ᓄᕙᒡᔪᐊᕐᓇᖅ-19 (COVID-19) ᓄᑖᖑᓛᖅ ᑐᓴᒐᒃᓴᖅ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᖏᑦ ᐃᖃᓗᖕᓂᑦ ᐊᒻᒪ ᐃᓅᕕᒃᒥᑦ ᒪᑐᐃᖓᓕᕐᑐᑦ ᑭᒃᑯᑐᐃᓐᓇᕐᓄᑦ. ᔭᓗᓇᐃᒥ ᑎᑎᕋᕐᕕᒃ ᒪᑐᐃᒃᑲᓐᓂᓛᖅᑐᖅ ᐅᓗᕆᐊᓇᕈᓐᓃᖅᑎᑕᐅᓚᐅᕐᑎᓪᓗᒋᑦ ᑎᑎᕋᕐᕕᒃᓴᕆᓂᐊᕐᑕᕗᑦ. ᑕᑯᒋᐊᕐᓗᒍ ᓄᕙᒡᔪᐊᕐᓇᖅ-19-ᒧᑦ ᒪᒃᐱᒐᖅ ᐱᔨᑦᑎᕋᐅᑎᓄᑦ ᐱᒻᒪᕆᖕᓂ ᑕᑯᔪᓐᓇᕐᓂᐊᕋᕕᑦ ᓄᑖᖑᓛᓂᒃ, ᐊᒻᒪᓗ ᓄᕙᒡᔪᐊᕐᓇᖅ-19 ᐃᑲᔫᑎᒃᓴᓄᑦ ᒪᒃᐱᒐᖅ ᐃᖅᑲᓇᐃᔭᕐᕕᖕᓄ ᐃᑲᔫᑎᐅᔪᓐᓇᖅᑐᓄᑦ.

ᐃᓱᒪᓕᐅᕆᔭᕐᒥᒃ ᐊᖏᖃᑎᖃᖏᒃᑯᒪᓕ?

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᓱᒪᓕᐅᖅᑕᖓᓂᒃ ᐊᖏᖃᑎᖃᕐᓂᖏᒃᑯᒪ, ᕿᒥᕐᕈᖁᔨᔪᓐᓇᖅᐳᑎᑦ ᑐᒃᓯᕋᐅᑎᒥᒃ. ᒪᕐᕉᖑᕗᑦ ᐱᓕᕆᐊᖑᖃᑦᑕᖅᑐᑦ ᖁᑦᑎᖕᓂᖅᓴᒧᑦ ᐅᓐᓂᕐᓗᒡᓂ − ᕿᒥᕐᕈᔩᑦ ᑲᑎᒪᔨᕋᓛᖏᑦ ᐊᒻᒪ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔨᖏᑦ.

ᕿᒥᕐᕈᔩᑦ ᑲᑎᒪᔨᕋᓛᖏᑦ

ᕿᒥᕐᕈᔩᑦ ᑲᑎᒪᔨᕋᓛᖏᑦ ᓯᕗᓪᓕᖅᐸᐅᕗᖅ ᐊᔪᐃᓐᓇᕆᐊᒃᑲᓐᓂᕐᓂᕐᒧᑦ. ᐊᖏᖃᑎᖃᓐᖏᒃᑯᕕᑦ ᐋᖅᑭᑦᑕᐅᔪᒥᒃ, ᕿᒥᕐᕈᔭᐅᒋᐊᒃᑲᓐᓂᖁᔨᒍᓐᓇᖅᑐᑎᑦ. ᓇᕿᓪᓗᒍ ᐅᕗᖓ ᑐᑭᓯᒋᐊᒃᑲᓐᓂᕈᒪᒍᕕᑦ ᕿᒥᕐᕈᓂᐅᑉ ᒥᑦᓵᓄᑦ

ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔨᑦ

ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔨᑦ ᑭᖑᓪᓕᐅᕗᑦ ᐊᒻᒪ ᐱᓕᕆᐊᕆᔭᐅᑎᓪᓗᒍ ᖁᑦᑎᖕᓴᖅᒧᑦ ᐅᓐᓂᕐᓗᖕᓂᖅ. ᓈᓚᑐᐃᓐᓇᓲᖑᕗᑦ ᖁᑦᑎᖕᓂᖅᓴᒧᑦ ᐅᓐᓂᕐᓘᑎᓂᒃ ᕿᒥᕐᕈᔩᑦ ᑲᑎᒪᔨᕋᓛᖏᑦ ᐃᓱᒪᓕᐅᕆᔭᖏᓐᓄᑦ. ᓇᕿᓪᓗᒍ ᒫᓂ ᑐᓴᒃᑲᓐᓂᕈᒪᓐᓂᕈᕕᑦ ᖁᑦᑎᖕᓴᒧᖅ ᐅᓐᓂᕐᓘᑎᑦ.