ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐊᐱᖅᑯᑕᐅᒐᔪᒃᑐᑦ

ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐊᐱᖅᑯᑕᐅᒐᔪᒃᑐᑦ

ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐸᕐᓇᐅᑎ ᐊᑐᓂ ᐃᓄᖕᓄᑦ ᐸᕐᓇᐅᑕᐅᕙᒃᑐᖅ ᐋᓐᓂᖅᓯᒪᔪᓄᑦ ᓴᓇᔨᓄᑦ ᐃᓱᒪᒋᔭᖃᖅᑐᓄᑦ ᐱᓕᕆᐊᕆᔪᓐᓇᖅᑕᒥᒍᑦ ᑭᒡᓕᖃᖅᑎᑦᑎᔭᕆᐊᖃᕐᓂᕐᒧᑦ, ᐋᖅᑭᒃᐸᓪᓕᐊᔪᓐᓇᖁᑉᓗᒍ ᐅᕝᕙᓘᓐᓃᑦ ᐋᓐᓂᐊᕐᕕᒃᑯᑦ ᑲᒪᒋᔭᐅᓂᐊᖅᑎᓪᓗᒍ ᐸᕐᓇᐅᑎᓖᑦ, ᐊᒻᒪᓗ ᐊᑐᐃᓐᓇᐅᔪᑦ ᐱᓕᕆᐊᕆᔪᓐᓇᖅᑕᒥᓂᒃ ᐊᑐᕐᓗᑎᒃ ᓴᓇᔪᓐᓇᕐᓂᕐᒧᑦ. ᐸᕐᓇᐅᑎ ᐃᑲᔫᑕᐅᓲᖅ ᓴᓇᔨᒧᑦ ᓴᓇᐃᓐᓇᕈᓐᓇᖁᑉᓗᒍ ᐅᕝᕙᓘᓐᓃᑦ ᓴᓇᕝᕕᖕᒥᓄᑦ ᐅᑎᕈᓐᓇᖁᑉᓗᒍ ᐱᔪᓐᓇᖅᓯᑐᐊᕈᓂ ᐋᓐᓂᐊᕐᕕᒃᑯᑦ ᑲᒪᒋᔭᐅᓯᒪᓂᒃᑯᑦ ᐊᒻᒪᓗ ᐊᑦᑕᓇᖅᑐᖃᙱᑦᑐᒃᑯᑦ ᐱᔪᓐᓇᖅᓯᑐᐊᕈᓂ. 
ᐄ, ᐃᑲᔪᕆᐊᕈᓐᓇᕐᓂᖅ ᐊᑖᒍᑦ ᐃᓄᐃᑦ ᐱᔪᓐᓇᐅᑎᖃᕐᓂᖏᑦᑎᒍᑦ ᐱᖁᔭᒃᑯᑦ ᑐᕌᖓᓂᓕᒃ ᑕᒪᐃᓐᓄᑦ ᓴᓇᕝᕕᒃᑯᑦ ᓴᓇᕝᕕᒃᑰᙱᑦᑐᒃᑯᓪᓗ ᐱᔾᔪᑎᓕᖕᓂᒃ ᐋᓐᓂᕈᑕᐅᔪᓄᑦ. ᑭᓯᐊᓂᓕ, ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐃᓚᐅᖃᑕᐅᓂᕆᓇᔭᖅᑕᖏᑦ ᐱᔾᔪᑎᖃᑐᐃᓐᓇᖅᑐᑦ ᓴᓇᕝᕕᖕᒥ ᐋᓐᓂᖅᑐᓄᑦ.
ᐱᓕᕆᐊᖑᔭᕆᐊᓖᑦ ᐱᓕᕆᐊᖑᑎᒋᐊᕐᓗᒋᑦ ᒫᓐᓇᑲᐅᑎᒋ ᓴᓇᕝᕕᖕᒥ ᐋᓐᓂᖅᑐᖃᖅᑎᓪᓗᒍ ᓇᓗᓇᐃᖅᑕᐅᒃᐸᓪᓘᓐᓃᑦ ᐋᓐᓂᕐᓂᖓᓄᑦ, ᐋᓐᓂᐊᓕᕐᓂᖓᓄᑦ, ᐅᕝᕙᓘᓐᓃᑦ ᐊᔪᕈᑎᖃᓕᕐᓂᖓᓄᑦ. 
ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐸᕐᓇᐅᑎ ᐱᓕᕆᐊᑎᒌᖕᓂᒃᑯᑦ ᓴᖅᑭᑎᑕᐅᓲᖅ ᐃᓚᐅᖃᑕᐅᑉᓗᑎᒃ ᒥᐊᓂᖅᓯᔨᖓ, ᓴᓇᔨ, ᔫᓂᐊᓐᑯᑦ (ᐱᖃᑕᐅᔭᕆᐊᖃᖅᐸᑕ), ᐋᓐᓂᐊᖅᑐᓕᕆᔨᒃᑯᑦ, ᐊᒻᒪᓗ ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ. ᐸᕐᓇᐅᑎ ᐊᔾᔨᐅᙱᑦᑑᖃᑦᑕᖅᑐᖅ ᓴᓇᔩᑦ ᐊᑐᓂ ᐃᓱᒪᒋᑉᓗᒋᑦ ᐊᒻᒪᓗ ᐃᓱᒪᒋᔭᖃᓲᖅ ᖃᓄᖅ ᐋᓐᓂᖅᓯᒪᓂᖏᓐᓄᑦ, ᖃᓄᐃᒍᓐᓃᖅᐸᓪᓕᐊᓂᐊᕐᓂᖏᓐᓄᑦ, ᐊᒻᒪᓗ ᐊᑐᐃᓐᓇᐅᔪᖃᕐᒪᖔᑦ ᐱᓕᕆᐊᕆᔪᓐᓇᖅᑕᖏᓐᓂᒃ. 
ᐋᓐᓂᖅᓯᒪᔪᖅ ᓴᓇᔨ ᐱᓕᕆᐊᖃᕈᒪᙱᑉᐸᑦ ᐱᓕᕆᐊᕆᔪᓐᓇᖅᑕᒥᓂᒃ, ᐱᔾᔪᑎᒃᓴᒥᓂᒃ ᑐᓴᖅᑎᑦᑎᔭᕆᐊᓖᑦ ᓱᖕᒪᑦ ᐱᓕᕆᐊᕆᔪᒪᙱᒻᒪᖔᒍ, ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᓐᓄᑦ ᕿᒥᕐᕈᔭᐅᓕᕋᔭᖅᑐᖅ ᐊᒻᒪᓗ ᐃᓱᒪᒃᓴᖅᓯᐅᕈᑕᐅᓗᓂ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐊᖏᖃᑎᖃᙱᑉᐸᑕ ᐋᓐᓂᖅᓯᒪᔪᒥᒃ ᓴᓇᔨᒥᒃ ᐊᒻᒪᓗ ᐅᒃᐱᕈᓱᒃᐸᑕ ᐱᓕᕆᐊᒃᓴᕆᔭᖓ ᓈᒻᒪᖕᓂᖓᓄᑦ, ᐋᓐᓂᖅᓯᒪᔪᖅ ᓴᓇᔨ ᐅᑎᕆᐊᖃᕋᔭᖅᑐᖅ ᓴᓇᕝᕕᖕᒥᓄᑦ. ᓴᓇᔨ ᐱᓕᕆᔪᒪᙲᓐᓇᖅᐸᑦ, ᓄᖅᑲᖓᑎᑕᐅᑐᐃᓐᓇᕆᐊᓕᒃ ᐲᖅᑕᐅᓗᑎᒡᓘᓐᓃᑦ ᐃᑲᔫᑎᒃᓴᖏᑦ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ... ᓱᓕᒃᑲᓐᓂᖅ »
ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᑐᓂᔭᐅᖃᑦᑕᕐᒪᑕ ᐋᓐᓂᐊᕐᕕᖕᒥ ᐅᓂᑉᑳᓕᐊᓂᒃ ᐃᓗᓕᖃᖅᑐᑦ ᐱᓕᕆᐊᖑᔪᓐᓇᖅᑐᓂᒃ ᐊᒻᒪᓗ ᖃᓄᖅ ᐋᓐᓂᐊᖃᕐᓂᖓᓄᑦ ᑐᑭᓯᒋᐊᕈᑎᒃᓴᓂᒃ ᐋᓐᓂᐊᖅᑐᓕᕆᔨᓂᒃ. ᓴᓇᑎᑦᑎᔨᒃᑯᑦ ᑐᑭᓯᒋᐊᕈᑎᒃᓴᓂᒃ ᑐᓂᔭᐅᓲᑦ ᐋᓐᓂᖅᓯᒪᔫᑉ ᒥᒃᓵᓄᑦ ᖃᓄᖅ ᐱᓕᕆᔪᓐᓇᕐᓂᖓᓄᑦ ᓇᓗᓇᐃᔭᐃᔪᓐᓇᖁᑉᓗᒋᑦ ᐱᓕᕆᐊᕆᔪᓐᓇᖅᑕᖏᓐᓂᒃ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᕿᒥᕐᕈᓂᖃᓲᑦ ᑕᒪᒃᑯᓂᙵ ᑐᑭᓯᒋᐊᕈᑎᒃᓴᓂᒃ ᓇᓗᓇᐃᔭᐃᓂᕐᒧᑦ ᖃᖓ ᓴᓇᔨ ᐊᑦᑕᓇᖅᑐᒃᑰᙱᓪᓗᓂ ᓴᓇᕝᕕᖕᒥᓄᑦ ᐅᑎᕈᓐᓇᕋᔭᕐᒪᖔᑦ.
ᐄ! ᓴᓇᕝᕕᖕᒧᑦ ᐅᑎᕐᓂᐊᕐᓂᕐᒧᑦ ᐃᑲᔫᑎ ᐃᑲᔫᑕᐅᔪᖅ ᐋᓐᓂᖅᓯᒪᔪᒧᑦ ᓴᓇᔨᒧᑦ ᓴᓇᕝᕕᖕᒥᓄᑦ ᐅᑎᕈᓐᓇᖁᑉᓗᒍ ᐱᔪᓐᓇᖅᓯᑐᐊᕈᓂ ᐋᓐᓂᐊᖃᕐᓇᙱᑦᑐᓕᕆᓂᒃᑯᑦ ᐊᑦᑕᓇᖅᑐᖃᙱᑦᑐᒃᑯᑦ
ᑐᓴᕐᕕᒋᒋᐊᕐᓗᒋᑦ ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐅᖃᖃᑎᒋᔪᒪᓗᒋᑦ.
ᐅᐸᑲᐅᑎᒋᓗᒍ ᓴᓇᔨ ᐊᒻᒪᓗ ᑐᑭᓯᑎᒋᐊᕐᓗᒍ ᐃᓱᒫᓘᑕᐅᔪᓂᒃ ᐋᓐᓂᐊᓕᕋᔭᕐᓂᖓᓄᑦ ᐊᑦᑕᓇᖅᑐᒦᓐᓇᔭᕐᓂᖓᓄᓪᓗ. ᓴᓇᔨ ᐅᖃᖅᐸᑦ ᐱᓕᕆᔪᓐᓇᕐᓂᕋᕐᓗᓂ ᒪᒥᓴᑦᑎᐊᕐᓂᖅᓴᐅᔪᓐᓇᕐᓂᐊᕐᓂᕐᒧᑦ, ᑐᓴᖅᑎᒋᐊᕐᓗᒋᑦ ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐊᒻᒪᓗ ᐱᓗᒋᑦ ᐅᑉᓗᒥᒧᑦ ᐋᓐᓂᐊᕐᕕᖕᒥ ᑐᑭᓯᒋᐊᕈᑎᒃᓴᑦ ᑕᐃᒪᐃᑦᑐᓕᕆᔪᓐᓇᕐᓂᖓᓄᑦ ᐱᔾᔪᑎᓖᑦ.
ᑎᑎᕋᖅᐸᓪᓕᐊᓂᖅ ᐊᑐᐃᓐᓇᕈᖅᑎᑦᑎᕙᖕᒪᑦ ᓇᐃᓪᓕᒋᐊᖅᓯᒪᔪᒃᑯᑦ ᖃᓄᐃᓕᐅᕈᑕᐅᓯᒪᔪᓂᒃ ᐅᖃᖃᑎᒌᒍᑕᐅᓯᒪᔪᓂᒃ, ᐋᓐᓂᕐᓂᖓᓄᑦ, ᐊᒻᒪᓗ ᓴᓇᕝᕕᖕᒧᑦ ᐅᑎᕐᓂᐊᕐᓗᓂ ᖃᓄᐃᓕᐅᕈᑎᓂᒃ. ᑕᒪᓐᓇ ᐃᑲᔫᑕᐅᕙᒃᑐᖅ ᖃᓄᐃᓕᒋᐊᕈᑕᐅᒃᑲᓐᓂᕈᓐᓇᕋᔭᕐᒪᖔᑦ ᐊᒻᒪᓗ ᐊᑐᐃᓐᓇᕈᖅᑎᑦᑎᓯᒪᕙᒃᖢᓂ ᖃᓄᐃᓕᐅᕈᑕᐅᓯᒪᔪᓂᒃ ᐱᓕᕆᕝᕕᖕᒥᒃ ᑲᒪᔨᐅᓚᐅᖅᑐᓂᒃ ᓄᖅᑲᖅᑐᖃᕐᓂᖅᐸᑦ. ᑎᑎᕋᖅᐸᓪᓕᐊᓂᖅ ᐃᑲᔫᑕᐅᔪᓐᓇᖅᑐᖅ ᓇᓗᓇᐃᖅᓯᒍᑕᐅᓗᑎᒃ ᕿᒥᕐᕈᓂᒃᑯᑦ, ᐅᓐᓂᕐᓗᒍᑎᒃᑯᑦ, ᐅᕝᕙᓘᓐᓃᑦ ᐃᓄᐃᑦ ᐱᔪᓐᓇᐅᑎᖏᑦᑎᒍᑦ ᖃᓄᒃᑲᓐᓂᖅ ᐃᑲᔪᕆᐊᖅᑎᑦᑎᔨᓄᑦ ᐱᔭᕆᐊᖃᕈᑎᒃ.
ᑕᑯᒋᐊᕐᓗᒍ ᓴᓇᔨᐅᔫᑉ ᐱᓕᕆᐊᕆᔪᓐᓇᖅᑕᖏᓐᓄᑦ ᑕᑕᑎᕈᑎ. ᓴᓇᔨ ᒪᓕᒋᐊᖃᖅᑕᖏᓐᓂᒃ ᐋᖅᑭᒃᓱᕈᔾᔭᐅᓯᒪᙱᑉᐸᑦ ᐃᑲᕐᕋᖏᑦ ᖃᑉᓰᓐᓇᕈᖅᑕᐅᔭᕆᐊᖃᕋᔭᙱᑦᑐᑦ. ᑭᓯᐊᓂᓕ, ᐋᓐᓂᐊᖅᑐᓕᕆᓂᒃᑯᑦ ᖃᓄᐃᓐᓂᖏᑦ ᐊᓯᔾᔨᖅᐸᒃᑐᑦ. ᖃᐅᔨᒋᐊᕐᕕᒋᓗᒋᑦ ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᑐᓴᕐᕕᒋᒋᐊᕐᓗᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᑭᓯᒋᐊᕈᑎᒃᓴᒃᑲᓐᓂᕐᓂᒃ ᐱᑕᖃᒃᑲᓐᓂᙱᒃᑲᓗᐊᕐᒪᖔᑦ ᐊᒃᑐᖅᓯᓂᐅᓇᔭᖅᑐᓂᒃ ᓴᓇᔨᐅᑉ ᐱᓕᕆᐊᕆᔪᓐᓇᖅᑕᖏᓐᓄᑦ. 
ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐃᒪᓐᓇ ᑐᑭᓕᐅᕆᓯᒪᓲᑦ: • ᑭᒡᓕᖃᖅᑎᑦᑎᓂᖅ – ᐅᖁᒪᐃᓐᓂᓖᑦ 5 ᑭᓗᒑᒻᒥᒃ (11 ᐸᐅᓐᔅ) • ᐅᕿᓐᓂᖅᓴᒃᑯᑦ – ᐱᓕᕆᓂᐅᔪᑦ ᐃᓚᐅᖃᑕᐅᑎᑦᑎᕙᒃᑐᑦ ᑲᒪᓂᕐᒧᑦ ᐅᖁᒪᐃᓐᓂᓕᖕᓂᒃ 5 ᑭᓗᒑᒻᒥᒃ 10 ᑭᓗᒑᒻᒧᑦ (11 ᐸᐅᓐᔅᒥᒃ 22 ᐸᐅᓐᔅᒧᑦ) • ᕿᑎᐊᒍᑦ – ᐱᓕᕆᓂᐅᔪᑦ ᐃᓚᐅᖃᑕᐅᑎᑦᑎᕙᒃᑐᑦ ᑲᒪᓂᕐᒧᑦ ᐅᖁᒪᐃᓐᓂᓕᖕᓂᒃ 10 ᑭᓗᒑᒻᒥᒃ 20 ᑭᓗᒑᒻᒧᑦ (22 ᐸᐅᓐᔅᒥᒃ 44 ᐸᐅᓐᔅᒧᑦ • ᐅᖁᒪᐃᓐᓂᖅᓴᒃᑯᑦ – ᐱᓕᕆᓂᐅᔪᑦ ᐃᓚᐅᖃᑕᐅᑎᑦᑎᕙᒃᑐᑦ ᑲᒪᓂᕐᒧᑦ ᐅᖁᒪᐃᓐᓂᓕᖕᓂᒃ 20 ᑭᓗᒑᒻ ᐅᖓᑖᓂ (ᐅᖓᑖᓂ 44 ᐸᐅᓐᔅᒧᑦ) ᐊᐱᖅᑯᓯᒃᓴᖃᕈᑉᓯ... ᓱᓕᒃᑲᓐᓂᖅ »
ᑲᒪᒋᑦᑎᐊᕈᓐᓇᖁᑉᓗᒍ ᖃᓄᐃᓕᐅᕈᑎᒋᔪᓐᓇᖅᑕᖏᑦᑎᒍᑦ ᑲᒪᒋᔭᕆᐊᓕᒃ ᐊᒃᓱᕈᕐᓇᖅᑐᒃᑰᖅᑎᑦᑎᙱᓐᓂᒃᑯᑦ. ᑕᒪᓐᓇ ᐃᓚᐅᖃᑕᐅᑎᑦᑎᔪᖅ ᐋᖅᑭᒋᐊᖅᓯᓂᕐᒧᑦ ᐱᓕᕆᐊᒃᓴᖏᓐᓂᒃ ᐊᒻᒪᓗ ᓴᓇᕐᕈᑎᖏᓐᓂᒃ ᑕᑯᒋᐊᕆᐊᖃᕐᓂᖅ ᐊᓯᖏᓐᓂᒃ ᐱᓕᕆᐊᒃᓴᕆᔪᓐᓇᖅᑕᖏᓐᓂᒃ ᒪᓕᒡᓗᑎᒃ ᓴᓇᔨᐅᑉ ᐊᔪᙱᓐᓂᕆᔭᖏᓐᓄᑦ, ᐃᓕᓐᓂᐊᖅᓯᒪᓂᖓᓄᑦ, ᐊᒻᒪᓗ ᐱᓕᕆᐊᕆᔪᓐᓇᖅᑕᖏᓐᓄᑦ. ᐅᖃᖃᑎᖃᖃᑦᑕᕐᓂᖅ ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐱᓕᕆᐊᖑᔪᒧᑦ ᐊᐅᓚᑦᑎᔨᖓᓂᒃ ᐱᒻᒪᕆᐅᔪᖅ ᐃᑲᔪᕈᓐᓇᕋᔭᖅᑐᒃᓴᐅᖕᒪᑕ ᐃᓕᖕᓂᒃ ᓴᓇᔨᖕᓂᒡᓗ.
ᐃᓄᐃᑦ ᐊᑐᓂ ᐊᔾᔨᒌᙱᑦᑐᒃᑯᑦ ᐋᖅᑭᒃᐸᓪᓕᐊᓂᖃᖃᑦᑕᕐᒪᑕ, ᐊᒻᒪᓗ ᑭᒡᓕᖃᕐᕕᖃᖃᑦᑕᕐᒪᑕ ᐊᔾᔨᒌᙱᑦᑐᓂᒃ ᐋᓐᓂᖅᓯᒪᓂᕆᔭᖏᑦ ᐋᓐᓂᐊᕐᓂᕆᔭᖏᓪᓘᓐᓃᑦ ᒪᓕᒃᖢᒋᑦ. ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᑦ ᐊᑐᖃᑦᑕᖅᑐᑦ ᓂᕆᐅᒋᔭᒃᑯᑦ ᐋᖅᑭᒃᐸᓪᓕᐊᓂᕐᒧᑦ ᒪᓕᒃᑕᒃᓴᓂᒃ ᐊᔾᔨᒌᙱᑦᑑᑕᐅᔪᒃᑯᑦ ᐋᓐᓂᕈᑕᐅᕙᒃᑐᒃᑯᑦ ᐋᖅᑭᒃᐸᓪᓕᐊᔾᔪᑎᓄᑦ ᓂᕆᐅᒋᔭᐅᔪᓄᑦ ᐊᒻᒪᓗ ᓇᓗᓇᐃᔭᐃᓲᑦ ᖃᓄᖅ ᐋᓐᓂᐊᖃᕐᓂᖓᓄᑦ ᐊᒻᒪᓗ ᐋᖅᑭᒃᐸᓪᓕᐊᓂᐊᕐᓂᖓᓄᑦ ᑕᒪᑐᒨᓇ ᑐᑭᓯᒋᐊᕈᑎᒃᑯᑦ. 
ᐃᑲᔪᖅᑕᐅᔭᕆᐊᖃᕈᕕᑦ ᓴᓇᕝᕕᖕᒧᑦ ᐅᑎᕈᒫᕐᓂᐊᕐᓂᕐᒧᑦ ᐃᑲᔫᑎᒃᑯᑦ ᐱᕙᓪᓕᐊᑎᑦᑎᓂᕐᒧᑦ ᐊᑐᓕᖅᑎᕆᓂᕐᒧᓪᓗ, ᖃᐅᔨᒋᐊᕐᕕᒋᓗᒍ ᓴᓇᕝᕕᖕᒧᑦ ᐅᑎᕈᒫᕐᓂᕐᒧᑦ ᖃᐅᔨᒪᔨᒋᔭᐅᔪᖅ.  ᐊᐱᖅᑯᓯᒃᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᖃᕈᕕᑦ ᓇᓕᐊᒃᑯᑐᐃᓐᓇᖅ ᑐᒃᓯᕋᐅᑎᒃᑯᑦ, ᖃᐅᔨᒋᐊᕐᕕᒋᓗᒍ ᐱᓕᕆᐊᖑᔪᒃᑯᑦ ᐊᐅᓚᑦᑎᔨ ᐅᕝᕙᓘᓐᓃᑦ ᐊᖏᖃᑎᒌᒃᑎᑦᑎᔨ. ᐃᑲᔪᖅᑕᐅᔭᕆᐊᖃᕈᕕᑦ ᐊᑦᑕᓇᖅᑐᒦᖁᓇᑎᑦ ᐃᑲᔫᑎᒃᑯᑦ ᐊᒻᒪᓗ ᖃᐅᔨᓴᐃᔭᕆᐊᖃᕐᓂᕐᒧᑦ ᐱᕐᕈᓗᐊᕿᓂᐅᓯᒪᔪᒥᒃ ᐊᒻᒪᓗ ᐊᐅᓚᑦᑎᓂᕐᒧᑦ ᐅᓗᕆᐊᓇᖅᑐᓂᒃ, ᖃᐅᔨᒋᐊᕐᕕᒋᓗᒍ ᐋᓐᓂᖅᑕᐃᓕᒪᑎᑦᑎᓂᕐᒧᑦ ᐱᔨᑦᓯᕋᖅᑎᒃᑯᑦ.  ᓄᓇᑦᓯᐊᖅ: 1-800-661-0792 ᓄᓇᕗᑦ: 1-877-404-4407... ᓱᓕᒃᑲᓐᓂᖅ »