ᐱᕙᓪᓕᐊᔪᖅ ᓴᖅᑭᑎᑕᖅ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᖅᓱᖅᑐᑦ ᐊᐅᐸᔪᒃᑐᒥᒃ ᐅᕕᓂᕈᖅᓯᒪᓐᓇᓛᖅᑐᒥᒃ

ᕖᕝᕗᐊᕆ 24 / 2017

ᐱᕙᓪᓕᐊᔪᖅ ᓴᖅᑭᑎᑕᖅ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᑲᔪᖅᓱᖅᑐᑦ ᐊᐅᐸᔪᒃᑐᒥᒃ ᐅᕕᓂᕈᖅᓯᒪᓐᓇᓛᖅᑐᒥᒃ

ᐃᖃᓗᐃᑦ, ᓄᓇᕗᑦ (ᕖᕝᕗᐊᓕ 24, 2017) – ᐱᖓᔪᐊᑦ, ᐃᑉᐱᒋᑦᑎᐊᕈᒪᓪᓗᒍ ᐃᓕᓴᕆᔪᒪᓪᓗᒍᓗ ᐊᐅᐸᔪᒃᑐᒥᒃ ᐅᕕᖤᕈᖅᓯᒪᓐᓇᓛᖅᑐᖅ ᐅᓪᓗᖓᓂ, ᐃᖅᑲᓇᐃᔭᖅᑎᐅᔪᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ (ᓇᓪᓕᐅᒃᑯᒫᓕᕆᔨᒃᑯᑦ) ᓄᓇᕗᒻᒥ ᓄᓇᑦᓯᐊᒥᓪᓗ ᐊᐅᐸᔪᒃᑐᓂᒃ ᐅᕕᓂᕈᖅᓯᒪᓚᐅᖅᑐᑦ ᐃᑲᔪᖅᓱᖅᑐᑭᒃ ᓲᖓᓴᖅᑎᑦᓯᑦᑕᐃᓕᒪᓂᕐᒥᑦ, ᑮᓇᐅᔭᕐᓂᒃ ᓄᐊᑦᑎᓚᐅᖅᑐᑦ $1,034-ᓂᒃ ᑖᔅᓱᒧᖓ.

ᐊᕐᕌᒍᓂᑦ ᐊᓂᒍᖅᓯᒪᔪᓂᒃ, ᓇᓪᓕᐅᒃᑯᒨᓕᕆᔨᒃᑯᑦ ᐊᖓᔪᖅᑳᖓ ᐊᐅᓚᑦᓯᔨᒻᒪᕆᖓᓗ, ᑕᐃᕝ ᒍᕋᓐᑎ, ᑎᓕᐅᕆᓚᐅᖅᑐᖅ ᐃᖅᑲᓇᐃᔭᖅᑎᓂ ᐃᑲᔪᖅᓱᖁᓪᓗᒋᑦ ᕕᕝᕗᐊᓕ 22-ᒥᑦ ᐊᖏᖅᓯᒪᓪᓗᓂ ᑮᓇᐅᔭᕐᓂᒃ ᑐᓂᓯᓂᐊᕐᓂᕋᖅᑐᓂ ᐊᑐᓂ ᐊᐅᐸᔪᒃᑐᒥᒃ ᐅᕕᓂᕈᖅᓯᒪᔪᒧᑦ. ᓇᓪᓕᐅᒃᑯᒫᓕᕆᔨᒃᑯᑦ ᐊᒃᓱᕉᑎᖃᓚᐅᖅᑐᑦ, ᐃᓚᐅᑦᑎᐊᖅᑐᑎᒃ, ᖄᒃᑲᓐᓂᐊᒍᑦ ᑮᓇᐅᔭᕐᓂᒃ ᓄᐊᑦᑎᓚᐅᖅᑐᑦ, ᑖᐃᒃᑯᐊᓗ ᑮᓇᐅᔭᑦ ᑐᓂᔭᐅᓪᓗᑎ ᓲᖑᓴᖅᑎᑦᓯᑦᑕᐃᓕᒪᓂᕐᒧᑦ ᐱᓕᕆᐊᕆᔭᐅᔪᒧᑦ ᔫᒥ ᐃᓕᓐᓂᐊᕐᕕᖓᓄᑦ ᐃᖃᓗᓐᓂ, ᓄᓇᕗᒻᒥ.

ᐊᐅᐸᔪᒃᑐᒥᒃ ᐅᕕᓂᕈᖅᓯᒪᓂᕐᒧᑦ ᐅᓪᓗᐊ, ᐱᒋᐊᙵᓚᐅᖅᓯᒪᔪᖅ 2007-ᒥᒃ ᒪᕐᕉᓐᓄᑦ ᐃᓕᓐᓂᐊᖅᑎᓄᑦ ᓅᕙ ᓯᑰᓴᒥᑦ ᐃᓕᓐᓂᐊᖅᑎᐅᖃᑕᐅᔪᖅ ᓲᖑᓴᕐᕕᐅᓚᐅᖅᑎᓪᓗᒍ ᐊᐅᐸᔪᒃᑐᒥᑦ ᐅᕕᓂᕈᖅᓯᒪᓚᐅᕐᓂᖓᓄᑦ, ᑖᓐᓇᓗ ᓄᓇᕐᔪᐊᓕᒫᒥᑦ ᐊᑐᖅᑕᐅᕙᓕᖅᑐᓂ.

“ᓲᖑᓴᕐᓂᖅ ᐊᑦᓱᕈᕈᑕᐅᖏᓐᓇᖅᑐᖅ ᐃᓕᓐᓂᐊᕐᕕᓐᓂ, ᐃᖅᑲᓇᐃᔭᕐᕕᓐᓂ, ᐊᖏᕐᕋᕆᔭᐅᔪᓂᓪᓗ - ᐱᓗᐊᖅᑐᒥ ᐅᓪᓗᒥᐅᓕᖅᑐᖅ ᖃᕋᓴᐅᔭᒃᑰᕈᓐᓇᖅᓯᑎᓪᓗᑕ ᓇᑭᑐᐃᓐᓇᖅ,” ᐅᖃᖅᑐᖅ ᑕᐃᕝ ᒍᕋᓐᑎ, ᓇᓪᓕᐅᒃᑯᒨᓕᕆᔨᒃᑯᑦ ᐊᖓᔪᖅᑳᖓ ᐊᐅᓚᑦᓯᔨᒻᒪᕆᖓᓗ. “ᓇᓪᓕᐅᒃᑯᒫᓕᕆᔨᒃᑯᑦ ᐃᖅᑲᓇᐃᔭᕐᕕᖃᖅᑎᑦᑎᓇᓱᐊᖅᑯᑦ ᑭᒃᑯᓕᒫᓄᑦ ᐊᑦᑕᕐᓇᙱᑦᑐᒥᑦ, ᑭᓯᐊᓂ ᖃᐅᔨᒪᐃᓐᓇᙱᑐᐃᓐᓇᕆᐊᖃᙱᑦᑐᒍᑦ ᑕᒪᓐᓇ ᑎᑭᐅᒪᖃᑕᐅ`ᖕᒥᔪᖅ ᓲᖑᓴᕐᓂᐅᔪᒧᑦ. ᐃᖅᑲᓇᐃᔭᖅᑎᖁᑎᕗᑦ ᓴᖅᑭᔮᖅᑎᑦᑎᔪᒪᓚᐅᖅᑐᑦ ᐱᓕᕆᕝᕕᐅᓪᓗᑕ, ᒪᓂᑕᐃᓐᓇᔾᔮᙱᑦᑐᒍᑦ ᓲᖑᓴᕐᓂᐅᔪᒧᑦ ᓇᒥᑐᐃᓐᓇᖅ, ᖃᓄᑐᐃᓐᓇᕐᓘᓐᓃᑦ. ᑕᐃᒪᐃᒋᐊᖃᙱᓪᓚᕆᑦᑐᑦ.”

“ᑕᕝᕙᓂ ᐊᕐᕌᒍᒥᑦ, ᓄᐊᑦᑎᓚᐅᖅᑐᑦ ᐊᒥᓲᓃᖅᐹᓂᒃ ᑖᔅᓱᒧᖓ, ᓴᖅᑭᔮᖅᑎᑦᑎᖕᒥᔪᖅ ᖃᓄᑎᒋ ᑕᒪᓐᓇ ᐅᕙᑦᑎᓐᓄ ᐱᒻᒪᕆᐅᑎᒋᖕᒪᖔᖅ, ᐃᓅᓯᑦᑎᓐᓄᑦ. ᐃᑲᔪᕈᒪᓚᐅᕋᑦᑕ ᒪᑭᑉᐹᓪᓕᕐᓗᑕᓗ ᓲᖑᓴᕐᓂᐅᔪᒧᑦ.”

-30-

ᑭᒻ ᐅᐊᑯ
ᐊᐅᓚᑦᓯᔨ, ᑐᓴᒐᒃᓴᓕᕆᓂᕐᒧᑦ
ᐅᖄᓚᐅᑎᖓ: (867) 920-3846
ᐊᑭᖃᙱᑦᑐᖅ: (800) 661-0792