ᐊᕐᕌᒍᑕᒫᖅ ᑕᕆᔭᐅᓯᐅᕐᓂᕐᒧᑦ ᐱᒡᒎᖕᓂᖅ

ᐊᕐᕌᒍᑕᒫᖅ ᑕᕆᔭᐅᓯᐅᕐᓂᕐᒧᑦ ᐱᒡᒎᖕᓂᖅ

2018 ᑕ ᑕᕆᔭᐅᓯᐅᕐᓂᕐᒧᑦ ᐱᒡᒎᖕᓂᖅ ᐅᒃᑯᐃᖓᓕᖅᑐᖅ ᑐᓂᐅᑎᖃᕐᓂᕐᒧᑦ!

ᐱᓕᕆᔩᑦ ᐊᑦᑕᓇᖅᑐᖃᙱᑦᑐᒥᑦ ᐊᒪᓗ ᐊᑭᓕᖅᑕᐅᓂᖏᓐᓄᑦ ᑲᑐᔾᔨᖃᑎᒌᑦ-ᑯᑦ ᐊᐅᓚᑦᑎᖃᑦᑕᖅᑐᑦ ᑖᑉᓱᒥᙵᑦ ᐊᕐᕌᒍᑕᒫᑦ ᐊᑦᑕᓇᖅᑐᒦᖏᓐᓂᕐᒧᑦ ᑕᕆᔭᐅᓯᐅᕐᓂᕐᒧᑦ ᐱᒡᒎᑎᑦᑎᓂᕐᒥᒃ ᐱᔾᔪᑎᑉᓗᒋᑦ ᑲᓇᑕᒥᑦ ᐱᓕᕆᐊᓕᖕᓂᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᐊᒪᓗ ᐊᑦᑕᓇᖅᑐᖃᙱᑦᑐᓕᕆᔨᒃᑯᑦ (CCOHS).  ᐱᓕᕆᔩᑦ ᐊᑦᑕᓇᖅᑐᖃᙱᑦᑐᒥᑦ ᐊᒪᓗ ᐊᑭᓕᖅᑕᐅᓂᖏᓐᓄᑦ ᑲᑐᔾᔨᖃᑎᒌᑦ-ᑯᑦ ᐋᕿᒃᓱᐃᖃᑦᑕᖅᑐᑦ ᐊᐅᓚᑦᑎᑉᓗᑎᒡᓗ ᐅᑭᐅᖅᑕᖅᑐᒥᑦ ᐱᒡᒎᓐᓂᕐᒥᑦ ᓄᓇᑦᑎᐊᕐᒥᑦ ᐊᒪᓗ ᓄᓇᕗᒻᒥᑦ.  ᓵᓚᒃᓴᖅᑐᑦ ᐅᑭᐅᖅᑕᖅᑐᒥᑦ ᐱᒡᒎᓐᓂᕐᒥᑦ ᓯᕗᒻᒧᖕᓂᐊᖅᑐᑦ CCOHS-ᑯᑦ ᐋᕿᒃᓱᖅᑕᖓᓐᓄᑦ ᑲᓇᑕᒥᑦ ᑭᖑᓪᓕᖅᐹᒧᑦ ᐆᒃᑐᖅᑐᓄᑦ.

2018-ᒥᑦ ᑐᓂᐅᑎᖃᕐᓂᕐᒧᑦ ᑭᒡᓕᒋᔭᐅᔪᖅ: ᐅᓪᓗᑐᐃᓐᓇᖅ, ᐄᐳᕆ 1, 11:59-ᒧᐊᖅᐸᑦ ᐅᓐᓄᒃᑯᑦ ᕿᑎᕐᒥᐅᑦ ᖃᐅᔨᓴᐃᑎᖓᑦ ᒪᓕᒡᓗᒍ

ᒪᓕᒐᐃᑦ ᐊᒪᓗ ᑐᑭᓯᐅᒪᔾᔪᑎ ᑎᑎᖅᑲᖅ
ᐃᓚᐅᖃᑕᐅᔾᔪᑎ ᑕᑕᑎᕆᐊᓕᒃ
ᓴᓂᕋᕐᒧᐊᖅᑐᒃᓴᖅ

ᑭᑐᑦ ᐊᔪᙱᓚᑦ?

ᐱᒡᒎᑎᑦᑎᓂᖅ ᐅᒃᑯᐃᖓᔪᖅ ᓄᓇᑦᑎᐊᕐᒥᑦ ᓄᓇᕗᒻᒥᓗ ᖁᑦᑎᖕᓂᖅᓴᒥᑦ ᐊᒻᒪᓗ ᒪᒃᑯᒃᑐᓄᑦ ᑲᑐᔾᔨᖃᑎᒌᖑᔪᓄᑦ ᐃᓕᓐᓂᐊᖅᑎᓗᒃᑖᓄᑦ ᖁᑦᑎᖕᓂᓖᑦ 9-12. ᐊᑐᓂ ᑲᑎᕐᒪᔪᑦ ᐱᔾᔪᔾᔨᔨᖃᕆᐊᖃᖅᑐᑦ ᐃᓕᓐᓂᐊᖅᑎᑦᑎᔨᒥᒃ ᖁᑦᑎᖕᓂᖅᓴᒥᑦ ᐃᓕᓐᓂᐊᕐᕕᖓᓐᓂᑦ/ᖃᑐᔾᔨᖃᑎᒌᖑᔪᓄᑦ ᖃᐅᔨᓴᐃᔨᐅᓗᓂ ᑲᑎᕐᒪᔪᓂᑦ.

ᓱᓇᒥᒃ ᑕᕐᕆᔭᐅᓯᐊᕋ ᐱᔾᔪᑎᖃᕆᐊᖃᖅᐸ?

ᐱᔾᔪᑕᐅᔭᕆᐊᖃᖅᑐᖅ ᐅᑭᐅᖑᔪᖅ #ᑕᐅᑐᒐᖃᕐᓗᓂᐊᑦᑕᓇᖅᑐᒦᖏᓐᓂᕐᒥᒃ, ᑕᕐᕆᔭᐅᓯᐊᖅ ᑕᐃᒪᓐᓇᐃᑦᑑᔭᕆᐊᖃᖅᑐᖅ, ᐃᓱᒪᖅᓱᖅᑐᑎᑦ!  ᐱᒻᒪᕆᒃᑐᑑᕐᓗᓂ, ᑎᑎᕋᐅᔭᖅᓯᒪᓗᓂ, ᓄᖅᑲᖅᑕᕐᓗᓂ ᑕᕐᕆᔭᐅᑎ, ᐅᕙᓘᓃᑦ ᑎᑕᒃᑑᓗᑎᒃ – ᐃᓱᒪᒃᓴᖅᓯᐅᕈᑎᒋᓗᒍ ᖃᓄᑐᐃᓐᓇᖅ.

ᑕᕐᕆᔭᐅᓯᐅᕐᓂᐊᕈᕕᑦ ᓇᖕᒥᓂᖅ ᐃᓱᒪᒋᔭᕐᓂᑦ, ᐃᓕᖕᓂᒃ ᐊᐱᕆᓗᑎᑦ ᐆᒥᙵᑦ: ᖃᓄᖅ ᐱᓕᕆᖃᑦᑕᖅᑐᑦ ᐊᒪᓗ ᐱᓕᕆᕝᕕᐅᔪᑦ ᐃᑲᔪᐃᔪᖕᓇᖅᐸᑦ ᓴᖅᑭᑦᑎᓂᕐᒥᒃ ᐊᑦᑕᓇᖅᑐᖃᙱᓐᓂᖅᓴᐅᔪᒥᒃ ᐱᓕᕆᕝᕕᖕᒥᑦ ?

ᐅᑭᐅᖅᑕᖅᑐᖅ ᐊᖏᔪᐊᓘᔪᖅ ᓄᓇ ᐊᒥᓱᓂᒃ ᐊᔾᔨᒌᖏᑦᑐᓂᒃ ᐱᓕᕆᕝᕕᒡᔪᐊᖃᖅᖢᑎᒃ.  ᐅᔭᕋᖕᓂᐊᖅᑐᓕᕆᓂᕐᒦᒃᑲᓗᐊᕈᕕᑦ, ᓂᐅᕕᐊᒃᓴᖃᖅᑐᒥᑦ, ᓂᕿᓂᒃ ᐱᔨᑦᑎᕋᐃᓂᕐᒥᒃ, ᒪᖃᐃᓐᓂᕐᒥᒃ/ᑮᔭᖃᑦᑎᐊᕐᓂᕐᒥᒃ/ᐃᖃᓗᒃᓯᐅᕐᓂᕐᒥᑦ, ᐃᒡᓗᕐᔪᐊᓕᐅᕐᓂᕐᒥᑦ, ᐅᕙᓘᓃᑦ ᓇᖕᒥᓂᖅ-ᐱᓕᕆᔨᒋᑉᓗᑎᑦ, ᐱᓕᕆᐊᒃᓴᕆᔭᐃᑦ ᐃᑲᔪᐃᓂᖅ ᓴᖅᑭᑦᑎᓂᕐᒧᑦ ᐊᒪᓗ ᐱᓕᕆᐊᕆᓗᒍ ᐅᑭᐅᖅᑕᖅᑐᒥᑦ ᐊᑦᑕᓇᖅᑐᖃᙱᑦᑐᒦᓐᓂᕐᒧᑦ ᐱᖅᑯᓯᖃᕐᓂᕐᒥᒃ.  ᑕᑯᑎᑎᒍᑦ ᖃᓄᖅ ᐊᑦᑕᓇᖅᑐᖃᙱᑎᑦᑎᓂᖅ ᐱᓕᕆᐊᕆᖕᒪᖔᕐᓂ!

ᖃᓄᖅ ᑐᓂᐅᑎᒋᓇᔭᖅᐸᕋ ᐆᒃᑐᖅᑕᕋ?

a) ᖃᕆᑕᐅᔭᒃᑯᑦ ᑐᓂᐅᑎᒋᓗᒍ ᑕᕐᕆᔭᐅᑏᑦ YouTube-ᒧᑦ ᐊᒪᓗ ᑎᑎᖅᑲᑎᒍ ᑕᑕᑎᖅᓯᒪᔪᖅ ᐆᒃᑐᕐᓂᕆᔭᐃᑦ ᑕᑕᑎᕆᐊᓕᒃ (ᐅᕙᓂ) ᐊᒪᓗ ᑕᕆᑕᐅᑎᒥᒃ ᑐᓂᓯᔾᔪᑎ ᐱᓕᕆᔩᑦ ᐊᑦᑕᓇᖅᑐᖃᙱᑦᑐᒥᑦ ᐊᒪᓗ ᐊᑭᓕᖅᑕᐅᓂᖏᓐᓄᑦ ᑲᑐᔾᔨᖃᑎᒌᑦ-ᑯᓐᓄᑦ ᐱᒡᒎᑎᑦᑎᓂᕐᒧᑦ ᑐᑭᒧᐊᒃᑎᕆᔨᒧᑦ ᐅᕗᖓ

VideoContest (@) wscc.nt.ca

ᐅᕙᓘᓃᑦ

b) ᐊᐅᓚᖅᑎᓪᓗᒍ ᑕᕐᕆᔭᐅᑎ ᕿᑉᓕᖅᑑᔭᒥᑦ, ᑕᕆᔭᐅᑎᒥᑦ ᕿᑉᓕᖅᑑᔭᒥᑦ, ᐅᕙᓘᓃᑦ ᖃᕆᑕᐅᔭᒧᑦ ᐊᑐᖅᑕᐅᓲᒧᑦ ᐊᒪᓗ ᑎᑎᖅᑲᑎᒍᑦ ᐊᐅᓚᖅᑎᓪᓗᒍ ᐅᕗᖓ ᐱᓕᕆᔩᑦ ᐊᑦᑕᓇᖅᑐᖃᙱᑦᑐᒥᑦ ᐊᒪᓗ ᐊᑭᓕᖅᑕᐅᓂᖏᓐᓄᑦ ᑲᑐᔾᔨᖃᑎᒌᑦ ᐱᒡᒎᑎᑦᑎᓂᕐᒧᑦ ᑐᑭᒧᐊᒃᑎᑦᑎᔨᒧᑦ ᐅᕗᖓ:

#FocusOnSafety Video Contest
Workers’ Safety and Compensation Commission
Centre Square Tower, 5th Floor
5022 49th Street
Box 8888
Yellowknife, NT  X1A 2R3

ᓱᓇᐅᕙᑦ ᐱᑖᒃᓴᐃᑦ?

ᐅᑭᐅᖅᑕᖅᑐᒥᑦ ᐱᒡᒎᖕᓂᖅ (ᓯᕗᓪᓕᖅᐹᑦ ᐆᒃᑐᖅᑐᑦ)
$1000 ᓯᕗᓪᓕᖅᐹᐅᔪᒧᑦ ᑕᕆᔭᐅᓯᐅᖅᑐᓄᑦ ᑲᑎᕐᒪᔪᓄᑦ ᐅᕝᕙᓘᓐᓃᑦ ᐊᑕᐅᓯᕐᒧᑦ ᓄᓇᑦᑎᐊᕐᒥᑦ/ᓄᓇᕗᒻᒥᑦ ᐱᒡᒎᓐᓂᕐᒧᑦ.
$1000 ᐊᔾᔨᖓᓂᒃ ᐱᑖᕐᓗᓂ ᓵᓚᒃᓴᖅᑐᓄᑦ ᑲᑎᕿᒪᔪᓂᒃ ᐱᔾᔪᔾᔨᔪᑦ ᐃᓕᓐᓂᐊᕐᕕᒃ/ᖃᑐᔾᔨᖃᑎᒌᖑᔪᓄᑦ.

ᑲᓇᑕᓗᒃᑖᕐᒥᑦ ᑭᖑᓪᓕᖅᐹᑦ (ᑭᖑᓪᓕᖅᐹᓕᐊᑦ ᐆᒃᑐᖅᑐᓂᒃ)
ᓵᓚᒃᓴᖅᑐᖅ ᓄᓇᑦᑎᐊᕐᒥᑦ/ᓄᓇᕗᒻᒥᑦ ᑕᕐᕆᔭᐅᓯᐊᖅ ᓯᕗᒻᒧᖕᓂᐊᖅᑐᖅ ᑲᓇᑕᒥᑦ ᑭᖑᓪᓕᖅᐹᓄᑦ.  ᑕᐃᑲᓂ, ᐱᕕᖃᕐᓂᐊᖅᑐᑦ ᓵᓚᒃᓴᕈᓯᐊᒃᑲᓐᓂᕐᒥᒃ ᓯᕗᓪᓕᖅᐹᖅ $2000.  ᑐᒡᓕᐊ $1500, ᐊᒪᓗ ᐱᖓᓱᖓᑦ $1000-ᑖᕐᓗᓂ.
ᐊᑐᓂ ᑐᒡᓕᐊᓂ ᓵᓚᒃᓴᕈᓯᐊᕐᓗᑎᒃ ᐃᓕᓐᓂᐊᕐᕖᑦ/ᒪᒃᑯᒃᑐᓄᑦ ᑲᑐᔾᔨᖃᑎᒌᖑᔪᓄᑦ ᐊᔾᔨᖏᓐᓂᒃ ᓵᓚᒃᓴᕈᓯᐊᖅᑕᐅᔪᓂᒃ ᑲᑎᓗᒃᑖᖅᖢᒋᑦ ᐱᑖᖑᔪᑦ ᐃᓄᑐᐃᓐᓇᒧᑦ ᐅᕝᕙᓘᓐᓃᑦ ᑲᑎᕐᒪᔪᓄᑦ ᐃᓕᓐᓂᐊᖅᑎᓄᑦ.

ᖁᙱᐊᖅᑎᓄᑦ ᐊᓕᐊᓇᐃᒋᓛᕆᔭᐅᔪᖅ ᑕᕐᕆᔮᒃᓴᖅ ᓵᓚᒃᓴᖅᑐᖅ
ᑕᒪᓐᓇ ᑲᓇᑕᓕᒫᒧᑦ ᑭᓯᐊᓂ ᓵᓚᖃᕋᓱᐊᕐᓂᕐᒧᑦ ᑐᕌᖓᔪᖅ. ᑲᓇᑕᒥᐅᑦ ᑕᕐᕆᔭᕈᓐᓇᖅᑐᑦ ᓂᕈᐊᕐᓗᑎᓗ ᐊᓕᐊᓇᐃᒋᓛᕆᔭᒥᓂᒃ ᑕᕐᕆᔮᒃᓴᒥᒃ. ᓂᕈᐊᕐᓂᖅ ᐊᓕᐊᓇᐃᒋᓛᕆᔭᐅᔪᒧᑦ ᖃᕋᓴᐅᔭᒃᑰᖓᓛᖅᑐᖅ ᐱᒋᐊᕐᓗᓂ ᕿᑎᖅᑰ, ᐄᐳᕈ 26-ᒥ, ᕿᑎᖅᑰ, ᒪᐃ 3-ᒧᑦ, 2018-ᒥ.
ᓵᓚᒃᓴᖅᑐᖅ ᖁᕕᐊᒋᔭᐅᓛᖅ ᑕᕐᕆᔭᐅᑎᒧᑦ $1000-ᑖᕐᓂᐊᖅᑐᖅ. ᐊᔾᔨᖓᓂᒃ ᐱᑖᖅᑐᖃᔾᔮᖏᑦᑐᖅ ᐃᓕᓐᓂᐊᕐᕕᖕᓄᑦ/ᒪᒃᑯᒃᑐᓄᑦ ᑲᑐᔾᔨᖃᑎᒌᖑᔪᓄᑦ ᖁᕕᐊᒋᔭᐅᓛᒧᑦ ᑎᓂᔭᐅᔪᒧᑦ.

ᖃᑯᒍ ᓵᓚᒃᓴᖅᑐᑦ ᐅᖃᐅᓯᐅᓂᐊᖅᐸᑦ?
ᐱᓕᕆᔩᑦ ᐊᑦᑕᓇᖅᑐᖃᙱᑦᑐᒥᑦ ᐊᒪᓗ ᐊᑭᓕᖅᑕᐅᓂᖏᓐᓄᑦ ᑲᑐᔾᔨᖃᑎᒌᑦ-ᑯᑦ ᖃᐅᔨᑎᑦᑎᓂᐊᖅᑐᑦ ᐄᐳᕆ 10, 2018-ᒥᑦ ᐅᑭᐅᖅᑕᖅᑐᒥᑦ ᐱᒡᒎᒃᑐᓄᑦ.
ᑲᓇᑕᒥᑦ ᐱᒡᒎᒍᑕᐅᔪᒥᒃ ᐋᕿᒃᓱᐃᔪᑦ ᖃᐅᔨᑎᑦᑎᓂᐊᖅᑐᑦ ᓵᓚᒃᓴᖅᑐᓂᒃ ᑲᑎᕐᒪᔪᓂᑦ ᒪᐃ 4, 2018-ᒥᑦ ᑲᓇᑕᒥᑦ ᑭᖑᓪᓕᖅᐹᒃᑯᑦ ᐱᒡᒎᖕᓂᕐᒧᑦ.
CCOHS-ᑯᑦ ᖃᐅᔨᑎᑦᑎᓂᐊᖅᑐᑦ ᖁᕕᐊᒋᔭᐅᓛᒥᒃ ᓵᓚᒃᓴᖅᑐᒥᑦ ᒪᐃ 4, 2018−ᒥᑦ.

ᑕᑯᔪᒪᕖᑦ ᐊᕐᕌᓂ ᓵᓚᒃᓴᐅᑕᐅᓚᐅᖅᑐᓂ ᐃᓯᕈᑎᓃᑦ?
ᕿᒥᕐᕈᓗᒍ ᓄᓇᑦᓯᐊᕐᒥ/ᓄᓇᕗᒻᒥ 2017-ᒥ ᓵᓚᖃᖅᑐᕕᓂᕐᓂ ᑕᕐᕆᔭᓕᐊᖑᔪᓂᑦ ᓇᕿᒍᒃ ᐅᕘᓇ.
ᕿᒥᕐᕈᓂᕐᒧᑦ 2017-ᒥ ᓵᓚᖃᖅᑐᓂ ᑕᕐᕆᔭᓕᐊᓂᑦ ᑲᓇᑕᒥ ᐱᔪᓐᓇᕐᓂᖃᕐᕕᒋᔭᖓᓐᓂᑦ ᓇᕿᒍᒃ ᐅᕘᓇ.

ᐃᑲᔪᖅᑕᐅᑉᓗᑎᒃ ᑲᓇᑕᒥᑦ ᐱᓕᕆᐊᓕᖕᓂᑦ ᐋᓐᓂᐊᖃᖅᑕᐃᓕᒪᔪᓕᕆᔨᒃᑯᑦ ᐊᒪᓗ ᐊᑦᑕᓇᖅᑐᖃᙱᑦᑐᓕᕆᔨᒃᑯᑦ (CCOHS).