Havaktiuyuq tigumiaqtun 5 gallanik gaasinik puuqmik mihingnautiqarniaqtun qitiqminun. Tamna havaktiuyuq aulahimaaqtuq havakhunik havaktauvikharnik havaguikhimalikhunilu mihigiinaliqhugu qitini ingataqpalialihunilu. Tamna havaktiuyuq munarhiliakhimavaktun ilitugipkaktauhimayuq taima qitiqliuliqtuq qitiqmini. Taima havagungnaiqhuni siksinik ublunik aannirman. Tamna WCCS-kut angirutigivakhimayaingit aanniaqtunik ihuaqhaidjutikharnik maniktaqtukhauyuqlu taima havagungnaikpangman talvuuna havaamingni.  

Ihuaqhaitillutik utuqqangnguyumik igluqpamik, malruuq havaktut nipitiriyut qan’ngani iluani igluqpaup, havakhutik mayugautini. Nutqanggakaffuktutlu. Atauhiq havakti taunungngauyuq uqaqvigiumaplugit aadlat havaqatigiyait. Aipa havaqatigiyaa, igluliuqtiungnguyuq hitamani uqiuni, ihumayuq mayugaukkammiittumayuq, nuutikhuni ikhivayaami qan’nganiittumi tunmiraqmi.

Havaktut atuqtut anginighaqmik qayangnautinik havaktut avaliitumik. Ayungnautighaa qayangnaqtuq qanuginia humilu;qanugitumik havaktuq;inuqangniqmi; uvalu hulaqutiqaqtut haffumunga qilamiuqnikkut, ihuinaaqtunut, uvaluuniin aaniutilutik. 

Aghaluutituqtunut Munaqhiyuq Havakti (TCP) havaanga aghaluutituqtunut munaqhiyuq uvalu naunaiyaqhugit havaat uvani havakvikni munagiblugit inuit uvalu havaktut aaniqnaitumik.