ᑐᓂᓯᔪᓐᓇᖅᑐᑎᑦ ᐅᓗᕆᐊᓇᓪᓚᕆᒃᑐᒥᒃ ᐃᖅᑲᓇᐃᔭᕐᓂᕐᒧᑦ ᖃᐅᔨᒃᑲᐃᔾᔪᑎᒥᒃ ᐃᓄᒃᑐᑦ ᐅᕝᕙᓘᓐᓃᑦ ᓇᓕᐊᖕᓂᑐᐃᓐᓇᖅ ᐃᓕᓴᕆᔭᐅᓯᒪᔪᑎᒍᑦ ᐅᖃᐅᓯᒃᑯᑦ ᓄᓇᕗᒻᒥ ᓄᓇᑦᓯᐊᒥᓘᓐᓃᑦ. ᑐᓂᓗᒍ ᑐᒃᓯᕋᐅᑦ, ᖃᕆᓴᐅᔭᒃᑯᑦ ᐃᕐᖐᓐᓵᖅᑕᐅᑏᑦ ᖃᐅᔨᒃᑲᐃᔾᔪᑎᖃᕐᓗᓂ ᐅᕗᖓ ᐊᑦᑕᕐᓇᖅᑕᐃᓕᒪᔪᓕᕆᔨᒻᒪᕆᒃ (CSO) ᐅᑯᓂᖓ ᑐᓴᐅᒪᔾᔪᑎᖃᕐᓗᓂ:
- ᐱᓕᕆᐊᑉ ᐊᑎᖓ
- ᐱᓕᕆᐊᒥᒃ ᓇᖕᒥᓂᓕᒃ, ᐱᖃᓯᐅᑎᓪᓗᒋᑦ ᐅᖃᖃᑎᒋᔭᐅᓂᕐᒧᑦ ᑐᓴᐅᒪᔾᔪᑏᑦ
- ᐱᓕᕆᐊᒧᑦ ᑐᓴᕋᓱᐊᕐᕕᐅᔪᓐᓇᖅᑐᖅ (ᐊᔾᔨᒋᙱᒃᑯᓂᐅᒃ), ᐱᖃᓯᐅᑎᓪᓗᒋᑦ ᐅᖃᖃᑎᒋᔭᐅᓂᕐᒧᑦ ᑐᓴᐅᒪᔾᔪᑏᑦ
- ᖃᕆᓴᐅᔭᒃᑯᑦ ᐃᑭᐊᖅᑭᕕᐅᑉ ᑐᕌᕈᑖ ᐅᕝᕙᓘᓐᓃᑦ ᑕᒻᒪᕇᒃᑯᑎᑎᒍᑦ ᓇᓃᓐᓂᖓ, ᐊᑏ ᐃᓚᓕᐅᑎᓯᒪᓗᒋᑦ ᖃᓄᑐᐃᓐᓇᖅ ᖄᒃᑲᓐᓂᐊᒍᑦ ᓇᓗᓇᐃᔭᐅᑏᑦ ᐃᖅᑲᓇᐃᔭᕐᕕᐅᑉ ᐃᓂᐊᓄᑦ (ᓲᕐᓗ ᓯᕐᓗᐊᒥ ᑐᓄᐊᓂ ᐱᖁᑎᒋᔭᐅᔫᑉ)
- ᓇᓗᓇᐃᕐᓗᒋᑦ ᖃᓄᐃᑦᑐᑦ ᐅᓗᕆᐊᓇᓗᐊᕐᒪᖔᑕ ᐱᓕᕆᓃᑦ ᐱᓕᕆᐊᖑᓂᐊᖅᑐᑦ:
- ᑐᐊᐸᒃᑕᕐᓂᖅ, ᓯᖃᓕᑦᑎᓂᖅ, ᐅᕝᕙᓘᓐᓃᑦ ᖄᖅᑎᑦᑎᖃᑦᑕᕐᓂᖅ
- ᐆᒻᒪᒃᑯᑏᑦ ᐅᐊᔭᖏᓐᓂᒃ ᓴᓇᓂᖅ ᐅᕝᕙᓘᓐᓃᑦ ᐋᖅᑭᐅᒪᑎᑦᑎᓂᖅ
- ᓄᓇᓕᕆᓂᖅ, ᓴᒡᒐᕐᓂᖅ, ᐅᕝᕙᓘᓐᓃᑦ ᐊᖅᑯᓯᐅᕐᓂᖅ
- ᐳᓪᓚᓕᖕᒧᑦ ᓴᓗᒻᒪᖅᓴᐃᓂᖅ
- ᐃᒡᓗᒥᒃ ᓱᕋᑦᑎᕆᓂᖅ ᐅᕝᕙᓘᓐᓃᑦ ᓄᑖᙳᕆᐊᕆᓂᖅ
- ᓂᐅᕐᕈᑎᖃᖅᐸᒃᑐᓄᑦ ᐅᕝᕙᓘᓐᓃᑦ ᐊᖏᕐᕋᒥᒃ ᓴᓇᓂᕐᒧᑦ
- ᐆᑕᖅᑎᑦᑎᓂᖅ
- ᐱᖃᓯᐅᑎᓪᓗᒋᑦ ᓇᓗᓇᐃᔭᐅᑏᑦ ᐱᓕᕆᐊᒧᑦ ᐱᓕᕆᓂᐊᖅᑕᕐᓄᑦ (ᓲᕐᓗ ᐲᔭᕐᓗᒍ ᓇᑎᖓ ᑕᕝᕙᙵᑦ 8 x 10 ᐃᒡᓗᕈᓯᕐᒥ, ᑯᕕᓗᒍ ᕿᑯᖅ, ᓇᑉᐸᐃᓂᖅ ᐃᑯᕐᕋᓂᒃ, ᐋᖅᑭᒃᓱᐃᓂᖅ ᑭᓴᐅᑎᓂᒃ ᐃᒡᓘᑉ ᖁᓛᓂᑦ, ᐊᓯᖏᓪᓗ)
- ᐱᓕᕆᐊᑉ ᐱᒋᐊᕐᕕᒃᓴᖓ ᐅᓪᓗᖅ ᐊᒻᒪ ᐱᓕᕆᐊᑉ ᐃᓱᓕᕝᕕᒃᓴᖓ ᐅᓪᓗᖅ
ᐊᑏ ᐅᔾᔨᕆᒋᐊᕈᒃ, ᑐᓂᒍᖕᓂ ᐅᓗᕆᐊᓇᓪᓚᕆᒍᓐᓇᖅᑐᓄᑦ ᐃᖅᑲᓇᐃᔭᕐᓂᕐᒧᑦ ᖃᐅᔨᒃᑲᐃᔾᔪᑎ, ᐊᑦᑕᕐᓇᖅᑕᐃᓕᒪᔪᓕᕆᔨ ᐅᖃᖃᑎᖃᕐᓂᐊᖅᑐᖅ ᐃᓕᖕᓂᒃ ᓇᓗᓇᐃᖅᓯᔪᒪᓗᓂ ᐱᔭᐅᓂᖏᓐᓂᒃ ᑐᓴᐅᒪᔾᔪᑎᑎᑦ. ᐊᐱᕆᑐᐃᓐᓇᕆᐊᓕᒃ ᐊᐱᖅᑯᑎᓂᒃ ᐃᓗᓕᖏᓐᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᓕᕆᐊᕐᓄᑦ, ᐅᕝᕙᓘᓐᓃᑦ ᐊᓯᖏᓐᓄᑦ ᐱᓕᕆᐊᕕᑦ ᑐᓴᐅᒪᔾᔪᑎᖏᓐᓂᒃ.
ᓇᓗᓇᐃᔭᐅᑏᑦ ᐱᓕᕆᐊᒃᓴᕐᓄᑦ ᐊᓯᔾᔨᕈᑎᒃ, ᐱᓕᕆᐊᒃᓴᖃᖅᐳᑎᑦ ᐅᖃᖃᑎᖃᕐᓂᕐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑐᒃᑯᓐᓂᒃ (WSCC) ᓄᑖᒥᒃ ᑐᓴᐅᒪᔾᔪᑎᓂᒃ ᐅᕝᕙᓘᓐᓃᑦ ᐅᖓᕙᕆᐊᕈᑎᓄᑦ ᐱᓕᕆᐊᕐᓄᑦ ᖃᖓᒃᑰᓂᐊᕐᓂᖏᓐᓄᑦ.
ᐱᓕᕆᐊᑦ ᐱᒋᐊᖅᓯᒪᓕᕈᓂ, ᑕᑯᔭᖅᑐᖅᑕᐅᑐᐃᓐᓇᕆᐊᓕᒃ ᖃᐅᔨᓴᖅᑕᐅᔭᖅᑐᕐᓗᓂ ᐱᔾᔪᑎᒋᓪᓗᒋᑦ ᑐᓴᐅᒪᔾᔪᑏᑦ ᑐᓴᖅᑕᐅᑎᑕᕐᓂ. ᐱᒻᒪᕆᐅᔪᖅ ᑕᒪᒃᑯᐊ ᐊᑕᖏᕐᓗᒋᑦ ᑐᓴᐅᒪᔾᔪᑏᑦ ᑕᒻᒪᖅᓯᒪᙱᓪᓗᑎᒃ ᐊᒻᒪ ᐅᓪᓗᒥᒨᖓᓗᑎᒃ.