ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᓴᖅᑎᑦᑎᕗᑦ ᑮᓇᐅᔭᑎᒍᑦ ᐃᑲᔫᑎᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ

ᐊᐃᕐᕆᓕ 08 / 2020

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑐᓴᖅᑎᑦᑎᕗᑦ ᑮᓇᐅᔭᑎᒍᑦ ᐃᑲᔫᑎᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ

ᔭᓗᓇᐃ, ᓄᓇᑦᓯᐊᖅ (ᐊᐃᕐᕆᓕ 8, 2020) – ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC) ᐅᓪᓗᒥ ᑐᓴᒐᒃᓴᓕᐅᕐᖃᐅᔪᑦ ᐃᑲᔫᑎᒃᓴᐅᓂᐊᖅᑐᓂᒃ ᐃᖅᑲᓇᐃᔭᖅᑎᑦᑎᔨᓄᑦ ᓇᖕᒥᓂᖅ ᐊᑭᓕᐅᑎᒃᓴᖃᕈᓐᓃᕐᓯᒪᔪᓂᒃ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ ᐊᑭᓕᐅᑎᐅᔭᕆᐊᓕᖕᓂᒃ ᐱᔾᔪᑎᖃᖅᖢᑎᒃ ᓄᕙᒡᔪᐊᕐᓇᖅ-19.

ᐱᒋᐊᕐᓗᓂ ᐊᐃᕐᕆᓕ 1, 2020, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᖅᑲᖅᑎᑦᑎᓚᐅᕐᒪᑕ ᑭᖑᕙᕐᓯᒪᔪᓂᒃ ᐊᑭᓕᐅᑎᐅᔭᕆᐊᓖᑦ ᕿᑐᕐᖏᐅᕈᑎᖏᓐᓄᑦ ᐊᑭᓕᐅᑎᒃᓴᓂᒃ ᐊᒻᒪᓗ ᐅᖓᕙᕆᐊᖅᑕᐅᓪᓗᓂ ᐊᑭᓕᐅᑎᒃᓴᓂᒃ ᐊᑭᓖᓯᒪᔭᕆᐊᖃᕐᕕᒃ ᐅᕗᖓ ᐋᒡᒌᓯ 1, 2020.

“ᐅᑯᐊ ᐱᔾᔪᑎᖃᖅᑐᑦ ᐊᓯᔾᔨᕈᑏᑦ ᐃᖅᑲᓇᐃᔭᖅᑎᑦᑎᔨᐅᔪᑦ ᐱᕕᖃᕈᓐᓇᕐᓂᕐᓴᐅᖁᓪᓗᒋ ᐋᖅᑭᒃᓱᐃᓂᕐᒥᒃ 2020-ᒥᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᐅᓇᔭᖅᑐᓂᒃ ᐊᒻᒪᓗ ᐊᑭᓕᐅᑎᒃᓴᖏᑦ ᑭᖑᕙᕆᐊᖅᑕᐅᓯᒪᓪᓗᑎᒃ ᑭᖑᕙᕐᓂᕐᒧᑦ ᐊᑭᓖᒃᑲᓐᓂᕆᐊᖃᔾᔮᙱᒻᒪᑕ,” ᐅᖃᖅᑐᖅ ᑎᐊᐱ ᒪᓗᐊᐃ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖓᔪᖅᑳᖓ ᐊᒻᒪ ᐊᐅᓚᑦᑎᔨ ᑐᑭᒧᐊᖅᑎᑦᑎᔨᖓᑦ.

“ᐃᖅᑲᓇᐃᔭᖅᑎᐅᔪᑦ ᐅᖓᕙᕆᐊᖅᑎᑕᐅᔭᕆᐊᖃᙱᑦᑐᑦ ᐊᑭᓖᒍᑎᒃᓴᖏᓐᓂᒃ ᑲᔪᓯᖁᔭᐅᑐᐃᓐᓇᖅᐳᑦ ᐊᑭᓖᕝᕕᒃᓴᖏᑦᑎᒍᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᔪᓯᓂᐊᕐᑐᑦ ᖃᓄᐃᓕᐅᕈᑎ ᖃᐅᔨᓴᐃᓐᓇᕐᓗᒍ ᐊᒻᒪᓗ ᐃᓱᒪᓕᐅᕆᕙᒡᓗᑎᒃ ᐱᔭᐅᔭᕆᐊᓕᖕᓄᑦ ᐃᖅᑲᓇᐃᔭᖅᑎᑦᑎᔨᓄᑦ ᒫᓐᓇᐅᔪᒥᑦ ᐃᒪᓐᓇ ᐃᖅᑲᓇᐃᔭᖅᑎᓄᑦ ᓴᐳᔾᔨᓯᒪᒍᑎᓂᒃ ᓯᕗᓂᒃᓴᒧᑦ ᐱᑕᖃᖅᑎᑦᑎᓇᓱᖕᓂᕐᒥᒃ.”

ᐅᓇ ᐊᑭᓕᐅᑎᒃᓴᓄᑦ ᐊᑭᓕᒍᑎᐅᔭᕆᐊᓕᒃ ᑐᑭᖃᖅᑐᖅ ᐃᖅᑲᓇᐃᔭᖅᑎᑦᑎᔨᐅᔪᑦ ᒫᓐᓇ ᐅᑯᓂᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑎᖃᖃᑕᐅᓯᒪᔪᑦ ᒪᕐᕈᐃᕐᓗᑎᒃ ᐊᑭᓖᔪᓐᓴᕐᓂᐊᕐᓂᖏᓐᓂᒃ ᐋᒡᒌᓯᒥ ᐊᒻᒪ ᐅᑐᐱᕆ 2020-ᒥᑦ. ᑮᓇᐅᔭᑎᒍᑦ ᐃᑲᔫᑎᒃᓴᖅ ᐅᑯᓄᖓ ᑐᕌᖓᙱᑦᑐᖅ ᓄᓇᑦᓯᐊᑉ ᒐᕙᒪᖓᓄᑦ ᐊᒻᒪ ᓄᓇᕗᑦ ᒐᕙᒪᖓᓄᑦ ᑖᒃᑯᐊᓕ ᐊᕐᕌᒍᒥ ᑎᓴᒪᐃᕐᓗᑎ ᐊᑭᓖᒋᐊᖃᕐᓯᒪᖕᒪᑕ.

ᑕᒪᕐᒥ ᐃᖅᑲᓇᐃᔭᖅᑎᑦᑎᔨᐅᔪᑦ ᐃᖅᑲᓇᐃᔭᖅᑎᖏ ᐊᓯᙳᖅᐸᑕ ᐱᔾᔪᑎᖃᖅᖢᑎᒃ ᓄᕙᒡᔪᐊᕐᓇᖅ-19-ᒥᑦ ᕿᒥᕐᕈᐊᖁᔭᐅᔪᑦ ᐃᖅᑲᓇᐃᔭᖅᑎᖏᓐᓄᑦ ᐊᑭᓕᐅᑎᒋᕙᒃᑕᖏᓐᓂᒃ ᐊᒻᒪ ᐋᖅᑭᒋᐊᕐᓯᒪᔪᒥᑦ ᐊᑭᓕᐅᑎᐅᓇᔭᖅᑐᓂᒃ ᑎᑎᕋᐅᓯᖃᕐᓗᑎᒃ ᐅᑯᓄᖓ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ 2020 ᐃᖅᑲᓇᐃᔭᖅᑎᓄᑦ ᐊᑭᓕᐅᑎᐅᓇᔭᖅᑐᓄᑦ. ᓇᓚᐅᑦᑖᖅᑕᐅᓯᒪᔪᑦ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᔾᔪᑎᖏᑦ ᐃᓚᖃᖅᐳᖅ ᐊᑭᓕᖅᓱᖅᑕᐅᔾᔪᑎᒥᓃᑦ ᓴᓇᔨᓄᑦ, ᐃᖅᑲᓇᐃᔭᖅᑎᐅᓚᐅᑲᒃᑐᓄᑦ ᐃᒡᕕᑦ ᓴᐳᔾᔨᓯᒪᔭᖏᓐᓂᒃ ᐃᖅᑲᓇᐃᔭᕐᓂᕐᒧᑦ ᓄᓇᑦᓯᐊᕐᒥ ᐊᒻᒪ/ᐅᕝᕙᓘᓐᓃᑦ ᓄᓇᕗᒻᒥ ᒫᓐᓇᐅᔪᖅ ᐊᕐᕌᒍᒥ.

ᐃᖅᑲᓇᐃᔭᖅᑎᑦᑎᔨᐅᔪᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᒃᓴᖏᓐᓄᑦ ᐃᓱᒪᒋᔭᐅᓯᒪᔪᑦ ᐊᓯᙳᖅᑎᑕᐅᔪᓐᓇᖅᑐᑦ ᐅᕘᓇ WSCC Connect. ᖃᕋᓴᐅᔭᒃᑯᑦ ᑐᑭᒧᐊᕈᑎᓂᒃ ᑕᑯᔪᓐᓇᖅᑐᓯ ᐅᕘᓇ WSCC Connect ᐃᑲᔪᕐᕕᒃᑯᑦ.


-30-


ᒫᒋ ᑳᓕᓐᔅ
ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ
ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ
ᐅᖄᓚᐅᑦ: (867) 920-3854
ᐃᕐᖐᓐᓈᖅᑕᐅᑖ: Maggie Collins