ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ (WSCC) ᑎᑎᕋᕐᕕᖏᑦ ᒪᑐᓯᒪᔪᑦ ᐊᒻᒪᓗ ᐃᖅᑲᓇᐃᔭᖅᑎᖏᑦ ᐊᖏᕐᕋᖏᓐᓂᒃ ᐱᓕᕆᐊᖃᖅᖢᑎᒃ. ᐱᔨᑦᑎᕋᐅᑎᕗᑦ ᐊᑐᐃᓐᓇᐅᔪᑦ ᓱᓕ ᖃᕋᓴᐅᔭᒃᑯᑦ ᐊᒻᒪ ᐅᖄᓚᐅᑎᑎᒍᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᑐᑭᓯᒋᐊᕐᕕᒃᓴᑦ

ᐊᑐᕐᓗᒍ ᑖᓐᓇ ᐅᖃᓕᒫᒐᕋᓛᖅ ᐋᖅᑭᒃᓱᐃᓂᕐᒥᑦ ᐊᑐᓕᖅᑎᑦᓯᓂᕐᒥᓪᓗ ᐃᖅᑲᓇᐃᔭᕐᕕᓐᓄᑦ ᐅᐸᓗᖓᐃᔭᐅᑎᐅᓂᐊᖅᑐᒥ. ᐊᐱᖅᑯᑎᒃᓴᖃᒃᑲᓐᓂᕈᕕᑦ, ᖃᐅᔨᒋᐊᕐᕕᐅᑕ ᖃᐅᔨᒪᔨᑕᕗ ᐅᖃᖃᑎᒋᓗᒍ. ᖃᐅᔨᒪᔨᑕᖁᑎᑉᐳᑦ ᐊᑐᐃᓐᓇᐅᒻᒥᔪᖅ ᖃᕋᓴᐅᔭᕐᑯᑦ ᐃᓕᓐᓂᐊᖅᑎᑦᑎᔪᓐᓇᖅᑐᖅ ᐊᒻᒪ ᐃᓕᓐᓂᐊᖅᑎᑦᑎᔪᓐᓇᕐᒥᔪᖅ. ᑎᑎᕋᕐᕕᐅᑕ ᐃᕐᖐᓐᓈᖅᑕᐅᑎᒃᑯ ohsregs@wscc.nt.ca ᑐᑭᓯᒋᐊᕈᑎᓄᑦ.

 

ᖃᐅᔨᒪᔾᔪᑎᑦ

ᐱᒻᒪᕆᐅᓂᖏᓐᓄᑦ ᓇᓗᓇᐃᔭᐃᖃᑦᑕᕐᓗᑎᑦ ᐅᓗᕆᐊᓇᑦᑐᒃᑯᑦ ᐊᒻᒪᓗ ᐱᑕᖃᕈᓐᓇᕐᓂᖓᓄᑦ ᓇᓗᓇᐃᔭᐃᓗᑎᑦ 1-ᒥ 4-ᒧᑦ, ᑲᑎᓪᓗᒋᑦ ᓈᓴᐅᑎᖓᓄᑦ ᐊᑦᑎᒃᑐᒃᑯᑦ-, ᕿᑎᐊᒍᑦ-, ᐊᒻᒪᓗ ᖁᑦᑎᒃᑐᒃᑯᑦ – ᐅᓗᕆᐊᓇᕐᓂᖓ.

ᑖᓐᓇ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐋᓐᓂᖅᑕᐃᓕᒪᓂᕐᒧᓪᓗ ᐅᐸᓗᖓᐃᔭᓂᕐᒧᑦ ᐅᖃᓕᒫᒐᖅ ᒥᑭᓐᓂᖅᓴᓄᑦ ᓇᒻᒥᓂᕆᔭᐅᔪᓄᑦ ᐃᑲᔫᑎᖃᕐᓂᐊᖅᑐᖅ ᒪᓕᑦᑕᐅᔪᓐᓇᖅᑐᓂᑦ ᐋᖅᑭᒃᓱᐃᓂᕐᒥᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐋᓐᓂᖅᑕᐃᓕᒪᓂᕐᒧᓪᓗ ᐅᐸᓗᖓᐃᔭᐅᑎᒥ.