ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔨᑦᑎᕋᐅᑎᖏᓐᓄᑦ ᓄᑖᖑᓛᑦ

ᑕᒪᕐᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑏᑦ ᑎᑎᕋᕐᕕᖏᑦ ᒪᑐᐃᖓᔪᑦ  ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐊᒻᒪ ᐊᑦᑕᓇᔾᔭᐃᖅᓯᒪᓂᕐᒥᒃ ᐱᓕᕆᐊᓂᒃ ᐊᑐᖅᖢᑎᒃ. ᐱᔨᑦᑎᕋᖅᑕᐅᕙᒃᑐᑦ ᐃᓂᒃᓴᓕᐅᖅᐸᒌᖅᐸᒡᓗᑎᒃ ᐅᐸᓚᐅᙱᓐᓂᖏᓐᓂᒃ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᑭᒃᑯᓕᒫᓂᒃ ᐅᖃᖃᑎᖃᕐᓂᖅ ᑐᒃᓯᕋᖅᑕᐅᓯᒪᔪᓂᒃ ᐊᓯᙳᖅᑎᑕᐅᔪᒪᔪᓂᒃ ᒪᑐᒧᖓ ᑮᓇᐅᔭᖅᑖᕋᓲᑎᓂᒃ ᐃᖅᑲᓇᐃᔭᕐᕕᒃᒥ ᐋᓐᓂᕐᓯᒪᓂᕐᒧᑦ.

15th Nov 2021

ᔭᓗᓇᐃ, ᓄᓇᑦᓯᐊᖅ (ᓄᕕᐱᕆ 15, 2021) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓴᕈᒪᖕᒪᑕ ᑭᒃᑯᓕᒫᓂ ᑐᒃᓯᕋᕈᑎᒋᔭᐅᔪᒥᒃ ᐊᓯᙳᖅᑎᑦᑎᔪᒪᓂᕐᒥᒃ ᑮᓇᐅᔭᖅᑖᕈᑎᐅᕙᒃᑐᑦ ᖃᓄᖅ ᐋᖅᑭᒃᑕᐅᕙᖕᓂᖏᓐᓂᒃ ᐃᖅᑲᓇᐃᔭᕐᕕᒃᒥᑦ ᐋᓐᓂᕐᑐᕕᓂᕐᓄᑦ.

ᒫᓐᓇᓕ ᐋᖅᑭᒃᑕᐅᓯᒪᔪᒃᑯᑦ, ᐃᖅᑲᓇᐃᔭᖅᑎᐅᔪᑦ ᐃᓅᓯᓕᒫᖏᓐᓂᒃ ᑮᓇᐅᔭᖅᑖᖃᑦᑕᕐᑐᑦ  ᑖᓐᓇ ᐃᖅᑲᓇᐃᔭᕐᕕᒃᒥ ᐋᓐᓂᖅᑐᕕᓂᖅ ᐊᒻᒪᓗ ᐊᔪᕈᑎᒋᓕᕐᓗᓂᐅᒃ ᑲᒪᒋᔭᐅᓚᐅᕐᑎᓪᓗᒍ ᐋᓐᓂᐊᖃᕐᓇᙱᑦᑐᓕᕆᔨᒃᒧᑦ ᐊᒻᒪᓗ ᒪᒥᓴᑲᑖᓂᓚᐅᕐᑎᓪᓗᒍ. ᐅᓇᑦᑕᐅᖅ ᖃᐅᔨᒪᔭᐅᖕᒥᔪᖅ ᐃᒪᓐᓇ ᐋᓐᓂᐊᖅᑐᓕᕆᓂᒃᑯᑦ ᐊᔪᕈᑎᖃᐃᓐᓇᓕᓂᖅ (PMI). ᑮᓇᐅᔭᖅᑖᕆᔭᐅᔪᒃᓴᖅ ᒪᓕᒃᑎᑕᐅᕙᒃᑐᖅ ᒪᓕᒃᖢᓂ ᐃᓄᒃ ᖃᓄᑎᒋ ᐳᓴᓐᑎᑎᒍ ᐋᓐᓂᕐᓂᑰᔭᕆᐊᒃᓴᖓᓂᒃ ᐊᒻᒪᓗ ᖃᔅᓯᓂ ᑮᓇᐅᔭᓕᐅᓚᐅᕐᒪᖔᑦ ᐋᓐᓂᕐᓂᐊᓵᖅᑎᓪᓗᒍ. 

ᑐᒃᓯᕋᐅᑎᒋᔭᐅᔪᖅ ᓄᑖᖅ ᐱᓕᕆᔾᔪᑎ ᐅᑯᓂᖓ ᓄᓇᑦᓯᐊᕐᒥ ᐊᒻᒪ ᓄᓇᕗᒥ ᒪᓕᒃᑎᑦᑎᓕᕐᓗᓂ ᑮᓇᐅᔭᖅᑖᖅᑎᑦᑎᔾᔪᑎᐅᕙᒃᑐᓂ ᑲᓇᑕᒥ ᐊᓐᒪᓗ ᐃᓇᖏᕐᓯᓗᓂ ᐃᓅᓯᓕᒫᖅ ᑮᓇᐅᔭᖅᑖᖃᑦᑕᕐᓂᕐᒥᒃ ᐃᒪᓐᓇᖔᖅ ᐊᑕᐅᓰᕐᓗᑎᒃ ᑮᓇᐅᔭᖅᑖᖅᐸᒡᓗᑎᒃ ᒪᑯᓄᖓ ᐊᓯᐅᔨᔾᔪᑎᓄᑦ ᐊᒻᒪ ᐃᓚᖃᕐᓗᓂ ᐃᑲᔫᓯᐊᖅᑖᕈᑎᐅᖃᑦᑕᕐᓂᐊᖅᑐᓂᒃ ᓯᕗᓂᒃᓴᒥ ᐊᓯᐅᔨᔭᐅᓯᒪᔪᓄᑦ.

“ᐅᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᒃᓯᕋᐅᑎᖃᕋᓱᒃᑐᑦ ᐊᔾᔨᒌᒃᑎᑦᑎᓐᓇᕐᓂᕐᓴᒥᒃ ᐃᓱᒪᓕᐅᕆᔪᓐᓇᕋᔭᕐᓗᑎᒃ ᒪᑯᓇᖓᑐᐊᙳᙱᑦᑐᖅ ᐃᓅᑉ ᐋᓐᓂᕈᑎᖃᓂ ᑭᓯᐊᓂᓕ ᐊᓯᖏᓐᓂᒃ ᐊᒃᑐᐃᔾᔪᑎᒋᔭᖏᓐᓂᒃ ᐃᖅᑲᓇᐃᔮᖏᑦᑎᑐ ᐊᒻᒪᓗ ᐋᓐᓂᕈᑎᖓ ᐊᒃᑐᐃᔾᔪᑎᖓᓂᒃ ᒫᓐᓇ ᐊᒻᒪ ᓯᕗᓂᒃᓴᒥ ᑮᓇᐅᔭᓕᐊᕆᓇᔭᓚᐅᕐᑕᖏᓐᓂᒃ”, ᐅᖃᖅᑐᖅ ᑎᐊᐱ ᒪᓗᐊᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨᖓ. “ᐃᓄᒃᒧᑦ ᑐᓂᔭᐅᓂᑯ ᕿᒥᕐᕈᐊᖅᑕᐅᒃᑲᓐᓂᕈᓐᓇᖅᑐᖅ ᑖᔅᓱᒪ ᐊᔪᕈᑎᒋᔭᖓ ᐱᐅᔪᓐᓃᕐᓂᕐᓴᐅᓕᖅᐸᑦ.”

ᐅᓇ ᐊᐃᑉᐸᕆᓕᖅᑕᖓ ᑭᒃᑯᓕᒫᓂᒃ ᑐᓴᕈᒪᓂᖏᓐᓂᒃ ᑐᑭᓯᕋᐅᑎᖏᓐᓅᖓᔪᓂᒃ. ᖃᐅᔨᔭᐅᔪᑦ ᓯᕗᓪᓕᕐᒥ ᑐᓴᕈᒪᑲᑕᖕᓂᕐᒥᒃ 2020-ᒥ ᓴᕿᑎᑦᑎᔾᔪᑎᐅᓚᐅᕐᑐᖅ 64% ᑭᐅᔪᑦ ᓈᒻᒪᒃᓴᕐᓂᖏᓐᓂᒃ ᓄᑖᕐᒥ ᑮᓇᐅᔭᖅᑖᕈᑎᐅᖃᑦᑕᕈᒪᔪᒥᒃ. ᐊᒻᒪᓗ 92% ᑭᐅᔪᓂᒃ ᐅᖃᓚᐅᕐᒪᑕ ᐅᒃᐱᕈᓱᖕᓂᕋᖅᖢᑎᒃ ᐋᓐᓂᖅᑐᕕᓃᑦ ᐃᖅᑲᓇᐃᔭᖅᑎᑦ ᑮᓇᐅᔭᖅᑖᖃᑦᑕᕆᐊᖃᕐᓂᖏᓐᓂᒃ ᒫᓐᓇ ᐊᒻᒪ ᓯᕗᓂᒃᓴᒥᒃ ᑮᓇᐅᔭᓕᐊᕆᓇᔭᓚᐅᖅᑕᖏᓐᓂᒃ ᐱᔾᔪᑎᖃᖅᖢᑎᒃ ᐋᓐᓂᐊᖅᑐᓕᕆᓂᒃᑯᑦ ᐊᔪᕈᑎᖃᐃᓐᓇᓕᓂᕐᒧᑦ, ᐳᓴᓐᑎᑎᒍᑐᐃᓐᓇᐅᙱᑦᑐᖅ ᑮᓇᐅᔭᓕᐊᕆᔭᕕᓂᖏᓐᓂᒃ ᐋᓐᓂᖅᑎᓪᓗᒋᑦ. 

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓂᓯᑲᑕᒃᑐᑦ ᑎᑎᕋᖅᑕᐅᕙᓪᓕᐊᔪᓂᒃ ᐊᑐᐊᒐᕐᓄᑦ ᓇᓗᓇᐃᔭᐃᒃᑲᓐᓂᕈᒪᓪᓗᑎᒃ ᖃᓄᖅ ᐱᓕᕆᔾᔪᓯᖅ ᐃᖏᕐᕋᒐᔭᕐᒪᖔᑦ ᑲᔪᓯᑎᑕᐅᒍᓂ ᐊᒻᒪᓗ ᒪᑐᐃᖅᑎᑦᑎᔾᔪᑎᐅᒃᑲᓐᓂᖅᖢᓂ ᐃᓚᒋᔭᐅᔪᓂᒃ ᐅᖃᕐᕕᐅᔪᒪᓂᖏᓐᓂᒃ ᐱᒋᐊᕐᓗᑎᒃ ᓇᒐᔾᔭᐅᒥᒃ, ᓄᕕᐱᕆ 8 ᑎᑭᓪᓗᒍ ᑎᓯᐱᕆ 8, 2021. 

ᑕᑯᒋᐊᕐᓗᒐ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᖃᕋᓴᐅᔭᒃᑯᑦ ᓴᖅᑭᔮᒐᖓ wscc.nt.ca ᐅᓇᓘᓐᓃᑦ wscc.nu.ca ᐅᖃᓕᒫᕈᓐᓇᕐᓂᐊᕋᔅᓯ ᖃᓄᖅ ᑮᓇᐅᔭᖅᑖᕐᓇᕐᓂᖅ ᐋᖅᑭᒃᓯᒪᓂᐊᕆᐊᒃᓴᖓᓂᒃ ᐊᒻᒪᓗ ᐊᓯᙳᖅᑎᑕᐅᔪᒪᔪᓂᒃ, ᐊᒻᒪᓗ ᐃᓕᔅᓯᓐᓂ ᑐᓴᕈᒪᓪᓗᑎᒃ ᖃᕋᓴᐅᔭᒃᑯᑦ ᐊᐱᖅᓱᕈᑎᖓ ᑭᐅᔭᐅᓗᓂ ᐅᕙᓘᓐᓃᑦ ᖃᕋᓴᐅᔭᒃᑯᑦ ᐅᖃᖃᑎᒌᖕᓂᖅ.

-30-

ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854