ᐱᕙᓪᓕᐊᔪᑦ ᓴᖅᑭᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᓴᖅᑮᕗᑦ ᓄᑖᓂ ᖃᕋᓴᐅᔭᒃᑯᑦ ᐱᔨᑦᓯᕋᐅᑎᓂᒃ ᑕᐃᑲᓂ WSCC Connect-ᒥ

9th Jan 2017

ᔭᓗᓇᐃᕝ, ᓄᓇᑦᓯᐊᖅ, (ᔮᓐᓄᐊᓕ 9, 2017) – ᐅᓪᓗᒥᐅᔪᖅ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐅᖃᐅᓯᖃᖅᑐᑦ ᒪᕐᕉᓐᓂᒃ ᓴᖅᑮᓐᓂᖏᓐᓂᒃ ᖃᕋᓴᐅᔭᒃᑯᑦ ᐱᔨᑦᓯᕋᐅᑎᓂᒃ, ᐃᓚᓕᐅᔾᔭᐅᓯᒪᔪᑦ WSCC Connect-ᒧᑦ.

ᐃᖅᑲᓇᐃᔭᖅᑎᓄᑦ ᐊᑭᓕᐅᑎᓂ ᐅᓂᒃᑳᕐᓂᖅ ᐱᕕᖃᖅᑎᑦᑎᓲᖑᕗᖅ ᓇᒻᒥᓂᕆᔭᐅᔪᓂ ᑐᓂᓯᓂᕐᒥᑦ ᐋᖅᑭᒋᐊᖅᓯᓂᕐᒥᓪᓗ ᐊᕐᕌᒍᑕᒫᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᓂ ᐅᓂᒃᑳᕐᓂᕐᒥᑦ ᖃᕋᓴᐅᔭᒃᑯᑦ. ᒪᕐᕉᓐᓂᒃ ᐊᑐᕈᓐᓇᖅᑐᑦ ᑐᓂᓯᓂᕐᒥᑦ; ᓱᒃᑲᓕᔪᒥ ᐃᓂᒨᖅᓯᓂᕐᒥᑦ, ᑐᕌᖓᔪᖅ ᒥᑭᓐᓂᖅᓴᓄᑦ ᐃᖅᑲᓇᐃᔭᕐᕕᓐᓄᑦ ᐅᓂᒃᑳᓕᐅᓂᕐᒥᑦ ᐊᑕᐅᓯᐊᕐᓗᑎ; ᐊᒻᒪ ᖁᑦᑎᓂᖅᓴᒃᑯᑦ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᓂ ᐅᓂᒃᑳᕐᓂᕐᒥᑦ, ᑕᒪᐃᓐᓂᒃ ᐃᖅᑲᓇᐃᔭᖅᑎᓄᑦ ᐊᑭᓕᐅᑎᓂ ᖃᕋᓴᐅᔭᒃᑯᑦ ᐱᔨᑦᓯᕋᖅᑐᖅ ᐊᒻᒪ ᐊᑐᖅᑏᑦ ᔭᒐᔾᔭᐃᖅᓯᔪᓐᓇᖅᑐᑦ ᑐᑭᓯᒋᐊᕈᑎᒃᓴᓂᑦ ᐱᔭᕇᖅᓯᓚᐅᙱᓐᓂᖏᓐᓂ ᑐᓂᓯᓚᐅᙱᓐᓂᖏᓐᓂᓗ ᐅᓂᒃᑳᖁᑎᒥᓂ.

ᐅᔭᕋᕐᓂᐊᕐᕕᓄ ᐱᔪᓐᓇᐅᑎᑦ, ᑐᕌᖓᓪᓗᐊᑕᖅᑐᑦ ᐃᖅᑲᓇᐃᔭᕐᕕᓄᑦ ᐅᔭᕋᕐᓂᐊᕐᕕᓂ, ᐊᑐᖅᑏᑦ ᑐᒃᓯᕋᕈᓐᓇᖅᑐᑦ, ᐊᓯᔾᔩᔪᓐᓇᖅᑐᑦ ᐊᒻᒪ ᐊᑐᕈᓐᓃᖅᑎᑦᑎᔪᓐᓇᖅᑐᑦ ᐱᔪᓐᓇᐅᑏᑦ ᑐᒃᓯᕋᐅᑎᖏᓐᓂ. ᓯᕗᓪᓕᖅᐹᖅ ᐱᔪᓐᓇᐅᑎ ᑕᕝᕙᓂ ᖃᕋᓴᐅᔭᒃᑯᑦ ᐱᔨᑦᓯᕋᐅᑎᒃᑯᑦ ᑖᓐᓇᐅᔪᖅ ᐱᓇᔫᑎ ᐊᐅᓚᑦᑎᔪᓐᓇᕐᓂᕐᒧᑦ ᐅᖅᓱᐊᓗᒻᒨᖅᑐᒧ ᐊᐅᓚᐅᑎᒥ ᓄᓇᐅᑉ ᐃᓗᐊᓂ, ᓯᕗᓂᒃᓴᑎᓐᓂ ᐊᒥᓱᒃᑲᓐᓂᕐᓂᒃ ᐱᔪᓐᓇᐅᑎᓂ ᓴᖅᑮᔪᒫᖅᑐᑦ.

WSCC Connect ᓱᒃᑲᓕᔪᒥ ᐊᑐᖅᑕᐅᓂᖅᓴᐅᓕᖅᑐᖅ ᐅᕙᒍ ᐱᔨᑦᓯᕋᕐᕕᒋᕙᑦᑕᖏᓐᓄᑦ ᐅᕙᑦᑎᓐᓂ ᐃᑲᔪᖅᑎᖃᖅᑎᓪᓗᒋᑦ, ᖁᕕᐊᓱᑦᑎᐊᖅᑐᒍᑦ ᒪᓂᒪᑎᑦᑎᓂᕐᒥᑦ ᐋᖅᑭᒋᐊᖅᓯᓂᕐᒥᑦ ᐅᕙᑦᑎᓐᓂ ᐃᑲᔪᖅᑕᐅᑎᓪᓗᒋᑦ,” ᐅᖃᖅᑐᖅ ᑕᐃᕝ ᒍᕋᓐᑎ, ᐊᖓᔪᖅᑳᖅ ᐊᐅᓚᑦᓯᔨᒻᒪᕆᐅᓯᓐᓈᑦ.

WSCC Connect ᓴᖅᑭᑕᐅᔪᔪᖅ ᐅᑐᐱᕆ 2015ᒥ, ᐊᑐᐃᓐᓇᐅᑎᑦᑎᓂᕐᒥᑦ ᐅᑭᐅᖅᑕᖅᑐᕐᒥᐅᑕᓄᑦ ᓱᒃᑲᓕᔪᒥ, ᐊᑐᐃᓐᓇᐅᔪᒥ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐱᔨᑦᓯᕋᐅᑎᖏᓐᓂᒃ. ᑖᒃᑯᐊ ᓄᑖᖓᔫᒃ ᖃᕋᓴᐅᔭᒃᑯᑦ ᐱᔨᑦᓯᕋᐅᑎᑦ ᐃᓚᓕᐅᑎᔫᒃ ᓴᖅᑭᔮᕙᒌᖅᑐᓂ: ᐊᑭᓖᓂᕐᒧᑦ, ᕿᒥᕐᕈᐊᕐᓂᖅ ᖃᐅᔨᓴᕐᓂᕐᒧᑦ ᐊᑭᓕᐅᑎᓂ, ᑐᒃᓯᕋᐅᑎ ᑲᔪᓯᔪᓐᓇᕐᓂᕐᒧᑦ, ᐊᑎᓕᐅᕆᓂᖅ ᓇᒻᒥᓂᕆᔭᐅᔪᒧ, ᐊᒻᒪ ᐅᖃᐅᓯᖃᕐᓂᖅ ᐊᑦᑕᕐᓇᖅᑐᒥ ᐃᖅᑲᓇᐃᔭᖅᑎᑕᐅᓂᕐᒥᑦ.

WSCC Connect ᐊᑐᐃᓐᓇᐅᔪᖅ ᖃᓪᓗᓈᑎᑐᑦ ᐊᒻᒪ ᐅᐃᕖᑎᑐᑦ.

ᐅᐸᒍᑎᓂᐊᕐᓗᒍ WSCC Connect, ᐅᕗᖓᕐᓗᑎ wscc.nt.ca ᐅᕝᕙᓘᓐᓃᑦ wscc.nu.ca ᑖᓐᓇ ᓇᕿᓪᓗᒍ WSCC Connect ᒪᑉᐱᒐᐅᑉ ᖁᓛᓂ.

-30-

ᑭᒻ ᐅᐊᑯ
ᐊᐅᓚᑦᑎᔨ, ᑐᓴᐅᒪᔪᓕᕆᔨᒃᑯᑦ
ᐅᖃᓘᑖ: (867) 920-3846
ᐊᑭᖃᙱᑦᑐᖅ: (800) 661-0792 ᓇᕿᓪᓗᒋᑦ 3846

ᓇᓪᓕᐅᒃᑯᒫᓕᕆᔨᒃᑯᑦ ᒐᕙᒪᒃᑯᓐᓃᓪᓚᕆᙱᑐᐃᓐᓇᖅᐳᑦ ᒐᕙᒪᐅᒐᓗᐊᖅᖢᑎᒃ ᐱᓕᕆᐊᒃᓴᖃᖅᖢᑎᒃ ᐃᑲᔪᖅᓯᖃᑦᑕᕐᓂᕐᒥᒃ ᑖᒃᑯᓂᖓ ᐃᖅᑲᓇᐃᔭᖅᑎᓄᑦ ᓇᓪᓕᐊᒃᑯᒫᓕᕆᓂᕐᒧᑦ ᐱᖁᔭᕐᓂᒃ, ᕐᑳᖅᑕᔫᕐᓂᒃ ᐊᑐᕐᓂᕐᒧᑦ ᐱᖁᔭᕐᓂᒃ, ᐅᔭᕋᖕᓂᐊᕐᕕᖕᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᕐᓇᖅᑐᒦᑦᑕᐃᓕᓂᕐᒧᓪᓗ ᐱᖁᔭᐃᑦ, ᐊᓯᖏᓪᓗ ᑕᒪᑐᒧᖓ ᐊᒃᑐᐊᔪᑦ ᒪᓕᒋᐊᓕᖁᑎᖏᑦ. ᑲᑐᔾᔨᓪᓗᑕ, ᐱᓕᕆᖃᑎᒋᔭᕗᓪᓗ, ᑖᒃᑯᐊ (WSCC)-ᑯᑦ ᐃᑲᔪᖅᓯᖃᑦᑕᖅᐳᑦ 40,000-ᑲᓴᖕᓂᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ 4,000-ᓂᒃ ᐃᖅᑲᓇᐃᔭᖅᑎᑦᑎᔨᓂᒃ ᑕᒫᓂ ᓄᓇᑦᑎᐊᕐᒥ ᓄᓇᕗᒻᒥᓗ. ᐋᖅᑭᒍᔾᔨᓯᒪᕗᒍᑦ 3,000 ᐅᖓᑖᓂ ᓇᓪᓕᐅᒃᑯᒫᓂᒃ ᐱᔪᓐᓇᕐᓯᓚᐅᖅᑐᓂᒃ ᐊᒻᒪᓗ 1,000 ᐅᖓᑖᓂ ᖃᐅᔨᓴᖅᐸᒃᖢᑕ ᐊᕐᕌᒍᑕᒫᑦ ᐅᓗᕆᐊᓇᖅᑐᒦᖁᓇᒋᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᕕᒋᔭᐅᔪᓂ, ᑖᒃᑯᐊ (WSCC)-ᑯᑦ ᐊᔾᔨᒋᔭᐅᖏᑦᑐᑦ ᑲᓇᑕᓕᒫᒥ ᑖᒃᑯᐊᑐᐊᑦᑎᐊᖑᖕᒪᑕ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᐅᓪᓗᑎᒃ ᑲᓇᑕᒥ ᐃᖅᑲᓇᐃᔭᖅᑎᓕᒫᓂᒃ ᖃᓪᓗᓈᓂ ᐊᕕᒃᑐᖅᓯᒪᓂᕐᓂ ᐊᑐᓯᐅᖏᑦᑐᓂ ᐅᑭᐅᖅᑕᖅᑐᒥᓗ ᐊᕕᒃᑐᖅᓯᒪᓂᐅᔪᓂ. ᐅᐱᒍᓱᑦᑎᐊᕐᖢᑕ ᐃᑲᔫᑎᒃᓴᖃᖅᐳᒍᑦ ᑕᒪᐃᑎᒍᑦ ᐅᖃᐅᓯᖅᑎᒍᑦ ᐃᓕᓴᕆᔭᐅᓯᒪᔪᑎᒍᑦ ᐊᕕᒃᑐᖅᓯᒪᔪᓂ.