Quuyaqinniit, napatqarniit iukkarniillu aulayut pilluarutit aannirutinik havakvikni. Qayangnarhitqiyauvaktuq ukiaghamin upinngaghamun, amigaitqiyauyut pivakhutik ukiumi. Ukiumi tatqiqhiutini, WSCC-kut havagutigiliqpaktait atauhirmik upluq tamaat. Atauhiq piniq tamainni ukinguraanga tatqiqhiutini pitjutihimayuq quuyaqinnirmin, napatqarnirmin, iukkarnirminluunniit, pitjutiupluni amigaittunik havagiaqtuqniannirnik. 

Havaktitiyut uvalu havaktut maligahait hapkua the Aanniqtailinikkut Maligat uvalu ilauyut maliguagahat unguvaqtiginikkut uqughimaniqnik-halumaiqhimayunik tamayat hamanga havakvikni.

Havaktuq aanniqtailitikhangnik ilgangnik attuqtuq, attanituq akhalutim himmikta kiniktaq. Hallumaituq attanin kattaktuq akhalunmin havaktinup akuliamun. Hallumaituq attanungaktuq ilgaat iinungaktuq.

Piliuqhimayut naqutikhat uqumaittunut kivikhidjutikhat uqittut ihuaqhutiklu aturianginni haattuungmata piliuqhimayut nylon-mik polyester-milluunniit. Akituvallaangittut, ingnilimaittut, ikayuutauyut nakuungiliqtunut ingniqutinit ilainnut. Munariyakhauyut piliuqhimayut naqutikhat uqumaittunut kivikhidjutikhat ihivriuqtauyakhat nakuuyaakhainut. Mikiyumik nakuuhuiraluaqhutik naqutikhat ihuirutauniaqtuq hunavalungnut kivihikdjutigilugit katakniaqhutiklu atuqtaugumik.

Amigaitpiaqtut hulijutit akhalutiqyuanit ila hiuraqtautinit, algagutinit, qalurautinit, imiqtautinilu ihuilijutivaktut tuluqpaktu-luniit alruyaqaqviuyunut napayunut, ahiruqtiqhugit hatqiqtiti-vakhuniklu aanirutaulaaqtumik kinamiliqaa hanianiitunik.

Kivluitilugit nauniqnik napaaqtuniklu alruyaqaqviuyumut apqutauyumik, havakti kipihiyuq napaaqtumik ulrutitugu ikumayumut alruyaqmut qulaaruqtunik. Alruyaq iukaqmat maniqamut, quaqhalaknaqtuq aulahimayuq aalamut havaktimut haniani havakviuyup. Aktuqtauyuq havakti alruyanit uutikhimayuq kuaqhalaaqhunilu akturamiuk alruyaqtunitut ihuaqutauyuq.