ᔭᓗᓇᐃᕝ, ᓄᓇᑦᓯᐊᖅ/ᐃᖃᓗᐃᑦ, ᓄᓇᕗᑦ (ᓄᕕᐱᕆ 13, 2025) – ᑖᒃᑭᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᓱᑦᑐᑦ ᑐᓴᖅᑎᑦᑎᔪᓐᓇᕐᒪᑕ ᐱᓕᕆᐊᒃᓴᓂᑦ ᓂᕈᐊᖅᑕᐅᓯᒪᔪᓂᑦ ᑮᓇᐅᔭᖅᑖᖅᑎᑕᐅᓂᕐᒧᑦ ᑕᒡᕘᓇ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᒃᑯᑦ 2026-ᒥᑦ.
ᑲᑎᓪᓗᒋᑦ ᐅᖓᑖᓂᐊᕐᔪᒃ $1 ᒥᓕᐊᓐᓂᒃ ᑮᓇᐅᔭᖃᖅᑎᑦᑎᓛᖅᑐᖅ ᑕᓪᓕᒪᓂᑦ ᑲᑐᔾᔨᖃᑎᒌᓂᑦ ᑕᐃᒪᐃᙱᓐᓂᖅᓴᐅᓕᖁᓪᓗᒋᑦ ᐃᖅᑲᓇᐃᔮᒧᑦ ᐱᔾᔪᑕᐅᔪᒥ ᐋᓐᓂᕐᓂᐅᔪᓂᑦ ᐊᒻᒪᓗ ᖃᓂᒪᓂᐅᔪᓂᑦ ᐃᓕᓐᓂᐊᖅᑎᑦᑎᓂᒃᑯᑦ, ᐊᔪᕈᓐᓃᖅᑎᑦᑎᓂᒃᑯᑦ, ᐊᒻᒪᓗ ᐱᓕᒻᒪᒃᓴᐃᓂᒃᑯᑦ.
ᐱᓕᕆᕝᕕᐅᑉ ᐊᑎᖓ | ᖃᓄᐃᓕᐅᕈᑎᒃᓴᐅᑉ ᑕᐃᒎᓯᖓ | ᐱᓕᕆᐊᒃᓴᐅᑉ ᓇᓗᓇᐃᔭᖅᓯᒪᓂᖓ | ᓄᓇᓖᑦ ᐱᔨᑦᑎᕋᖅᑕᐅᔪᑦ |
|---|---|---|---|
| ilinniapaa Skills Development Centre | ᐃᓚᒋᐊᖅᓯᓂᕐᒥᑦ ᐊᑐᖅᑕᐅᒐᔪᓲᖅ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᔪᙱᓐᓂᖃᖅᑐᓂᑦ ᓄᓇᕗᒻᒥ | ᑖᓐᓇ ᐱᓕᕆᐊᒃᓴᖅ ᐊᑐᐃᓐᓇᐅᑎᑦᑎᓛᖅᑐᖅ ᐃᓕᓐᓂᐊᕐᓂᕐᒥᑦ ᐃᓄᖕᓄᑦ ᑭᕙᓪᓕᕐᒦᑦᑐᓂᑦ, ᓯᕗᓪᓕᐅᔾᔨᓗᑎᒃ ᐃᓄᖕᓂᒃ ᐃᖃᓇᐃᔭᖅᑎᖁᑎᓕᖕᓂᑦ, ᐃᖅᑲᓇᐃᔭᖅᑎᓂᑦ, ᒪᒃᑯᒃᑐᓂᑦ, ᐊᒻᒪᓗ ᓄᓇᓕᖕᒥᐅᑕᓂᑦ ᐃᑲᔫᑎᒃᓴᖃᓗᐊᙱᑦᑐᓂᑦ. ᐱᓕᕆᐊᖃᓛᖅᑐᑦ ᒪᕐᕉᖕᓂᒃ WSCC-ᐊᖏᖅᑕᐅᓯᒪᔪᓂᑦ ᐊᑐᖅᑕᐅᒐᔪᓲᖅ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᕐᓂᕐᒥᑦ ᐊᑐᓂ ᓄᓇᓕᐅᔪᓂᑦ ᑲᑎᓪᓗᒋᑦ 12-ᖏᖅᓱᕐᓗᑎ ᐃᓕᓐᓂᐊᖅᑎᑦᑎᓂᕐᒥᑦ ᓇᓗᓇᐃᒃᑯᑕᖅᑖᕐᓂᐊᕐᒪᑕ ᐱᖃᑕᐅᔪᑦ ᐱᒻᒪᕆᐅᔪᒥᑦ ᑐᐊᕕᕐᓇᖅᑐᓕᕆᓂᕐᒥᑦ ᐊᔪᕈᓐᓃᖅᓴᓂᕐᒧᑦ. | ᑭᕙᓪᓕᕐᒥ |
| Advanced Medical Solutions | ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᑦᑎᔨᓂᑦ ᐱᕙᓪᓕᐊᑎᑦᑎᓂᕐᒥᑦ | ᒪᕐᕉᖕᓂᒃ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᑦᑎᔨᐅᓂᕐᒧᑦ ᐱᕙᓪᓕᐊᑎᑦᑎᓂᕐᒥᑦ ᐃᓕᓐᓂᐊᖅᑎᑦᑎᓛᖅᑐᑦ ᔭᓗᓇᐃᕝᒥᑦ ᐊᒻᒪᓗ ᐃᖃᓗᓐᓂᑦ, ᐊᑐᓂ ᓇᓗᓇᐃᒃᑯᑕᖅᑖᖅᑎᑦᑎᓗᑎᒃ ᐱᖓᓲᔪᖅᑐᓂᑦ ᐱᖃᑕᐅᔪᓂᑦ ᐊᒻᒪᓗ ᑕᓪᓕᒪᓂᑦ ᓄᓇᑦᓯᐊᖅ ᓄᓇᓕᖏᓐᓂᒃ, ᐊᒻᒪᓗ ᐱᖓᓱᓂᑦ ᓄᓇᕗᑦ ᓄᓇᓕᖏᓐᓂᒃ. ᑕᒪᓐᓇ ᐊᔪᙱᓐᓂᖃᖅᑎᑦᑎᓛᖅᑐᖅ ᐊᑐᖅᑕᐅᒐᔪᓲᖅ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐱᓕᒻᒪᒃᓴᐃᑎᑦᑎᓂᕐᒥᑦ ᐅᑭᐅᖅᑕᖅᑐᓕᒫᒥᑦ. | ᓄᓇᑦᓯᐊᕐᒥ: ᐃᓅᕕᒃ, ᕗᐊᑦ ᓯᒻᓯᓐ, ᓄᐊᒪᓐ ᐅᐊᓪᔅ, ᔭᓗᓇᐃᕝ, ᕼᐊᐃ ᕆᕗ ᓄᓇᕗᒥᑦ: ᐃᖃᓗᒃᑑᑦᑎᐊᖅ, ᑲᖏᖅᖠᓂᖅ, ᐊᒻᒪᓗ ᐃᖃᓗᐃᑦ |
| Arctic Energy Alliance | ᐅᐊᔭᒨᖅᑐᒧᑦ ᑭᓪᓘᑎᓄᑦ ᐊᑦᑕᕐᓇᔾᔭᐃᖅᓯᒪᓂᕐᒥᑦ | ᑖᓐᓇ ᖃᓄᐃᓕᐅᕈᑎᒃᓴᖅ ᐊᑐᐃᓐᓇᐅᑎᑦᑎᓲᖅ ᐅᐸᒍᑎᓯᒪᓗᑎᒃ ᓇᐹᖅᑐᓂᑦ ᐃᑯᐊᓪᓚᑎᑦᑎᒍᑎᓂᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕈᑎᓂᑦ (ᐃᓚᒋᓗᓂᐅᒃ ᐅᐊᔭᒨᖅᑐᖅ ᑭᓪᓘᑎᓄᑦ ᖁᑦᑎᖕᓂᖓ 3 ᕙᓕᖕᒥᑦ ᐃᓚᖃᕐᓗᓂ) ᐃᓄᖕᓄᑦ ᐱᖓᓱᓂᑦ ᓄᓇᑦᓯᐊᕐᒥᑦ ᓄᓇᓕᐅᔪᓂᑦ. | ᐸᐅᑰᓲ, ᐃᓅᕕᒃ, ᕗᐊᑦ ᓯᒥᑦ |
| Arctic Response | ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᓕᒻᒪᒃᓴᐃᓂᕐᒧᑦ ᓯᕗᓪᓕᖅᐹᖅᓯᐅᑎ | ᐃᖅᑲᓇᐃᔭᖅᑎᓄᑦ ᐊᑐᐃᓐᓇᐅᑎᑦᑎᓲᖅ ᓄᓇᓕᖕᓂᑦ ᐃᓄᑭᓐᓂᖅᓴᓂᑦ ᐅᑭᐅᖅᑕᖅᑐᓕᒫᒥᑦ ᐃᓕᓐᓂᐊᖅᑎᑦᑎᓂᕐᒥᑦ ᒪᓕᒐᖅᑎᒍᑦ ᐱᔭᐅᔭᕆᐊᓕᖕᓂᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ, ᐃᓚᒋᓗᓂᐅᒃ ᑲᒪᔨᐅᓂᕐᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ, ᑲᑎᙵᔪᓂᒃ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᔨᕋᓛᓄᑦ ᐃᓕᓐᓂᐊᕐᓂᕐᒥᑦ, ᐱᕕᑭᑦᑐᓂᑦ ᐃᓂᒃᓴᓂᑦ, ᑲᑕᔾᔭᐃᕐᓂᕐᒧᑦ ᓴᐳᔾᔨᓯᒪᓂᕐᒧᑦ, ᑯᕕᔪᒥᑦ ᑲᒪᓂᐅᒧᑦ ᖁᑦᑎᖕᓂᖓ 2, ᐊᒻᒪᓗ H2S Alive. | ᐃᖅᑲᓇᐃᔭᖅᑎᖁᑎᓖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᓄᓇᓕᖕᓂᑦ ᐃᓄᑭᓐᓂᖅᓴᓂᑦ ᐅᑭᐅᖅᑕᖅᑐᒥ ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᑦ |
| Northern Safety Association | ᐱᐅᓯᕚᓪᓕᖅᑎᑦᑎᓂᕐᒥᑦ ᐊᑐᐃᓐᓇᐅᖃᕐᕕᐅᓂᕐᒥᑦ COR® ᓇᓗᓇᐃᒃᑯᑕᖅᑖᕐᓂᕐᒥᑦ ᐃᖅᑲᓇᐃᔭᖅᑎᖁᑎᓕᖕᓄᑦ | ᐃᓚᒋᐊᖅᓯᓂᕐᒥᑦ ᐊᑐᐃᓐᓇᖃᕐᕕᐅᓂᕐᒥᑦ ᐊᒻᒪᓗ ᑲᔪᓯᑎᑦᑎᓂᕐᒥᑦ ᓇᓗᓇᐃᒃᑯᑕᖃᖅᑐᑦ ᐃᓕᓴᕆᔭᐅᓯᒪᔪᓄᑦ ᐱᓕᕆᐊᒃᓴᒥᑦ (COR®) ᐃᖅᑲᓇᐃᔭᖅᑎᖁᑎᓕᖕᓄᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᐅᑭᐅᖅᑕᖅᑐᒥ ᓄᑖᙳᖅᑎᑦᑎᓂᕐᒥᑦ ᐊᒻᒪᓗ ᐅᓪᓕᒥᓯᐅᑎᐅᓕᕐᓗᑎᒃ ᑕᒻᒪᖅᓯᒪᔪᖅᓯᐅᓂᕐᒧᑦ ᐃᑲᔫᑎᒃᓴᖏᑦ ᐊᒻᒪᓗ ᖃᕋᓴᐅᔭᑎᒍᑦ ᐃᓕᓐᓂᐊᕐᓂᕐᒧᑦ ᓇᓖᕌᕈᑎᔅᓴᖏᓐᓂᒃ. | ᐃᖅᑲᓇᐃᔭᖅᑎᖁᑎᓖᑦ ᓴᓇᔪᓕᕆᓂᕐᒨᖓᔪᓕᒫᓂᑦ ᐅᑭᐅᖅᑕᖅᑐᒥ ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᑦ |
| Northern Safety Association | ᓄᑖᙳᖅᑎᑦᑎᓂᕐᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ ᖃᕋᓴᐅᔭᒃᑯᑦ ᐊᒻᒪᓗ ᐃᓕᓐᓂᐊᕐᕕᐊᕈᓯᒻᒥᑦ | ᐋᖅᑭᒋᐊᖅᓯᓂᕐᒥᑦ ᐊᒻᒪᓗ ᓄᑖᙳᖅᑎᑦᑎᓂᕐᒥᑦ ᐅᖓᑖᓄᑦ 30-ᓂᒃ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕈᑎᒃᓴᓂᑦ, ᑕᒪᒃᑮᓗᑎᒃ ᖃᕋᓴᐅᔭᑎᒍᑦ ᐊᒻᒪᓗ ᐃᓕᓐᓂᐊᕐᕕᐊᕈᓯᕐᒥᑦ, ᐃᓕᓐᓂᐊᕐᓂᕐᒧᑦ ᓄᖅᑲᖓᕈᑎᖃᙱᓐᓂᕐᒧᑦ ᐃᖅᑲᓇᐃᔭᖅᑎᓕᒫᓄᑦ ᐅᑭᐅᖅᑕᖅᑐᓕᒫᒥᑦ. ᑕᒪᓐᓇ ᐃᓚᖃᕐᓂᐊᖅᑐᖅ ᐱᕙᓪᓕᐊᑎᑦᑎᓂᕐᒥᑦ ᓄᑖᓂᑦ ᐃᓕᓐᓂᐊᕈᑎᒃᓴᓂᑦ ᑲᑐᔾᔨᖃᑎᖃᖅᖢᑎᒃ WSCC ᑭᐅᔾᔪᑎᒋᓪᓗᒍ ᓴᓇᔨᕐᔪᐊᓄᑦ ᐱᑕᖃᕆᐊᖃᕐᓂᖓᓂ, ᐃᖅᑲᓇᐃᔭᕐᕕᖕᒥ ᐊᑦᑕᕐᓇᔾᔭᐃᖅᓯᒪᓂᕐᒧᑦ. | ᐃᖅᑲᓇᐃᔭᖅᑎᖁᑎᓖᑦ ᐊᒻᒪᓗ ᐃᖅᑲᓇᐃᔭᖅᑏᑦ ᓄᓇᓕᖕᓂᑦ ᐃᓄᑭᓐᓂᖅᓴᓂᑦ ᐅᑭᐅᖅᑕᖅᑐᒥ ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᑦ |
ᐅᖃᐅᓯᒃᓴᖅ
“ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒃᓴᖅ ᐱᒋᐊᖅᑎᑕᐅᓚᐅᖅᑐᖅ ᑕᒪᑐᒪᓂ ᐊᕐᕌᒍᒥᑦ ᑐᕌᒐᖃᖅᖢᑎᒃ ᐃᓚᒋᐊᖅᓯᓂᕐᒥᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ ᐱᔨᑦᑎᕋᐅᑎᓂᑦ, ᐃᓕᓐᓂᐊᕐᓂᕐᒥᑦ, ᐊᒻᒪᓗ ᐱᓕᒻᒪᒃᓴᐃᓂᕐᒥᑦ ᓄᓇᓕᐅᔪᓄᑦ ᐅᑭᐅᖅᑕᖅᑐᓕᒫᒥᑦ. ᖁᕕᐊᓱᓪᓚᕆᓚᐅᖅᑐᒍᑦ ᑕᑯᓂᕐᒥᑦ ᐱᓕᕆᖃᑕᐅᒍᒪᔪᓂᑦ ᐊᒻᒪᓗ ᐅᖓᓯᓐᓂᖓᓄᑦ ᐊᒻᒪᓗ ᐃᓱᒪᑐᓂᖏᓐᓂᒃ ᑐᒃᓯᕋᐅᑎᓂᑦ ᐅᕙᑦᑎᓐᓅᖅᑕᐅᓚᐅᖅᑐᓂᑦ. ᐅᐱᒋᔭᕗᑦ ᓂᕈᐊᖅᑕᐅᓯᒪᔪᑦ ᐱᓕᕆᐊᒃᓴᑦ ᑕᑯᓛᖅᑐᓂᑦ ᐃᓚᒋᐊᖅᑕᐅᓯᒪᔪᓂᑦ ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᑦᑎᓂᕐᒥᑦ ᑭᕙᓪᓕᕐᒥᑦ ᓄᓇᕗᒻᒥ, ᐅᐊᔭᒨᖅᑐᒧᑦ ᑭᓪᓘᑎᓄᑦ ᐊᑦᑕᕐᓇᔾᔭᐃᖅᓯᒪᓂᕐᒥᑦ ᐃᓕᓐᓂᐊᕈᑎᒃᓴᓂᑦ ᐃᓚᖏᓐᓂᒃ ᓄᓇᑦᓯᐊᕐᒥᑦ, ᓯᕗᓪᓕᐅᓪᓗᓂ ᐃᑲᔪᕐᓂᕐᒧᑦ ᐃᓕᓐᓂᐊᖅᑎᑦᑎᔨᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᐊᒻᒪᓗ ᐱᐅᓯᕚᓪᓕᖅᑎᑦᑎᓂᕐᒥᑦ ᖃᕋᓴᐅᔭᑎᒍᑦ ᐊᑐᐃᓐᓇᐅᑎᑦᑎᓂᕐᒥᑦ ᒪᓕᒐᖅᑎᒍᑦ ᐊᑐᕆᐊᓕᖕᓂᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᕐᒥᑦ ᐅᑭᐅᖅᑕᖅᑐᒥ ᑕᒪᒃᑮᓐᓂᒃ ᐊᕕᑦᑐᖅᓯᒪᔪᓂᑦ.”
- ᕆᒃ ᕼᐊᓐᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ, ᖃᐅᔨᓴᖅᑏᑦ ᐊᖏᔪᖅᑳᖅ ᐊᒻᒪᓗ ᐊᐅᓚᑦᑎᔨᒻᒪᕆᒃ
ᑐᑭᓯᒋᐊᕈᑎᒃᓴᒃᑲᓐᓂᕐᓄᑦ ᑐᒃᓯᕋᐅᑎᒧᑦ ᐊᒻᒪᓗ ᓂᕈᐊᖅᑕᐅᓂᕐᒧᑦ ᐱᓕᕆᓂᐅᔪᒥᑦ, ᑕᑯᒋᐊᕐᓗᒍ WSCC ᐃᑭᐊᖅᑭᕕᒃ.
-30-
Maggie Collins (ᒫᒋ ᑳᓕᓐᔅ)
ᑐᓴᒐᒃᓴᓕᕆᓂᖅ ᐊᒻᒪᓗ ᑭᒃᑯᑐᐃᓐᓇᕐᓄᑦ ᐱᓇᓱᐊᖅᑎᑦ ᐊᐅᓚᑦᓯᔨᖓ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ, ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854