NAOSH-ᑯᑦ ᐱᓇᓱᐊᕈᓯᖓ

NAOSH-ᑯᑦ ᐱᓇᓱᐊᕈᓯᖓ

ᐅᑭᐅᖅᑕᖅᑐᒥᑦ ᐃᖅᑲᓇᐃᔭᕐᕕᒋᔭᐅᔪᓂᑦ ᐱᕐᕈᓗᐊᕿᑦᑕᐃᓕᒪᓂᕐᒧᑦ ᐋᓐᓂᐊᖃᖅᑕᐃᓕᓂᕐᒧᓪᓗ (NAOSH) ᐱᓇᓱᐊᕈᓯᖅ ᒪᐃ 6-12, ᐊᒻᒪᓗ ᖁᕕᐊᓲᑎᖃᕐᓂᐊᖅᑐᑕ ᐃᓕᔅᓯᓂᓪᓗ ᐱᖃᑕᐅᖁᔨᕗᒍ!

ᕿᓂᖅᐲᑦ ᖃᓄᖅ ᖁᕕᐊᓲᖃᑎᕈᓐᓇᕐᒪᖔᖅᐱ? ᐅᑯᐊ ᖃᐅᔨᒋᐊᒃᑭᑦ ᐊᑖᓃᑦᑐᑦ ᐃᓱᒪᑖᕈᑎᔅᓴᐃᑦ.

  • ᐱᖃᑕᐅᓗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐃᑲᓂ ᑲᓇᑕᒥ ᐱᕐᕈᓗᐊᕿᑦᑕᐃᓕᒪᑎᑦᑎᓂᕐᒧᑦ ᑲᑐᔾᔨᖃᑎᒌᖏᑦ (CSSE) ᐅᑭᐅᖅᑕᖅᑐᖅ 60 ᐊᕐᕌᒍᑕᒫᖅᓯᐅᑦ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᕐᕕᒋᔭᐅᔪᓂᑦ ᐱᕐᕈᓗᐊᕿᑦᑕᐃᓕᒪᓂᕐᒧᑦ ᐋᓐᓂᐊᖃᖅᑕᐃᓕᓂᕐᒧᓪᓗ (NAOSH) ᐱᓇᓱᐊᕈᓯᖅ ᐱᒋᐊᕈᑎᖃᕐᓂᖅ ᐅᓪᓛᕈᕐᒥᑕᕐᒥᑦ ᐊᒻᒪᓗ ᐱᕐᕈᓗᐊᕿᑦᑕᐃᓕᒪᓂᕐᒧᑦ ᑲᑎᒪᑎᑦᑎᓂᖅ ᑕᐃᑲᓂ ᓇᒡᒐᔾᔭᐅ, ᒪᐃ 7 ᑕᐃᑲᓂ ᓴᑑ ᑐᔪᕐᒥᕕᖓᓂ ᔭᓗᓇᐃᕝᒥ. ᐃᓚᒋᔭᐅᔪᒪᒍᕕᑦ ᐅᕙᓂ ᑎᑎᕋᕈᓐᓇᖅᑐᑎᑦ, ᖃᕆᓴᐅᔭᒃᑯᑦ cssenorth60@gmail.com.
  • ᐱᓇᓱᖃᑕᐅᓗᑎᑦ ᑲᓇᑕᒥ ᐃᓚᒌᔅᓴᒃᑯᑦ ᐱᕐᕈᓗᐊᕿᑦᑕᐃᓕᓂᖅ ᐅᐊᔭᓕᕆᔩᑦ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᕐᕕᒋᔭᐅᔪᓂᑦ ᐱᕐᕈᓗᐊᕿᑦᑕᐃᓕᒪᓂᕐᒧᑦ ᐋᓐᓂᐊᖃᖅᑕᐃᓕᓂᕐᒧᓪᓗ (NAOSH) ᐃᖅᑲᓇᐃᔭᖅᑎᑦᑎᔪᑦ ᐃᓕᓴᕆᔭᐅᓂᖏᓐᓄᑦ ᓵᓚᒃᓴᕋᓱᐊᕐᓂᖅ, ᐊᒻᒪᓗ ᐃᓕᓴᕆᔭᐅᔪᓐᓇᖅᓯᓂᕐᒥᑦ ᐃᕝᕕ ᑲᑐᔾᔨᖃᑎᒌᖃᕐᕕᖓᓄᑦ ᐊᒻᒪᓗ ᐃᖅᑲᓇᐃᔭᖃᑎᓐᓂ! ᐃᕐᖐᕐᓇᖅᑕᐅᒃᑯᑦ ᐱᓇᓲᑎᑎᑦ ᐊᐅᓪᓚᖅᑎᓪᓗᒋᑦ ᐅᕗᖓ cssenorth60@gmail.com ᑎᑭᓚᐅᙱᓐᓂᖓᓂ ᔫᓂ 8, 2018. ᓵᓚᒃᓴᖅᑐᑦ 2017 ᓵᓚᒃᓴᕋᓱᓐᓂᕐᒥ ᓇᓗᓇᐃᖅᑕᐅᓂᐊᖅᑯᑦ ᑕᐃᑲᓂ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᕐᕕᒋᔭᐅᔪᓂᑦ ᐱᕐᕈᓗᐊᕿᑦᑕᐃᓕᒪᓂᕐᒧᑦ  ᐋᓐᓂᐊᖃᖅᑕᐃᓕᓂᕐᒧᓪᓗ (NAOSH) ᐱᓇᓱᐊᕈᓯᖅ 2018.
  • ᐃᒻᒥᓂᒃ ᐊᔾᔨᓕᐅᕐᓗᑎᑦ ᐃᖅᑲᓇᐃᔭᕐᕕᓐᓂᑦ ᐱᕐᕈᓗᐊᕿᑦᑕᐃᓕᒪᓃᑦ ᑕᑯᒃᒃᓴᐅᑎᓪᓗᒍ, ᖃᕆᓴᐅᔭᒨᕈᓐᓇᖅᑕᐃᑦ ᓇᕿᓪᓗᒍ ᐅᓇ tag @WSCCNTNU, ᐊᒻᒪᓗ ᐊᑐᕐᓗᒍᑦ  #worthit hashtag ᐱᖃᑎ`ᑕ`ᕆᓄᑦ ᑐᓴᐅᒪᖃᑦᑕᐅᑎᒍᑎ ᐊᒻᒪᓗ ᑐᓴᖅᑎᑦᑎᔾᔪᑎ ᓱᑲᑦᑐᒥᑦ ᓄᒡᓗᒍᓐᓇᖅᑐᑎᑦ ᐱᐅᔫᑎᓂᑦ!
  • ᖃᕋᓴᐅᔭᒃᑯᑦ ᐊᔾᔨᖓᓂᑦ ᐃᓕᐅᖅᑲᐃᒍᓐᓇᖅᑯᑎᑦ ᐅᕙᒍᑦ ᐊᑦᑕᓇᖅᑕᐃᓕᓂᕐᒧᑦ ᐃᑲᔪᕈᑎᔅᓴᖏᓐᓂᑦ, ᐅᓇ ᐆᑦᑑᑎᒋᓗᒍ ᑖᓐᓇ ᐊᑦᑕᓇᖅᑕᐃᓕᒪᓂᕐᒧᑦ ᑎᑎᖅᑲᒃᑯᕕᒃ, ᑲᒪᒋᔭᖃᕐᓂᐊᕐᓗᑎᑦ ᐅᖃᐅᓯᕐᓂᑦ ᐊᑦᑕᓇᖅᑕᐃᓕᒪᓂᕐᒧᑦ ᐃᕝᕕ ᐱᓕᕆᕝᕕᖓᓂ ᐅᕝᕙᓘᓐᓃᑦ ᐃᖅᑲᓇᐃᔭᕐᕕᓐᓂ. ᐱᓇᔪᒐᓱᖃᑦᑕᕐᓗᑎᑦ ᐊᑦᑕᓇᖅᑕᐃᓕᒪᓂᕐᒥᑦ ᐅᖃᐅᓯᖃᕐᓂᕐᒥᑦ ᐃᕝᕕ ᐱᓕᕆᔨᖁᑎᖏᓐᓄᑦ ᐊᕐᕌᒍ ᐃᓗᐊᓂ!

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖅ ᐊᑦᑕᓇᙱᑦᑐᒥ ᑳᐱᕐᓇᖅ

ᐊᑎᓕᐅᖃᑕᐅᒋᑦ ᐊᑦᑕᓇᙱᑦᑐᒥ ᑳᐱᕐᓇᖅ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ, ᐊᑐᐃᓐᓇᐅᔪᑦ ᖃᑦᑎᓂ ᓄᓇᓕᓐᓂ ᓄᓇᑦᑎᐊᕐᒥ ᓄᓇᕗᒻᒥᓪ (ᔭᓗᓇᐃᕝ, ᕼᐃ ᕆᕗᕐ, ᐃᓅᕕᒃ, ᐃᖃᓗᐃᑦ, ᐸᓐᓂᖅᑑᖅ ᐊᒻᒪᓗ ᑲᖏᖅᖠᓂᖅ). ᐃᓕᓐᓂ ᐳᓛᕆᐊᕈᓐᓇᖅᑯᒍᑦ ᑳᐱᒡᒋᕐᓗᑕ ᑕᒧᓗᒐᔅᓴᓂᓪᓗ, ᐅᖃᐅᓯᖃᕆᐊᖅᑐᕐᓗᑕ ᐊᑦᓇᑕᓯᖅᑕᐃᓕᒪᓂᕐᒥ ᐃᓕᓐᓄᑦ ᐃᖅᑲᓇᐃᔭᖅᑎᖁᑎᓐᓄᓪᓗ!

ᑲᑎᒪᕕᒃᓴᐃᑦ ᐃᓂᑭᒻᒪᑕ, ᐅᓪᓗᒥ ᐊᑎᓕᐅᖃᑕᐅᒋᑦ! ᐊᑎᓕᐅᖃᑕᐅᓂᖅ ᐃᓱᓕᓐᓂᕕᔅᓴᖃᖅᑯ ᒪᐃ 6, 2018

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᖅᑕᐃᓕᒪᓂᕐᒧᑦ ᑳᐱᓇᕐᒧ ᐊᑐᐃᓐᓇᐅᕗᑦ ᖃᓪᓗᓈᑎᑐᑦ, ᐊᒻᒪᓗ ᑖᒃᑯᐊ ᐃᑲᔪᕈᑎᔅᓴᖏᑦ ᐊᑐᐃᓐᓇᐅᓂᐊᖅᑯᑦ ᐊᓯᖏᓐᓂᑦ ᐅᖃᐅᓯᕐᓂ.

ᑖᒃᑯᐊ ᐅᓪᓗᐃ ᐊᑐᐃᓐᓇᐅᔪᑦ ᐊᒻᒪᓗ ᐅᖃᐅᓯᐅᔪᑦ ᐊᔾᔨᒌᙱᑐᐃᓐᓇᕆᐊᖃᖅᑯ ᐃᓚᖏᓐᓂ ᓄᓇᓕᓐᓂ. ᑖᒃᑯᐊ ᓄᓇᓖᑦ ᐅᐸᒃᑕᐅᓂᐊᖅᑐᑦ ᐊᓯᔾᔨᑐᐃᓐᓇᕆᐊᖃᖅᑯᑦ ᐅᕝᕙᓘᓐᓃᑦ ᑲᔪᓯᒋᑐᐃᓐᓇᕆᐊᖃᖅᑯᑦ. 

ᐊᑎᓕᐅᖃᑕᐅᔪᒪᓐᓂᕈᕕᑦ, ᓇᕿᓪᓗᒍ ᐅᓪᓗᖓ (ᒪᐃ 8, 9, ᐅᕝᕙᓘᓐᓃᑦ 10; ᕼᐃ ᕆᕗᕐ: ᒪᐃ 9, 10, ᐅᕝᕙᓘᓐᓃᑦ 11) ᐊᒻᒪᓗ ᓯᕿᖑᔭᖓ (10:00 ᐅᓪᓛᒃᑯᑦ ᐅᕝᕙᓘᓐᓃᑦ 3:00 ᐅᓪᓗᒪᒃᑯᑦ) ᐊᑖᓂ ᑎᑎᕋᖅᓯᒪᔪᓂ. 

Yellowknife

Hay River

Inuvik

Iqaluit

Pangnirtung

Rankin Inlet