ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᒥᕐᕈᔪᑦ ᐊᑐᓕᖁᔭᐅᔪᓂᑦ ᐊᓪᓚᕕᖓᓂ ᐊᖏᔪᖅᑳᖓᑕ ᑐᖁᖓᔪᓕᕆᔨᒃᑯᑦ ᓄᓇᑦᓯᐊ

ᒫᑦᓯ 28 / 2018

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ: ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᕿᒥᕐᕈᔪᑦ ᐊᑐᓕᖁᔭᐅᔪᓂᑦ ᐊᓪᓚᕕᖓᓂ ᐊᖏᔪᖅᑳᖓᑕ ᑐᖁᖓᔪᓕᕆᔨᒃᑯᑦ ᓄᓇᑦᓯᐊ

ᔨᐊᓗᓇᐃᕝ, ᓄᓇᑦᓯᐊᖅ (ᒫᑦᓯ 28, 2018) – ᐅᓪᓗᒥ, ᐊᓪᓚᕕᖓ ᐊᖏᔪᖅᑳᖓᑕ ᑐᖁᖓᔪᓕᕆᔨᒃᑯᑦ ᓄᓇᑦᓯᐊᒥ ᓴᖅᑭᑎᑦᑎᖅᑲᐅᔪᑦ ᐅᓂᒃᑳᖏᓐᓂ ᖃᐅᔨᓴᖅᑕᐅᓂᖓᓄᑦ ᐃᓅᒍᓐᓃᕐᓂᖓᓄᑦ ᑕᐃᕕᑦ ᔮᓐ ᕕᓂᑰᒻ, ᐊᑐᓕᖁᔭᓕᐅᖅᑐᑎ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ (WSCC).

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᒫᓐᓇᐅᔪᒥᑦ ᕿᒥᕐᕈᕙᓪᓕᐊᔪᑦ ᐊᑐᓕᖁᔭᓕᐅᖅᑕᐅᔪᓂᑦ ᓇᓗᓇᐃᖅᑕᐅᓗᓂ ᖃᓄᐃᓕᓯᒋᐊᓂᕐᒧᑦ ᓯᕗᒧᒋᐊᓂᕐᒧᑦ. ᐱᔾᔪᑎᒋᔭᖓ ᐊᖏᔪᖅᑳᖓ ᑐᖁᖓᔪᓕᕆᔨ ᐊᑐᓕᖁᔭᓕᐅᖅᑕᖏᑦ ᐋᓐᓂᖅᑐᑲᒃᑲᓐᓂᖁᓇᒍ ᐅᕝᕙᓘᓐᓃᑦ ᐃᓅᔪᓐᓃᖅᑐᖁᖃᖁᓇᒍ ᖃᓄᐃᓕᓂᐅᔪᓂᑦ ᐊᔾᔨᐸᓗᖏᓐᓂᑦ.

“ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᒃᑯᑦ ᐃᖅᑲᓇᐃᔭᐃᓐᓇᖃᑦᑕᖅᑐᑦ ᐱᐅᓯᑎᒋᐊᖅᑕᐅᓗᓂ ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᑎᑦᑎᓂᕐᒧᑦᐃᖅᑲᓇᐃᔭᖅᑎᑦᑎᔪᓄᑦ ᐊᒻᒪ ᐃᖅᑲᓇᐃᔭᖅᑎᓄᑦ,” ᐅᖃᖅᑐᖅ ᑕᐃᕝ ᒍᕋᓐᑎ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᖏᔪᖅᑳᖅ ᐊᒻᒪ ᐊᓪᓚᕕᒻᒥ ᐊᖏᔪᖅᑳᖅ. “ᖃᓄᐃᓕᒋᐊᕐᕕᔅᓴᖅᑕᖃᐃᓐᓇᖅᑐᖅ ᐃᖅᑲᓇᐃᔭᕐᕕᐅᔪᓂᑦ ᐊᑦᑕᓇᐃᖅᓯᒪᓗᓂ ᑭᒃᑯᓕᒫᓄᑦ, ᐊᒻᒪ ᑕᐃᒪᐃᓐᓂᖓᓄᑦ ᖁᔭᓐᓇᒦᖅᑕᕗᑦ ᐊᖏᔪᖅᑳᖓ ᑐᖁᖓᔪᓕᕆᔨ ᑖᒃᑯᓄᖓ ᐊᑐᓕᖁᔭᓕᐅᖅᑕᐅᔪᓄᑦ.”

ᐅᓂᒃᑳᓕᐊᖑᔪᑦ ᖃᓄᐃᓕᓂᐅᓚᐅᖅᑐᒥᑦ ᔫᓂ 28, 2016 ᐃᖅᑲᓇᐃᔭᖅᑎᐅᔪᑦ ᑕᐃᕕᑦ ᔮᓐ ᕕᓂᑰᒻ, ᐃᓅᔪᓐᓃᖅᑐᓂ ᐋᓐᓂᓚᐅᕐᓂᖓᓄᑦ ᐃᖅᑲᓇᐃᔭᕐᕕᐅᔪᒥᑦ ᖃᓂᒋᔭᖓᓂ ᐃᓅᕕᒃ, ᓄᓇᑦᓯᐊᖅ.

ᑕᖅᑭᐅᓚᐅᖅᑐᒥᑦ,ᐋᓚᓐ ᐱᔨᑦᑎᕋᖅᑏᑦ ᐊᒻᒪ ᑳᓐᑐᕌᖅᑏᑦ ᑎᒥᖓ (ᕕᓂᑰᒻ ᐃᖅᑲᓇᔭᖅᑎᑦᑎᔨᖓ) ᐃᖅᑲᖅᑐᐃᕕᑎᒍᑦ ᐊᑭᓖᒋᐊᖅᑎᑕᐅᓚᐅᖅᑐᑦ $100,000-ᓂ ᐃᖅᑲᓇᐃᔮᖑᔪᒥᑦ ᓈᒻᒪᑦᑐᒥᑦ ᐊᒻᒪ ᐱᔪᓐᓇᑎᐊᖅᑐᒥᑦ ᑲᒪᖏᑦᑎᐊᖏᓐᓂᖏᓐᓄᑦ, ᓯᖁᒥᑦᑎᓂᐅᔪᖅ ᐃᓚᖓ 16(1)(a) ᐅᑯᓂᖓ ᐃᖅᑲᓇᐃᔭᖅᑐᓕᕆᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ (OHS) ᒪᓕᑦᑕᐅᔭᕆᐊᓖᑦ.

-30-

ᔮᑭᓖᓐ ᒨ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐅᖄᓚᐅᑎᖓ: (867) 920-3829
ᐊᑭᖃᖏᑐᒃᑯᑦ: 1 (800) 661-0792 ᐃᓚᒍᑕᖓ 3829