ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᑭᒃᑯᓕᒫᓂ ᑐᓴᖅᑎᑦᑎᒐᓱᖕᓂᖅ ᐱᒋᐊᓕᕐᐳᖅ ᐃᖅᑲᓇᐃᔭᖅᑎᓄᑦ ᓇᓪᓕᐊᑯᒫᓂᒃ ᐱᓕᕆᔾᔪᓯᕐᒥᑦ

ᐋᒎᓯ 10 / 2020

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᑭᒃᑯᓕᒫᓂ ᑐᓴᖅᑎᑦᑎᒐᓱᖕᓂᖅ ᐱᒋᐊᓕᕐᐳᖅ ᐃᖅᑲᓇᐃᔭᖅᑎᓄᑦ ᓇᓪᓕᐊᑯᒫᓂᒃ ᐱᓕᕆᔾᔪᓯᕐᒥᑦ

ᔭᓗᓇᐃ, ᓄᓇᑦᓯᐊᖅ (ᐋᒐᓯ 10, 2020) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᑐᓴᖅᑎᑕᐅᑲᑕᒍᒪᖕᒪᑕ ᐊᓯᙳᖅᑎᑦᑐᒪᔭᖏᓐᓂᒃ ᑮᓇᐅᔭᖅᑖᕈᓯᕐᒥᑦ ᐃᖅᑲᓇᐃᔭᕐᕕᒃᒥᑦ ᐋᓐᓂᐊᖅᑐᕕᓂᕐᓄᑦ ᐅᕝᕙᓘᓐᓃᑦ ᐋᓐᓂᐊᖅᑖᖅᑐᕕᓂᕐᓄᑦ.

“ᕿᓂᕋᑦᑕ ᑭᒡᒐᖅᑐᐃᑦᑎᐊᕈᓐᓇᖅᑐᓂᒃ ᐃᓄᖕᓂᒃ ᐊᒻᒪ ᑲᑐᔾᔨᖃᑎᒌᓂᒃ ᓄᓇᕗᒥᑦ ᐊᒻᒪ ᓄᓇᑦᓯᐊᕐᒥ ᐃᓚᐅᖃᑕᐅᓇᔭᖅᑐᓂᒃ ᐊᒻᒪ ᐃᓱᒪᒋᔭᖏᓐᓂᒃ ᑐᓴᐅᒪᑎᑦᑎᔪᓐᓇᖅᑐᓂᒃ. ᑕᒪᒃᑯᐊ ᐊᓯᙳᖅᑕᐅᓂᐊᖅᑐᑦ ᓱᓕ ᐅᑭᐅᕐᑕᖅᑐᕐᒥᐅᓂᒃ ᐱᔭᐅᔭᕆᐊᓕᒃᑰᒋᐊᒃᓴᖏᓐᓂᒃ ᐃᖅᑲᓇᐃᔭᖅᑐᓄᑦ ᐊᒻᒪ ᐃᖅᑲᓇᐃᔭᖅᑎᑦᑎᔨᓄᑦ, ᒫᓐᓇᒧᑦ ᐊᒻᒪ ᓯᕗᓂᒃᓴᒧᑦ.” ᐅᖃᖅᑐᖅ ᑕᐱ ᒪᓗᐊᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨᖓ.

“ᒐᕙᒪᓕᕆᓂᕐᒧᑦ ᑲᑎᒪᔨᕗᑦ ᑕᒪᒃᑯᓂᖓ ᑭᒃᑯᓕᒫᓂᒃ ᑐᓴᖅᑎᑦᑎᒐᓱᖕᓂᒃᑯᑦ ᑐᓴᖅᑕᐅᕙᓪᓕᐊᔪᓂᒃ ᐃᓱᒪᒋᔭᖃᑲᑕᖕᓂᐊᖅᑐᑦ ᐃᓱᒪᓕᐅᕆᐊᓂᓚᐅᖅᑎᓐᓇᒋᑦ ᒪᓕᒐᖅᑎᒍᑦ ᐋᖅᑭᒋᐊᕈᑎᒃᓴᓕᐅᕆᐊᖃᕐᓂᖏᓐᓂᒃ ᐋᒃᑲᓘᓐᓃᑦ ᐆᒥᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒪᓕᒐᖏᓐᓂ ᐅᑯᓄᖓ ᓄᓇᑦᓯᐊᕐᒧᑦ ᐊᒻᒪ ᓄᓇᕗᒧᑦ,” ᒪᓗᐊᐃ ᐅᖃᖅᑐᖅ.

ᐅᓇ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑮᓇᐅᔭᖅᑖᖅᑎᑦᑎᔾᔪᑎᖓ ᐊᒃᑐᐊᓂᖃᖅᑐᖅ ᖃᓄᐃᑦᑑᓂᖏᓐᓂᑦ ᓇᓪᓕᐅᒃᑯᒫᓂᒃ ᐊᑭᓕᖅᓱᐃᖕᒪᖔᑕ ᐃᖅᑲᓇᐃᔭᖅᑎᓄᑦ ᐋᓐᓂᕐᓯᒪᔪᓂᒃ ᐃᖅᑲᓇᐃᔮᖏᓐᓄᑦ ᐅᕝᕙᓘᓐᓃᑦ ᐋᓐᓂᐊᖅᑖᕐᓯᒪᔪᓄᑦ ᐃᖅᑲᓇᐃᔭᕈᓐᓇᐃᓪᓕᒍᑎᒋᓗᓂᔾᔪᒡᓗ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᒃᓯᕋᐅᑎᖓ ᐊᓯᐊᓅᕐᓂᐊᕐᒪᑕ ᐃᑲᔫᓯᐊᖅᑖᖅᑎᑦᑎᕙᖕᓂᕐᒥ ᐃᓅᓯᓕᒫᓄᑦ, ᒪᓕᒃᓯᒪᓪᓗᓂ ᐳᓴᓐᑎᑎᒍᑦ ᖃᓄᑎᒋ ᐋᓐᓂᕐᓯᒪᔭᕆᐊᒃᓴᖓᓂᑦ (PMI) ᐊᒻᒪ ᑮᓇᐅᔭᓕᐊᕆᔭᐅᓂᑯᓂᒃ ᐋᓐᓂᓚᐅᕐᑎᓐᓇᒍ ᐃᖅᑲᓇᐃᔭᖅᑎ, ᒪᐅᖓ ᒪᕐᕈᐃᓕᖓᓕᕐᓗᓂ ᑮᓇᐅᔭᖅᑖᖅᑎᑦᑎᕙᖕᓂᕐᒥ ᒪᑯᓄᖓ ᐃᖅᑲᓇᐃᔭᖅᑎ ᐋᓐᓂᕐᓯᒪᓂᖓᓄᑦ ᓈᒻᒪᙱᓕᐅᕈᑎᖃᓕᕐᓂᕐᒧᑦ ᐊᒻᒪᓗ ᑮᓇᐅᔭᓕᐅᒐᒃᓴᖏᓐᓂ ᐊᓯᐅᔨᓯᒪᓂᕐᒧᑦ ᒪᓕᒡᓗᑎᒃ ᐃᖅᑲᓇᐃᔭᖅᑎ ᖃᓄᐃᓯᒪᓕᕐᒪᖔ.

ᖃᐅᔨᓇᓱᖕᓂ ᒪᑐᐃᖓᓂᐊᕐᑐᖅ ᑭᒃᑯᓕᒫᓄᑦ ᐱᒋᐊᕐᓗᑎᒃ ᐅᓪᓛᖓᓂᒃ ᓈᒡᒐᔾᔭ, ᐋᒐᓯ 10-ᒥᑦ ᐊᒻᒪᓗ ᑲᔪᓯᓂᐊᖅᖢᓂ ᓯᑎᐱᕆᐅᑉ ᑕᖅᑭᓕᒫᖓᓄᑦ.

ᑕᑯᒋᐊᕐᓗᒐ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᕋᓴᐅᔭᒃᑯᑦ ᓴᖅᑭᔮᒐᖓ www.wscc.nt.ca ᐅᕝᕙᓘᓐᓃᑦ www.wscc.nu.ca ᐅᖃᓕᒫᒃᑲᓐᓂᕈᒪᒍᕕᑦ ᑮᓇᐅᔭᖅᑖᕈᑎᐅᕙᒃᑐᖅ ᐱᓕᕆᐊᖑᕙᖕᒪᖔᑦ, ᐊᓯᙳᖅᑎᑕᐅᔪᒪᔪᓂᒃ ᐊᒻᒪᓗ ᐃᓱᒪᒋᔭᑎᑦ ᑐᓴᖅᑕᐅᑎᓪᓗᒋ ᑕᑕᑎᕆᓗᑎᑦ ᖃᐅᔨᓴᕈᑎᒋᔭᐅᔪᓂᒃ ᖃᕋᓴᐅᔭᒃᑯᑦ.

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᙵᓱᒃᑎᑦᑎᔨᐅᓂᐊᕐᒥᔪᖅ ᖃᔅᓯᒐᓴᖕᓂᒃ ᖃᕋᓴᐅᔭᒃᑯᑦ ᑲᑎᒪᑎᑦᑎᓂᐅᔪᓂᒃ ᐆᒧᖓ ᐊᓯᙳᖅᑎᑕᐅᔪᒪᔪᒧᑦ ᓯᑎᐱᕆᐅᓕᕐᐸᑦ.

-30-

Maggie Collins
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854