ᐊᕐᕌᒍᓄᑦ ᑕᓪᓕᒪᓄᑦ ᐅᐸᓗᖓᐃᔭᐅᑎᓄᑦ ᐸᕐᓇᐅᑏᑦ

ᖁᕕᐊᓇᒻᒪᕆᑉᐳᖅ ᐊᑐᐃᓐᓇᐅᑎᑦᓯᖏᐊᑦᓴᖅ 2018-2022 ᐅᐸᓗᖓᐃᔭᐅᑎᓄᑦ ᐸᕐᓇᐅᑏᑦ ᐊᒻᒪᓗ 2018 ᑎᒥᖓᓄᑦ ᐸᕐᓇᐅᑏᑦ ᑎᒍᒥᐊᖅᑎᒋᔭᑦᑎᓐᓄᑦ. ᑲᑐᔾᔨᓗᑎᒃ, ᑖᒃᑯᐊ ᐸᕐᓇᐅᑏᑦ ᐃᑲᔪᕐᓂᖃᖅᑐᑦ ᑎᒍᒥᐊᖅᑎᓂᒃ ᑐᑭᓯᑎᓪᓗᒋᑦ ᖃᓄᖅ ᐋᓐᓂᖅᑐᓕᕆᔨᒃᑯᑦ ᑎᑭᐅᑎᓂᐊᕐᒪᖔᑕ ᑖᒃᑯᓄᖓ ᒪᕐᕉᓐᓄᒃ ᐅᐸᓗᖓᐃᔭᕐᓂᕐᒧᑦ ᓯᕗᓪᓕᐅᔭᐅᔫᓐᓄᑦ ᓇᓗᓇᐃᖅᑕᐅᓯᒪᔪᓄᑦ ᐊᕐᕌᒍᓄᑦ ᑕᓪᓕᒪᓄᑦ ᐊᒡᒋᖅᑐᓄᑦ: ᓯᕗᕙᖅᑎᑦᓯᓂᖅ ᐊᑦᑕᓇᑦᑕᐃᓕᒪᓂᕐᒥᒃ ᑲᔪᓯᑎᑦᓯᓂᕐᓗ ᐱᔨᑦᕋᐅᑎᑦᓯᐊᕙᓐᓂᒃ ᑭᖑᓂᕆᔭᐅᔪᓂᓪᓗ.  

ᐋᓐᓂᖅᑐᓕᕆᔨᒃᑯᑦ ᐊᑐᐃᓐᓇᐅᑎᑦᓯᕙᑉᐳᑦ ᐊᑑᑎᓕᒻᒪᕆᓐᓂᒃ ᐱᔨᑦᓯᕋᐅᑎᓂᒃ ᐅᖓᑖᓃᑦᑐᓄᑦ 4,000 ᐃᖅᑲᓇᐃᔭᕐᕖᑦ ᐊᒻᒪᓗ 40,000 ᐃᖅᑲᓇᐃᔭᖅᑏᑦ ᓄᓇᑦᓯᐊᕐᒥ ᓄᓇᕗᒻᒥᓗ. ᖃᐅᔨᒪᔭᐅᑎᑦᓯᓲᖑᔪᒍᑦ ᐊᑦᑕᓇᑦᑕᐃᓕᒪᓂᕐᒥᒃ, ᐊᑐᐃᓐᓇᐅᑎᑦᓯᑦᓱᑕ ᐃᑲᔪᖅᓯᒍᑎᑦᓴᓂᒃ ᐃᑲᔪᖅᑐᐃᓂᕐᒥᓪᓗ ᐃᖅᑲᓇᐃᔭᕐᕕᓐᓂᒃ, ᑲᒪᒋᕙᑦᓱᒋᓪᓗ ᐋᓐᓂᖅᓯᒪᔪᑦ ᐃᖅᑲᓇᐃᔭᖅᑏᑦ. ᑕᒪᒃᑯᐊ ᑎᒍᒥᐊᖅᑕᕗᑦ ᐱᒻᒪᕆᐅᑎᑕᕗᑦ, ᐱᔪᒪᔭᕆᔭᖏᓪᓗ ᑎᒍᒥᐊᖅᑎᑦᑕ ᑐᙵᕕᓪᓗᐊᑕᕆᓪᓗᒋᑦ ᐅᐸᓗᖓᐃᔭᐅᑎᓄᑦ ᐸᕐᓇᐅᑎᓂᒃ ᐱᕙᓪᓕᐊᓂᑦᑎᓐᓂ.

ᐅᐸᓗᖓᐃᔭᐅᑎᓂᒃ ᐸᕐᓇᐅᑎᖃᕐᓂᒃᑯᑦ ᐃᑲᔪᖅᑐᖅᑕᐅᓂᒃᑯᓪᓗ ᐊᐅᓚᑦᓯᔨᒻᒪᕆᓐᓄᑦ, ᐊᐅᓚᑦᓯᓂᕐᒧᑦ ᑲᑎᒪᔩᑦ ᕿᒥᕐᕈᓯᒪᔪᑦ ᓂᕆᐅᒋᔭᐅᔪᓂᒃ, ᐱᓕᕆᐊᑦᓴᓂᒃ, ᐊᑐᖅᑐᖁᑎᖏᓐᓂᓪᓗ ᐋᓐᓂᖅᑐᓕᕆᔨᒃᑯᑦ. ᖃᑦᓯᒐᓛᓂᒃ ᑐᓴᖅᑎᑦᓯᓂᖅᑕᖃᔪᔪᖅ ᖃᐅᔨᓴᑦᓯᐊᕈᑕᐅᓪᓗᓂ ᐋᓐᓂᖅᑐᓕᕆᔨᒃᑯᑦ ᖃᓄᐃᓕᖓᓂᖓᑦ ᐅᖃᐅᓯᓪᓗᐊᑕᐃᓪᓗ ᓈᒻᒪᓈᖅᓯᒪᒐᓗᐊᕐᒪᖔᑕ, ᐊᑑᑎᖃᕐᓗᑎᓪᓗ ᑐᑭᒧᐊᖅᑎᑦᓯᒍᑕᐅᓂᖏᑦ ᑎᒥᐅᔫᑉ ᐱᔪᒪᔭᕆᖏᑦᑎᒍᑦ ᑎᒍᒥᐊᖅᑏᑦ. ᐃᓚᒍᑦᓯᐅᔾᔨᓯᒪᔪᒍᑦ ᒪᕐᕈᑲᓐᓃᓐᓂᒃ ᑎᒥᐅᔪᒧᑦ ᐊᑐᖅᑐᖁᑎᒋᔭᐅᔫᓐᓂᒃ, ᐱᖅᑯᓯᖅᑎᒍᑦ ᐊᑦᑕᓇᑦᑕᐃᓕᒪᓂᖅ ᐊᒻᒪᓗ ᓯᕗᓕᕐᓂᖅ, ᐅᖃᐅᓯᖃᖅᓱᑎᒃ ᐅᑉᐱᕆᔭᓪᓗᐊᑕᑦᑎᓐᓂᒃ ᖃᓄᕐᓗ ᓂᕆᐅᓐᓂᖃᕐᒪᖔᑕ ᐊᐅᓚᓂᖃᕆᐊᑦᓴᖅ ᑲᓲᒪᖃᑎᖃᕆᐊᕐᓗ ᑎᒍᒥᐊᖅᑎᓂᒃ ᖃᐅᑕᒫᑦ.  

ᐊᒥᓱᑎᒍᑦ, 2018-2022−ᒧᑦ ᐸᕐᓇᐅᑏᑦ ᐱᒋᐊᕐᕕᖃᖅᑐᑦ ᓄᖅᑲᕐᕕᒋᔪᔭᑦᑎᓐᓂᒃ ᓄᙳᐊᓂ 2017. ᑭᓯᐊᓂᓕ, ᐊᐅᓚᓂᖃᖅᑐᒍᑦ ᐊᓯᔾᔨᖅᓱᒋᑦ ᐃᓗᓕᖏᑦ ᒪᓕᑦᓱᒋᑦ ᓄᑖᑦ ᐊᐅᓚᓂᐅᔪᑦ ᓴᖅᑭᐸᓪᓕᐊᔪᓪᓗ ᓯᕗᓪᓕᐅᑎᔭᐅᔪᑦ ᐊᑦᑐᐃᓂᖃᖅᑐᑦ ᖃᓄᖅ ᓱᒻᒪᓪᓗ ᐱᔨᑦᓯᕋᐅᑎᖃᕐᒪᖔᑦᑕ. ᑎᑭᐅᑎᔭᐅᒍᒪᔪᑦ ᐊᑦᑐᐊᓂᖃᖅᑐᑦ ᐅᑎᕐᓂᕐᒧᑦ ᐃᖅᑲᓇᐃᔭᕐᕕᒻᒧᑦ ᐊᒻᒪᓗ ᖃᕆᑕᐅᔭᒃᑯᑦ ᐱᓇᓱᐊᕐᓂᖅ ᓯᕗᒧᑉᐹᓪᓕᑦᓯᒪᔪᖅ ᐸᕐᓇᐅᑎᑦᑎᓐᓃᖏᓐᓇᖅᓱᑎᒃ, ᐃᓚᒋᐊᖅᓯᒪᔪᑦ ᓄᑖᓂᒃ ᓲᕐᓗ ᑐᓂᒪᓂᑦᑎᓐᓂᒃ ᐱᖅᑯᓯᒃᑯᑦ ᐊᑦᑕᓇᑦᑕᐃᓕᒪᓂᕐᒧᑦ ᐊᖏᓪᓕᒋᐊᕆᓂᕐᒥᓪᓗ ᐋᓐᓂᑦᑐᐃᓕᒪᓂᕐᒨᖓᔪᓂᒃ ᐃᓕᓐᓂᐊᕐᓂᐅᔪᓂᒃ. ᐃᓚᒍᑦᓯᐅᔾᔨᓯᒪᒻᒥᔪᒍᑦ ᑎᑭᐅᑎᔭᐅᒍᒪᔪᒥᒃ ᐅᔾᔨᖅᑐᕐᓂᕐᒧᑦ ᐃᓗᐊᓂ ᑎᒍᒥᐊᕐᓂᕐᒧᑦ ᐊᐅᓚᓂᐅᔪᓂᒃ, ᐊᑦᓱᕉᑎᖃᖅᓱᑎᒃ ᐃᓘᓐᓇᑕ ᑎᒍᒥᐊᕋᑦᑕ ᐃᖅᑲᓇᐃᔭᕐᕕᑎᓐᓂᒃ ᐊᑦᑕᓇᑦᑐᐃᓕᒪᑎᑦᓯᓂᕐᒥᒃ ᖃᓄᐃᙱᑦᓯᐊᕐᕕᐅᓗᓂᓗ.

ᐋᓐᓂᐊᖅᑐᓕᕆᔨᒃᑯᑦ ᐱᓕᕆᐊᑦᓴᖓᑦ ᖃᐅᔨᒪᔭᐅᑎᑦᓯᓂᖅ ᐃᖅᑲᓇᐃᔭᕐᕕᒻᒥ ᖃᓄᐃᙱᑦᓯᐊᕐᓂᒥᒃ ᐊᑦᑕᓇᙱᑦᓯᐊᕐᓂᕐᒥᓪᓗ ᐊᑐᐃᓐᓇᐅᑎᑦᓯᓯᓐᓈᕐᓗᑎᒃ ᐸᓯᔭᑦᓴᐅᖏᑉᐸᑕ ᓇᓪᓕᐅᒃᑯᒫᓂᒃ ᐃᖅᑲᓇᐃᔭᖅᑎᓄᑦ ᐸᐸᑕᐅᑦᓯᐊᕐᓂᖏᓐᓄᑦ ᐋᓐᓂᖅᓯᒪᔪᑦ ᐃᖅᑲᓇᐃᔭᖅᑏᑦ. ᑲᔪᓯᑦᓯᐊᕐᓂᕆᔭᕗᑦ ᑕᕝᕘᓇ ᖃᐅᔨᓴᖅᑕᐅᓂᖃᑦᓯᐊᐸᒻᒪᑕ, ᐅᓂᒃᑲᓕᐅᕈᑕᐅᑦᓱᑎᓪᓗ ᑕᑯᑦᓴᐅᑎᑦᓯᒍᑕᐅᑦᓱᓂ ᑭᐅᔾᔪᑎᖃᕈᓐᓇᕐᓂᕐᒥᒃ, ᑲᔪᓯᑦᓯᐊᕈᑎᒋᓪᓗᑎᒍ, ᖃᐅᔨᓴᑦᓯᐊᕈᑕᐅᑦᓱᓂᓗ ᑎᑭᐅᑎᒍᒪᔭᕗᑦ, ᐊᐅᓚᔾᔭᒋᐊᕈᑎᕗᓪᓗ ᐊᑑᑎᖃᖏᓐᓇᖁᓪᓗᒋᑦ ᒥᑦᓯᖃᑦᓯᐊᕐᓗᑎᒃ. ᖁᕕᐊᓱᒻᒪᕆᑉᐳᒍᑦ ᐱᕙᓪᓕᐊᓂᕆᓯᒪᔭᖓᓐᓂᒃ ᐋᓐᓂᖅᑐᓕᕆᔨᒃᑯᑦ ᐊᕐᕌᒍᓂ ᐱᖓᓱᓂ ᐊᓂᒍᖅᑐᓂ, ᓇᓗᙱᓯᐊᖅᐳᒍᓪᓗ ᓯᕗᒧᑉᐸᓪᓕᐊᓂᑦᑎᓐᓂᒃ. ᓯᕗᓪᓕᐅᑎᔭᕗᑦ, ᑎᑭᐅᑎᒍᒪᔭᕗᑦ, ᐊᐅᓚᔾᔭᒋᐊᕈᑏᓪᓗ, ᑕᐃᒪᐃᖏᓐᓇᓲᖑᒐᒥᒃ, ᑐᕌᒐᖃᖅᑐᑦ ᐊᑦᑕᓇᑦᑕᐃᓕᒪᕐᓂᒥᒃ ᐸᐸᑕᐅᑦᓯᐊᕐᓂᖏᓐᓂᓪᓗ ᑎᒍᒥᐊᖅᑎᑦᑕ. ᐃᓇᑦᓯᕗᒍᑦ ᐃᓕᓐᓂᒃ ᕿᒥᕐᕈᔭᐅᖁᓪᓗᒋᑦ ᑖᒃᑯᐊ ᑎᑎᑦᑲᐃᑦ, ᓂᕆᐅᓐᓂᖃᖅᐳᒍᓪᓗ ᑐᓴᖅᑎᑦᓯᓕᐅᒥᔮᖃᑦᑕᕐᓂᐊᕆᐊᑦᓴᖅ, ᐅᓂᒃᑳᓕᐅᖃᑦᑕᕐᓗᑕ, ᐊᐅᓚᓂᐅᔪᓂᓪᓗ ᖃᐅᔨᒃᑲᐃᕙᓪᓗᑕ ᐱᕙᓪᓕᐊᑎᓪᓗᒋᑦ ᐊᕐᕌᒍᓄᑦ ᑕᓪᓕᒪᓄᑦ ᐅᐸᓗᖓᐃᔭᐅᑎᓄᑦ ᐸᕐᓇᐅᑎᕗᑦ. ᑖᒃᑯᐊ ᑎᑎᖅᑲᐃᑦ ᐊᑐᐃᓐᓇᐅᔪᑦ  ᐃᓄᒃᑐᑦᐃᓄᐃᓐᓇᖅᑐᑦᐅᐃᕖᑎᑐᑦ, ᐊᒻᒪᓗ ᖃᓪᓗᓈᑎᑐᑦ.

ᐅᕙᓐᓄᑦ ᑐᕋᐃᓐᓇᕐᓗᑎᑦ ᖃᓄᐃᓕᒋᐊᕈᒪᒍᕕᑦ, ᓇᕿᓪᓗᒍ ᐊᑖᓃᑦᑐᖅ.  DG