ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᔭᓗᓇᐃᒥᐅᑕᐃᑦ ᐃᓕᓐᓂᐊᖅᑐᑦ ᓯᕗᓪᓕᖅᐹᖑᔪᑦ ᑲᓇᑕᓕᒫᒥᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂ ᑕᕐᕆᔮᒃᓴᓕᐅᕐᓂᕐᒥ ᓵᓚᖃᕋᓴᐅᕐᓂᐅᔪᒥᑦ

ᒪᐃ 07 / 2019

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᔭᓗᓇᐃᒥᐅᑕᐃᑦ ᐃᓕᓐᓂᐊᖅᑐᑦ ᓯᕗᓪᓕᖅᐹᖑᔪᑦ ᑲᓇᑕᓕᒫᒥᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂ ᑕᕐᕆᔮᒃᓴᓕᐅᕐᓂᕐᒥ ᓵᓚᖃᕋᓴᐅᕐᓂᐅᔪᒥᑦ

ᔭᓗᓇᐃᕝ, ᓄᓇᑦᓯᐊᖅ (NT) (ᒪᐃ 7, 2019) – ᑕᕐᕆᔮᒃᓴᖅ ᔮᓐ ᕗᕌᒃᓚᓐ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥ ᐃᓕᓐᓂᐊᖅᑐᑦ ᒪᒃᑯᒃᑐᓂᒃ ᐃᑲᔪᖅᓱᐃᓪᓗᑎᒃ ᐱᔪᓐᓇᕐᓂᖏᓐᓂ ᐅᔾᔨᖅᓱᖁᔨᔪᓂᒃ ᐃᖅᑲᓇᐃᔭᕐᕕᖕᒥᑦ ᓵᓚᒃᓴᓚᒃᓴᖅᑐᑦ ᓯᕗᓪᓕᖅᐸᐅᓪᓗᑎᒃ ᑲᓇᑕᒥ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᕝᕕᖕᒥ (CCOHS) #FocusOnSafety ᑲᓇᑐᓕᒫᒥᑦ ᒪᒃᑯᒃᑐᓄᑦ ᑕᕐᕆᔮᒃᓴᓕᐅᕐᓂᕐᒥ ᓵᓚᒃᓴᕋᓲᑎᒥᒃ. 

ᓵᓚᒃᓴᖅᑐᑦ ᑕᐱᕇᒃ ᐱᖓᓲᔪᑦ ᐃᓕᓐᓂᐊᖅᑐᑦ ᔮᓐ ᕗᕌᒃᓚᓐ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥ ᐊᒻᒪᓗ ᑮᓇᐅᔭᖃᖅᑎᑦᑎᔪᑦ/ᐃᓕᓴᐃᔩᑦ ᓯᕗᒻᒧᒋᐊᖅᑐᑦ ᑲᓇᑕᓕᒫᒥᑦ ᓵᓚᒃᓴᕐᓂᖏᑦ ᒪᓕᒃᖢᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) #FocusOnSafety ᑎᐅᕆᑑᕆᓂᒃ ᒪᒃᑯᒃᑐᓄᑦ ᑕᕐᕆᔮᒃᓴᓕᐅᕐᓂᕐᒥ ᓵᓚᒃᓴᕋᓲᑎᒥᒃ ᑕᖅᑭᕆᓚᐅᖅᑕᑦᑎᓐᓂ. ᑎᐅᕆᑑᕆᒥᒃ ᓵᓚᒃᓴᕋᓲᑎ ᐃᓚᐅᖁᔨᓚᐅᖅᑐᖅ ᐃᓕᓐᓂᐊᖅᑐᓂᒃ ᓴᖅᑭᑎᑦᑎᓂᕐᒥᑦ ᒪᕐᕉ ᒥᓂᑦᓂ ᑕᑭᓂᓕᖕᒥ ᑕᕐᕆᔭᐅᑎᒥᒃ ᐃᑲᔪᖁᓪᓗᒋ ᓴᓇᔩᑦ ᐊᒻᒪᓗ ᐃᖃᓇᐃᔭᖅᑏᑦ ᓴᖅᑭᑦᑎᓂᕐᒥ ᐊᑦᑕᓇᔾᔭᐃᖅᓯᒪᓂᖅᓴᒥᒃ ᐃᖅᑲᓇᐃᔭᕐᕕᖕᒥ.

"ᓵᓚᒃᓴᕋᓲᑎ ᐱᐅᔪᐊᓗᒃ ᒪᒃᑯᒃᑐᓂᒃ ᐃᓄᖕᓂ ᐱᓕᕆᖃᑎᖃᕐᓂᕐᒥ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒥ, ᐊᒻᒪᓗ ᑲᒪᕗᒍᑦ ᖃᓄᖅ ᑖᓐᓇ ᑕᐱᕇᒃ ᓴᖅᑭᑎᑦᑎᓂᖓᓂ ᐃᖅᑲᐅᒪᓐᓇᖅᑐᒥᒃ ᑕᕐᕆᔭᐅᑎᒥᒃ. ᑖᓐᓇ ᑐᓴᒐᒃᓴᖅ ᐃᖃᓇᐃᔭᖅᑏᑦ ᐱᔪᓐᓇᕐᓂᖏᑦ ᐃᖅᑲᓇᐃᔭᖅᑎᓄᑦ ᑕᑯᒥᓇᕐᓂᐊᖅᑐᖅ, ᐊᒻᒪᓗ ᓴᓇᔨᓄᑦ ᐅᑭᐅᖏᓐᓄ ᐊᔾᔨᒌᖏᕈᓘᔭᖅᑐᓄᑦ," ᐅᖃᖅᑐᖅ ᐹᕐᑉ ᕼᐊᒥᖕ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐊᖓᔪᖅᑳᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᕐᒧᑦ (OHS) ᖃᐅᔨᓴᖅᑎ ᐊᒻᒪᓗ ᑎᐅᕆᑑᕆᒥᒃ ᑕᑯᓇᒃᑎᐅᖃᑕᐅᓪᓗᓂ ᓵᓚᖃᕋᓴᐅᕐᓂᐅᔪᒥᒃ.

ᔮᓐ ᕗᕌᒃᓚᓐ ᖁᑦᑎᖕᓂᖅᓴᒥᒃ ᐃᓕᓐᓂᐊᕐᕕᖕᒥ ᑕᕐᕆᔮᒃᓴᓕᐅᕐᓂᕐᒥ ᑐᓂᔭᐅᔪᖅ, “ᐃᖅᑲᓇᐃᔭᕐᕕᖕᒥ ᖁᒃᓴᓪᓚᒃᑎᑦᑎᓂᖅ", ᓵᓚᒃᓴᖅᑐᖅ $2,000−ᒥᑦ ᐊᔾᔨᖓᓂ ᓵᓚᒃᓴᐅᓯᐊᒥᒃ $2,000-ᒥᑦ ᐃᓕᓐᓂᐊᕐᕕᖓᓄᐊᖅᑕᐅᓪᓗᓂ. ᑕᕐᕆᔮᒃᓴᓕᐅᕐᓂᕐᒥ ᓵᓚᒃᓴᖅᓯᒪᖕᒥᔪᖅ $1,000−ᒥᑦ ᐊᔾᔨᖓᓂᒃ ᐃᓕᓐᓂᐊᕐᕕᖓᓄᐊᖅᑕᐅᓪᓗᓂ $1,000−ᒥᒃ ᑎᐅᕆᑑᕆᒥᒃ ᓵᓚᒃᓴᕋᓲᑎᒥᒃ. ᑲᓇᑕᒥ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᕝᕕᖕᒥ (CCOHS) ᑐᓴᖅᑎᒃᑎᓚᐅᖅᑐᖅ ᑲᓇᑕᓕᒫᒥᑦ ᓵᓚᒃᓴᖅᑐᒥᒃ ᐱᖓᓱᐃᓕᖓᔪᒥᒃ ᓵᓚᒃᓴᖅᑐᖃᖅᖢᓂ ᑲᓇᑕᓕᒫᒥᑦ ᐱᒋᐊᖅᑎᑎᓪᓗᒋᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓇᓱᐊᕈᓯᖅ ᒪᐃ 5−ᒥᑦ 11−ᒧᑦ, 2019.

ᑕᕐᕆᔮᒃᓴᓕᐅᕐᓂᕐᒥ ᓴᖅᑭᑎᑦᑎᔪᖅ ᐳᕋᐃᑕᓐ ᑯᐊᑎᐅᕉ, ᒫᑯᓯ ᑲᓚᕝ, ᐱᙳᐊᖅᑎᐅᓪᓗᓂ ᑕᒥᐅᕋ ᔫᕙᒃ, ᓵᓚᒃᓴᖅᑐᑦ ᑲᓇᑕᒥ ᐋᓐᓂᐊᖅᑖᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐱᓕᕆᕝᕕᖕᒥ (CCOHS)-ᒥᒃ ᑲᓇᑕᓕᒫᒥᑦ #FocusOnSafety 2019 ᒪᒃᑯᒃᑐᓄᑦ ᑕᕐᕆᔮᒃᓴᓕᐅᕐᓂᕐᒥ ᓵᓚᒃᓴᕋᓲᑎᒥᒃ.

-30-
ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC)
ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ ᐅᖄᓚᐅᑦ: (867) 920-3854