴᓇᕐᕈᑏᑦ – ᒪᒃᑯᒃᑐᑦ ᐃᖅᑲᓇᐃᔭᖅᑏᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᖅ – ᐃᓕᓴᐃᔨ ᐊᒻᒪᓗ ᐃᓕᓐᓂᐊᖅᑎᑦᑎᔨ
- ᐊᒡᒐᖕᓄᑦ ᓴᓇᕐᕈᑏᑦ ᐃᖅᑲᓇᐃᔭᖅᑐᖅᓯᐅᑏᑦ – ᒪᓕᒃᑕᐅᔪᓐᓇᖅᑐᑦ ᓴᓇᔭᐅᓯᒪᔪᖅ ᑖᒃᑯᓇᙵᑦ ᑲᓇᑕᒥ ᐱᓕᕆᕝᕕᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (CCOHS)
- ᐊᒡᒐᖕᓄᑦ ᐋᓐᓂᕐᓂᕐᒧᑦ ᓴᓇᕐᕈᑎᒃᑯᕕᖕᒥᑦ ᐅᖃᖃᑎᒌᓐᓂᕐᒧᑦ – ᑕᕐᕆᔭᐅᑎ (ᐊᑐᐃᓐᓇᐅᔪᖅ ᖃᓪᓗᓈᑐᑦ, ᑖᒃᑯᓇᙵᑦ WorkSafe ᓴᔅᑳᔾᔪᐊᓐ)
- ᖃᖓᒃᑯᑦ ᐊᒡᒑᒃᓯᒪᔭᕆᐊᖃᕐᓂᖅ – ᑕᕐᕆᔮᒃᓴᖅ
ᐅᖃᖃᑎᒋᓗᒋᑦ ᐊᑦᑕᓇᔾᔭᐃᕐᓯᒪᓂᕐᒧᑦ ᑭᒃᑯᑐᐃᓐᓇᕐᓂᑦ ᐱᓕᕆᔾᔪᑎᓂᑦ ᑭᒡᒐᖅᑐᐃᔩᑦ ᑕᐃᑲᓂ ᓄᓇᑦᓯᐊᒥ ᐅᕝᕙᓘᓐᓃᑦ ᓄᓇᕗᒻᒥ ᐃᑲᔫᑎᒃᓴᒃᑲᓐᓂᕐᓄᑦ ᐊᒻᒪᓗ ᐃᑲᔪᖅᑐᖅᑕᐅᔪᒪᒍᕕᑦ ᓴᖅᑮᓂᕐᒧᑦ ᐊᒡᒐᖕᓂᒃ ᓴᐳᒻᒥᒃᔪᑎᓪᓚᕆᖕᓄᑦ ᐱᓕᕆᐊᒃᓴᒥᒃ.